Ɛfesɔ̀ 4:17 - WƆŊ FƐ̀Ì EBÒ SÌÀŊ DAYÀA

¹⁷ Mìŋ yààìŋ fèe sùà e gòo e dèè Kanaà sùà, wèè naŋ hɔ̀ànè nɔ̀ŋ maŋ nyiiŋ gèeiŋ màŋ sùà mààŋ anyùùŋ nyaŋ fè àŋ Juùù nyaŋ, aŋ yè nyaŋ maŋ gòngo nyiŋ màŋ yaà maŋ foo miŋ lɛ̀.

Ɛfesɔ̀ 4:17 ပူးပေါင်းရင်းမြစ်များ

Luù 16:28

Kòò mìŋ kuwao aŋ wùìyà nyùùŋ nɔɔnɔŋ. Wòouŋ wo ka wo kiɛ̀ŋ nyiŋ e goò wèè kɛ̀ aŋ go nàŋ hnè koɓɛ̀ keì nyìnga yaà.’

Nyɛ̀nɛ̀ŋ 14:15

“Wèè kiɛ̀ŋ nìŋ yaà tɛɛ̀ nyinie? È yààìŋ anyuùŋ kpùuŋ mààŋ nyɛ̀iŋ bi. È yààìŋ kià wèè eiŋ dàànè Ebò Siaàŋ, wèè naŋ gè manɛ̀ŋ foofòò mɛɛ̀ŋ kùàŋ sùà naŋ kìlà koɓɛ̀ wo Dàyà nyiiŋ gèeɔ̀, wuŋ naŋ bànè ko àìjɛnɛ̀ŋ, e dììɛ e ɗuunyaàŋ yaà wɔŋ juwoɔ̀, e hààwè manɛ̀ŋ maŋ gbiŋ yaà miìŋ ko sùà maŋ.

Nyɛ̀nɛ̀ŋ 18:5

Kɛɛ nààŋ wo Silà yaà wo Timetè naŋ kɛ̀ɛ̀ maŋjɛ̀wɛ e yìwìà ko Mɛ̀sèdonià, e tòmò Pɔɔ̀ɛ wò yaà wa nyinie lɛ̀ nàŋ yaà ke mìè gbìàŋ Dayàa gbòa koɓɛ̀ aŋ Juùù nyaŋ, kɛ̀ wo Jisɛ̀ nàŋ yaà wo Kulaìɔ wo Dayà naŋ tàeɗùù wɔ wèè wo hìàŋ e jòèye koɓɛ̀ anyùùŋ nyaŋ e ɗuunyaàŋ.

Nyɛ̀nɛ̀ŋ 2:40

Wo Pììlɛ naŋ nyiŋ kìɛ̀ŋ maŋ mìè gòo zimgbe e kìlà wò naŋ nyiŋ dawè yèè wò naŋ nyiŋ kiɛ̀ŋ maŋ jii nyingè wààŋ, “Jòèyeìŋ nyɛ̀iŋ bi e yìwìà e keì nyìnga gbeeɛ̀ yaà hìnìè anyùùŋ maŋ tùwo naanààŋ nyaŋ diɛŋ lɛ̀.”

Nyɛ̀nɛ̀ŋ 20:21

Mìŋ naŋ wòò aŋ Juùù yèè anyùùŋ nyaŋ fè àŋ Juùù nyaŋ kɛ̀ aŋ fè maŋ tùwo naanààŋ nyiŋ màŋ jɛwɛ wèè aŋ kìlà koɓɛ̀ Dayài yèè aŋ kɛɛnɛ̀ŋ hààwe wo Kana wiɔ̀ Jisɛ̀ sùà.

Luùm 1:21

Àŋ nyìmàŋ wo Dayà, kɛɛ aŋ fòuŋ kìɛ̀ŋ è ɓɛ̀ɛ̀jàa ɔ̀ɔ̀ auŋ gè sɛ̀. Maŋ gòngo nyiŋ màŋ yaà wèè foo, yèè maŋ jiikɛ̀ɛ gò kɛɛnɛ̀ŋ nyiŋ màŋ naŋ nyɛ̀nɛ̀ŋ àŋ nɔ̀ŋ ke nyìwì sùà.

1 Kɔliìŋ 1:12

Tɔ̀ miŋ woò niŋ e ɗewe kii lɛɛ̀ sùa, nyɛ̀iŋ nààŋ gbiŋ nìŋ yaà gbuuye gbàgbà. Wo nyùnɔ̀ɔŋ bà wààŋ, “Wo Pɔɔ̀ mìŋ yaà maŋjɛ̀wɛ.” Wo bàa wààŋ, “Wo Àpolò mìŋ yaà maŋjɛ̀wɛ.” Wo bà wààŋ, “Wo Sifɔ̀ mìŋ yaà maŋjɛ̀wɛ,” yèè wo bà wààŋ, “Wo Jisɛ̀ Kulaì mìŋ yaà maŋjɛ̀wɛ.”

1 Kɔliìŋ 15:50

Nyɛ̀iŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ nàŋ yaà kɛ̀, e nɛ̀ɛŋ gbiŋ wo Dayà naŋ bàànè maŋ kèìŋ yaà maŋ sɛ̀ìŋ nɛ, e fè nɔ̀ŋ bàiŋbà è Kànà Dayàa sùà, yèè e yèɛ è fà lɛ, e fè kɛ̀ɛ̀nɛ̀ŋ è yèɛ jeeyà wèè julɔfɔ lɛ̀.

2 Kɔliìŋ 9:6

Jàaìŋ jii kɛ̀ wo nyùnùɔŋ naŋ nyùɔ̀ŋ manɛ̀ŋ je jɔa wɔ̀, wò do nàŋ kpàà manɛ̀ŋ je jɔa, wo yèɔ naŋ nyùɔ̀ŋ zimgbe wɔ̀, wò do nàŋ kpàà manɛ̀ŋ je zimgbe.

Gàla 3:17

E yèɛ mìŋ yaà woo lɛ̀ nàŋ yaà kɛ̀, ke Sàwàa fè ɓɛ̀nɛ̀ŋ vɔ̀ɔ̀nɔŋ ɔ̀ɔ̀ ke gè ɗààhìì e mìèsùàgùùŋ Dayàa dao wò naŋ wa banè maŋ doa hɔ̀nɔ̀ɔ̀ tiinàŋ kpɛ̀ùŋ jɛ̀wɛ̀ zììyà (430), yèèngàà paŋ wò naŋ wa kìɛ̀ŋ ke Sàwàa lɛ̀.

Gàla 5:3

Mìŋ yààìŋ fè sùà e gòo lɛɛ̀, wo nyùnɔ̀ɔ̀ŋ naŋ nyimèè wèè auŋ jàà kpùà wɔ̀, sɔɔ̀ wo jɔ̀ɔ̀lɔ̀ ke Sàwàa gbiŋ dìì.

Ɛfesɔ̀ 1:22

Wo Dayà naŋ kìɛ̀ŋ wo Jisɛ̀ Kulaì e gààŋ manɛ̀ŋ maŋ gbiŋ diɛŋ, yèè wèè e tɛ̀ɛ̀tɛ̀ɛ̀ ke gbòò anyuùŋ hààwe nyàŋ wò nauŋ nyɛ̀nɛ̀ŋ wo sìèfeìŋ wèè manɛ̀ŋ maŋ gbiŋ.

Ɛfesɔ̀ 4:22

Àŋ naiŋ woò kɛ̀ maŋ ɗèwè e ɓàaɓàa màŋ nìŋ kuwa màŋ, doiŋ nàŋ pɔ̀ɔ̀pɔ̀ɔ̀ e wèètii gèeìŋ kùàŋ wɔŋ nyiiŋ gèe gɔuiŋ nɔɔ̀ŋ sùà, yàà maŋ kpèè naanààŋ wuŋ màŋ gbiŋ.

Kòlo 2:18

Ɓɔ̀ nìŋ nyimèè wèè wò nyùùŋ gbiŋ woiŋ jèè keì, wo yèɔ naŋ tɔɔ̀ kɛ̀ wò yaà nyùùŋ sɛmɛmaŋ, esaɓù maŋ gɔa gòo titi yaà aŋ yè nyaŋ tɔɔ̀ kɛ̀ àŋ yaà tɛ̀ɛ̀ e kèè Dayàa sùà e kìlà àŋ zoolà aŋ màikà. Nààŋ aŋ kuwà èsaɓù bà lɛ, maŋ keì nyɛ̀nɛŋ nyiŋ miiŋ yaà nɔŋ e ɓàaɓàa esaɓù kɛ̀ maŋ gòngo nyiŋ màŋ yaà nɔŋ e ɗewe kiiɛ̀ anyuùŋ kpùuŋ gongà lɛ.

Kòlo 2:4

Tɔ̀ miŋ woòiŋ, ɓɔ̀ nìŋ nyimèè wèè wò nyùùŋ gbiŋ wò doiŋ zùùwò màŋ mìè gbòa ɓuuyè, miŋ gò kpɛɛ̀ŋ diè kè naŋ ɓuuyè.

1Tɛsè 4:6

E keì lɛɛ̀ sùà, e fèèmàŋ felaa yaà jɔùŋ, wo bà gbiŋ ɓɔ̀ wò kaaɓì àŋ wùìya hààwè Dayà dàwiuŋ nyàŋ ɔ̀ɔ̀ wo nyiŋ nììngè fɛ̀ɛ̀. Èiŋ wa tɛɛ̀ woò gɔu, yèè è yààìŋ fè sùà e gòo nyìnga esaɓù kɛ̀ wo Kanaà Jisɛ̀ do nàŋ ngàìnɓù anyùùŋ nyaŋ nyɛnɛŋ maŋ keì miiŋ nyàŋ.

1Time 5:21

Ko fɛ̀ɛ̀fèìŋ Dayài yèè wo Jisɛ̀ Kulaì yaà aŋ màìkà nɛɛmaŋ tàeɗùù nyaŋ, mìŋ yààìŋ dàwe sùà wèè naŋ jɔ̀ɔ̀lɔ̀ maŋ keì wòo mɛɛ̀ŋ dìì e yèɛ fè hìàŋ è nyànge wèè è nɛ̀ɛ̀ŋ mùŋ naŋ nyɛ̀nɛ̀ŋ lɛ.

1Time 6:13

Ko fɛ̀ɛ̀fèìŋ Dayài, wo yèɔ kiɛ̀ŋ wɔŋ nyiiŋ gèe koɓɛ̀ manɛ̀ŋ maŋ gbiŋ wɔ̀, yèè ko fɛ̀ɛ̀fèìŋ Jisɛ̀ Kulaì, wo yeɔ̀ naŋ fè ke mìè seì janjai ko fɛ̀ɛ̀fèìŋ Pɔuŋtiɔ̀ Paalèi e nyààìŋ dè e hààweuŋ nɛ̀ wɔ, mìŋ yààùm wòò sùà

2Time 4:1

Ko fɛ̀ɛ̀fèìŋ Dayài yaà wo Jisɛ̀ Kulaì, wo yèɔ do naŋ gbàì anyùùŋ nyaŋ yaà wɔŋ nyiiŋ gèeɔ̀ sùà yèè aŋ yè nyaŋ naŋ fɔ̀ nyaŋ, yèè nààŋ wò yaà hinie e kanauŋ nɛ̀ sùà mààŋ wo Kana lɛ̀, mìŋ yààùm woo,

1Pììlɛ 1:18

Nàŋ nyìmàŋ kɛ̀ kiìŋ wo Dayà naŋ paawà, wèè woiŋ dangè wèè foo e yìwìà maŋ nyiiŋ gèe foofòò maŋ aŋ nèwàènèweiŋ nyàŋ naiŋ jùùyè sùà maŋ. E fè wa è nɛ̀ŋ bà è yèɛ nyùùŋ naŋ ɓɛ̀nɛ̀ŋ pɔ̀ɔ lɛ̀, mààŋ è kaiŋ fua ɔ̀ɔ̀ è gòoò.

2Pììlɛ 2:18

Maŋ nyaàŋ gbeegbèè zùwo foo màŋ àŋ gboo màŋ, àŋ toomàŋ maŋ kpèè nàànààŋ kɔɔ nyiŋ màŋ wèè aŋ kùwà anyùùŋ nyaŋ maŋ gbaù sùà aŋ yè nyaŋ naŋ nɔŋ tɔ̀ɔ̀tù fòlà anyùùŋ nyaŋ yaà maŋ keì ɓàa dìì nyaŋ e tɛɛ.