Ɛfesɔ̀ 4:15 - WƆŊ FƐ̀Ì EBÒ SÌÀŊ DAYÀA

¹⁵ Kɛɛ gbàì wiìŋ tɔ̀ɔ̀nyaàŋ e mànaŋ sùà, kɛ̀ è doiŋ nàŋ dɛɛ̀ maŋ dòmaŋ nyaaŋ màŋ gbiŋ sùà koɓɛ̀ Jisɛ̀ Kulaìi, wo yèɔ yaà wo ɓɛ̀èɗìɔ wɔ̀.

Ɛfesɔ̀ 4:15 ပူးပေါင်းရင်းမြစ်များ

Jɔ̀ɔŋ 1:47

Nààŋ wo Jisɛ̀ naŋ yɛ̀mɛ̀ wo Nàntanyàŋ yaà hìnìè ko nɛ̀ɛ̀uŋ niìŋ, wò nauŋ woò wààŋ, “Tɔɔɓaa wo jɔ̀à kùmìàŋ ko Ezɔ̀ɛ̀ kɛnɛ wɛɛ̀. Yèè e kèè kàaɓì bà gbiŋ fòuŋ kò sùà.”

Luùm 12:9

Manàŋ aŋ dàwium nyàŋ, e tɔ̀ɔ̀nyaàŋ sùà. Wuàŋ e keì naanààŋ nyɛ̀nɛŋ, dìkià muàŋ bi koɓɛ̀ e keì sìàŋ nyɛ̀nɛŋ.

1 Kɔliìŋ 11:3

Kɛɛ mìŋ manaŋ wèè naŋ jàà jii kɛ̀ wo Jisɛ̀ Kulaì nàŋ yaà wo ɓɛ̀ è ɗì wèè felaa gbiŋ, wo felaa nàŋ yaà wo ɓɛ̀ è ɗì wèè wo jawèuŋ nɔɔ̀ŋ, yèè wo Dayà nàŋ yaà wo ɓɛ̀ è ɗì wèè wo Jisɛ̀ Kulaì.

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

2 Kɔliìŋ 8:8

Miŋ fè hàa sùà màŋ sàwà. Kɛɛ sèè mìŋ nɔ̀ŋ tɔ̀ɔ sùà e ɗeweɛ̀ anyùuŋ bà e wùànàŋ kpùùmaŋ yaà nyiìŋ nɛ, mìŋ yaà fɛ̀ɛ sùà wèè kaiŋ tùàŋ maŋ nɔnɔŋ wèè ka nyìmàŋ kɛ̀ dièsɔa nyɛ̀iŋ bi e mànaiŋ nɛ̀ è yaà.

Ɛfesɔ̀ 1:22

Wo Dayà naŋ kìɛ̀ŋ wo Jisɛ̀ Kulaì e gààŋ manɛ̀ŋ maŋ gbiŋ diɛŋ, yèè wèè e tɛ̀ɛ̀tɛ̀ɛ̀ ke gbòò anyuùŋ hààwe nyàŋ wò nauŋ nyɛ̀nɛ̀ŋ wo sìèfeìŋ wèè manɛ̀ŋ maŋ gbiŋ.

Ɛfesɔ̀ 1:4

Wèè paŋ wo Dayà wa bànè e ɗuunyaŋ lɛɛ̀, wò wi wa kpɛ̀ɛ̀yɛ̀ tàeɗùù gɔu wèè eiŋ nɔ̀ŋ anyunùuŋ esàɓù e nɔ̀ŋ wilɛ̀ ke gbòò anyuùŋ hààwè Jisɛ̀ Kulaì nyaŋ sùà, wèè kɛ̀ eiŋ nɔ̀ŋ anyùùŋ nɛɛmaŋ gò kùwìè è tɔ̀mɛ kò fɛɛ̀ fenìuŋ. Esàɓù e mànauŋ nɛ̀ sùà,

Ɛfesɔ̀ 2:21

Wuŋ nàŋ yaà wo nyùnɔ̀ɔŋ wò kuwa ke saaàŋ gbiŋ dìì, yèè wo nyiŋ nyɛ̀nɛ̀ŋ ke mììnè ke sààŋ zòòlò nɛɛmaŋ wèè Kanaà Dayà.

Ɛfesɔ̀ 4:25

E wèètii, dàngeìŋ e tòaà, wo nyùùŋ gbiŋ sɔɔ̀ maŋ gbààì wo nyuùŋ hààwe dàwi mɔɔ̀ŋ e tɔ̀ɔ̀nyaàŋ, esaɓù kɛ̀ yàwi nààŋ gbiŋ è yààìŋ aŋ bàwibà Jisɛ̀ Kulaì sùà.

Ɛfesɔ̀ 5:23

Esaɓù kɛ̀ wo felaaà kuwa e gààŋ wo jàwè diɛŋ màànààŋ wo Jisɛ̀ Kulaì kuwa e gààŋ ke gbòò anyuùŋ hààwe nyàŋ diɛŋ lɛ̀. Yèè wo Jisɛ̀ Kulaì wuŋ bi nàŋ yaà wo Nyuùŋ Jòèyeɔ̀ wèè ke gbòò anyuùŋ hààwe nyàŋ, nyiŋ zà nàŋ yaà ke kpùnauŋ nɛɛ̀ŋ.

1Pììlɛ 1:22

Nààŋ nìŋ yaà naàŋ jɔ̀ɔ̀lɔ sùà e tɔ̀ɔ̀nyaàŋ dìì, e tɔ̀mɛ jùumù fè ɓɛìŋ màŋ nyiiiŋ màŋ, nàŋ naàŋ zɛ̀nɛ̀ŋ. Yèè nàŋ kùwìè e mànaŋ kɛnɛ wèè anyùùŋ hààwè dawiiŋ nyàŋ. Kùwieìŋ e mànaŋ e fèemàŋ e yìwìà maŋ jiiiŋ màŋ diɛŋ.

1Pììlɛ 2:2

Nɔ̀iŋ mààŋ aŋ jɔaa kòmàŋ jɛ̀ì, e teenga gbiŋ sùà e wùànàŋ maŋ yaà màì gò kɛ̀ɛ̀nɛ̀ŋ tɔ̀mɛ màŋ e gààŋ Jìnàŋ Dayàa sùà e nyɛ̀nɛ̀iŋ, wèè kɛ̀ sèè nìŋ yàà miìŋ naŋ dɛɛ̀ e kìlà wo Dayà woiŋ joeyè.

2Pììlɛ 3:18

Kɛɛ kùnoìŋ nɔŋ dɛ̀ɛ e tɛ̀ɛ̀tɛ̀ɛ̀ sùà yaà e jììkɛ̀ɛ̀ Kanaà, yèè wo Nyuùŋ Jòèyeɔ̀ Jisɛ̀ Kulaì sùà. E jòòwo nɔ̀ŋ ko nɛ̀ɛ̀uŋ niìŋ nàaŋ yèè julɔfɔ. Àmiinàŋ.

1Jɔ̀ɔŋ 3:18

Nyɛ̀iŋ nààŋ jɔ̀àim nyàŋ, nìŋ tɔɔ̀ e mànaŋ wèè aŋ dàwi sèè nìŋ kpuumàŋ nyìŋ e tɔ̀ɔ̀nyaàŋ sùà, kɛɛ e fè nɔŋ wèè naŋ niŋ wòò kò nyààŋ.