Ɛfesɔ̀ 4:14 - WƆŊ FƐ̀Ì EBÒ SÌÀŊ DAYÀA

¹⁴ Kpeiŋ ɓɔ̀ è tomoiŋ ɓɛìŋ mààŋ àŋ jɔ̀à kaiŋ, ɓɔ̀ è nyimèèiŋ wèè ànyuùŋ tòa aŋ wi kaaɓì màŋ kàà tòa nyiŋ màŋ sùà, màŋ yè maŋ yaà mààŋ wɔŋ dùfòìɔ, duladùlà wì fàà maŋ gbiŋ wɔ̀ŋ.

Ɛfesɔ̀ 4:14 ပူးပေါင်းရင်းမြစ်များ

Maafiù 11:7

Nààŋ anyùùŋ màŋjɛ̀wɛ̀ Jɔ̀ɔŋ nyàŋ yaà wa kɛ̀ɛ̀ sùà maŋjɛ̀wɛ, wo Jisɛ̀ naŋ wòò anyùùŋ nyaŋ e nyaàiŋ dè wo Jɔ̀ɔŋ wààŋ, “Nààŋ nìŋ naŋ wa kɔ̀ ke fòùngà e diì wòaà sùà koɓɛ̀ Jɔ̀ɔìŋ, kiìŋ wò nyùùŋ nìŋ yaà wa yɛ̀ɛ̀mɛ̀ dòmaŋ wèè naŋ yɛmɛ̀? Wo nyuùŋ mùŋlaŋ mààŋ maŋ seìŋ mùnlòmunlo, maŋ yè maŋ wɔŋ fòìɔ mɛɛmɛ̀ɛ̀ŋ maŋ fàà maŋ gbiŋ?

Maafiù 24:11

Kpeiŋ kɛ̀ aŋ wɛ̀ijì tòa zimgbe do nàŋ hnè yèè àŋ do nàŋ zùwò anyuùŋ zimgbe.

Maafiù 24:24

Esaɓù aŋ wɛ̀ijì tòa yèè aŋ kulaì tòa do nàŋ hnè nyààŋ nyiŋ nàŋ yaà wo Kulaìɔ yèè aŋ kèèlà Dayà nyaŋ. Àŋ do nàŋ hnè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì wèè kàìsa aŋ zuwò aŋ nyùùŋ nyaŋ wo Dayà naŋ tàeɗùù nyaŋ, sèè àŋ ɓɛnɛ̀ŋ.

Nyɛ̀nɛ̀ŋ 23:21

Kɛɛ kɔ̀nɛɛ̀ŋ ɓɔ̀ mùŋ nyimèè nyiŋ. Aŋ kpàkòò nyaŋ nìàŋ kpɛ̀ùŋ tìyèe yèè àŋ do nàŋ gbùwò wo Pɔɔ̀ ke gùuŋ. Àŋ naŋ jɔ̀ɔ̀ ɗààhiì koɓɛ̀ Dayài kɛ̀ aŋ naàŋ jè è nɛ̀ŋ gbiŋ ɔ̀ɔ̀ aŋ tìà e jèèsùà aŋ jìwà wo Pɔɔ̀. Yèè nààŋ pɛɛ mìŋ gboo yaà lɛ kòò àŋ yààùm fulie wèè aŋ kòmàŋ kɛ̀ kiìŋ mùŋ naŋ ɗewè.”

1 Kɔliìŋ 12:2

Nàŋ nyìmàŋ kɛ̀ e teengaà pɛɛ nìŋ yaà wa anyùùŋ nyaŋ fè àŋ Juùù nyaŋ, àŋ naiŋ wa kɔ̀ɔ̀ maŋ dòmaŋ nyaaŋ zimgbe ko zòòlò aŋ dayà joo gò gè nyiiŋ.

1 Kɔliìŋ 14:20

Nyɛ̀iŋ nààŋ wùìyaim nyàŋ, ɓɔ̀ nìŋ gongò mààŋ àŋ jɔ̀à kaiŋ gòngoìŋ mààŋ anyuùŋ kàmaiŋ e kìla niŋ nɔ̀ŋ mààŋ aŋ jɔaa bɔwɔ gò nyìmàŋ keì naanààŋ è fèemàŋ.

1 Kɔliìŋ 3:19

E nɛ̀ɛŋ e ɗuunyaŋ lɛɛ̀ naŋ jàà kùàŋ dìì wèè e nɔ̀ŋ e jiikɛ̀ɛ lɛ̀, è yaà e ɓàaɓàa ko fɛ̀ɛ̀fèìŋ Dayài. Nààŋ wɔŋ fɛ̀ì Dayàa naŋ woò lɛ, “Wo Dayà kuwìà wo nyuùŋ kɛ̀ɛ̀jiiɔ̀ ke gbaù e jiikɛ̀ɛ̀uŋ nɛ̀ sùà”,

2 Kɔliìŋ 2:17

E fèìŋ mààŋ ànyuùŋ zimgbe bà, àŋ yè nyaŋ ɓemàŋ kè mìè gbìàŋ Dayàa mààŋ è bòli, kɛɛ esaɓù kɛ̀ wo Dayà naŋ wi tùɔ̀ŋ, è gbòòìŋ e jìlɛŋ sùà ko fɛ̀ɛ̀fèìŋ wuŋ Dayài, mààŋ aŋ keela tàeɗùù wèè Jisɛ̀ Kulaì.

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

Gàla 3:1

Nyɛ̀iŋ nààŋ nyùùŋ Gàlatìà ɓàaɓàa nyɛɛ̀ŋ! Ɓòò naiŋ gbìɛ̀ŋ e nɛ̀ŋ dàà nyùùŋ? Nyɛ̀iŋ bi ko fɛ̀ɛ̀fèìŋ mìŋ naiŋ wòò e ɗeweɛ̀ àŋ naŋ wa jìwìè wo Jisɛ̀ Kulaì wɔŋ vànèkpaa diɛŋ lɛ̀!

Ɛfesɔ̀ 6:11

Gɔ̀aìŋ manɛ̀ŋ sùmiaŋ màŋ gbiŋ wo Dayà naiŋ kiɛ̀ŋ maŋ, yèè niŋ dè gòlò jɛ̀wɛ̀ wèè e kààɓì Dɛwìɔ.

1Time 3:6

Wo sìèfeìŋ wo nɔ̀ŋ wo nyuùŋ kàmaiŋ e hààweɛ̀ sùà, e kìlà ɓɔ̀ wò kɛɛnɛ̀ŋ kè jii gbee, yèè e keì ɓɔ̀ è jeèuŋ è gbài sùà, màànààŋ wo Dɛwìɔ yaà wa lɛ̀.

2Time 1:15

Màŋ nyìmàŋ kɛ̀ anyùùŋ nyaŋ gbiŋ maŋ kpàlàùŋ kpàlàùŋ maŋ fùɔ̀ŋ Eesìà maŋ sùà àim gììyà kɛ̀ɛ, e kpùlìà wo Fegelù yaà Hɛmɔgììŋ.

2Time 3:13

Anyùùŋ maŋ kpèè naanààŋ nyaŋ aŋ yè nyaŋ manaŋ aŋ tɔɔ̀ kɛ̀ aŋ fè ànyùùŋ mààŋ nyiiŋ nyàŋ, maŋ kpèè naanààŋ nyiŋ màŋ naŋ nìè maŋ gɔu màŋ, yèè àŋ zuwà nyiìŋ bi yaà anyuùŋ joo.

2Time 4:3

E teenga do nàŋ hnè, anyùùŋ naàŋ mɔ̀nɔ̀ŋ àŋ do kùmìàŋ è kàà tɔ̀ɔ̀nyaàŋ, kɛɛ àŋ do nàŋ dè e ɗèwè nyiŋ biɛ̀ maŋjɛ̀wɛ, àŋ do nàŋ kàmè aŋ kààmɔɔŋ wèè aŋ nyiŋ wòò e yèɛ do nyiŋ kai nàŋ fɔ̀ɔ̀yɛ̀ jii lɛ̀.

Hiɓu 13:9

Ɓɔ̀ nìŋ nyimèè wèè ànyuùŋ joo àŋ doiŋ kàà màŋ keì joo, maŋ yè maŋ yà è gbà èɓìèmàŋjɛ̀wɛ̀ Èbò Siaàŋ. È yaà tɛ̀ɛ̀ wèè wo Dayà woiŋ kìɛ̀ŋ e gààŋ maŋ jiiŋ màŋ sùà e yìwìà e tɛ̀ɛ̀tɛ̀ɛ̀uŋ nɛ̀ sùà, kɛɛ e fè wèè naŋ nɔ̀ŋ kùwìè maŋ gbàŋ manɛ̀ŋ je. Yèè ngèè, manɛ̀ŋ je mɛɛ̀ŋ fè kai kpùùmàŋ ànyùùŋ nyaŋ jè mìŋ nyaŋ.

Jìiiŋ 1:6

Kɛɛ wo nyùnɔ̀ɔŋ gbiŋ dawà wo Dayà wèè e nɛ̀ŋ wɔ, wo kuwiè e hààweɛ̀ yèè ɓɔ̀ wò sikà gbiŋ. Esaɓù kɛ̀ wo nyùnɔ̀ɔŋ gbiŋ naŋ dàwè Dayà e sìka sùà wɔ, wò yaà maàŋ e bɔ̀iŋ nɛ̀ wɔŋ juwoɔ̀. Sèè wɔŋ fòìɔ dè nɔŋ wɔŋ juwoɔ̀ ɓulanàŋ e bɔ̀iŋ nɛ̀ è jowo è deye.

Jìiiŋ 3:4

Yɛ̀mɛìŋ maŋ meeè maŋ miiŋ pɛɛ, jòòpɛɛ màŋ naŋ dɛɛdɛ̀ɛ̀ yèè wɔŋ dùfòì gààŋ nàŋ kɔà miìŋ, kɛɛ e nɛ̀ɛŋ kpàà miìŋ e dì lɛ, è yaà nɔŋ e gbiì jɔ̀à wèè maŋ kà koɓɛ̀i gbiŋ wo nyuùŋ dùùnyaŋ miŋ nɔɔ̀ŋ manaŋ wèè maŋ ka lɛ̀.

2Pììlɛ 2:18

Maŋ nyaàŋ gbeegbèè zùwo foo màŋ àŋ gboo màŋ, àŋ toomàŋ maŋ kpèè nàànààŋ kɔɔ nyiŋ màŋ wèè aŋ kùwà anyùùŋ nyaŋ maŋ gbaù sùà aŋ yè nyaŋ naŋ nɔŋ tɔ̀ɔ̀tù fòlà anyùùŋ nyaŋ yaà maŋ keì ɓàa dìì nyaŋ e tɛɛ.

1Jɔ̀ɔŋ 2:19

Anyùùŋ nyɛɛ̀ŋ naŋ fòlò ke gbòò Dayà zòòlo wiɛ̀ sùà, kɛɛ tɔɔɓaa aŋ fè wa àŋ bàwibà. Yèè esaɓùɛ lii àŋ naŋ wi wa kɛ̀ɛ̀ maŋjɛ̀wɛ. Kɛɛ sèè aŋ wa weè nɔ̀ŋ aŋ bàwibà ke gbòò zòòloɛ̀ sùà, àŋ he wi wa weè nàŋ jèè maŋjɛ̀wɛ. Kɛɛ àŋ naŋ wi wa dangè, tii naŋ wa tɔɔ̀ janjai kɛ̀ aŋ fè àŋ bàwibà.

1Jɔ̀ɔŋ 2:26

Mìŋ yaà sìnga sùà tɛɛ̀ ko nɛ̀ɛ̀ŋ niìŋ wèè e nyaàiŋ dè aŋ yè nyaŋ yaà kààmè ɗewe wèè aiŋ zuwò nyaŋ.

1Jɔ̀ɔŋ 4:1

Dàwi mànaim nyàŋ, ɓɔ̀ nìŋ haawè ànyùùŋ nyaŋ gbiŋ naŋ woò nyààŋ àŋ kuwa wo Jìnàŋ Dayàa nyàŋ. Tùaìŋ aŋ jìnàŋ nyɛɛ̀ŋ maŋ nɔnɔŋ wèè niŋ nyìmàŋ sèè mààŋ tɔɔɓaa àŋ yewe koɓɛ̀ Dayài. Esaɓù kɛ̀ aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà.

Juù 1:12

Aŋ kààmɔɔŋ kùwìè maŋ kàà kii naanààŋ nyɛɛ̀ŋ àŋ yaà anyuùŋ naanààŋ e tɛɛiŋ, àŋ yaà mààŋ le zààmàŋ naŋ sɛ̀ɛ̀ e nɛ̀ŋjeɛ̀ nìŋ jiiyà koɓɛ̀ guùŋ nɛ sùà. Àŋ naŋ nɔŋ kpɛɛ̀ŋ wèè nyiŋ bi. Àŋ yaà mààŋ ko fuùŋ kùwaì wɔŋ dùfòì miinyàŋ, yèè maŋ gɔ̀à fè sɔ̀à lɛ. Àŋ yaà mààŋ maŋ kuù gò kòmàŋ e pɛɛ nɔ̀ŋ sɛ̀ɛ̀ dìì, maŋ yè maŋ àŋ naŋ fie yèè màŋ naŋ fɔ̀ kpɛlɛmɛɛŋ lɛ̀.

Maŋ kèì nyɛɛnɛŋ 19:20

Kɛɛ wo Dayà naŋ wa kùwò wo yilì kùùnoɔ̀ e kpùlìà wo wɛ̀ijì tòaà, wo yèɔ naŋ wa tɔ̀ɔ̀ e tɔ̀ɔ̀màŋsèì maŋ kèè mèè ko fɛ̀ɛ̀fèìŋ wo yilì kùùnoɔ̀ wɔ, wèè wo zuwò wa anyùùŋ nyaŋ gbiŋ kuwa wa e fèè wo yilì kùùnoɔ̀ e kìlà àŋ naŋ wa zòòlò wo dayà jooɔ̀ nyaŋ. Wo Dayà naŋ wa gbìɛ̀ŋ wo yilì kùùnoɔ̀ yaà wo wɛ̀ijì tòaà e hmɔɔ̀ŋ kùwa gbee kàànè sɔfɔ̀ sùà wɔŋ nyiiŋ gèe sùà.