Ɛfesɔ̀ 4:13 - WƆŊ FƐ̀Ì EBÒ SÌÀŊ DAYÀA

¹³ Yèè e wèètii, yàwi nààŋ gbiŋ doiŋ nàŋ hnè ɓɛ̀ guùŋ, koɓɛ̀ e mìèsùàguùŋ nɛ e hààwe wilɛ̀ sùà, yèè e jiikɛ̀ɛ wilɛ̀ sùà nyaàiŋ dè wo Jɔ̀àfèlàà Dayàa, è doiŋ nàŋ nɔ̀ŋ anyuùŋ kàmaiŋ màànààŋ nɔŋ wo Jisɛ̀ Kulaì yaà lɛ, yèè è doiŋ nàŋ nɔ̀ŋ mààŋ wuŋ bi.

Ɛfesɔ̀ 4:13 ပူးပေါင်းရင်းမြစ်များ

Maafiù 11:27

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ miàim wò Jɔ̀àfelaaà sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ miàim wo Jɔ̀àfelaaà sɔɔ̀ nɔŋ wo Dèdaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Jɔ̀ɔŋ 1:16

Esàɓù e mànaŋ gbeeuŋ nɛ̀ ko nɛ̀ɛ̀ŋ wiì, wò naŋ nɔ̀ŋ e kpùùmaŋ gbee koɓɛ̀ yàwi nààŋ gbiìŋ.

Jɔ̀ɔŋ 16:3

Anyùùŋ bi do tɛɛ̀ nàŋ nyɛ̀nɛ̀ŋ esaɓù kɛ̀ aŋ nyimààŋ wò Dèda miɔ̀ŋ ɔ̀ɔ̀ miàŋ bi.

Jɔ̀ɔŋ 17:21

Dèda, mìŋ zoolà wèè aŋ gbiŋ aŋ nɔ̀ŋ anyùùŋ guùŋ koɓɛ̀ aŋ dàwi nyiŋ nyàŋ, màànààŋ nɔŋ mìŋ yaà wò guùŋ mìŋ yààùm ko sùà lɛ, yèè mùŋ yaà wò guùŋ mùŋ yààìm ko sùà. Kpeiŋ kɛ̀ anyùùŋ nyaŋ e ɗuunyaŋ lɛɛ̀ do nàŋ haawè kɛ̀ muàŋ naim tùɔ̀ŋ.

Jɔ̀ɔŋ 17:3

Yèè wɔŋ nyiiŋ gèe gò jùàa nàŋ yaà, wèè aum nyìmàŋ kɛ̀ muàŋ nàŋ yaà wo Dàyà tɔ̀ɔ̀nyaàaŋ, yèè aŋ nyìmàŋ miàim wo Jisɛ̀ Kulaì, wo yèɔ mùŋ naŋ tùɔ̀ŋ wɔ.

Jɔ̀ɔŋ 6:69

È kùwàùm e hààwe ko sùà, yèè è naiŋ haawè kɛ̀ muàŋ nàŋ yaà wo Jè Nɛ̀ɛ̀màŋ Gunɔ̀ɔŋ wo Dayà naŋ tùɔ̀ŋ wɔ.”

Nyɛ̀nɛ̀ŋ 4:32

Ke gbòò anyuùŋ hààwe nyàŋ naŋ wa tòòmò koɓɛ̀ guùŋ e mìèsùàguùŋ yèè ke jìì guùŋ sùà. Aŋ bà gbiŋ gò wa woò kɛ̀ nyiŋ bi nàŋ kanaŋ wa è yèɛ àŋ kuwa wa lɛ̀, kɛɛ àŋ gbiŋ naŋ wa gòònò e yèɛ gbiŋ àŋ kuwa wa lɛ̀ nyiŋ bi e fèemàŋ.

1 Kɔliìŋ 1:10

E yìwìà e gààŋ e dèè Kana wiɔ̀ Jisɛ̀ Kulaìɛ sùà, mìŋ yààìŋ dàwe sùà nyɛ̀iŋ nààŋ wùìyaim nyàŋ gbiŋ, wèè e nɛ̀ɛ̀ŋ nìŋ woà lɛ naiŋ jàà kùàŋ dìì, wèè e tɛɛ gòòno goiŋ nàŋ sɛ̀ɛ̀ è fèemàŋ. Nɔ̀iŋ koɓɛ̀ guùŋ, e gòngò guùŋ diɛŋ, yèè esàɓù guùŋ diɛŋ.

1 Kɔliìŋ 14:20

Nyɛ̀iŋ nààŋ wùìyaim nyàŋ, ɓɔ̀ nìŋ gongò mààŋ àŋ jɔ̀à kaiŋ gòngoìŋ mààŋ anyuùŋ kàmaiŋ e kìla niŋ nɔ̀ŋ mààŋ aŋ jɔaa bɔwɔ gò nyìmàŋ keì naanààŋ è fèemàŋ.

1 Kɔliìŋ 2:6

Yɛi nɔŋ è yaà mìŋ woà ke mìè gbìàŋ jiikɛ̀ɛ koɓɛ̀ anyùùŋ nyaŋ naŋ kamàìŋ wo Jinàaŋ sùà nyaŋ. Kɛɛ e fè è jììkɛ̀ɛ̀ ɗuunyaŋ lɛɛ̀ ɔ̀ɔ̀ anyùùŋ gbèègbèè maŋ gààŋ maŋ yaà e ɗuunyaàŋ lɛɛ̀ diɛŋ lɛ̀, aŋ yè nyaŋ do nàŋ zùmò fàa nyàŋ.

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

Gàla 4:19

Jɔ̀àim nyàŋ, kaiŋ ɓɛìŋ woò kɛ̀, mìŋ yaà e gòngo nyìnga sùà e weèiŋ màànààŋ nɔŋ wo jɔùŋ nɔ̀ŋ yɛi e suà hɛ̀ɛ kòmaŋ sùà le, e jèèsùà naŋ dè ke kpèè sìàŋ Jisɛ̀ Kulaìɛ maŋjɛ̀wɛ.

Ɛfesɔ̀ 1:17

yèè mìŋ dawà wo Dàyà Kana wiɔ̀ Jisɛ̀ Kulaìɔ, wo Dèdà e jòòwoɔ̀, wèè woiŋ fè wo Jìnàŋ Nɛɛmaàŋ, wo yèɔ doiŋ nàŋ nyɛ̀nɛ̀ŋ naŋ kɛ̀ɛ̀jii e kìlà wo nyɛ̀nɛ̀ŋ e nɛ̀ɛŋ è naŋ tɔɔ̀ wèè naŋ nyìmàŋ Dayà lɛ.

Ɛfesɔ̀ 1:23

Ke gbòò anyuùŋ hààwe nyàŋ nàŋ yaà ke kpùnàŋ Jisɛ̀ Kulaìɛ wuŋ bi wò naŋ nyiŋ dìò sùà kpaŋ, wuŋ bi nàŋ gè maŋ keì maŋ gbiŋ e ɗì.

Ɛfesɔ̀ 2:15

Wò naŋ jàà maŋ Sàwà aŋ Juùù nyaŋ e ɓula yaà maŋ langi miŋ màŋ gbiŋ, wèè wo miinè anyùùŋ tìyèe nyɛɛ̀ŋ wo nyùùŋ guùŋ ke gboòuŋ nɛɛ̀ŋ sùà, wèè wo hiàŋ ke jii fàa.

Ɛfesɔ̀ 4:12

Wò naŋ tɛɛ̀ nyɛ̀nɛ̀ŋ wèè wo bànèbànè anyùùŋ nɛɛmaŋ nyàŋ gbiŋ wèè e tòmò Dayàa nyɛ̀nɛŋ, e wèè aŋ nyɛ̀nɛ̀ŋ anyùùŋ màŋjɛ̀wɛ̀ Jisɛ̀ Kulaì nyaŋ aŋ kɛɛnɛ̀ŋ gààŋ ke kpùnàŋ guùŋ sùà.

Ɛfesɔ̀ 4:3

Fɛ̀ɛìŋ, wèè wo Jìnàŋ Nɛɛmaàŋ gbìàŋ maŋ jiiiŋ màŋ koɓɛ̀ guùŋ. Nyɛ̀nɛìŋ tɛɛ̀ esàɓù ke jii fàaà naiŋ jàànè koɓɛ̀ guùŋ nɛ.

Ɛfesɔ̀ 4:5

Wo Kanaà yaà wò guùŋ, e hààweɛ̀ è yaà è guùŋ, yèè e gùà kiiɛ̀ è yaà nɔŋ è guùŋ.

Fèle 3:10

E yèɛ gbiŋ mìŋ manaŋ lɛ̀ nàŋ yaà, wèè ka nyìmàŋ wo Jisɛ̀ Kulaì, yèè e gààaŋ nauŋ gè e fàaà dìì wɔŋ nyiiŋ gèe sùà lɛ. Mìŋ manaŋ ka nɔ̀ŋ wo bàimbà wèè e keì nyìngaà wò naŋ kùwò, yèè e fàa wò naŋ kɔ̀ dìì lɛ,

Fèle 3:8

E fè nɔŋ mànɛ̀ŋ miiŋ. Mìŋ naŋ ɓèmè manɛ̀ŋ maŋ gbiŋ maŋ nɔ̀ŋ manɛ̀ŋ foo wèè esàɓù e yèɛ kuwa e sɛmɛmaŋ gbee lɛ̀, e jiikɛ̀ɛɛ̀ e nyaàiŋ dè wo Kana miɔ̀ŋ Jisɛ̀ Kulaì. Wèè e saɓùuŋ nɛ̀ mìŋ gò manɛ̀ŋ maŋ gbiŋ. Mìŋ naŋ miŋ ɓemè wèè maŋ nɔ̀ŋ maŋ dɛɛ, wèè kɛ̀ mìŋ naŋ ɓɛ̀nɛ̀ŋ kɛ̀ɛ̀nɛ̀ŋ wo Jisɛ̀ Kulaì wo nɔ̀ŋ e sɛmɛmaŋ mɛ̀,

Kòlo 1:28

Weètii, è daanàìŋ ebò Jisɛ̀ Kulaìɛ koɓɛ̀ anyùùŋ nyaŋ gbiŋ. È toomàìŋ e jiikɛ̀ɛ wilɛ̀ gbiŋ wèè eiŋ kìɛ̀ŋ e gòo yèè eiŋ kàà anyùùŋ nyaŋ gbiŋ, e kìlà wèè e hìàŋ wo bà guùŋ gbiŋ ko fɛ̀ɛ̀fèìŋ Dayài, mààŋ wo nyuùŋ kàmaiŋ wo yèɔ yaà wo bàuŋbà wo Jisɛ̀ Kulaì sùà wɔ.

Kòlo 2:2

Mìŋ nyɛnɛŋ tɛɛ̀ wèè ka nyiŋ kiɛ̀ŋ ke jii nyingè e kìlà ka nyiŋ jàànè koɓɛ̀ guùŋ e mànaŋ sùà, wo Dayà do nyiŋ nàŋ kìɛ̀ŋ e kpùùmaŋ gbee wèè aŋ nyìmàŋ kɛ̀ kiìŋ e nɛ̀ŋ nyìmaŋ kɛnɛ hiàŋ. E ɗewe lɛɛ̀ sùà, àŋ do nàŋ nyìmè ke gbùnù Dayàa. Ke gbùnu bi zà nàŋ yaà wo Jisɛ̀ Kulaì wuŋ bi.

Hiɓu 5:14

E nɛ̀ŋje nyìnga yaà wèè anyùùŋ nyaŋ naŋ kamàìŋ nyaŋ, esaɓù kɛ̀ àŋ nyìmàŋ e fèèmàŋ e tɔ̀ɔ̀nyaàŋ yaà e keì naanààŋ.

2Pììlɛ 1:4

E ɗèwè guùŋ nɛɛ̀ sùà wò wi kìɛ̀ŋ e kìɛ̀ŋ è jii gbeeuŋ nɛ̀ wò naŋ wi sɔ̀ dèè lɛ, e wèè kɛ̀ esàɓù maŋ kìɛŋ mɛɛ̀ŋ sùà, naŋ fòlà maŋ gòngò wùànàŋ keì pɔ̀ɔ̀pɔ̀ɔ̀ sùà maŋ yaà e ɗuunyaàŋ maŋ, yèè naŋ hnàŋ e nɔ̀ŋ kìì Dayàa sùà naŋ nɔ̀ŋ bàiŋbà.

2Pììlɛ 3:18

Kɛɛ kùnoìŋ nɔŋ dɛ̀ɛ e tɛ̀ɛ̀tɛ̀ɛ̀ sùà yaà e jììkɛ̀ɛ̀ Kanaà, yèè wo Nyuùŋ Jòèyeɔ̀ Jisɛ̀ Kulaì sùà. E jòòwo nɔ̀ŋ ko nɛ̀ɛ̀uŋ niìŋ nàaŋ yèè julɔfɔ. Àmiinàŋ.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.