Ɛfesɔ̀ 4:11 - WƆŊ FƐ̀Ì EBÒ SÌÀŊ DAYÀA

¹¹ Yèè wuŋ naŋ “fè anyùùŋ maŋ kìɛŋ.” Wò naŋ tà aŋ bà nyiŋ ke ɗùù wèè aŋ nɔ̀ŋ aŋ keela tàeɗùù, aŋ bà nyiŋ wèè aŋ nɔ̀ŋ aŋ wɛ̀ijì, aŋ bà nyiŋ nɔ̀ŋ anyuùŋ fè ke mìè seì wèè Dayà, aŋ bà nyiŋ nɔ̀ŋ anyuùŋ gbòà ke mìè Dayà, yèè aŋ bà nyiŋ nɔ̀ŋ aŋ kààmɔɔŋ.

Ɛfesɔ̀ 4:11 ပူးပေါင်းရင်းမြစ်များ

Maafiù 28:20

e kìlà niŋ kaà nyiŋ wèè aŋ jɔɔlɔ̀ e yèɛ gbiŋ mìŋ naiŋ kaà lɛ dìì. Yèè mìŋ doiŋ nàŋ nɔ̀ŋ maŋjɛ̀wɛ e teenga gbiŋ, e jèesùà e hàì ko dìà e ɗuunyaàŋ.”

Nyɛ̀nɛ̀ŋ 13:1

Ke gbòò anyuùŋ hààwe nyàŋ ko Aŋtiɔ̀ kuwa wa aŋ wɛ̀ijì yèè aŋ kààmɔɔŋ zimgbe. Nyiŋ nàŋ yaà wa wo Bànaŋɓà, wo Sìmiaŋ, wo yèɔ àŋ hewa ɓɛìŋ nyààŋ wo Nijà wɔ, wo Lùsiɔ̀ e yìwìà ko Sàlinìŋ, wo Manàŋ, wo dàwì mɔ̀ɔ̀nɔ̀ŋ Hɛɛlɔ̀ Aŋtipàa, yaà wo Sɔɔ̀.

Nyɛ̀nɛ̀ŋ 20:28

Weètii yɛ̀mɛìŋ nyɛ̀iŋ bi diɛŋ e kpùlìà anyùùŋ nyaŋ kinɛiŋ wo Jìnàŋ Nɛɛmaàŋ naŋ gbìɛ̀ŋ e gaàiŋ nɛ̀ dìì nyaŋ. Nɔ̀iŋ mààŋ anyuùŋ tùnìàŋ aŋ ɓaawaa wèè ke gbòò anyuùŋ hààwè Dayà nyaŋ. Nyiŋ nàŋ yaà aŋ yè nyaŋ wò naŋ jàà e ɓula wèè wuŋ bi e yìwìà maŋ sɛ̀ìŋ wo Jɔ̀àfèlàà wuŋ biɔ̀ sùà.

Nyɛ̀nɛ̀ŋ 21:8

Wɔŋ niìsìaà bàa è naiŋ kɔ̀ ko Sesèlià; yèè è naiŋ kɔ̀ ko gbòò Felè, wo nyuùŋ gbòà ke mìè Dayàa. Wò yaà wa anyùùŋ nɔɔnɔŋ le tìyèe nyàŋ bà guùŋ wo yèɔ naŋ wa kpùùmò aŋ keela tàeɗùù nyaŋ, yèè àŋ naŋ nɔ̀ŋ ko nɛ̀ɛ̀uŋ niìŋ.

Luùm 12:7

Sèè mààŋ è kuwa eiŋ tomo wèè aŋ dàwi wi nyàŋ, tòmò wiìŋ weè nyiŋ. Sèè mààŋ è kuwa eiŋ kàà aŋ dàwi wi nyàŋ, kàaà wììŋ nyiŋ.

1 Kɔliìŋ 12:4

Maŋ kìɛ̀ŋ Jìnàŋ Dayàa naŋ gàŋ maŋ ziì, kɛɛ wo Jìnàŋ gunɔ̀ɔŋ nàŋ kiɛ̀ŋ maŋ gbiŋ.

Ɛfesɔ̀ 2:20

Nyɛ̀iŋ pɛɛ, nìŋ yaà aŋ bàiŋbà wèè ke saaàŋ, aŋ keela tàeɗùù nyaŋ yaà aŋ wɛ̀ijì nyaŋ naŋ wa tɔ̀ɔ̀tù nyɛ̀lɛ yɛ̀, yèè ke kpɛnɛɛ̀ wèè ke saaàŋ nàŋ yaà wo Jisɛ̀ Kulaì wuŋ bibì.

Ɛfesɔ̀ 3:5

Wo nyùùŋ gbiŋ nyimààŋ wa kè gbùnu yɛɛ̀, e jèèsùà wo Jìnàŋ Nɛɛmaàŋ naŋ ɓàà ke gbùnu bi koɓɛ̀ aŋ keela tàeɗùù nɛɛmauŋ nyàŋ yaà aŋ wɛ̀ijìuŋ nyàŋ.

Ɛfesɔ̀ 4:8

Wɔŋ fɛ̀ì Dayàa naŋ woò wààŋ, “E teengaà wò naŋ jòwò ko dìà ke nyiliɛ̀ lɛ, wò naŋ wa kɔ̀ɔ̀ aŋ ɗò ɗùà zimgbe, wò naŋ fè anyùùŋ maŋ kìɛŋ.”

2Time 4:5

kɛɛ kuwa ke jii mɔɛ̀ŋ maŋ keì ɗewe gbiŋ sùà, yèè e nɔ̀ŋ e keì jiium wèè muŋ kùwà e keì nyìnga. Tòmò nyìnga, ko wòò Ebò Siaàŋ, yèè muŋ nyɛ̀nɛ̀ŋ e tòmo mɔ̀ɛ̀ tɛ̀ɛ̀ mààŋ wo ɓɔ̀ìjɔ̀à Dayà.

Hiɓu 5:12

Nìŋ kuwa wa e teenga zimgbe wèè naŋ nɔ̀ŋ aŋ kààmɔɔŋ, kɛɛ è naŋ tɛɛwɛ̀ wèè wo nyùùŋ bà woiŋ kàà e keì jiɛ̀jiɛ̀ɛ e nyaàiŋ dè e yèɛ wo Dayà naŋ woò lɛ. Nìŋ yaà mààŋ aŋ jɔaa, kòò nìŋ hàì wèè naŋ jè è nɛ̀ŋje nyìnga, sɔɔ̀ wo yaa màŋ yaà màì.

Juù 1:17

Kɛɛ nyɛ̀iŋ nààŋ dàwi mànaim nyàŋ, jàaìŋ maŋ keì maŋ aŋ kèèlà tàeɗùù Kana wiɔ̀ Jisɛ̀ Kulaì naiŋ wa woò e gɔuo sùà lɛ jii.

Maŋ kèì nyɛɛnɛŋ 18:20

Nɔ̀ɔìŋ e zɔlɔ̀ sùà nyɛ̀iŋ nààŋ nyùùŋ nɛɛmaŋ nyàŋ ko àìjɛnɛ̀ŋ, esaɓù kɛ̀ wo Dayà wòuŋ pɔɔpɔ̀ɔ̀! Nɔ̀ɔìŋ e zɔlɔ̀ sùà nyɛ̀iŋ nààŋ nyùùŋ nɛɛmaŋ nyàŋ, nyɛ̀iŋ nààŋ keela tàeɗùù nyaŋ, yèè nyɛ̀iŋ nààŋ wɛ̀ijì nyaŋ! Esaɓù kɛ̀ wo Dayà wòuŋ gbaì yèè wòuŋ kìlìà e kiti diɛŋ wèè e keìɛ wò naiŋ jàà lɛ!

Maŋ kèì nyɛɛnɛŋ 21:14

Àŋ naŋ wa nyìlìè wɔŋ gɔ̀ɔ̀ŋ jawa gbeeɛ̀ e kpèè le dùò zììyà jɛ̀wɛ̀ tìyèe diɛŋ. Maŋ kpɛnɛ bi diɛŋ àŋ naŋ wa sìngìè maŋ dèè aŋ keela tàeɗùù zììyà jɛ̀wɛ̀ tìyèè Ɓaawaaà.