Ɛfesɔ̀ 3:9 - WƆŊ FƐ̀Ì EBÒ SÌÀŊ DAYÀA

⁹ yèè wèè ka nyɛ̀nɛ̀ŋ anyùùŋ nyaŋ gbiŋ nyìmàŋ e ɗeweɛ̀ ke gbùnù Dayàa kuwa ke nɔ̀ŋ tòòmo nyiŋ lɛ̀. Wo Dayà wo yèɔ naŋ bànè e nɛ̀ŋ gbiŋ wɔ̀, naŋ wa nyɛ̀ɛ̀nɛ̀ŋ ke gbùnuuŋ nɛɛ̀ŋ e teenga lii gbiŋ sùà.

Ɛfesɔ̀ 3:9 ပူးပေါင်းရင်းမြစ်များ

Maafiù 10:27

E nɛ̀ɛŋ gbiŋ mìŋ woàìŋ ke nyìwìɛ sùà lɛ, wòoiŋ niŋ maŋ gɔɛɛ janjai, e kìlà e nɛ̀ɛŋ gbiŋ nìŋ naŋ kòmò mìŋ naiŋ woò maŋ wɛwɛɛ sùà lɛ, jòwaìŋ ke saaŋ dìmɛ̀ niŋ ɓaayè ebò bi.

Maafiù 13:35

Wo Jisɛ̀ naŋ wa tɛɛ̀ nyɛ̀nɛ̀ŋ wèè e nyɛ̀nɛ̀ŋ e yèɛ wo Dayà naŋ wa woò lɛ e hɛɛnɛ̀ŋ, màànààŋ nɔŋ wo wɛ̀ijìɔ naŋ wa woò lɛ wààŋ, “Mìŋ do nàŋ gbòò ko nɛ̀ɛ̀ŋ nyiŋ niìŋ maŋ kàɓanè sùà. Mìŋ do nyiŋ nàŋ kpìnìè maŋ kèì ko nyɛɛnɛŋ e yìwìà e teengaà e ɗuunyaàŋ naŋ wa nɔ̀ŋ bàne niŋ nɛ̀.”

Maafiù 25:34

Kpeiŋ kɛ̀ miàim wo Kanaà kà wòò anyùùŋ nyaŋ wɔŋ kùàŋ jìka miɔ̀ŋ mìàŋ, ‘Hnàaìŋ, nyɛ̀iŋ nyàŋ wo Dèda miɔ̀ŋ naŋ haayà nyaŋ! Hnàaìŋ niŋ ɓemè e Kànà Dayàa naŋ wa nɔ̀ŋ bàne niŋ weèiŋ lɛ paŋgàà e ɗuunyaàŋ naŋ wa nɔ̀ŋ bàne niŋ lɛ̀.

Maafiù 28:19

Weètii, kɔ̀àaìŋ koɓɛ̀ anyùùŋ nyaŋ gbiŋ e ɗuunyaàŋ niŋ nyɛ̀nɛ̀ŋ nyiŋ aŋ nɔ̀ŋ anyùùŋ màŋjɛ̀wɛ̀im. Gùaìŋ nyiŋ e dèè Dèdaà diɛŋ, wo Jɔ̀àfelaaà, yèè wo Jìnàŋ Nɛɛmaàŋ,

Luù 24:47

Maŋ fɛi màŋ naŋ ɓɛìŋ woò wààŋ aŋ woò ke miè gbìaàŋ e deè mɛ̀ diɛŋ koɓɛ̀ anyuùŋ kpùuŋ nyàŋ gbiŋ e ɗuunyaàŋ kɛ̀ aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài, yèè e tɔɔtù ko Jùlusɛ̀làm wèè maŋ jùumù nyiŋ màŋ nɔ̀ŋ hakɛ̀ jùùya miŋ.

Jɔ̀ɔŋ 10:30

Wo Dèdaà yèè miàŋ è yaà anyùùŋ guùŋ.”

Jɔ̀ɔŋ 5:17

Kɛɛ wo Jisɛ̀ naŋ nyiŋ fasàì wààŋ, “Wo Dèda miɔ̀ŋ kòò wò yaà toomo, weètii mìŋ kuwa ka tomo miàŋ pɛɛ.”

Jɔ̀ɔŋ 5:19

Kpeiŋ wo Jisɛ̀ naŋ nyiŋ fasàì wààŋ, “Miŋ woòiŋ e tɔɔɓaaà, miàim wo Jɔ̀àfèlàà Dayàa fè ɓɛ̀nɛ̀ŋ nyɛ̀nɛ̀ŋ è keì gbiŋ kùàŋ wùùmaim. Mìŋ nyɛnɛŋ nɔŋ e yèɛ mìŋ yɛmɛ̀ wo Dèda miɔ̀ŋ nyɛnɛŋ lɛ̀.

Nyɛ̀nɛ̀ŋ 15:18

Tɛɛ̀ mìŋ naŋ wa nyɛ̀nɛ̀ŋ anyunùim nyàŋ aŋ nyìmàŋ e teenga gɔuo sùà.’ ”

Luùm 11:25

Wùìyaim nyàŋ, miŋ manàŋ wèè nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, naŋ ɓèmè nyɛ̀iŋ bi gbee. Weètii mìŋ doiŋ nàŋ kpìnìè ke gbùnuɛ̀, wèè e nɛ̀ɛŋ naŋ kààìŋ koɓɛ̀ anyùùŋ Ezɔ̀ɛ̀ nyaŋ lɛ̀. Aŋ bà nyiŋ naŋ wa nyìngè ɗì yèè àŋ naŋ gè maŋhɛɛ wèè aŋ kɛɛnɛ̀ŋ hààwe, e ɗì nyinge nyiŋ bi naàŋ yɛi jeè, kɛɛ yɛi àŋ do nàŋ jeè, e jèèsùà ke gbòò anyùùŋ nyaŋ fè àŋ Juùù nyaŋ, ke yèɛ wo Dayà tàeɗùù yɛ, ke hnàŋ ko nɛ̀ɛ̀uŋ niìŋ e Kanauŋ nɛ̀ sùà.

1 Kɔliìŋ 2:7

E jiikɛ̀ɛɛ̀ mìŋ woà e kiiŋ niŋ nɛ̀, wo Dayà nàŋ kanaŋ e jììkɛ̀ɛ̀ gbùnu bi, e yèɛ yaà ko nyɛɛnɛŋ koɓɛ̀ anyuùŋ kpùuŋ nyàŋ lɛ, kɛɛ wòiŋ wa tàeɗùù tɛ wèè e nɔ̀ŋ wèè e jòòwo wilɛ̀ pangàà pɛɛ wò naŋ wa bànè e ɗuunyaàŋ.

Ɛfesɔ̀ 1:4

Wèè paŋ wo Dayà wa bànè e ɗuunyaŋ lɛɛ̀, wò wi wa kpɛ̀ɛ̀yɛ̀ tàeɗùù gɔu wèè eiŋ nɔ̀ŋ anyunùuŋ esàɓù e nɔ̀ŋ wilɛ̀ ke gbòò anyuùŋ hààwè Jisɛ̀ Kulaì nyaŋ sùà, wèè kɛ̀ eiŋ nɔ̀ŋ anyùùŋ nɛɛmaŋ gò kùwìè è tɔ̀mɛ kò fɛɛ̀ fenìuŋ. Esàɓù e mànauŋ nɛ̀ sùà,

Ɛfesɔ̀ 3:2

Tɔɔɓaa kà haawè nàŋ kòmàŋ kɛ̀ wo Dayà, e yìwìà e tɛ̀ɛ̀tɛ̀ɛ̀uŋ nɛ̀uŋ nɛ̀ sùà wò naim kìɛ̀ŋ e tòmo lɛɛ̀ wèè ka niŋ nyɛ̀nɛ̀ŋ e nɔ̀ŋ kpùùmaŋ e weèiŋ.

Ɛfesɔ̀ 6:19

Yèè zòòloìŋ e weèim miàŋ pɛɛ, wèè Dayà kiɛ̀im ke miè gbìaŋ sèè mìŋ banaŋ bànàŋ wèè ke gbòà, e wèè ka gbùùyà ke jii nyingè, ka nyɛ̀nɛ̀ŋ aŋ nyìmàŋ ke gbùnuɛ̀ e nyaàiŋ dè ke mìè gbìàŋ ebò siaàŋ.

Kòlo 1:23

Nìŋ kuwa naŋ jèè hààwe sɛmɛ sùà, e kìlà naŋ bànè ko tɔɔtu siaŋ. Ɓɔ̀ nìŋ dangè nyɛ̀iŋ bi nìŋ do mɛɛmɛ̀ɛ̀ŋ e yìwìà kè jii tùliaà nìŋ naŋ wa yɛmɛ̀ yɛ, e teengaà nìŋ naŋ wa kòmò Ebò Siaàŋ e yìwìà ko àìjɛnɛ̀ŋ lɛ. Wèè esàɓù Ebò Siaŋ lɛɛ̀, miàim Pɔɔ̀, naŋ nɔ̀ŋ wo ɓɔìjɔ̀à tòmo, yèè mìŋ naŋ wa gbòò ke mìè Dayàa koɓɛ̀ anyùùŋ nyaŋ gbiŋ e ɗuunyaàŋ.

Kòlo 1:26

kiìŋ nàŋ yaà ke gbùnuɛ̀ wò naŋ wa nyɛɛnɛ̀ŋ e yìwìà aŋ nyuùŋkpùuŋ sìwè wèè maŋ doa jika jika bà sùà, kɛɛ wò nyiŋ naàŋ tɔɔ̀ koɓɛ̀ anyùùŋ nɛɛmauŋ nyàŋ.

Kòlo 3:3

Nìŋ naŋ wa fɔ̀, kɛɛ wɔŋ nyiiŋ gèiŋ nɔɔ̀ŋ kòò wɔ̀ŋ yaà ko nyɛɛnɛŋ wo Jisɛ̀ Kulaì ko sùà koɓɛ̀ Dayài.

Kòlo 4:3

E tèèngà guùŋ bi, zòòloìŋ weè wi yàwi pɛɛ, kɛ̀ wo Dayà do wi nàŋ kìɛ̀ŋ e ɗeweɛ̀ wèè eiŋ wòò ke miè gbìauŋ nɛɛ̀ŋ e nyaàiŋ dè ke gbùnuɛ̀ wo Kanaà Jisɛ̀ Kulaì sùà. E wèè esàɓù tɛɛ̀ zà mìŋ yaà naàŋ ko sààŋ nyìwì.

2Tɛsè 2:13

È kuwa eiŋ gè wo Dayà ke sɛ̀ e teenga gbiŋ e weèiŋ, nyɛ̀iŋ nààŋ wùìya wi nyàŋ, nyɛ̀iŋ nyàŋ wo Kanaà Jisɛ̀ manaŋ nyàŋ. Wo Dayà naiŋ tàeɗùù e yìwìà ko tɔɔtuì wèè naŋ nɔ̀ŋ anyuùŋ jiɛ̀jiɛ̀ naŋ yɛ̀mɛ̀ e jòèye e yìwìà e gààŋ Jinàaŋ Nɛɛmaàŋ sùà wèè woiŋ mììnè anyùùŋ nɛɛmauŋ nyàŋ e gààŋ Jinàaŋ sùà, yèè wèè e hààweiŋ nɛ̀ e tɔ̀ɔ̀nyaàaŋ sùà.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

2Time 1:9

Wò naŋ wi joeyè, yèè wò naŋ wi nyààŋ wèè e nɔ̀ŋ anyùùŋ nɛɛmauŋ nyàŋ e fè wèè èsàɓù kè nyɛ̀nɛŋ wiɛ̀, kɛɛ è yaà esàɓù e ɗèwè wuŋ biɛ̀ yaà e tɛ̀ɛ̀tɛ̀ɛ̀uŋ nɛ̀. Wò naŋ wi kìɛ̀ŋ e tɛ̀ɛ̀tɛ̀ɛ̀ lɛɛ̀ e yìwìà wo Jisɛ̀ Kulaì sùà paŋ ngàà e ɗuunyaàŋ naŋ wa nɔ̀ŋ bàne niŋ,

2Time 4:17

Kɛɛ wo Kanaà naim wa nɔ̀ŋ maŋjɛ̀wɛ yèè wò naim kìɛ̀ŋ e gààŋ, weètii mìŋ naŋ wa ɓɛnɛ̀ŋ wèè ka wòò ke miè gbìaàŋ gbiŋ koɓɛ̀ anyùùŋ nyaŋ gbiŋ fè àŋ Juùù nyaŋ wèè aŋ nyiŋ kòmàŋ, yèè mìŋ naŋ wa yɛ̀mɛ̀ e jòèye, aŋ gòim wa gè nyààŋ diɛŋ wèè àŋ nyàa nyaŋ aim jìwà.

Taitɔ̀ 1:2

e yèɛ nyaàiŋ naŋ dè ke jii tùlia wèè nyiiŋ gèe gò jùà. Wo Dayà, wo yèɔ fè tòà wɔ, naŋ wa ɓèmè e ɗààhiì pangàà ko tɔ̀ɔ̀tù e ɗuunyaàŋ,

1Pììlɛ 1:20

Wo Dayà nauŋ wa tàeɗùù paŋgàà wò naŋ tɔ̀ɔ̀tù e ɗuunyaàŋ bàne, yèè wò naŋ dàànè ebòuŋ maŋ ɗɔɔ dìàmaŋ mɛɛ̀ŋ sùà, esaɓùiŋ nɛ̀ sùà.

Maŋ kèì nyɛɛnɛŋ 13:8

Anyùùŋ nyaŋ gbiŋ e ɗuunyaàŋ douŋ nàŋ zoolò, eɓìèmàŋjɛ̀wɛ̀ aŋ yè nyaŋ maŋ deè nyiŋ màŋ yaà sìnga miŋ wɔŋ fɛ̀ì anyuùŋ gè nyiiŋ nyàŋ sùà paŋgàà e ɗuunyaàŋ naŋ wa nɔ̀ŋ bàne niŋ lɛ̀. Anyùùŋ bi àŋ yaà aŋ bà nyiŋ bà wèè wo Ɓaawaaà àŋ naŋ wa jìwè wɔ.

Maŋ kèì nyɛɛnɛŋ 14:6

Mìŋ naŋ ɓɛìŋ yɛ̀mɛ̀ wo màikà joo bà wò yaà wuwuie ko fùùiŋ, wo kuwa ke miè gbìaŋ gò kɛ̀ɛ̀nɛ̀ŋ dìaà e nyaàiŋ dè Ebò Siaàŋ, wèè wo dàànè niŋ koɓɛ̀ anyùùŋ nyaŋ gbiŋ maŋ fuɔŋ màŋ sùà e dììɛ diɛŋ, koɓɛ̀ wo nyuùŋkpùuŋ ziì gbiŋ, e ziì gbiŋ, wɔŋ kàìŋ gbiŋ, yaà e ɗuunyaàŋ.

Maŋ kèì nyɛɛnɛŋ 17:8

Wo yilì kùùno wii yaà wa wɔŋ nyiiŋ gèeɔ̀ sùà e tèèngà guùŋ bà, kɛɛ wo fè ɓɛìŋ. È joo tòloò wèè wo fòlà ko golo zutùùiŋ e dììɛ dìì wèè auŋ pɔɔpɔ̀ɔ̀. Anyùùŋ nyaŋ gbiŋ yaà e ɗuunyaàŋ aŋ yè nyaŋ kòò àŋ sìngè maŋ deè nyiŋ màŋ wɔ̀ŋ fɛ̀ì ànyuùŋ gè nyiiŋ nyàŋ sùà paŋgàà wo Dayà naŋ wa bànè e ɗuunyaàŋ nyaŋ, è do nyiŋ nàŋ foonò sèè àŋ yɛmɛ̀ wa nàwèè wo yilì kùùnoɔ̀. Wo yàà wa wɔŋ nyiiŋ gèeɔ̀ sùà e tèèngà guùŋ. Sààmɛ tiŋ, wo fè ɓɛìŋ wɔ̀ŋ nyiiŋ gèeɔ̀ sùà, kɛɛ wò do ɓɛìŋ nàŋ fòlò ke fòolà.”

Maŋ kèì nyɛɛnɛŋ 4:11

“Wo Kana wiɔ̀ yèè wo Dayà wiɔ̀! Mùŋ yaà tɛ̀ɛ̀ wèè maŋ yɛ̀mɛ̀ jòòwo, e ɓɛ̀ɛ̀jàa, yèè e gààŋ. Muàŋ naŋ bànè manɛ̀ŋ maŋ gbiŋ, yèè e yìwìà e mànaŋ mɔ̀ɛ̀ sùà manɛ̀ŋ maŋ gbiŋ naŋ wa nɔ̀ŋ wɔŋ nyiiŋ gèeɔ̀ sùà.”