Ɛfesɔ̀ 3:8 - WƆŊ FƐ̀Ì EBÒ SÌÀŊ DAYÀA

⁸ Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,

Ɛfesɔ̀ 3:8 ပူးပေါင်းရင်းမြစ်များ

Luù 14:22

E teenga kpuu sùa wo ɓɔìjɔ̀àa naŋ kɛ̀ɛ̀ maŋjɛ̀wɛ yèè wò naŋ wòò wo kààmɔɔuŋ nɔɔ̀ŋ wààŋ, ‘Kà nyɛ̀nɛ̀ŋ e nɛ̀ɛŋ mùŋ naim woò wèè ka nyɛ̀nɛ̀ŋ lɛ, kɛɛ maŋ jɛ̀i foo zimgbe naŋ joo wèè anyuùŋ zimgbe.’

Jɔ̀ɔŋ 1:16

Esàɓù e mànaŋ gbeeuŋ nɛ̀ ko nɛ̀ɛ̀ŋ wiì, wò naŋ nɔ̀ŋ e kpùùmaŋ gbee koɓɛ̀ yàwi nààŋ gbiìŋ.

Nyɛ̀nɛ̀ŋ 5:41

Nààŋ aŋ keela tàeɗùù nyaŋ naŋ wa yèwè anyùùŋ gbèègbèè fuɔɔ̀ŋ feìŋ àŋ yaà kɔɔyɛ, e zɔlɔ̀ naŋ nyiŋ wa diè, esaɓù kɛ̀ wo Dayà naŋ nyiŋ wa tàeɗùù wèè aŋ nɔ̀ŋ anyuùŋ kɛnɛ wèè aŋ kà e mɔ̀ɔ̀nɛŋ dìì wèè esàɓù wo Kanaà Jisɛ̀.

Nyɛ̀nɛ̀ŋ 9:15

Kɛɛ wo Kanaà naŋ wòò wo Ananaayà wààŋ, “Kɔ̀ào, esaɓù kɛ̀ kàuŋ tàeɗùù wèè wo koà ke mìè gbìàŋ Ebò Siaŋ mɛ̀ koɓɛ̀ anyùùŋ nyaŋ fè àŋ Juùù nyaŋ yaà aŋ kànà fuɔŋ nyàŋ e kpùlìà aŋ Juùù nyaŋ nyiŋ bi, aŋ jɔ̀à kòmàŋ Ezɔ̀ɛ̀ nyaŋ.

Luùm 11:33

Diè wo Dayà yaà yɛi tɛ̀ɛ̀ zimgbe koɓɛ̀ anyùùŋ nyaŋ gbiŋ le! Diè wò kuwa yɛi jiikɛ̀ɛ zimgbe yèè wò naŋ nyìmè e keì fèemàŋ le! Ɓòò naŋ ɓɛ̀nɛ̀ŋ gɔ̀àì è kitiuŋ nɛ̀ sùà? Ɓòò naŋ ɓɛ̀nɛ̀ŋ nyìmàŋ maŋ kpèèuŋ màŋ?

Luùm 12:10

Mànaìŋ aŋ dàwi tɛ̀ɛ̀ mààŋ aŋ wùìyà ke kpòò guùŋ. Yèè nɔ̀iŋ e wùànàŋ sùà wèè niŋ tɔɔ̀ e ɓɛ̀ɛ̀jàa koɓɛ̀ aŋ dàwiiŋ nyàŋ.

Luùm 2:4

Tɔɔɓaa ɓɔ̀ nìŋ woò nààŋ wò Dayà yaà nyìnìè e keì sìàŋ gbee weè wi, weètii e kuwàìŋ èsaɓù bà wèè eiŋ fè màŋ tùwo naanààŋ wi màŋ jɛwɛ. Nyìmaìŋ kɛ̀ wo Dayà yààìŋ nyinie tɛ̀ɛ̀ e kìlà wò yààìŋ tɔ̀ɔ̀ sùà e mànaŋ, wèè woiŋ kìɛ̀ŋ jii nyingè naŋ fè maŋ tùwo naanààiŋ màŋ jɛwɛ yèè naŋ kìlà ko nɛ̀ɛ̀uŋ niìŋ.

1 Kɔliìŋ 1:30

Kɛɛ wo Dayà wòiŋ nyɛ̀nɛ̀ŋ nàŋ nɔ̀ŋ aŋ bàiŋbà Jisɛ̀ Kulaì sùà, yèè wo Dayà naŋ nyɛ̀nɛ̀ŋ wo Jisɛ̀ Kulaì wèè wo nɔ̀ŋ e jiikɛ̀ɛ wilɛ̀. Wuŋ naŋ wi nyɛ̀nɛ̀ŋ è naiŋ nɔ̀ŋ tɔ̀ɔ̀nyaàŋ koɓɛ̀ Dayài, yèè è naiŋ nɔ̀ŋ anyùùŋ nɛ̀ɛ̀màŋ Dayà nyaŋ, yèè wò naŋ wi joeyè wèè foo.

1 Kɔliìŋ 15:9

Miàŋ nàŋ yaà wo keela tàeɗùù tòloòɔ aŋ keela tàeɗùù nyaŋ sùà, miŋ fè tɛ̀ɛ̀ wèè aim nyààŋ wò keela tàeɗùù, esaɓù kɛ̀ mìŋ naŋ ɓùlò anyùùŋ e yìwìà ke gbòò anyuùŋ hààwe Dayà nyaŋ sùà.

1 Kɔliìŋ 2:9

Nààŋ wɔŋ fɛ̀ì Dayàa naŋ woò lɛ, “E nɛ̀ɛŋ wo nyùùŋ gbiŋ kòò yɛ̀mɛ̀ wa ɔ̀ɔ̀ kòò kòmò wa lɛ, e nɛ̀ɛŋ wo nyùùŋ gbiŋ kòò gòngò wa kè jiiò sùà kɛ̀ è ɓɛ̀nɛ̀ŋ kàaiŋ lɛ̀, tiŋ nàŋ yaà e nɛ̀ɛŋ wo Dayà naŋ banebànè wèè anyùùŋ nyaŋ mànaùŋ nyaŋ.”

Gàla 1:16

wèè woim tɔ̀ɔ̀ wo Jɔ̀àfelaauŋ nɔɔ̀ŋ, yèè ka wòò ke mìè gbìàŋ Ebò Siauŋ nɛ̀ koɓɛ̀ anyùùŋ nyaŋ fè àŋ Juùù nyaŋ. Miŋ gò wa kà koɓɛ̀ wò nyùùŋ gbiŋ wèè kè mìè gòo.

Gàla 2:8

Wo Dayà, naŋ wa tùɔ̀ŋ wo Pììlɛ yèè wò nauŋ nyɛ̀nɛ̀ŋ wo keela tàeɗùù koɓɛ̀ aŋ Juùù jàà kpùa nyàŋ, yèè wò yààìm naàŋ tòòmo sùà wèè ka dàànè ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ.

Ɛfesɔ̀ 2:7

Wo Dayà naŋ tɛɛ̀ nyɛ̀nɛ̀ŋ wèè e ɗùùnyàŋ ko dòmàŋfeìŋ nɛ sùà, wo tɔɔ̀ maŋ bàne màŋ yaà e tɛ̀ɛ̀tɛ̀ɛ̀ gò kùwìè kò dìauŋ nɛ̀, yèè ke jii siaàŋ wò kuwa weè wi esàɓù Jisɛ̀ Kulaì sùà lɛ.

Ɛfesɔ̀ 3:1

Wèè esaɓù lɛɛ̀ miàim Pɔɔ̀, wo Jisɛ̀ Kulaì naim nyɛ̀nɛŋ wèè ka nɔ̀ŋ wo nyùùŋ màŋ keì wèè nyɛ̀iŋ nààŋ nyùùŋ nyaŋ fè àŋ Juùù nyaŋ.

Ɛfesɔ̀ 3:16

Mìŋ dawà Dayà e wèè, e yìwìà maŋ bànè e jòòwouŋ nɛ̀ sùà, wo fèiŋ e gààŋ e yìwìà wo Jinàuŋ nɔɔ̀ŋ e wèè niŋ nyìngà sùà.

Ɛfesɔ̀ 3:19

Tɔ̀ e hɛɛnɛ̀ŋ wèè niŋ nyìmàŋ e mànàŋ Jisɛ̀ Kulaìɛ, jòòpɛɛ wo nyùùŋ fè ɓɛ̀nɛ̀ŋ nyìmàŋ è gbiŋ wèè e jùà jɛ̀wɛ̀, kɛɛ niŋ nɔ̀ŋ e dìaiŋ kpaŋ e nɔ̀ŋ kìì Dayàa gbiŋ sùà.

Ɛfesɔ̀ 3:2

Tɔɔɓaa kà haawè nàŋ kòmàŋ kɛ̀ wo Dayà, e yìwìà e tɛ̀ɛ̀tɛ̀ɛ̀uŋ nɛ̀uŋ nɛ̀ sùà wò naim kìɛ̀ŋ e tòmo lɛɛ̀ wèè ka niŋ nyɛ̀nɛ̀ŋ e nɔ̀ŋ kpùùmaŋ e weèiŋ.

Fèle 2:3

Ɓɔ̀ nìŋ gè lè koo ɔ̀ɔ̀ naŋ ɓèmè nyɛ̀iŋ bi gbee. Dèèyeìŋ nyɛ̀iŋ bi yèè niŋ ɓemè aŋ wùìyaiŋ nyàŋ aŋ nɔ̀ŋ anyùùŋ sɛmɛmaŋ e nìàŋ nyɛ̀iŋ bi.

Fèle 4:19

Wo Dayàa mìŋ zoolà wɔ, doiŋ nàŋ kìɛ̀ŋ manɛ̀ŋ maŋ gbiŋ nìŋ naŋ kpɛɛ̀ŋ weè miŋ màŋ, e yìwìà e bàneɛ̀ wò kuwa lɛ̀ esàɓù e nɛ̀ɛ̀màŋ Jisɛ̀ Kulaìɛ sùà.

Kòlo 1:27

Wo Dayà naŋ wa ɗewè wèè wo tɔ̀ɔ̀ ke gbùnuuŋ nɛɛ̀ŋ koɓɛ̀ anyùùŋ nɛɛmauŋ nyàŋ, ke gbùnu kɛ̀ɛ̀nɛ̀ŋ bàne yaà e jòòwo yɛɛ̀, ke yèɛ wò kuwa wèè anyùùŋ nyaŋ gbiŋ nyàŋ. Ke gbùnu bi zà nàŋ yaà kɛ̀, wo Jisɛ̀ Kulaì joàìŋ ko sùà, yèè wuŋ nàŋ yaà ke jii tùliaiŋ nɛɛ̀ŋ wèè naŋ nɔ̀ŋ aŋ bàiŋbà e jòòwò Dayàa sùà.

1Time 1:13

jòòpɛɛ mìŋ naŋ wa gbòò naanààŋ e nyaàìŋ euŋ dè, yèè mìŋ nauŋ ngainɓù e kìlà kauŋ wòò maŋ mìè ɓɛ̀ɛ̀pɔ̀ɔ. Kɛɛ wo Dayà naŋ wa tɔ̀ɔ̀ ke nyowo esaɓù è hààwe gò kɛɛnɛ̀ŋ mɛ̀, yèè miŋ nyimààŋ wa kɛ̀ kiìŋ mìŋ yaà nyinie.

1Time 1:15

E keì wòo lɛɛ̀ yaà e tɔ̀ɔ̀nyaàŋ, wèè maŋ niŋ jàà kùàŋ dìì yèè maŋ niŋ haawè tɛ̀ɛ̀. Wò Jisɛ̀ Kulaì naŋ wa hnè e ɗuunyaàŋ wèè wo jòèyè anyùùŋ maŋ jùumù. Maŋ jùumùim maŋ naŋ nìè maŋ jè anyuùŋ gbànaŋ nyàŋ gbiŋ,

1Time 2:7

yèè wèètii wo Dayà naim tùɔ̀ŋ wèè ka nɔ̀ŋ wo keela tàeɗùùuŋ nɔɔ̀ŋ bà, yèè wo kààmɔɔŋ koɓɛ̀ anyùùŋ nyaŋ fè àŋ Juùù nyaŋ, wèè ka dàànè ebò ke mìè gbìaŋ e hààwe yaà e tɔ̀ɔ̀nyaàaŋ. Miŋ fè tòaà sùà, mìŋ yààìŋ wòò sùà e tɔ̀ɔ̀nyaàaŋ.

2Time 1:11

Wo Dayà naim nyɛ̀nɛ̀ŋ wo keela tàeɗùù, yèè wo kààmɔɔŋ wèè ka dàànè Ebò Siaàŋ.

Maŋ kèì nyɛɛnɛŋ 3:18

Tɔ̀ miŋ woòum naàŋ, denàim e gòoò sìwè, e gòoò kɛnɛ, wèè e nyɛ̀nɛ̀um muŋ banè. Denàŋ ɓɛìŋ maŋ deè fùà wèè muŋ kpàà muàŋ bi e kìlà muŋ ɓùwà ke kpànjà sàngè mɔɛ̀ŋ. Denàŋ ɓɛìŋ e bù wèè muŋ kpalèè le fɛɛ̀ mɔ̀ɛ̀, wèè muŋ yɛmɛ̀ dìì tɛ̀ɛ̀.