Ɛfesɔ̀ 3:6 - WƆŊ FƐ̀Ì EBÒ SÌÀŊ DAYÀA

⁶ Ke gbùnu bi nàŋ yaà kɛ̀, esàɓù Jisɛ̀ Kulaì sùà, ke mìè gbìàŋ Ebò Siaàŋ kè nɔ̀ŋ esàɓù anyùùŋ nyaŋ fè àŋ Juùù nyaŋ àŋ nɔ̀ŋ aŋ bà nyiŋ bà koɓɛ̀ e ɗààhiìɛ wo Dayà naŋ wa ɓemè koɓɛ̀ aŋ Juùù nyaŋ lɛ̀, e kìlà wo Dayà nyɛ̀nɛ̀ŋ àŋ nɔ̀ŋ aŋ bà nyiŋ bà ke gbòò Jisɛ̀ Kulaìɛ sùà.

Ɛfesɔ̀ 3:6 ပူးပေါင်းရင်းမြစ်များ

1 Kɔliìŋ 12:12

Wo Jisɛ̀ Kulaì wò yaà mààŋ ke kpùnàŋ guùŋ, ke yèɛ kuwa manɛ̀ŋ è kɔɔ zimgbe lɛ̀, kɛɛ kè yaà nɔŋ ke kpùnàŋ guùŋ kpò, jòòpɛɛ manɛ̀ŋ è kɔɔ nyiŋ màŋ yaà gbàgbà.

1 Kɔliìŋ 12:27

Nyɛ̀iŋ nààŋ gbiŋ nàŋ yaà ke kpùnàŋ Kulaìɛ, yèè wo nyùùŋ gbiŋ yaà e bàumbà weè nyiŋ.

Gàla 3:14

Wo Jisɛ̀ Kulaì naŋ wa tɛɛ̀ nyɛ̀nɛ̀ŋ wèè wo kiɛ̀ŋ e ɗààhìì kpùùmaàŋ wo Dayà naŋ ɓèmè Eɓulɔhɛɛ̀ŋ diɛŋ koɓɛ̀ anyùùŋ nyaŋ fè àŋ Juùù nyaŋ lɛ̀, esàɓù Jisɛ̀ Kulaìɛ sùà wèè e yìwìà e hààwe sùà kɛ̀ wo Dayà do wi nàŋ kìɛ̀ŋ wo Jìnàŋ Nɛɛmaàŋ wò naŋ wa ɓèmè e ɗààhiì wèè wo wi kiɛ̀ŋ wɔ.

Gàla 5:24

E kìlà esàɓù e nɔŋ wilɛ̀ wèè wo Jisɛ̀ Kulaì, è jìwà e ɗèwè yàwi biɛ̀ yèè e ɗèwè maŋ kèìŋ nyuùŋkpùuŋ màŋ.

Ɛfesɔ̀ 3:3

Wo Dayà naim tɔ̀ɔ̀ e ɗèweuŋ nɛ̀ wèè ke gbùnuuŋ nɛɛ̀ŋ. Yèè wèè esaɓù lɛɛ̀ mìŋ naŋ sìngè tòloò wèè e nyaàiŋ dè e keì bi.

Ɛfesɔ̀ 5:30

Esaɓù kɛ̀ è yààìŋ aŋ bàwibà ke kpùnauŋ nɛɛ̀ŋ sùà.

Ɛfesɔ̀ 5:7

E wèètii, e keì bà gbiŋ ɓɔ̀ è nɔ̀ŋ fèèmàŋ nyɛ̀iŋ nààŋ nyùùŋ mààŋ nyiiŋ.

Kòlo 2:19

Aŋ fè ɓɛìŋ àŋ bà nyiŋ bà wò Jisɛ̀ Kulaì sùà, wo yèɔ yaà ɓɛ̀màŋɗì ke kpùnaàŋ wɔ. Wo Jisɛ̀ Kulaì nàŋ kiɛ̀ŋ ke kpùnaàŋ gààŋ, yèè wò toomàŋ maŋ suono suono màŋ yèè maŋ kèìŋ maŋ wèè maŋ kùwà koɓɛ̀ guùŋ kpaŋ, e kìlà kè dɛkɛ̀ màànààŋ wo Dayà manaŋ lɛ̀.

1Jɔ̀ɔŋ 1:3

E yèɛ è naiŋ yɛmɛ̀ yèè è naiŋ kòmò lɛ tiŋ è naiŋ woò, wèè naŋ wi dè maŋjɛ̀wɛ wèè eiŋ nɔ̀ŋ ke gbòò Dayà zòòloɛ̀ sùà, yèè ke gbòò zòòlo yɛɛ̀ kè yaà wèè wo Dèdaà yèè wo jɔ̀àfelaauŋ nɔɔ̀ŋ Jisɛ̀ Kulaì.

1Jɔ̀ɔŋ 2:25

Yèè tɛɛ̀ wo Jisɛ̀ naŋ wa ɓèèmè e ɗààhiì diɛŋ kɛ̀, wò do wi nàŋ kìɛ̀ŋ wɔŋ nyiiŋ gèe gò jùà.