Ɛfesɔ̀ 3:19 - WƆŊ FƐ̀Ì EBÒ SÌÀŊ DAYÀA

¹⁹ Tɔ̀ e hɛɛnɛ̀ŋ wèè niŋ nyìmàŋ e mànàŋ Jisɛ̀ Kulaìɛ, jòòpɛɛ wo nyùùŋ fè ɓɛ̀nɛ̀ŋ nyìmàŋ è gbiŋ wèè e jùà jɛ̀wɛ̀, kɛɛ niŋ nɔ̀ŋ e dìaiŋ kpaŋ e nɔ̀ŋ kìì Dayàa gbiŋ sùà.

Ɛfesɔ̀ 3:19 ပူးပေါင်းရင်းမြစ်များ

Maafiù 5:6

“E zɔlɔ̀ yaà anyùùŋ nyaŋ kuwa e mànaŋ gbee wèè aŋ nyɛ̀nɛ̀ŋ e tɔ̀ɔ̀nyaàaŋ wo Dayà manaŋ lɛ̀. Wo Dayà do nyiŋ nàŋ kìɛ̀ŋ ke jii fàa kɛnɛ!

Jɔ̀ɔŋ 1:16

Esàɓù e mànaŋ gbeeuŋ nɛ̀ ko nɛ̀ɛ̀ŋ wiì, wò naŋ nɔ̀ŋ e kpùùmaŋ gbee koɓɛ̀ yàwi nààŋ gbiìŋ.

Jɔ̀ɔŋ 17:3

Yèè wɔŋ nyiiŋ gèe gò jùàa nàŋ yaà, wèè aum nyìmàŋ kɛ̀ muàŋ nàŋ yaà wo Dàyà tɔ̀ɔ̀nyaàaŋ, yèè aŋ nyìmàŋ miàim wo Jisɛ̀ Kulaì, wo yèɔ mùŋ naŋ tùɔ̀ŋ wɔ.

Luùm 8:35

Ɓòò naàŋ naŋ wi ɓɛ̀nɛ̀ŋ gè è mànàŋ Jisɛ̀ Kulaìɛ sùà? È ɓɛ̀nɛ̀ŋ nɔ̀ŋ e keì nyìnga, ɔ̀ɔ̀ e mɔ̀ɔ̀nɛŋ, ɔ̀ɔ̀ wo nyùùŋ wo wi nimilà, ɔ̀ɔ̀ sèè è goiŋ kɛ̀ɛ̀nɛ̀ŋ nɛ̀ŋje, è goiŋ kɛ̀ɛ̀nɛ̀ŋ màŋ dèè wèè eiŋ kpàà, maŋ nyiiŋ wi màŋ nɔ̀ŋ e keì nyìnga dìì ɔ̀ɔ̀ e fàa?

Luùm 8:39

Manɛ̀ŋ gààŋ maŋ ko fùùiŋ ɔ̀ɔ̀ ko dìlìi, manɛ̀ŋ bàne màŋ gbiŋ e ɗuunyaàŋ fè wi ɓɛ̀nɛ̀ŋ gè è mànàŋ Dayàa sùà è yèɛ yaà weè wi wo Kana wiɔ̀ Jisɛ̀ Kulaì sùà lɛ.

2 Kɔliìŋ 5:14

E mànàŋ Jisɛ̀ Kulaì, nàŋ kilìà wì e kana ko diɛŋ wèè ka nyɛ̀nɛ̀ŋ e yèɛ gbiŋ yaà tɛ̀ɛ̀ lɛ, nààŋ è naiŋ jàà jii kɛ̀ wo fèlàà guùŋ naŋ fɔ̀ wèè anyùùŋ nyaŋ gbiŋ, e yèɛ naŋ tɔɔ̀ kɛ̀ wo nyùùŋ gbiŋ yaà e bàuŋbà wèè e fàa bi lɛ̀.

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Ɛfesɔ̀ 1:23

Ke gbòò anyuùŋ hààwe nyàŋ nàŋ yaà ke kpùnàŋ Jisɛ̀ Kulaìɛ wuŋ bi wò naŋ nyiŋ dìò sùà kpaŋ, wuŋ bi nàŋ gè maŋ keì maŋ gbiŋ e ɗì.

Ɛfesɔ̀ 3:18

Mìŋ zoolà e weèiŋ, e kpùlìà anyùùŋ nɛɛmaŋ gbànaŋ nyàŋ gbiŋ wèè naŋ nyìmàŋ e ɗeweɛ̀ e mànàŋ Jisɛ̀ Kulaìɛ naŋ dɛ̀ɛ̀ e nìàŋ nɛ̀ŋ gbiŋ lɛ̀.

Ɛfesɔ̀ 5:2

E mànaŋ kuwìè gààŋ maŋ nyiiiŋ màŋ diɛŋ, màànààŋ Jisɛ̀ Kulaì naŋ wi mɔ̀nɔ̀ŋ, yèè wò naŋ fè wɔŋ nyiiuŋ nɔɔ̀ŋ wèè wɔŋ nɔ̀ŋ e nɛ̀ŋ saaà e yèɛ naŋ fɔ̀ɔ̀yɛ̀ Dayà jii lɛ̀.

Ɛfesɔ̀ 5:25

Felaa kùwìè jɔùŋ nyaŋ, mànaìŋ aŋ jawèiŋ nyàŋ màànààŋ wo Jisɛ̀ Kulaì naŋ mɔ̀nɔ̀ŋ ke gbòò anyuùŋ hààwe nyàŋ e jèèsùà wo fè wɔŋ nyiiuŋ nɔɔ̀ŋ e weè nyiŋ lɛ̀.

Fèle 1:7

E kiiŋ nɛ̀ è yaà ke jii miɛ̀ŋ diɛŋ e teenga gbiŋ. Weètii è yaà nɔŋ tɛ̀ɛ̀ wèè ka gòngò e kiiŋ e ɗewe lɛɛ̀ sùà. Nyɛ̀iŋ nààŋ gbiŋ nàŋ nɔ̀ŋ aŋ bàiŋbà wèè e keì sìàŋ lɛɛ̀ e yèɛ wo Dayà naim kiɛ̀ŋ lɛ, e teengaà mìŋ yaà ko sààŋ nyìwìi yèè e teengaà miŋ fè wa è keì dìì wèè ka dè ebò siaàŋ gòlò jɛwɛ e kìlà ka wòò e kii niŋ e tɔ̀ɔ̀nyaàŋ sùà lɛ.

Fèle 4:7

Kpeiŋ nààŋ nìŋ yaà aŋ bàiŋbà wo Jisɛ̀ Kulaì sùà lɛ, wo Dayà doiŋ nàŋ kpuumò yèè woiŋ kìɛ̀ŋ jii fàa, ke yèɛ wo nyùùŋ gbiŋ fè ɓɛ̀nɛ̀ŋ nyìmaŋ lɛ̀. Yèè wo Dayà do nàŋ nyɛ̀nɛ̀ŋ maŋ jii wi màŋ maŋ jɛi.

Kòlo 1:10

kɛ̀ nìŋ do nàŋ ɓɛnɛ̀ŋ wèè naŋ nyɛ̀nɛ̀ŋ wɔŋ nyiiŋ gèeiŋ nɔɔ̀ŋ e ɗeweɛ̀ wo Kanaà manaŋ lɛ̀, e kìlà e teenga gbiŋ nìŋ do nàŋ nyɛ̀nɛ̀ŋ e yèɛ wò manaŋ lɛ̀. Nìŋ do nàŋ nyɛ̀nɛ̀ŋ e keì sìàŋ maŋ nyiiŋ gèeiŋ màŋ sùà, e kìlà e jiikɛ̀ɛ̀iŋ nɛ̀ wèè naŋ nyìmàŋ wo Dayà tɛ̀ɛ̀ do nàŋ dɛ̀kɛ̀ sùà.

1Pììlɛ 1:8

Nìŋ kuwa e mànaŋ wèè Dayà jòòpɛɛ kòò nìŋ yɛ̀mɛùŋ, yèè nìŋ nauŋ haawè sùà, jòòpɛɛ niŋ fèeùŋ naàŋ yɛɛmɛ. Wèètii nìŋ gèe e zɔ̀lɔ̀ ɓɛ̀ɛ̀jàa gbee e yèɛ nyùùŋ fè ɓɛ̀nɛ̀ŋ wòò lɛ̀,

2Pììlɛ 3:18

Kɛɛ kùnoìŋ nɔŋ dɛ̀ɛ e tɛ̀ɛ̀tɛ̀ɛ̀ sùà yaà e jììkɛ̀ɛ̀ Kanaà, yèè wo Nyuùŋ Jòèyeɔ̀ Jisɛ̀ Kulaì sùà. E jòòwo nɔ̀ŋ ko nɛ̀ɛ̀uŋ niìŋ nàaŋ yèè julɔfɔ. Àmiinàŋ.