Ɛfesɔ̀ 3:18 - WƆŊ FƐ̀Ì EBÒ SÌÀŊ DAYÀA

¹⁸ Mìŋ zoolà e weèiŋ, e kpùlìà anyùùŋ nɛɛmaŋ gbànaŋ nyàŋ gbiŋ wèè naŋ nyìmàŋ e ɗeweɛ̀ e mànàŋ Jisɛ̀ Kulaìɛ naŋ dɛ̀ɛ̀ e nìàŋ nɛ̀ŋ gbiŋ lɛ̀.

Ɛfesɔ̀ 3:18 ပူးပေါင်းရင်းမြစ်များ

Jɔ̀ɔŋ 15:13

Sèè wo nyùùŋ wo fà wèè wo tɔɔ̀ e mànaŋ koɓɛ̀ aŋ dàwiuŋ nyàŋ, tɛɛ̀ è tɔɔ̀ kɛ̀ wo fè ɓɛìŋ ɓɛ̀nɛ̀ŋ tɔ̀ɔ̀ è mànaŋ bà gbiŋ è do dɛkɛ̀ è do nìàŋ wɔ̀ŋ nyiiuŋ nɔɔ̀ŋ wò naŋ kiɛ̀ŋ wɔŋ weè nyiŋ.

Luùm 10:3

Kòò àŋ nyìmè è ɗeweɛ̀ wò Dayà jaa ànyùùŋ kùàŋ dìì wèè aŋ nɔ̀ŋ ànyùùŋ tɔ̀ɔ̀nyaàŋ kò nɛ̀ɛ̀uŋ niìŋ lɛ. Kɛɛ àŋ naŋ kàmè ɗewe wèè aŋ kàmè ke dòmàŋ nyiŋ bi. Weètii àŋ naŋ wa gè maŋhɛɛ wèè aŋ hààwè wo Dayà, wèè wo nyiŋ ɓemè wèè aŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

2 Kɔliìŋ 13:13

Mìŋ zoolà wèè wo Kanaà Jisɛ̀ Kulaì woiŋ kìɛ̀ŋ e tɛ̀ɛ̀tɛ̀ɛ̀. Tɔ̀ wo Dayà kpuumàiŋ e mànauŋ nɛ̀, e kìlà wo Jìnàŋ Nɛɛmaàŋ wo jaanè maŋ jiiiŋ màŋ koɓɛ̀ guùŋ.

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Gàla 3:13

Kɛɛ wo Jisɛ̀ Kulaì naŋ wi wa bilɛ̀ŋ e yìwìà e gbòònò ke Sàwàa dìì, nààŋ wò naŋ wa dè ebɛ̀ŋ wi wèè e gbòòno wilɛ̀ lɛ. Wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ gbiŋ àŋ naŋ kpùùnyɛ̀ŋ wɔŋ vànèkpaaà diɛŋ wɔ̀, wò yaà e gbòònò Dayàa dìì.”

Ɛfesɔ̀ 1:10

E ɗèweɛ̀ wo Dayà do yaà nàŋ nyɛ̀nɛ̀ŋ sèè e teenga nyiŋ nɛ̀ è haì lɛ, nàŋ yaà wèè wo hìàŋ manɛ̀ŋ bàneuŋ màŋ gbiŋ koɓɛ̀ guùŋ. E nɛ̀ŋ gbiŋ naŋ nɔ̀ŋ ko àìjɛnɛ̀ŋ yaà e ɗuunyaàŋ diɛŋ, yèè wo Jisɛ̀ Kulaì nɔ̀ŋ wo ɓɛ̀èɗìɔ e weè miŋ.

Ɛfesɔ̀ 1:15

E wèè esaɓù lɛɛ̀, nààŋ kinɛiŋ mìŋ naŋ kòmò e kèè e hààweiŋ nɛ̀ wo Kanaà Jisɛ̀ Kulaì sùà yaà e ɗeweɛ̀ nìŋ kuwa e mànaŋ wèè anyùùŋ nɛɛmaŋ gbànaŋ nyàŋ gbiŋ lɛ̀,

Ɛfesɔ̀ 3:19

Tɔ̀ e hɛɛnɛ̀ŋ wèè niŋ nyìmàŋ e mànàŋ Jisɛ̀ Kulaìɛ, jòòpɛɛ wo nyùùŋ fè ɓɛ̀nɛ̀ŋ nyìmàŋ è gbiŋ wèè e jùà jɛ̀wɛ̀, kɛɛ niŋ nɔ̀ŋ e dìaiŋ kpaŋ e nɔ̀ŋ kìì Dayàa gbiŋ sùà.

Kòlo 1:4

Èiŋ kòmàŋ e kèè e hààweɛ̀ niŋ kuwa wo Jisɛ̀ Kulaì sùà, yèè e mànaàŋ nìŋ kuwa wèè anyùùŋ nɛɛmaŋ nyàŋ gbiŋ lɛ̀.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

Maŋ kèì nyɛɛnɛŋ 3:21

Anyùùŋ nyaŋ do nàŋ ɓùlò nyaŋ, mìŋ do nyiŋ nàŋ kìɛ̀ŋ e tɔ̀ɔ̀nyaàŋ wèè aim jɛ̀ì kɔɔ ke kpùà kana miɛ̀ŋ diɛŋ, màànààŋ nɔŋ mìŋ naŋ wa ɓùlò yèè mìŋ naŋ jɛ̀ì wo Dèda miɔ̀ŋ kɔɔ ke kpùà kanauŋ nɛɛ̀ŋ diɛŋ lɛ̀.”