Ɛfesɔ̀ 3:16 - WƆŊ FƐ̀Ì EBÒ SÌÀŊ DAYÀA

¹⁶ Mìŋ dawà Dayà e wèè, e yìwìà maŋ bànè e jòòwouŋ nɛ̀ sùà, wo fèiŋ e gààŋ e yìwìà wo Jinàuŋ nɔɔ̀ŋ e wèè niŋ nyìngà sùà.

Ɛfesɔ̀ 3:16 ပူးပေါင်းရင်းမြစ်များ

Maafiù 6:13

Ɓɔ̀ mùŋ koà wi è wàa nyìnga dìì, kɛɛ yɛ̀mɛ̀ wi diɛŋ e yìwìà koɓɛ̀ wo Nyùùŋ kɛ̀ɛ̀nɛ̀ŋ ke Kpèè Naanààaŋ. Esaɓù kɛ̀ muàŋ nàŋ kanaŋ e kanaà, yèè e gààaŋ, yèè e jòòwoɛ̀ wèè julɔfɔ. Àmiinàŋ.’

Luùm 2:29

Wo nyùnɔ̀ɔŋ yaà wo Juùù kɛnɛ wɔ̀, nàŋ yaà wo yèɔ naŋ kìlè ke jiiuŋ nɛɛ̀ŋ e tɔ̀ɔ̀nyaàŋ sùà wɔ. Wo Jìnàŋ Dayàa zà naŋ nyɛ̀nɛ̀ŋ e tòmo lɛɛ̀, e fè màŋ sàwà maŋ yaà sìnga miŋ màŋ. Wo Dayà nàŋ tɛnɛ̀ŋ wo nyùùŋ mààŋ wii, kɛɛ è fè ànyuùŋ kpùuŋ.

Luùm 7:22

Mìŋ naŋ jàà ke Sàwà Dayàa kùàŋ dìì ke jii miɛ̀ŋ gbiŋ sùà.

Luùm 9:23

Wò naŋ wa tɛɛ̀ nyɛ̀nɛ̀ŋ nààŋ wò naŋ wa tɔ̀ɔ̀ e jòòwo gbeeuŋ nɛ̀, e teengaà wò naŋ wa kɛ̀ɛ̀nɛ̀ŋ ke nyowo anyunùuŋ nyàŋ diɛŋ aŋ yè nyaŋ wò naŋ wa tàeɗùù wèè aŋ nɔ̀ŋ aŋ bà nyiŋ bà e jòòwouŋ nɛ̀ sùà nyaŋ.

1 Kɔliìŋ 16:13

Ɓɔ̀ nìŋ nɔ̀ŋ màŋjàwè, sìeìŋ gbàùŋ gbàùŋ e hààweɛ̀ sùà, kùwieìŋ jii nyingè, niŋ nyìngà sùà.

2 Kɔliìŋ 12:9

Kɛɛ wò naŋ fasàì wààŋ, “E kìɛŋ tɛ̀ɛ̀tɛ̀ɛ̀ mɛ̀ nɔŋ mùŋ kuwa maŋ kɛɛnɛ̀ŋ, yèè e gaàŋ mɛ̀ nàŋ yaà e gbeeɛ̀ sèè mùŋ yɔkpɔ̀.” Kpeiŋ kɛ̀ ke jii kèim fà wèè ka kɛ̀ɛ̀ maŋ nyòngà wèè e yɔ̀kpɔ mɛ̀, e wèè ka yɛ̀mɛ̀ e gààŋ Jisɛ̀ Kulaìɛ yɛmɛ̀ nyùùŋ diɛŋ lɛ̀ ko diɛim.

2 Kɔliìŋ 4:16

E wèè esaɓù lɛɛ̀, e ɓɔ̀mɔ̀ŋ fè wi wùìyà, jòòpɛɛ e kɔɔ wilɛ̀ yaà yɔ̀kpɔ sùà, kɛɛ wo Dayà sie wo jinàŋ wiɔ̀ e gààŋ niìsìa gbiŋ.

Ɛfesɔ̀ 1:18

Mìŋ dawà wèè maŋ jiiiŋ màŋ maŋ yilè e kìlà niŋ yɛmɛ̀ e gbolòùuŋ nɛ, e wèè niŋ nyìmàŋ kɛ̀ kiìŋ nàŋ yaà ke jii tùliaà ke yèɛ wò naiŋ nyààŋ e weè nyiŋ nɛ̀, kɛ̀ nìŋ do nàŋ yɛ̀mɛ̀ e ɗeweɛ̀ maŋ kpùùmàŋ e keì sìàŋ gbeeuŋ nɛ̀ naŋ banè lɛ, maŋ yè maŋ wò naŋ ɓèmè e ɗààhiì wèè wo fè anyùùŋ nɛɛmauŋ nyàŋ gbiŋ lɛ̀,

Ɛfesɔ̀ 1:7

Esàɓù maŋ sɛ̀ìŋ Jisɛ̀ Kulaì maŋ sùà wo Dayà naŋ wi bilɛ̀ŋ wèè foo, tii naŋ tɔɔ̀ kɛ̀ wò jùùyà maŋ jùumù wi màŋ hakɛ̀. E tɛ̀ɛ̀tɛ̀ɛ̀ Dayàa naŋ dɛɛ̀,

Ɛfesɔ̀ 2:7

Wo Dayà naŋ tɛɛ̀ nyɛ̀nɛ̀ŋ wèè e ɗùùnyàŋ ko dòmàŋfeìŋ nɛ sùà, wo tɔɔ̀ maŋ bàne màŋ yaà e tɛ̀ɛ̀tɛ̀ɛ̀ gò kùwìè kò dìauŋ nɛ̀, yèè ke jii siaàŋ wò kuwa weè wi esàɓù Jisɛ̀ Kulaì sùà lɛ.

Ɛfesɔ̀ 3:15

wo yèɔ naŋ jàà maŋ kpoo màŋ gbiŋ maŋ dèè ko àìjɛnɛ̀ŋ yaà e dììɛ diɛŋ wɔ̀.

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,

Ɛfesɔ̀ 6:10

E gbio sùà, tòòyaìŋ e kɔɔ nyingèiŋ nɛ̀ nààŋ nìŋ yaà aŋ bàiŋbà Kanaà Jisɛ̀ Kulaì sùà esàɓù e gààŋ zùlù gbeeuŋ nɛ̀ sùà lɛ.

Fèle 4:13

Kà ɓɛnɛ̀ŋ wèè ka kɔ̀ɛ̀ e keì ɗewe gbiŋ sùà, esaɓù kɛ̀ wo Jisɛ̀ Kulaì nyɛnɛŋ kà kɛ̀ɛ̀nɛ̀ŋ e gààaŋ wèè ka tii nyɛ̀nɛ̀ŋ.

Fèle 4:19

Wo Dayàa mìŋ zoolà wɔ, doiŋ nàŋ kìɛ̀ŋ manɛ̀ŋ maŋ gbiŋ nìŋ naŋ kpɛɛ̀ŋ weè miŋ màŋ, e yìwìà e bàneɛ̀ wò kuwa lɛ̀ esàɓù e nɛ̀ɛ̀màŋ Jisɛ̀ Kulaìɛ sùà.

Kòlo 1:11

È zoolà wo Dayà wèè woiŋ kìɛ̀ŋ e gààŋ e yìwìà e gaàŋ jòòwouŋ nɛ̀, e kìlà naŋ kɛ̀ɛ̀nɛ̀ŋ gààŋ wèè naŋ kɔ̀ɛ̀ e keì ɗewe gbiŋ sùà ke jii tɔumtɔ̀ùm sùà. E yìwìà e zɔlɔ̀ gèe sùà, kìɛìŋ ke sɛ̀ gè koɓɛ̀ wo Dèdaà, wo yèɔ naiŋ nyɛ̀nɛ̀ŋ nìŋ naŋ nɔ̀ŋ aŋ bàiŋbà wèè naŋ kɛ̀ɛ̀nɛ̀ŋ e nɛ̀ɛŋ bà wo Dayà naŋ bànè hàa wèè anyùùŋ nɛɛmauŋ nyàŋ e kànà e gbolòùŋ nɛ sùà.

Kòlo 1:27

Wo Dayà naŋ wa ɗewè wèè wo tɔ̀ɔ̀ ke gbùnuuŋ nɛɛ̀ŋ koɓɛ̀ anyùùŋ nɛɛmauŋ nyàŋ, ke gbùnu kɛ̀ɛ̀nɛ̀ŋ bàne yaà e jòòwo yɛɛ̀, ke yèɛ wò kuwa wèè anyùùŋ nyaŋ gbiŋ nyàŋ. Ke gbùnu bi zà nàŋ yaà kɛ̀, wo Jisɛ̀ Kulaì joàìŋ ko sùà, yèè wuŋ nàŋ yaà ke jii tùliaiŋ nɛɛ̀ŋ wèè naŋ nɔ̀ŋ aŋ bàiŋbà e jòòwò Dayàa sùà.

Kòlo 2:2

Mìŋ nyɛnɛŋ tɛɛ̀ wèè ka nyiŋ kiɛ̀ŋ ke jii nyingè e kìlà ka nyiŋ jàànè koɓɛ̀ guùŋ e mànaŋ sùà, wo Dayà do nyiŋ nàŋ kìɛ̀ŋ e kpùùmaŋ gbee wèè aŋ nyìmàŋ kɛ̀ kiìŋ e nɛ̀ŋ nyìmaŋ kɛnɛ hiàŋ. E ɗewe lɛɛ̀ sùà, àŋ do nàŋ nyìmè ke gbùnù Dayàa. Ke gbùnu bi zà nàŋ yaà wo Jisɛ̀ Kulaì wuŋ bi.

2Time 4:17

Kɛɛ wo Kanaà naim wa nɔ̀ŋ maŋjɛ̀wɛ yèè wò naim kìɛ̀ŋ e gààŋ, weètii mìŋ naŋ wa ɓɛnɛ̀ŋ wèè ka wòò ke miè gbìaàŋ gbiŋ koɓɛ̀ anyùùŋ nyaŋ gbiŋ fè àŋ Juùù nyaŋ wèè aŋ nyiŋ kòmàŋ, yèè mìŋ naŋ wa yɛ̀mɛ̀ e jòèye, aŋ gòim wa gè nyààŋ diɛŋ wèè àŋ nyàa nyaŋ aim jìwà.

Hiɓu 11:34

aŋ nyìmàŋ e mhɔɔ̀ŋ kùwa gbee, aŋ dùàŋ aŋ fòlà aŋ joo nyiŋ nyàŋ sìwè wèè aŋ go nyiŋ nàŋ jìwìè maŋ kòyà ɗùà. Àŋ naŋ wa yɔkpɔ̀, kɛɛ wo Dayà naŋ nyiŋ wa kìɛ̀ŋ e gààŋ, yèè àŋ naŋ ɓùlò aŋ kààlòòɗùà maŋ fuɔŋ joo.

1Pììlɛ 3:4

E siàum mɔ̀ɛ̀ e nɔ̀ŋ ke jii mɔɛ̀ŋ diɛŋ esaɓù kɛ̀ mùŋ siaŋ tùwo yèè mùŋ kuwa wo jinàŋ sìàŋ sìàŋ tùwo yèè wò naŋ tɔumtɔ̀ùm. E sìàŋ mààŋ tɛɛ̀ è yaà wèè julɔfɔ, yèè wo Dayà jàà niìŋ kùàŋ dìì.