Ɛfesɔ̀ 3:12 - WƆŊ FƐ̀Ì EBÒ SÌÀŊ DAYÀA

¹² Wo Jisɛ̀ Kulaì naŋ wi kìɛ̀ŋ ke jii nyingè yèè ke jii tùlia wèè eiŋ hnàŋ koɓɛ̀ Dayài e hààwe sùà.

Ɛfesɔ̀ 3:12 ပူးပေါင်းရင်းမြစ်များ

Jɔ̀ɔŋ 14:6

Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà.

Luùm 3:22

Wo Dayà jaa nɔŋ anyùùŋ kùàŋ dìì e tɔ̀ɔ̀nyaàŋ sùà esàɓù e hààweɛ̀ àŋ kuwa wo Jisɛ̀ Kulaì sùà lɛ. Wo Dayà nyɛnɛŋ tɛɛ̀ koɓɛ̀ anyùùŋ nyaŋ gbiŋ kuwa hààwe wo Jisɛ̀ Kulaì sùà nyaŋ, esaɓù kɛ̀ aŋ gbiŋ naŋ seenè kpaŋ.

Luùm 5:2

Wò wi hiàŋ e yìwìà e hààwe sùà koɓɛ̀ e tɛ̀ɛ̀tɛ̀ɛ̀ Dayàa è yèɛ e gòiŋ tomo weè niŋ lɛ̀, e kìlà e yèɛ è joàìŋ naàŋ sùà lɛ. Weètii e zɔlɔ̀ yaà wì, nààŋ è kùwàìŋ ke jii tùlia wèè eiŋ nɔ̀ŋ aŋ bàwibà e jòòwò Dayàa sùà.

2 Kɔliìŋ 3:4

È woà tɛɛ̀ esaɓù kɛ̀ è kuwa ke jii tùlia wo Dayà sùà esàɓù Jisɛ̀ Kulaì sùà.

Ɛfesɔ̀ 2:18

Esàɓù Jisɛ̀ Kulaì sùà, aŋ Juùù nyaŋ yèè anyùùŋ nyaŋ fè àŋ Juùù nyaŋ, yàwi nààŋ gbiŋ è naiŋ ɓɛnɛ̀ŋ wèè eiŋ hnàŋ wo Jìnàŋ gunɔ̀ɔŋ sùà ko fɛ̀ɛ̀fèìŋ Dèdaì.

Hiɓu 10:35

Kɛ̀ɛ̀nɛìŋ maŋ jii nyingè, esaɓù kɛ̀ màŋ doiŋ nàŋ hìɛ̀ŋ e jìwààjɛ̀wɛ̀ siaŋ gbee.

Hiɓu 3:6

Kɛɛ wo Jisɛ̀ Kulaì wò yaà wo nyuùŋ tùlìà jii nààŋ wò yaà wo Jɔ̀àfelaaà wo yèɔ yɛmɛ̀ anyùùŋ Dayà nyaŋ diɛŋ. Yàwi nàŋ yaà anyùùŋ Dayà nyaŋ sèè è kɛɛnɛ̀ìŋ maŋ jii nyingè yaà jii tùlia wèè e yèɛ è yààìŋ yɛ̀ɛ̀mɛ̀ dòmaŋ lɛ̀.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,

1Jɔ̀ɔŋ 2:28

Nyɛ̀iŋ nààŋ jɔ̀àim nyàŋ, jèeìŋ aŋ bàiŋbà wo Jisɛ̀ Kulaì sùà, e wèè sèè wo hnàŋ wa nàwèè eiŋ kɛ̀ɛ̀nɛ̀ŋ ke jii tùlia yèè e naìŋ nyɛ̀ɛ̀nɛ̀ŋ è sàngè sùà kè ɗɔ̀ɔ̀ hnàauŋ nɛɛ̀ŋ diɛŋ.

1Jɔ̀ɔŋ 3:21

Dàwi mànaim nyàŋ, sèè maŋ jii wi màŋ go wi jèè e keì, kɛ̀ e jùù naàŋ wi nyɛ̀nɛ̀ŋ wèè è doiŋ sìè wò Dayà fɛɛ̀feìŋ.