Ɛfesɔ̀ 3:10 - WƆŊ FƐ̀Ì EBÒ SÌÀŊ DAYÀA

¹⁰ Wo Dayà do nàŋ tòòmò ke gbòò anyuùŋ hààwe nyàŋ, wèè wo tɔ̀ɔ̀ anyùùŋ gbèègbèè fuɔŋ nyàŋ, yèè anyùùŋ gààŋ nyaŋ ko àìjɛnɛ̀ɛŋ aŋ nyìmàŋ e kèè maŋ jiikɛ̀ɛ gɛ̀wɛɛ̀ maŋ gbiŋ wò kuwa màŋ.

Ɛfesɔ̀ 3:10 ပူးပေါင်းရင်းမြစ်များ

Luùm 11:33

Diè wo Dayà yaà yɛi tɛ̀ɛ̀ zimgbe koɓɛ̀ anyùùŋ nyaŋ gbiŋ le! Diè wò kuwa yɛi jiikɛ̀ɛ zimgbe yèè wò naŋ nyìmè e keì fèemàŋ le! Ɓòò naŋ ɓɛ̀nɛ̀ŋ gɔ̀àì è kitiuŋ nɛ̀ sùà? Ɓòò naŋ ɓɛ̀nɛ̀ŋ nyìmàŋ maŋ kpèèuŋ màŋ?

Luùm 8:38

Mìŋ naŋ tùlìè e hààwe mɛ̀ jii kɛ̀ e nɛ̀ŋ gbiŋ fè wèè eim gè è mànàŋ Dayàa sùà. E fè pɛɛ è fàa ɔ̀ɔ̀ wɔ̀ŋ nyiiŋ gèe, aŋ màikà ɔ̀ɔ̀ anyùùŋ gbèègbèè ko àìjɛnɛ̀ŋ nyaŋ yaà maŋ gaàŋ gbeegbèè joo, miŋ dò nàŋ sɔ̀ e jàmaìŋ lɛɛ̀ ɔ̀ɔ̀ e yèɛ do nàŋ hnè lɛ, fèim gè è mànàŋ Dayàa sùà.

1 Kɔliìŋ 1:24

kɛɛ wèè anyùùŋ nyaŋ wo Dayà naŋ nyààŋ lɛ, aŋ Juùù yèè anyùùŋ nyaŋ fè àŋ Juùù nyaŋ, ke miè gbìaŋ bi nàŋ yaà Jisɛ̀ Kulaì ko nɛ̀ɛ̀ŋ nyiŋ niìŋ wo yèɔ yaà e gààŋ Dayàa, yèè e jììkɛ̀ɛ̀ Dayàa wɔ̀.

1 Kɔliìŋ 2:7

E jiikɛ̀ɛɛ̀ mìŋ woà e kiiŋ niŋ nɛ̀, wo Dayà nàŋ kanaŋ e jììkɛ̀ɛ̀ gbùnu bi, e yèɛ yaà ko nyɛɛnɛŋ koɓɛ̀ anyuùŋ kpùuŋ nyàŋ lɛ, kɛɛ wòiŋ wa tàeɗùù tɛ wèè e nɔ̀ŋ wèè e jòòwo wilɛ̀ pangàà pɛɛ wò naŋ wa bànè e ɗuunyaàŋ.

Ɛfesɔ̀ 1:21

Wuŋ nàŋ yaà kìlìè e kana maŋ gààŋ maŋ gbiŋ diɛŋ e kpùlìà aŋ jìnàŋ nyaŋ yaà e ɗùùnyàŋ sùà yaà anyuùŋ gbeegbèè nyiŋ nyàŋ gbiŋ diɛŋ. Wò kuwa e dèè, è nìàŋ maŋ dèè gààŋ maŋ gbiŋ e ɗuunyaŋ lɛɛ̀ sùà, e kpùlìà e ɗuunyaàŋ e yèɛ pɛɛ do nàŋ hnè lɛ.

Ɛfesɔ̀ 1:23

Ke gbòò anyuùŋ hààwe nyàŋ nàŋ yaà ke kpùnàŋ Jisɛ̀ Kulaìɛ wuŋ bi wò naŋ nyiŋ dìò sùà kpaŋ, wuŋ bi nàŋ gè maŋ keì maŋ gbiŋ e ɗì.

Ɛfesɔ̀ 1:3

Gè wiìŋ wo Dayà ke sɛ̀, wo Dèdaà wèè Kana wiɔ̀ Jisɛ̀ Kulaì. E fèfoo, e wèè e nɔ̀ŋ wilɛ̀ aŋ bàwibà Jisɛ̀ Kulaì sùà, wò wi kpuumàŋ. Esaɓù kɛ̀ wò wi kìɛ̀ŋ maŋ kpùùmàŋ jinàaŋ gbiŋ e ɗùùnyàŋ àìjɛnɛ̀ɛŋ sùà.

Ɛfesɔ̀ 1:8

e yèɛ wò naŋ wi kiɛ̀ŋ zimgbe lɛ̀! Esaɓù kɛ̀ wo Dayà kuwa e jiikɛ̀ɛ kà tinàŋ gbiŋ, yèè wò naŋ nyìmè e nɛ̀ɛŋ gbiŋ.

Ɛfesɔ̀ 6:12

E fèìŋ sùmiaŋ sùà màŋ kèìŋ yaà màŋ sɛ̀ìŋ, sɔɔ̀ aŋ jinàŋ naanààŋ nyaŋ e ɗùùnyàŋ àìjɛnɛ̀ɛŋ sùà, yaà anyuùŋ gbeegbèè nyiŋ nyàŋ, yèè maŋ gaàŋ gò kùwìè kò dìa nyiŋ màŋ e ɗùùnyàŋ ke nyìwì lɛɛ̀ dìì.

Kòlo 1:16

E saɓùuŋ nɛ̀ sùà wo Dayà naŋ wa bànè manɛ̀ŋ maŋ gbiŋ ko àìjɛnɛ̀ŋ yaà e dììɛ diɛŋ, maŋ yè maŋ nìŋ yɛmɛ̀ e kìlà niŋ fè yɛmɛ̀ maŋ, e kpùlìà aŋ jinàŋ nyaŋ e ɗùùnyàŋ àìjɛnɛ̀ɛŋ sùà, yaà anyuùŋ gbeegbèè nyiŋ nyàŋ. Wo Dayà naŋ wa bànè e ɗuunyaàŋ gbiŋ e saɓùuŋ nɛ̀ sùà yèè e weèuŋ.

Kòlo 2:10

e kìlà tɔɔɓaa wo Dayà naiŋ nyɛ̀nɛ̀ŋ naŋ nɔ̀ŋ aŋ bàiŋbà wɔŋ nyiiŋ gèeuŋ nɔɔ̀ŋ sùà. Wuŋ nàŋ kuwa e gààaŋ aŋ sìèfèìŋ aŋ jìnàŋ nyaŋ yaà anyùùŋ gbèègbèè nyiŋ nyàŋ diɛŋ.

Kòlo 2:15

Wo Jisɛ̀ Kulaì wɔŋ vànèkpaa wiiŋ diɛŋ, naŋ wa bìlɛ̀ŋ wuŋ bi e yìwìà e gààŋ aŋ sìèfèìŋ aŋ jìnàŋ nyaŋ yaà e gààaŋ anyùùŋ gbeegbèè nyiŋ nyàŋ sìwè. Wò naŋ nyɛ̀nɛ̀ŋ anyùùŋ aŋ nyiŋ yɛmɛ̀ nààŋ àŋ yaà nyiŋ wa kòasùà mààŋ aŋ ɗò ɗùà e ɓùlauŋ nɛ̀ sùà.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

1Pììlɛ 1:12

Wo Dayà naŋ dàànè ebò koɓɛ̀ aŋ wɛ̀ijì nyɛɛ̀ŋ kɛ̀ aŋ fè wa toomo wèè è nàfà nyiŋ bi, sɔɔ̀ nyɛ̀iŋ nyàŋ, àŋ naŋ wòò maŋ keì maŋ nìŋ naŋ yaà kòmò e yìwìà aŋ keela nyàŋ naŋ dàànè Ebò Siaàŋ esàɓù e gààŋ Jìnàŋ Dayàa sùà e yìwìà ko àìjɛnɛ̀ŋ nyaŋ. Mɛɛ̀ŋ nàŋ yaà maŋ keì maŋ aŋ màikà nyaŋ kàìŋ nyaŋ pɛɛ hewa nàŋ mɔ̀nɔ̀ŋ wèè aŋ nyìmàŋ maŋ.

1Pììlɛ 3:22

wo yèɔ naŋ naàŋ kɔ̀ ko àìjɛnɛ̀ŋ wò jaa wɔŋ kùàŋ jìkà Dayàa, wò yaà nyìnìè maŋ tòmò gaàŋ gbeegbèè màŋ gbiŋ ko àìjɛnɛ̀ŋ e kìlà wò kuwa e gààŋ aŋ màìkà nyaŋ diɛ̀ŋ.