Ɛfesɔ̀ 2:20 - WƆŊ FƐ̀Ì EBÒ SÌÀŊ DAYÀA

²⁰ Nyɛ̀iŋ pɛɛ, nìŋ yaà aŋ bàiŋbà wèè ke saaàŋ, aŋ keela tàeɗùù nyaŋ yaà aŋ wɛ̀ijì nyaŋ naŋ wa tɔ̀ɔ̀tù nyɛ̀lɛ yɛ̀, yèè ke kpɛnɛɛ̀ wèè ke saaàŋ nàŋ yaà wo Jisɛ̀ Kulaì wuŋ bibì.

Ɛfesɔ̀ 2:20 ပူးပေါင်းရင်းမြစ်များ

Maafiù 16:18

Tɔ̀ miŋ woòum Piilɛ̀, muàŋ naŋ yaà wo Piilɛ̀, ke dùòɛ, yèè ke dùò yɛɛ̀ diɛŋ mìŋ do nàŋ nyɛ̀lɛ̀ ke sààŋ zòòlò ke gbòò anyuùŋ hààwe nyàŋ, e kìlà e ɗùùnyàŋ anyuùŋ fàa nyàŋ e naàŋ kɛ̀ɛ̀nɛ̀ŋ è gààŋ kò diɛŋ nyiŋ.

Maafiù 21:42

Wo Jisɛ̀ naŋ nyiŋ ɓɛìŋ woò wààŋ, “Tɔɔɓaa nàŋ wa kpɛ̀nɛ̀ŋ e sìnga lɛɛ̀ wɔŋ fɛ̀ì Dayàa sùà kɛ̀, ‘Ke dùòɛ aŋ nyùuŋ nyɛ̀lɛ nyàŋ aŋ gò wa jàà kùàŋ dìì yɛ kiiŋ naŋ wa nɔ̀ŋ ke duò kpɛnɛ tùlìà jii gbeeɛ̀ e nyɛ̀lɛɛ̀ gbiŋ sùà. Wo Kanaà Dayà wuŋ bi naŋ wa tɛɛ̀ nyɛ̀nɛ̀ŋ. E keì sìàŋ bi è siaŋ wèè yɛ̀mɛ.’ ”

1 Kɔliìŋ 12:28

Wo Dayà naŋ tà anyùùŋ maŋ ɗùù, ke gbòò anyuùŋ hààwe nyàŋ sùà. Aŋ jiɛ̀jiɛ̀ nyaŋ, naŋ yaà aŋ keela tàeɗùù nyaŋ. Aŋ dìà tìyèei nyàŋ, aŋ wɛ̀ijì nyaŋ. Aŋ dìà taai nyàŋ, aŋ kààmɔɔŋ. Aŋ yè nyaŋ nyɛnɛŋ maŋ tòmò gaàŋ gbeegbèè nyaàiŋ dè maŋ kèì mèè nyɛ̀nɛŋ. Aŋ gbànaŋ nyàŋ nàŋ yaà, aŋ yè nyaŋ wò naŋ kìɛ̀ŋ e gààŋ wèè aŋ sùngà anyùùŋ, ɔ̀ɔ̀ aŋ kpùùmàŋ anyùùŋ ɔ̀ɔ̀ aŋ nyiŋ dè ke dòmaŋ siaŋ diɛŋ, ɔ̀ɔ̀ wèè aŋ gbùùyà maŋ kaìŋ joo sùà.

Gàla 2:9

Wo Jìiiŋ, wo Pììlɛ, yàà wo Jɔ̀ɔŋ, aŋ yè nyaŋ yaà wa mààŋ aŋ sìèfeìŋ ke gbòò anyuùŋ hààwe nyàŋ, naŋ wa nyìmè kɛ̀ wo Dayà naŋ wi kìɛ̀ŋ e dɛ̀ɛ̀kɛ titi lɛɛ̀, yèè àŋ naŋ wi hɔ̀ɔ̀ kùàŋ sìwè yàwi Bànaŋɓà, wèè e tɔɔ̀ kɛ̀ yàwi nààŋ gbiŋ è yààìŋ anyùùŋ guùŋ. Yàwi Bànaŋɓà naŋ wa nyimèè wèè e tòòmò anyùùŋ nyaŋ fè àŋ Juùù nyaŋ tɛɛ e kìlà anyuùŋ gbànaŋ nyàŋ aŋ tòòmò aŋ Juùù jàà kpùa nyaŋ tɛɛ.

Ɛfesɔ̀ 3:5

Wo nyùùŋ gbiŋ nyimààŋ wa kè gbùnu yɛɛ̀, e jèèsùà wo Jìnàŋ Nɛɛmaàŋ naŋ ɓàà ke gbùnu bi koɓɛ̀ aŋ keela tàeɗùù nɛɛmauŋ nyàŋ yaà aŋ wɛ̀ijìuŋ nyàŋ.

Kòlo 2:7

Nyùaìŋ e gulòiŋ nɛ̀ wo Jisɛ̀ Kulaì ko sùà, e kìlà niŋ kɛɛnɛ̀ŋ gààŋ e hààweiŋ nɛ̀ sùà, màànààŋ àŋ naiŋ wa kaà lɛ. Kɛ̀ɛ̀nɛìŋ ke sɛ̀ gèe e teenga gbiŋ koɓɛ̀ Dayài.

1Pììlɛ 2:6

Wɔŋ Fɛ̀ì Dayàa naŋ woò wààŋ, “Ke dùòɛ wo Dayà naŋ tàeɗùù yɛ, kè yaà ke kpɛnɛ kùwìè sɛmɛmaŋ ke yèɛ mìŋ, yaà hàa sùà mààŋ ke kpɛ̀nɛ̀ saaŋ ko Zanyɔ̀ùŋ yɛ, yèè wo nyùnɔ̀ɔŋ gbiŋ haawàuŋ sùà wɔ, wo naàuŋ sìè sàngè julɔfɔ.”

Maŋ kèì nyɛɛnɛŋ 21:14

Àŋ naŋ wa nyìlìè wɔŋ gɔ̀ɔ̀ŋ jawa gbeeɛ̀ e kpèè le dùò zììyà jɛ̀wɛ̀ tìyèe diɛŋ. Maŋ kpɛnɛ bi diɛŋ àŋ naŋ wa sìngìè maŋ dèè aŋ keela tàeɗùù zììyà jɛ̀wɛ̀ tìyèè Ɓaawaaà.