Ɛfesɔ̀ 2:16 - WƆŊ FƐ̀Ì EBÒ SÌÀŊ DAYÀA

¹⁶ E fà Jisɛ̀ Kulaìɛ wɔŋ vànèkpaàa diɛŋ naŋ kpɛ̀ɛ̀yɛ̀ e wùònoɛ̀ e fèèmàŋ maŋ zìì tìyèe màŋ, yèè esàɓù e fàauŋ nɛ̀ wɔŋ vànèkpaàa diɛŋ, wò naŋ hìnyɛ̀ŋ maŋ kpùnàŋ tìyèe màŋ koɓɛ̀ guùŋ sùà, yèè wò naŋ nyiŋ kɛ̀lɛ̀ɛ̀ maŋjɛ̀wɛ koɓɛ̀ Dayài.

Ɛfesɔ̀ 2:16 ပူးပေါင်းရင်းမြစ်များ

Luùm 5:10

È yààìŋ wa aŋ joo koɓɛ̀ Dayài, kɛɛ wò naŋ wi nyɛ̀nɛ̀ŋ anyuùŋ mɔ̀ɔ̀nɔuŋ wèè euŋ ɓɛìŋ jɛ̀ì kɔɔ esàɓù e fà wo Jɔ̀àfelaauŋ nɔɔ̀ŋ sùà. Kɛɛ e nɛ̀ŋ bà ngèè kòò è yaà weè wi è kuwa sɛmɛ e nìàŋ e mɔ̀ɔ̀nɔŋ. Nààŋ è yààìŋ naàŋ ke jii fàa sùà koɓɛ̀ Dayài lɛ̀, wò do wi nàŋ joeyè e yìwìà wɔŋ nyììŋ wo Jɔ̀àfelaauŋ nɔɔ̀ŋ sùà.

Luùm 6:6

Èiŋ nyìmàŋ kɛ̀ nààŋ wo Jisɛ̀ Kulaì naŋ wa fɔ̀ɔ̀yɛ̀ wɔŋ vènèkpaaà diɛŋ, yaà maŋ kpùnàŋ jùumù wi màŋ naŋ wa fɔ̀ɔ̀yɛ̀ koɓɛ̀ guùŋ. Tɛɛ̀ naŋ wa kaaìŋ wèè e nyɛ̀nɛ̀ŋ e gààŋ maŋ kpùnàŋ jùumù wi màŋ nɔ̀ŋ pɔ̀ɔ̀pɔɔ niŋ, wèè e go wi ɓɛìŋ nàŋ nyɛ̀nɛ̀ŋ eiŋ nɔ̀ŋ aŋ ɗo wèè maŋ jùumù nyɛ̀nɛŋ.

Luùm 8:3

E yèɛ ke sàwàa fè wa ɓɛ̀nɛ̀ŋ nyɛ̀nɛŋ esàɓù e zɔ̀kpɔ̀ɛ yaà nyuùŋkpùuŋ sùà lɛ, wo Dayà naŋ niŋ wa nyɛ̀nɛ̀ŋ. Wò naŋ wi wa gè e ɗo dìì e yìwìà maŋ jùumù wi màŋ sùà, nààŋ wò naŋ tùɔ̀ŋ wo Jɔ̀àfèlàà wuŋ biɔ̀ wèè wo nɔ̀ŋ wo nyuùŋkpùuŋ mààŋ yàwi bi, e kìlà wèè wo kùwà e nimilà wèè maŋ jùumù wi màŋ.

Luùm 8:7

Weètii sèè anyuùŋ kpùuŋ nɔŋ kɛ̀ɛ̀nɛ̀ŋ gòngo wèè e nɛ̀ɛŋ maŋ kpùnaŋ nyiŋ màŋ manaŋ lɛ̀, àŋ do nɔ̀ŋ aŋ joo koɓɛ̀ Dayài. Aŋ fè jɔ̀ɔ̀lɔ̀ màŋ sàwà Dayà maŋ dìì, e kìlà ngèè aŋ fè miŋ ɓɛ̀nɛ̀ŋ jɔ̀ɔ̀lɔ̀ dìì.

1 Kɔliìŋ 10:17

Ke gbɔ̀uɛ̀ kè yaà kè guùŋ, wèè yàwi nààŋ gbiŋ, jòòpɛɛ è naiŋ mùŋgò, kɛɛ è yààìŋ ke kpùnàŋ guùŋ, esaɓù kɛ̀ è yààìŋ aŋ bàiŋbà koɓɛ̀ ke gbɔ̀ù guùŋ bi.

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Ɛfesɔ̀ 2:15

Wò naŋ jàà maŋ Sàwà aŋ Juùù nyaŋ e ɓula yaà maŋ langi miŋ màŋ gbiŋ, wèè wo miinè anyùùŋ tìyèe nyɛɛ̀ŋ wo nyùùŋ guùŋ ke gboòuŋ nɛɛ̀ŋ sùà, wèè wo hiàŋ ke jii fàa.

Ɛfesɔ̀ 3:6

Ke gbùnu bi nàŋ yaà kɛ̀, esàɓù Jisɛ̀ Kulaì sùà, ke mìè gbìàŋ Ebò Siaàŋ kè nɔ̀ŋ esàɓù anyùùŋ nyaŋ fè àŋ Juùù nyaŋ àŋ nɔ̀ŋ aŋ bà nyiŋ bà koɓɛ̀ e ɗààhiìɛ wo Dayà naŋ wa ɓemè koɓɛ̀ aŋ Juùù nyaŋ lɛ̀, e kìlà wo Dayà nyɛ̀nɛ̀ŋ àŋ nɔ̀ŋ aŋ bà nyiŋ bà ke gbòò Jisɛ̀ Kulaìɛ sùà.

Ɛfesɔ̀ 4:4

Ke kpùnaàŋ kè yaà kè guùŋ, wo Jinàaŋ yaà wò guùŋ màànààŋ nɔŋ wo Dayà naiŋ wa kìɛ̀ŋ ke jìì tùlìà guùŋ e teengaà wò naiŋ wa tàeɗùù wèè naŋ nɔ̀ŋ anyunùuŋ lɛ̀.

Kòlo 2:14

Wo Dayà naŋ sɛ̀ɛ̀sɛ̀ɛ̀ wɔŋ fɛ̀ì maŋ kpàŋ wi màŋ naŋ wi sɔ̀ dèè e nyaàiŋ dè maŋ keì naanààŋ wi màŋ gbiŋ diɛŋ, yèè wò naŋ miŋ kpùùnyɛ̀ŋ wɔŋ vànèkpaaà diɛŋ.

Kòlo 3:15

Ke jii fàaà wo Jisɛ̀ Kulaì kiɛ̀ŋ lɛ nàŋ yaà wèè keiŋ yɛ̀mɛ̀ diɛŋ e nyaàiŋ dè e ɗèweɛ̀ nìŋ nyɛnɛ̀ŋ lɛ̀. E wèè esàɓù ke jii fàa yɛɛ̀ wo Dayà naiŋ nyààŋ koɓɛ̀ guùŋ ke kpùnàŋ guùŋ sùà, weètii kɛ̀ɛ̀nɛìŋ ke sɛ̀ gèe koɓɛ̀ Dayài.