Ɛfesɔ̀ 2:12 - WƆŊ FƐ̀Ì EBÒ SÌÀŊ DAYÀA

¹² E teenga lii sùà niŋ nyimààŋ wa è kèè Jisɛ̀ Kulaìɛ. Nìŋ yaà wa anyùùŋ fuɔŋ joo koɓɛ̀ anyùùŋ Ezɔ̀ɛ̀ nyaŋ wo Dayà naŋ tàeɗùù nyaŋ, yèè niŋ fè wa àŋ bàiŋbà kòɓɛ̀ è mìèsùàguùŋ nɛ è yèɛ wò Dayà naŋ wa ɓèmè è ɗààhiì kòɓɛ̀ ànyunùuŋ nyàŋ lɛ. Nìŋ yaà wa e ɗuunyaŋ lɛɛ̀, kɛɛ niŋ kuwà wa kò tùlìè jii bà gbiŋ, yèè niŋ gò wa gbɛ̀ɛ̀ Dayà kɔɔ tòloò pɛɛ.

Ɛfesɔ̀ 2:12 ပူးပေါင်းရင်းမြစ်များ

Luù 1:72

Wo Dayà wààŋ wò do nàŋ tɔ̀ɔ̀ ke nyowo koɓɛ̀ anyuùŋ wi nyàŋ, e kìlà wo jàà e ɗààhìì e mìèsùàgùùŋ nɛɛmauŋ nɛ̀ jii.

Jɔ̀ɔŋ 10:16

Kòò mìŋ kuwa aŋ ɓaawaa joo bà àŋ yè nyaŋ fè wɔ̀ŋ gɔ̀ɔ̀ŋ àŋ ɓaawaa nyɛɛ̀ŋ kò sùà nyaŋ. Mìŋ kuwa ka nyiŋ hìàŋ koɓɛ̀ guùŋ nyiŋ pɛɛ, yèè àŋ do nàŋ kòmò ke miè miɛ̀ŋ. Kpeiŋ àŋ do nàŋ nɔ̀ŋ ke gbòò maŋ ɗòlònɛ̀ŋ aŋ ɓààwàà guùŋ.

Jɔ̀ɔŋ 15:5

“Miàŋ nàŋ yaà mààŋ ke kuùkpù gbeeɛ̀, nyɛ̀iŋ nàŋ ya maŋ kuù kpee màŋ. Anyùùŋ nyaŋ gbiŋ nyiniàm wɔŋ nyiiŋ gèe nyiŋ nɔɔ̀ŋ ko sùà nyaŋ, miàŋ pɛɛ mìŋ do nyiŋ nàŋ nyìnìè wɔŋ nyiiŋ gèe miɔ̀ŋ ko sùà. Anyùùŋ nyiiŋ do nàŋ kɛ̀ɛ̀nɛ̀ŋ e hààya zimgbe, esaɓù kɛ̀ aŋ fè ɓɛ̀nɛ̀ŋ nyɛ̀nɛ̀ŋ è keì kɛnɛ gbiŋ èɓìèmàŋjɛ̀wɛ̀ miàŋ.

Jɔ̀ɔŋ 4:22

Anyùùŋ nyaŋ e yìwìà ko Sàmilià aŋ nyimààŋ kɛ̀ ɓòò àŋ zoolà. Kɛɛ yàwi nààŋ Juùù nyaŋ èiŋ nyìmàŋ wo Dayàa è zoolàìŋ wɔ, yèè esaɓù wilɛ̀ sùà anyùùŋ nyaŋ gbiŋ e ɗuunyaàŋ àŋ do nàŋ jòèyè.

Nyɛ̀nɛ̀ŋ 2:39

Esaɓù kɛ̀ wo Dayà naŋ wa jɔ̀ɔ̀ ɗààhiì ko nɛ̀ɛ̀iŋ niìŋ yèè aŋ jɔ̀àiŋ nyàŋ, yèè koɓɛ̀ anyùùŋ nyaŋ yaà koɓɛ̀ dii nyàŋ, aŋ yè nyaŋ gbiŋ wo Kanaà wo Dayà wiɔ̀ do nàŋ nyààŋ koɓɛ̀ wuŋ biì nyaŋ.”

Nyɛ̀nɛ̀ŋ 28:20

Wèè esaɓù lɛɛ̀ mìŋ naŋ dawè wèè kaum yɛmɛ̀ e kìlà wèè kaum gbòà kɔɔ, nààŋ è yaà esàɓù wo nyùnɔ̀ɔŋ wo yèɔ anyùùŋ Ezɔ̀ɛ̀ nyaŋ kuwa ke jii tùlia sùà wɔ àŋ naim sìè maŋ jɔ̀ɔɔ mɛɛ̀ŋ.”

Nyɛ̀nɛ̀ŋ 3:25

E yìwìà aŋ keelauŋ nyàŋ sùà, wo Dayà naŋ wa jɔ̀ɔ̀ ɗààhiì weèiŋ, yèè nìŋ yaà aŋ bàiŋbà wèè e ɗààhìì e mìèsùàguùŋ lɛ wo Dayà naŋ wa nyɛ̀nɛ̀ŋ koɓɛ̀ aŋ nèwàènèweiŋ nyàŋ lɛ. Wo Dayà naŋ wa wòò wo Eɓulɔhɛɛ̀ŋ wààŋ, ‘E yìwìà aŋ jɔ̀ɛ̀ jɔ̀ɛ̀ɛum nyàŋ sùà mìŋ do nàŋ kpùùmò anyùùŋ nyaŋ gbiŋ e dììɛ diɛŋ.’

Luùm 9:8

Tɛɛ̀ naŋ tɔɔ̀ kɛ̀, e fè àŋ jɔ̀à nyaŋ gbiŋ wò Eɓulɔhɛɛ̀ŋ naŋ wa kòmò nyaŋ, wò Dayà naŋ wa jɔ̀ɔ̀ ɗààhiì wèè aŋ nɔ̀ŋ àŋ jɔ̀à Dayà. Kɛɛ aŋ jɔ̀à nyaŋ àŋ naŋ kòmò e esàɓù e ɗààhiìɛ wo Dayà naŋ wo jɔ̀ɔ̀ lɛ̀ nàŋ yaà aŋ jɔ̀à tɔ̀ɔ̀nyaàŋ nyaŋ.

Gàla 4:8

E teenga gɔu sùà niŋ nyimààŋ wa wo Dayà, nìŋ yaà wa aŋ ɗo wèè aŋ yè nyaŋ fè àŋ dayà kɛnɛ nyàŋ.

Ɛfesɔ̀ 2:19

E wèètii, nyɛ̀iŋ nyàŋ niŋ fè àŋ Juùù nyaŋ, niŋ fè ɓɛìŋ ànyùùŋ fuɔŋ joo ɔ̀ɔ̀ ànyùùŋ nèè nyɛiŋ, nìŋ yaà naàŋ aŋ kɛ̀ɛ̀nɛ̀ŋ fuɔŋ nyɛ̀iŋ nààŋ nyùùŋ nɛɛmaŋ nyàŋ gbiŋ koɓɛ̀ guùŋ, yèè aŋ bàiŋbà ke kpòò Dayàa sùà.

Ɛfesɔ̀ 4:18

Maŋ gòngo màŋ maŋ jii nyiŋ màŋ sùà naŋ kùwò nyìwì. Aŋ fè àŋ bà nyiŋ bà gbiŋ kòɓɛ̀ wɔ̀ŋ nyiiŋ gèeɔ̀ wò Dayà kiɛ̀ŋ wɔŋ, aŋ nyimààŋ è nɛ̀ŋ bà gbiŋ, yèè àŋ naŋ nyìngè e ɗì.

Kòlo 1:21

E tèèngà guùŋ bà nìŋ naŋ wa gòò wo Dayà fauŋ, yèè nìŋ naŋ wa nɔ̀ŋ aŋ joouŋ esàɓù maŋ gòngo naanààŋ yèè maŋ keì naanààŋ maŋ nìŋ naŋ wa nyɛ̀nɛ̀ŋ maŋ,

Kòlo 1:27

Wo Dayà naŋ wa ɗewè wèè wo tɔ̀ɔ̀ ke gbùnuuŋ nɛɛ̀ŋ koɓɛ̀ anyùùŋ nɛɛmauŋ nyàŋ, ke gbùnu kɛ̀ɛ̀nɛ̀ŋ bàne yaà e jòòwo yɛɛ̀, ke yèɛ wò kuwa wèè anyùùŋ nyaŋ gbiŋ nyàŋ. Ke gbùnu bi zà nàŋ yaà kɛ̀, wo Jisɛ̀ Kulaì joàìŋ ko sùà, yèè wuŋ nàŋ yaà ke jii tùliaiŋ nɛɛ̀ŋ wèè naŋ nɔ̀ŋ aŋ bàiŋbà e jòòwò Dayàa sùà.

Kòlo 1:5

E teengaà ke mìè gbìàŋ tɔ̀ɔ̀nyààŋ Ebò Siaàŋ naŋ wa hnè ko nɛ̀ɛ̀iŋ niìŋ jiɛ̀ lɛ, nìŋ naŋ wa kòmò e kèè ke jii tùliaà è kiɛ̀ŋ lɛ. Weètii e hààweɛ̀ yèè e mànaàŋ nìŋ kuwa lɛ̀, nàŋ yaà e yèɛ nìŋ yaà kaame ke jii tùlia sùà lɛ, e yèɛ yaà bàànè hàa weèiŋ ko àìjɛnɛ̀ŋ lɛ.

1Tɛsè 4:13

Nyɛ̀iŋ nààŋ wùìya wi nyàŋ, è manaŋ wèè naŋ nyìmàŋ e tɔɔɓaà nyaàiŋ dè anyùùŋ nyaŋ naŋ fɔ̀ nyaŋ, wèè ke nyowo goiŋ nàŋ nɔ̀ŋ nyinie mààŋ ànyuùŋ gò kùwìè kè jii tùlia.

1Tɛsè 4:5

È ɗèweiŋ nɛ̀ ɓɔ̀ è nɔ̀ŋ è gòngò hmɔŋtu nyɛ̀nɛŋ màŋjɛ̀wɛ mààŋ anyùùŋ nyaŋ nyimààŋ Dayà nyaŋ.

2Tɛsè 2:16

Tɔ̀ wo Kana wiɔ̀ Jisɛ̀ Kulaì wuŋ bi yèè wo Dayà wo Dèdaà, wo yèɔ mànàŋ wì e kìlà wò kiɛ̀ŋ wì keì sìàŋ yèè e yìwìà e tɛ̀ɛ̀tɛ̀ɛ̀uŋ nɛ̀ sùà wò kiɛ̀ŋ wi ke jìì nyìngè nyiiŋ gèe gò jùà, yèè ke jii tùlia nyìngà sùà wɔ,

1Time 1:1

E yìwìà miàim Pɔɔ̀ sìwè, mìŋ yaà wo keela tàeɗùù wèè Jisɛ̀ Kulaì e yìwìà e gààŋ Dayàa wo Nyuùŋ Jòèye wiɔ̀ yaà wo Jisɛ̀ Kulaì yèɔ kiɛ̀ŋ wì ke jii tùlia wɔ.

Hiɓu 11:34

aŋ nyìmàŋ e mhɔɔ̀ŋ kùwa gbee, aŋ dùàŋ aŋ fòlà aŋ joo nyiŋ nyàŋ sìwè wèè aŋ go nyiŋ nàŋ jìwìè maŋ kòyà ɗùà. Àŋ naŋ wa yɔkpɔ̀, kɛɛ wo Dayà naŋ nyiŋ wa kìɛ̀ŋ e gààŋ, yèè àŋ naŋ ɓùlò aŋ kààlòòɗùà maŋ fuɔŋ joo.

Hiɓu 6:18

Manɛ̀ŋ ɗì tìyèe mɛɛ̀ŋ nàŋ yaào. Wo Dayà fè tòà, wo fè kìlà kè jiiuŋ nɛɛ̀ŋ julɔfɔ wèè e ɗààhiìɛ wò naŋ jɔ̀ɔ̀ e kìlà wò naŋ gbòònò diɛŋ lɛ̀. Yàwi nyàŋ naiŋ kɔ̀ ko nɛ̀ɛ̀uŋ niìŋ wèè wo wi joeyè nyaŋ, è doiŋ wɛ̀i nàŋ kɛ̀ɛ̀nɛ̀ŋ jii nyingè gbee wèè eiŋ kùwà kpaŋ koɓɛ̀ ke jii tùliaà yàwì ko feìŋ lɛ.

Hiɓu 8:6

Wo Dayà naàŋ tà wo Jisɛ̀ ɗùù wèè wo nyɛ̀nɛ̀ŋ e tòmò sìèfèìŋ zòòlo, e yèɛ kuwa gààŋ e nìàŋ e je nyiŋ nɛ̀, màànààŋ nɔŋ e ɗààhìì e mìèsùàguùŋ nɛ wò naŋ bànè ke sàwà diɛŋ e fèèmàŋ Dayà yaà anyunùuŋ è yaà e kɛnɛ niŋ nɛ̀, esaɓù kɛ̀ e ɗààhiì bi e nyaàiŋ naŋ dè ke jii tùlia wèè manɛ̀ŋ kɛnɛ.

1Pììlɛ 1:21

Esàɓù Jisɛ̀ Kulaì sùà nìŋ naŋ hààwè Dayà, wo yèɔ nauŋ gèe dìì e yìwìà e fàa dìì, yèè wò nauŋ fè e jòòwo, wèètii e hààweiŋ nɛ̀ yèè ke jii tùliaiŋ nɛɛ̀ŋ yaà koɓɛ̀ Dayài.

1Pììlɛ 1:3

Gè wiìŋ wo Dayà ke sɛ̀ wo dèdà Kana wiɔ̀ Jisɛ̀ Kulaìɔ! Esàɓù ke nyowo gbeeuŋ nɛɛ̀ŋ sùà, wò naŋ wi kìɛ̀ŋ wɔŋ nyiiŋ gèe jɛi nààŋ wò naŋ gè wo Jisɛ̀ Kulaì e fàa dìì. Tɛɛ̀ naŋ wi dììyè wɔŋ nyiiŋ gèe tùlìà jii ko sùà,

1Pììlɛ 3:15

Kɛɛ kùwieìŋ e ɓɛ̀ɛ̀jàa wèè Jisɛ̀ Kulaì maŋ jiiiŋ màŋ sùà, yèè niŋ joowòuŋ mààŋ wo Kana maŋ nyiiiŋ màŋ sùà. Nɔ̀ɔìŋ e bànèbaneiŋ e teenga gbiŋ sùà wèè naŋ fàsàì nyùùŋ gbiŋ wo yèɔ dawàìŋ wèè nauŋ fè ke jii gbài wèè ke jii tùliaà yààìŋ sùà lɛ.

1Jɔ̀ɔŋ 3:3

Wo nyùnɔ̀ɔŋ gbiŋ kuwa ke jii tùlia yɛɛ̀ wo Jisɛ̀ Kulaì sùà wɔ, wò nyɛnɛŋ wuŋ bi sengei màànààŋ wo Jisɛ̀ wuŋ bi yaà sengei lɛ̀.