Ɛfesɔ̀ 2:1 - WƆŊ FƐ̀Ì EBÒ SÌÀŊ DAYÀA

¹ E gɔuɛ̀ sùà, nìŋ naŋ wa fɔ̀ wo jinàiŋ nɔɔ̀ŋ sùà esàɓù maŋ keì naanààŋ, yèè maŋ jùumùiŋ màŋ.

Ɛfesɔ̀ 2:1 ပူးပေါင်းရင်းမြစ်များ

Maafiù 8:22

Wo Jisɛ̀ naŋ fasàì wààŋ, “Dèim maŋjɛ̀wɛ, dàngè anyùùŋ nyaŋ naŋ gàngà wèè aim dè maŋjɛ̀wɛ nyàŋ, nààŋ àŋ yaà fàa nyiŋ wo Jinàaŋ sùà nyaŋ, aŋ sìà anyuùŋ fàa nyiŋ nyàŋ.”

Luù 15:24

Esaɓù kɛ̀ wo jɔ̀àfelaaim wɛɛ̀ naŋ wa fɔ̀, kɛɛ wò yaà naàŋ wɔŋ nyiiŋ gèeɔ̀ sùà. Wò naŋ wa go, kɛɛ kàuŋ naàŋ mɛɛ̀ŋ.’ Yèè wɔŋ ɗaaà naŋ tɔɔtù.

Luù 15:32

Kɛɛ è kuwa eiŋ gè zɔlɔ̀ esaɓù kɛ̀ wo wùìyà mɔɔ̀ŋ naŋ mɛ̀iŋ fɔ̀, kɛɛ kòò wò yaà naàŋ wɔŋ nyiiŋ gèeɔ̀ sùà, wò naŋ wa go, èuŋ mɛɛ̀ŋ.’ ”

Jɔ̀ɔŋ 10:10

Wo nyuùŋ wùaà wò hnàŋ nɔŋ wèè wo wùà, wo jìwà wo nyùùŋ, yèè wo pɔ̀ɔ̀pɔ̀ɔ̀ maŋ nɛ̀ŋ. Kɛɛ mìŋ naŋ hnè wèè kɛ̀ anyùùŋ nyaŋ gbiŋ aŋ kɛɛnɛ̀ŋ wɔŋ nyiiŋ gèe, yèè aŋ wɔŋ kɛɛnɛ̀ŋ e dìa suà wuŋ kpaŋ.

Jɔ̀ɔŋ 14:6

Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà.

Jɔ̀ɔŋ 5:21

Màànààŋ nɔŋ wo Dèda miɔ̀ŋ gè anyuùŋ fàa nyàŋ dìì yèè wo nyiŋ kìɛ̀ŋ wɔŋ nyiiŋ gèe, yɛi nɔŋ e ɗèwè guùŋ bi sùà miàim wo Jɔ̀àfelaauŋ nɔɔ̀ŋ kiɛ̀ŋ wɔŋ nyiiŋ gèe koɓɛ̀ wo nyùnɔ̀ɔŋ mìŋ manaŋ wɔ̀.

Jɔ̀ɔŋ 5:25

Mìŋ yààìŋ wòo sùà e tɔɔɓaaà kɛ̀ e teenga do nàŋ hnè, yèè ngèè kòò è yaà naàŋ kià tɛ, anyuùŋ fàa nyàŋ do nàŋ kòmò ke mìè miàim wo Jɔ̀àfèlàà Dayàa. Yèè anyùùŋ nyaŋ do nyiŋ nàŋ kòmò nyaŋ do nàŋ nɔ̀ŋ wɔŋ nyiiŋ gèe sùà.

Luùm 8:2

Wo Jìnàŋ Dayàa wò nyɛ̀nɛ̀ŋ saɓù wèè eiŋ nɔ̀ŋ wɔŋ nyiiŋ gèe sùà e ɗewe kii jɛi sùà, esàɓù e jìwààjɛ̀wɛ̀ e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ weè wilɛ̀. Wò bànè ke dòmaŋ joo wèè wo jòèyè yàwi nààŋ bà guùŋ gbiŋ wèè e gòiŋ nàŋ jɔ̀ɔ̀lɔ̀ maŋ kpèè nàànààŋ maŋ kpùnaŋ wi màŋ dìì, e kìlà maŋ nyɛ̀nɛ̀ŋ eiŋ fɔ̀ɔ̀yɛ̀ maŋ jùumù sùà.

1 Kɔliìŋ 15:45

Wɔŋ fɛ̀ì Dayàa wààŋ, “Wo felaa jiɛ̀jiɛ̀ɔ, Adamàŋ, àŋ nauŋ wa banè wò yaà wa wo nyuùŋkpùuŋ gè nyiiŋ.” Kɛ̀ɛ̀ wo Adamàŋ dìàmaàŋ, wò yaà wo Jinàŋ kìɛ̀ŋ wɔŋ nyiiŋ.

2 Kɔliìŋ 5:14

E mànàŋ Jisɛ̀ Kulaì, nàŋ kilìà wì e kana ko diɛŋ wèè ka nyɛ̀nɛ̀ŋ e yèɛ gbiŋ yaà tɛ̀ɛ̀ lɛ, nààŋ è naiŋ jàà jii kɛ̀ wo fèlàà guùŋ naŋ fɔ̀ wèè anyùùŋ nyaŋ gbiŋ, e yèɛ naŋ tɔɔ̀ kɛ̀ wo nyùùŋ gbiŋ yaà e bàuŋbà wèè e fàa bi lɛ̀.

Ɛfesɔ̀ 4:18

Maŋ gòngo màŋ maŋ jii nyiŋ màŋ sùà naŋ kùwò nyìwì. Aŋ fè àŋ bà nyiŋ bà gbiŋ kòɓɛ̀ wɔ̀ŋ nyiiŋ gèeɔ̀ wò Dayà kiɛ̀ŋ wɔŋ, aŋ nyimààŋ è nɛ̀ŋ bà gbiŋ, yèè àŋ naŋ nyìngè e ɗì.

Ɛfesɔ̀ 5:14

E gbolòùŋ nɛ nàŋ tɔɔ̀ e nɛ̀ŋ gbiŋ janjai. E wèètii è yaà e wòò niŋ, “Kɛ̀ɛ̀yɛɛ̀, nyùùŋ maŋ jàwèɔ, e kìlà muŋ fòlà e fàa dìì. Kpeiŋ kɛ̀ wo Jisɛ̀ Kulaì nɔ̀ŋ e gbolòùŋ ko diɛum.”

Kòlo 2:13

E tèèngà guùŋ bà è yaà mààŋ nìŋ naŋ fɔ̀ wo jinàaŋ sùà ko fɛ̀ɛ̀fèìŋ Dayài esàɓù maŋ keì naanààiŋ màŋ, yèè aŋ gòiŋ wa jàà kpùa e kìlà niŋ fè wa ànyùùŋ Dayà aŋ yè nyaŋ kuwà màŋ sàwà maŋ nyàŋ. Kɛɛ wo Dayà wòiŋ naàŋ hìàŋ koɓɛ̀ wɔŋ nyiiŋ gèe wo Jisɛ̀ Kulaì sùà, nààŋ wò naŋ wi jùùyè hakɛ̀ wèè maŋ jùumù wi màŋ gbiŋ.

1Time 5:6

Kɛɛ wo jɔ̀ùŋèèdààa naŋ sìè wuŋ bi e gbana sùà wɔ, wò yaà e fàauŋ tɛ, jòòpɛɛ wò yaà wɔŋ nyiiŋ gèeɔ̀ sùà.

1Jɔ̀ɔŋ 3:14

Sèè e weè nɔ̀ŋ e keì wòo, èiŋ nyìmàŋ kɛ̀ e fèiŋ ɓɛìŋ è fàa dìì. È yààìŋ naàŋ wɔŋ nyiiŋ gèe sùà. Esaɓù kɛ̀, è mànàìŋ anyuùŋ hààwe dàwi wi nyàŋ. Wo nyùnɔ̀ɔŋ gbiŋ manàŋ wo dàwiuŋ nɔɔ̀ŋ wɔ, wò yaà e gààŋ fàa dìì.

Maŋ kèì nyɛɛnɛŋ 3:1

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Saɗì. “Ke miè gbìaàŋ kɛɛ̀ e yìwìà wo yèɔ kuwa aŋ jìnàŋ nɔɔnɔŋ le tìyèe nyàŋ wèè Dayà yaà maŋ ɗù nɔɔnɔŋ le tìyèe màŋ wɔ. Kà nyìmàŋ e nɛ̀ɛŋ nìŋ yaà nyinie lɛ̀. Kà nyìmàŋ kɛ̀ nìŋ yaà mààŋ wo nyùùŋ nàŋ yaà wɔŋ nyiiŋ gèeɔ̀ sùà, jòòpɛɛ nàŋ fà!