Ɛfesɔ̀ 1:9 - WƆŊ FƐ̀Ì EBÒ SÌÀŊ DAYÀA

⁹ Esàɓù e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ lɛ sùà, wo Dayà naŋ wi nyɛ̀nɛ̀ŋ wèè eiŋ nyìmàŋ e ɗèweɛ̀ wò kuwa ke gbùnu sùà, yèè wò naŋ naàŋ ɗewè tɛ wèè wo niŋ kpɛ̀ɛ̀yɛ̀ nyɛ̀nɛŋ esàɓù Jisɛ̀ Kulaì sùà.

Ɛfesɔ̀ 1:9 ပူးပေါင်းရင်းမြစ်များ

Maafiù 13:11

Wo Jisɛ̀ naŋ nyiŋ woò wààŋ, “Wèè yɛ̀iŋ, wo Dayà wòiŋ nyɛ̀nɛ̀ŋ nàŋ nyìmàŋ ke gbùnù e Kànà àìjɛnɛ̀ɛŋ, kɛɛ e fè wèè nyiŋ.

Luù 12:32

“E jùù ɓɔ̀ è nyɛ̀nɛ̀iŋ, nyɛ̀iŋ nààŋ nyùùŋ nyaŋ yaà mààŋ aŋ ɓaawaa nyàŋ. Wo Dèdaiŋ nɔɔ̀ŋ ko àìjɛnɛ̀ŋ manaŋ woiŋ kìɛ̀ŋ e Kanaà.

Luù 2:14

“E jòòwo gbee yaà wèè Dayà ko àìjɛnɛ̀ŋ, yèè ke jii fàa nɔ̀ŋ koɓɛ̀ anyuùŋ kpùuŋ nyàŋ e ɗuunyaàŋ aŋ yè nyaŋ nauŋ fɔ̀ɔ̀yɛ̀ ke jii nyàŋ.”

Nyɛ̀nɛ̀ŋ 13:48

Ke miè gbìaŋ yɛɛ̀ naŋ wa fɔ̀ɔ̀yɛ̀ anyùùŋ nyaŋ fè àŋ Juùù nyaŋ maŋ jii, yèè àŋ naŋ tɛ̀nɛ̀ŋ ke mìè Dayàa. Kpeiŋ anyùùŋ nyaŋ gbiŋ naŋ wa nɔ̀ŋ ke ɗuù tà nyàŋ wèè wɔŋ nyiiŋ gèe gò jùàa naŋ gbìɛ̀ŋ e hààwe nyiŋ nɛ̀ wo Kanaà Jisɛ̀ sùà.

Nyɛ̀nɛ̀ŋ 2:23

Wo Dayà wuŋ bi naŋ wa jàà esaɓù titi ɓula e kìlà wò naŋ kìlè wo Kanaà Jisɛ̀ ko nɛ̀ɛ̀iŋ niìŋ. Kpeiŋ nìŋ nauŋ kùwò yèè nìŋ nauŋ kìɛ̀ŋ koɓɛ̀ anyùùŋ maŋ tùwo naanààŋ wèè aŋ jiwìàuŋ wɔŋ vànèkpaaà diɛŋ.

Nyɛ̀nɛ̀ŋ 4:28

Àŋ naŋ wa deenè wèè aŋ nyɛ̀nɛ̀ŋ e yèɛ gbiŋ kɛ̀ muàŋ e yìwìà e gaàŋ mɔ̀ɛ̀ sùà mùŋ naŋ wa naàŋ ɗewè tɛ wèè e kaaìŋ lɛ.

Luùm 11:25

Wùìyaim nyàŋ, miŋ manàŋ wèè nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, naŋ ɓèmè nyɛ̀iŋ bi gbee. Weètii mìŋ doiŋ nàŋ kpìnìè ke gbùnuɛ̀, wèè e nɛ̀ɛŋ naŋ kààìŋ koɓɛ̀ anyùùŋ Ezɔ̀ɛ̀ nyaŋ lɛ̀. Aŋ bà nyiŋ naŋ wa nyìngè ɗì yèè àŋ naŋ gè maŋhɛɛ wèè aŋ kɛɛnɛ̀ŋ hààwe, e ɗì nyinge nyiŋ bi naàŋ yɛi jeè, kɛɛ yɛi àŋ do nàŋ jeè, e jèèsùà ke gbòò anyùùŋ nyaŋ fè àŋ Juùù nyaŋ, ke yèɛ wo Dayà tàeɗùù yɛ, ke hnàŋ ko nɛ̀ɛ̀uŋ niìŋ e Kanauŋ nɛ̀ sùà.

Luùm 8:28

Wo Dayà tomàŋ wèè e tɛ̀ɛ̀tɛ̀ɛ̀ anyùùŋ nyaŋ mànauŋ nyaŋ. Nyiŋ nàŋ yaà anyùùŋ nyaŋ wo Dayà naŋ nyààŋ wèè aŋ nyɛ̀nɛ̀ŋ e yèɛ wò manaŋ lɛ̀.

1 Kɔliìŋ 1:21

Wo Dayà e jiikɛ̀ɛ̀uŋ nɛ̀ sùà wò naŋ nyɛ̀nɛ̀ŋ e nyìngà wèè anyùùŋ auŋ nyìmàŋ, e yìwìà e jììkɛ̀ɛ̀ nyiŋ bi lɛ̀ sùà. Kɛɛ, wo Dayà naŋ ɗewè wèè wo nɔŋ jòèyè anyùùŋ nyaŋ naŋ hààwè ke mìè gbìàŋ ɓàaɓàaà è woàìŋ lɛ.

Gàla 1:12

Wo nyuùŋkpùuŋ nààŋ goim wa wòò Ebò Siaŋ lɛɛ̀ ɔ̀ɔ̀ wo miŋ kaà. Ke mìè gbìaŋ miɛ̀ŋ naŋ wa yìwìè wo Jisɛ̀ Kulaì wuŋ bi sìwè e teengaà wò naim fòlò feìŋ nɛ.

Gàla 1:15

Kɛɛ wèè paŋ aŋ kòmàim wa, wo Dayà naim wa tàeɗùù e yìwìà e tɛ̀ɛ̀tɛ̀ɛ̀uŋ nɛ̀ sùà,

Gàla 1:16

wèè woim tɔ̀ɔ̀ wo Jɔ̀àfelaauŋ nɔɔ̀ŋ, yèè ka wòò ke mìè gbìàŋ Ebò Siauŋ nɛ̀ koɓɛ̀ anyùùŋ nyaŋ fè àŋ Juùù nyaŋ. Miŋ gò wa kà koɓɛ̀ wò nyùùŋ gbiŋ wèè kè mìè gòo.

Ɛfesɔ̀ 1:11

Wo Dayà nyɛnɛŋ e yèɛ gbiŋ wò ɗewà lɛ e kaaìŋ, e wèètii wò naŋ wa tà wo Jisɛ̀ Kulaì ke ɗùù wèè wo wi ɓemè.

Ɛfesɔ̀ 1:8

e yèɛ wò naŋ wi kiɛ̀ŋ zimgbe lɛ̀! Esaɓù kɛ̀ wo Dayà kuwa e jiikɛ̀ɛ kà tinàŋ gbiŋ, yèè wò naŋ nyìmè e nɛ̀ɛŋ gbiŋ.

Ɛfesɔ̀ 3:11

Wo Dayà naŋ tɛɛ̀ nyɛ̀nɛ̀ŋ màànààŋ e ɗèweuŋ nɛ̀ naŋ woò wèè julɔfɔ lɛ̀, e yèɛ wò naŋ jàà jii kɛ̀ è yaà wo Kana wiɔ̀ Jisɛ̀ Kulaì sùà lɛ.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

2Time 1:9

Wò naŋ wi joeyè, yèè wò naŋ wi nyààŋ wèè e nɔ̀ŋ anyùùŋ nɛɛmauŋ nyàŋ e fè wèè èsàɓù kè nyɛ̀nɛŋ wiɛ̀, kɛɛ è yaà esàɓù e ɗèwè wuŋ biɛ̀ yaà e tɛ̀ɛ̀tɛ̀ɛ̀uŋ nɛ̀. Wò naŋ wi kìɛ̀ŋ e tɛ̀ɛ̀tɛ̀ɛ̀ lɛɛ̀ e yìwìà wo Jisɛ̀ Kulaì sùà paŋ ngàà e ɗuunyaàŋ naŋ wa nɔ̀ŋ bàne niŋ,