Ɛfesɔ̀ 1:8 - WƆŊ FƐ̀Ì EBÒ SÌÀŊ DAYÀA

⁸ e yèɛ wò naŋ wi kiɛ̀ŋ zimgbe lɛ̀! Esaɓù kɛ̀ wo Dayà kuwa e jiikɛ̀ɛ kà tinàŋ gbiŋ, yèè wò naŋ nyìmè e nɛ̀ɛŋ gbiŋ.

Ɛfesɔ̀ 1:8 ပူးပေါင်းရင်းမြစ်များ

Maafiù 11:19

Kɛɛ nààŋ miàim wo Jɔ̀àfèlàà Nyuùŋ kpùnɔɔ̀ŋ naŋ hnè, mìŋ naŋ jènɛ̀ŋ yèè mìŋ naŋ tìè, yèè anyùùŋ nyaŋ gbiŋ naŋ woò nyààŋ, ‘Wo felaa wɛɛ̀ tɔɔ̀ wèè wo nɔ̀ŋ nyùùŋ tɔ̀ɔ̀nyaàŋ, kɛɛ wò jènɛ̀ŋ yèè wò tie zimgbe! Aŋ dàwiuŋ nyàŋ nàŋ yaà anyuùŋ kùwà nɛ̀ɛ̀nɛ̀ŋ fuɔɔ̀ŋ yèè anyùùŋ maŋ kpèè naanààŋ.’ Yɛi nɔŋ e jììkɛ̀ɛ̀ Dayàa è naŋ tɔɔ̀, wèè e nɔ̀ŋ e tɔ̀ɔ̀nyaàŋ e nyaàiŋ dè manɛ̀ŋ maŋ mìŋ nyɛnɛŋ màŋ sùà.”

Luùm 11:33

Diè wo Dayà yaà yɛi tɛ̀ɛ̀ zimgbe koɓɛ̀ anyùùŋ nyaŋ gbiŋ le! Diè wò kuwa yɛi jiikɛ̀ɛ zimgbe yèè wò naŋ nyìmè e keì fèemàŋ le! Ɓòò naŋ ɓɛ̀nɛ̀ŋ gɔ̀àì è kitiuŋ nɛ̀ sùà? Ɓòò naŋ ɓɛ̀nɛ̀ŋ nyìmàŋ maŋ kpèèuŋ màŋ?

Luùm 5:15

Kɛɛ nyiŋ tìyèe àŋ yaà gbàgbà, esaɓù kɛ̀ e nɛ̀ɛŋ wo Dayà naŋ wa kiɛ̀ŋ lɛ e fè mààŋ è jùùmù Adamàaŋ. È yaà tɔɔɓaa kɛ̀ anyuùŋ zimgbe naŋ fɔ̀ esàɓù e jùùmù wo nyùùŋ guùŋ wii. Kɛɛ e tɛ̀ɛ̀tɛ̀ɛ̀ Dayàa naŋ dɛɛ̀ zimgbe, yèè yɛi nɔŋ wo Dayà naŋ niŋ kiɛ̀ŋ foo koɓɛ̀ anyuùŋ zimgbe esàɓù e tɛ̀ɛ̀tɛ̀ɛ̀ɛ wo Jisɛ̀ Kulaì naŋ nyɛ̀nɛ̀ŋ lɛ.

1 Kɔliìŋ 2:7

E jiikɛ̀ɛɛ̀ mìŋ woà e kiiŋ niŋ nɛ̀, wo Dayà nàŋ kanaŋ e jììkɛ̀ɛ̀ gbùnu bi, e yèɛ yaà ko nyɛɛnɛŋ koɓɛ̀ anyuùŋ kpùuŋ nyàŋ lɛ, kɛɛ wòiŋ wa tàeɗùù tɛ wèè e nɔ̀ŋ wèè e jòòwo wilɛ̀ pangàà pɛɛ wò naŋ wa bànè e ɗuunyaàŋ.

Ɛfesɔ̀ 1:11

Wo Dayà nyɛnɛŋ e yèɛ gbiŋ wò ɗewà lɛ e kaaìŋ, e wèètii wò naŋ wa tà wo Jisɛ̀ Kulaì ke ɗùù wèè wo wi ɓemè.

Ɛfesɔ̀ 1:7

Esàɓù maŋ sɛ̀ìŋ Jisɛ̀ Kulaì maŋ sùà wo Dayà naŋ wi bilɛ̀ŋ wèè foo, tii naŋ tɔɔ̀ kɛ̀ wò jùùyà maŋ jùumù wi màŋ hakɛ̀. E tɛ̀ɛ̀tɛ̀ɛ̀ Dayàa naŋ dɛɛ̀,

Ɛfesɔ̀ 1:9

Esàɓù e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ lɛ sùà, wo Dayà naŋ wi nyɛ̀nɛ̀ŋ wèè eiŋ nyìmàŋ e ɗèweɛ̀ wò kuwa ke gbùnu sùà, yèè wò naŋ naàŋ ɗewè tɛ wèè wo niŋ kpɛ̀ɛ̀yɛ̀ nyɛ̀nɛŋ esàɓù Jisɛ̀ Kulaì sùà.

Ɛfesɔ̀ 3:10

Wo Dayà do nàŋ tòòmò ke gbòò anyuùŋ hààwe nyàŋ, wèè wo tɔ̀ɔ̀ anyùùŋ gbèègbèè fuɔŋ nyàŋ, yèè anyùùŋ gààŋ nyaŋ ko àìjɛnɛ̀ɛŋ aŋ nyìmàŋ e kèè maŋ jiikɛ̀ɛ gɛ̀wɛɛ̀ maŋ gbiŋ wò kuwa màŋ.

Kòlo 2:3

Wuŋ nàŋ yaà e jìiìŋ nɛ yilà e sùlò Dayàa è yaà ko nyɛɛnɛŋ e nyaàiŋ dè e jiikɛ̀ɛɛ̀ yaà e keì nyìmàŋ fèemàuŋ nɛ̀.

Juù 1:25

Kìɛ̀ŋ wiìŋ e tɛ̀nɛŋ wo Dayà Nyuùŋ Jòèye wiɔ̀, esàɓù Jisɛ̀ Kulaì wo Kana wiɔ̀ sùà. Ko tɔ̀ɔ̀tù e ɗuunyaàŋ yèè nàaŋ yèè julɔfɔ è siaŋ maŋ jòòwò Dayà, mauŋ kìɛ̀ŋ e ɓɛ̀ɛ̀jàa, mauŋ tɛnɛ̀ŋ wèè e gaàuŋ nɛ̀ tɔɔɓaa. Àmiinàŋ.

Maŋ kèì nyɛɛnɛŋ 5:12

yèè àŋ naŋ gbeemè ke miè gbeeo sùà nyààŋ, “Wo Ɓaawaaà àŋ naŋ wa jìwè wɔ̀ wò yaà tɛ̀ɛ̀ wèè wo yɛ̀mɛ̀ gààŋ, e bàne, yèè e jiikɛ̀ɛ, e ɓɛ̀ɛ̀jàa, e jòòwo, yèè tɛ̀nɛŋ!”