Ɛfesɔ̀ 1:5 - WƆŊ FƐ̀Ì EBÒ SÌÀŊ DAYÀA

⁵ wo Dayà wa kpɛ̀ɛ̀yɛ̀ ɗèwe kɛ̀ esàɓù Jisɛ̀ Kulaì sùà, wò do wi naŋ ɓemè wèè eiŋ nɔ̀ŋ aŋ jɔ̀àuŋ, tɛɛ̀ nàŋ yaà wa e kèè jiiuŋ nɛ̀, e yèɛ wò manaŋ wa wèè e kaaìŋ lɛ.

Ɛfesɔ̀ 1:5 ပူးပေါင်းရင်းမြစ်များ

Maafiù 1:25

Kɛɛ wo Jòòsɛ gò wa nyìmàŋ è kèè kɔ̀ɔ̀ Mèèle e jèèsùà wo kòmàŋ wo jɔ̀àuŋ nɔɔ̀ŋ. Yèè wo Jòòsɛ nauŋ jàà e dèèɛ Jisɛ̀.

Maafiù 11:26

Hɛ̀ɛɛ̀ŋ Dèda, tɛɛ̀ naum wa fɔ̀ɔ̀yɛ̀ ke jii.

Luù 10:21

E teenga lii sùà, e zɔlɔ̀ naŋ wa dìè Jisɛ̀ e yìwìà wo Jìnàŋ Nɛɛmaàŋ sùà. Kpeiŋ wò naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ. Hɛ̀ɛɛ̀ŋ Dèda, tɛɛ̀ naum wa fɔ̀ɔ̀yɛ̀ ke jii.”

Luù 11:32

Anyùùŋ nyaŋ ko Ninivà doiŋ wa nàwèè nàŋ sìè kɔɔ ke ɗɔɔɛ̀ wo Dayà do wa nàwèè nàŋ gbàì e ɗuunyaàŋ lɛ, yèè àŋ doiŋ nàŋ jèè e keì, esaɓù kɛ̀ àŋ naŋ wa fè maŋ jùumù nyiŋ màŋ jɛwɛ nààŋ àŋ naŋ wa kòmò wo Joonàŋ naŋ gbòò ke mìè Dayàa ko nɛ̀ɛ̀ŋ nyiŋ niìŋ. Yèè miŋ woòiŋ kɛ̀ e nɛ̀ŋ bà kòò è yaà kià è kuwa e sɛmɛ e nìàŋ wo Joonàŋ.”

Luù 12:32

“E jùù ɓɔ̀ è nyɛ̀nɛ̀iŋ, nyɛ̀iŋ nààŋ nyùùŋ nyaŋ yaà mààŋ aŋ ɓaawaa nyàŋ. Wo Dèdaiŋ nɔɔ̀ŋ ko àìjɛnɛ̀ŋ manaŋ woiŋ kìɛ̀ŋ e Kanaà.

Jɔ̀ɔŋ 1:12

Jòòpɛɛ anyùùŋ nyaŋ bà nyiŋ nauŋ wa jàà kùàŋ dìì yèè àŋ nauŋ sìè e hààwe nyiŋ nɛ̀ sùà. Anyùùŋ bi wò naŋ wa kìɛ̀ŋ e tɔ̀ɔ̀nyaàŋ wèè aŋ nɔ̀ŋ aŋ jɔ̀à koɓɛ̀ Dayài.

Jɔ̀ɔŋ 11:52

Yèè wo Kaifɔ̀ naŋ ɓɛìŋ woò wààŋ kɛ̀ wo Jisɛ̀ fè wa nɔŋ fà sùà wèè nyiŋ guùŋ. Wò yaà wa fàa sùà wèè wo hìàŋ anyùùŋ Dayà nyaŋ gbiŋ naŋ wa ɓaayè nyaŋ wèè aŋ nɔ̀ŋ mìèsùàguùŋ.

Jɔ̀ɔŋ 20:17

Yèè wo Jisɛ̀ nauŋ woò wààŋ, “Ɓɔ̀ mùŋ kpùlàim! Kòò mìŋ kɔ̀ weè kòɓɛ̀ wò Dèda miɔ̀ŋ. Kɛɛ kɔ̀à muŋ woò anyùùŋ màŋjɛ̀wɛ̀im nyàŋ kɛ̀ mìŋ yaà kɔ̀ɔ̀yɛ̀ koɓɛ̀ wo yèɔ yaà wo Dèda miɔ̀ŋ yèè wo Dèda nyiŋ nɔɔ̀ŋ wɔ. Yèè wo yèɔ yaà wo Dayà miɔ̀ŋ yèè wo Dayà nyiŋ nɔɔ̀ŋ wɔ.”

Nyɛ̀nɛ̀ŋ 13:48

Ke miè gbìaŋ yɛɛ̀ naŋ wa fɔ̀ɔ̀yɛ̀ anyùùŋ nyaŋ fè àŋ Juùù nyaŋ maŋ jii, yèè àŋ naŋ tɛ̀nɛ̀ŋ ke mìè Dayàa. Kpeiŋ anyùùŋ nyaŋ gbiŋ naŋ wa nɔ̀ŋ ke ɗuù tà nyàŋ wèè wɔŋ nyiiŋ gèe gò jùàa naŋ gbìɛ̀ŋ e hààwe nyiŋ nɛ̀ wo Kanaà Jisɛ̀ sùà.

Luùm 8:23

Kɛɛ e fè nɔŋ mànɛ̀ŋ bàne màŋ miiŋ guùŋ maŋ nɔ̀ŋ gùlìè ɗìòsùà. Kɛɛ yàwi bi pɛɛ aŋ yè nyaŋ wo Jìnàŋ Kanaà Dayà yaà sùà nyaŋ, wèè eiŋ nɔ̀ŋ e nɛ̀ŋ jiɛ̀jiɛ̀ɛ wo Dayà naŋ wi kiɛ̀ŋ lɛ, guliàìŋ maŋ ɗìòsùà, nààŋ è yààìŋ fùlìè wo Dayà wèè wo wi ɓemè wèè èiŋ nɔ̀ŋ aŋ jɔ̀àuŋ. Tɛɛ̀ naŋ tɔɔ̀ kɛ̀ wò do nàŋ jòèyè maŋ kpùnaŋ wi màŋ gbiŋ e yìwìà e ɗò maŋ jùumù dìì.

1 Kɔliìŋ 1:1

E yìwìà miàim Pɔɔ̀ sìwè, wo yèɔ wo Dayà naŋ nyààŋ wèè wo nɔ̀ŋ wo keela tàeɗùù wèè Jisɛ̀ Kulaì wɔ, yèè wo wùìya wiɔ̀ Sòtinè

1 Kɔliìŋ 1:21

Wo Dayà e jiikɛ̀ɛ̀uŋ nɛ̀ sùà wò naŋ nyɛ̀nɛ̀ŋ e nyìngà wèè anyùùŋ auŋ nyìmàŋ, e yìwìà e jììkɛ̀ɛ̀ nyiŋ bi lɛ̀ sùà. Kɛɛ, wo Dayà naŋ ɗewè wèè wo nɔŋ jòèyè anyùùŋ nyaŋ naŋ hààwè ke mìè gbìàŋ ɓàaɓàaà è woàìŋ lɛ.

2 Kɔliìŋ 6:18

Mìŋ do nàŋ nɔ̀ŋ wo dèda ko nɛ̀ɛ̀ŋ niìŋ, yèè nìŋ do nàŋ nɔ̀ŋ aŋ jɔ̀àfelaa yaà aŋ jɔ̀àjɔùŋ wèè miàŋ. Wo Kànà Dàyà gaàŋ gbeeɔ̀ naŋ tɛɛ̀ woò.”

Gàla 3:26

Nyɛiŋ nààŋ gbiŋ nìŋ yaà aŋ jɔ̀à Dayà, esàɓù e hààweɛ̀ niŋ kuwa wo Jisɛ̀ Kulaì sùà lɛ.

Ɛfesɔ̀ 1:11

Wo Dayà nyɛnɛŋ e yèɛ gbiŋ wò ɗewà lɛ e kaaìŋ, e wèètii wò naŋ wa tà wo Jisɛ̀ Kulaì ke ɗùù wèè wo wi ɓemè.

Ɛfesɔ̀ 1:9

Esàɓù e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ lɛ sùà, wo Dayà naŋ wi nyɛ̀nɛ̀ŋ wèè eiŋ nyìmàŋ e ɗèweɛ̀ wò kuwa ke gbùnu sùà, yèè wò naŋ naàŋ ɗewè tɛ wèè wo niŋ kpɛ̀ɛ̀yɛ̀ nyɛ̀nɛŋ esàɓù Jisɛ̀ Kulaì sùà.

Fèle 2:13

esaɓù kɛ̀ wo Dayà kòò wò yààìŋ tòòmò sùà, wèè woiŋ nyɛ̀nɛ̀ŋ naŋ nyimèè yèè naŋ ɓɛnɛ̀ŋ wèè nauŋ jɔ̀ɔ̀lɔ̀ dìì.

Kòlo 1:19

È yaà wa esàɓù e kìtì Dayàa wuŋ bi sùà wo Jɔ̀àfelaaà naŋ wa tèènè wo Dayà e nɔ̀ŋ kiiuŋ nɛ̀ gbiŋ sùà.

2Tɛsè 1:11

Wèè esaɓù lɛɛ̀, è zoolà weèiŋ e teenga gbiŋ. È dawà wo Dayà wiɔ̀ wèè woiŋ nyɛ̀nɛ̀ŋ naŋ ɓɛnɛ̀ŋ wèè naŋ wɔŋ nyiiŋ gèeɔ̀ wò naiŋ nyààŋ wèè naŋ nɔ̀ŋ sùà wɔŋ. È dawà wèè e gààŋ Dayàa eiŋ kpuumàŋ naŋ nyɛ̀nɛ̀ŋ maŋ keì siaŋ sìàŋ maŋ gbiŋ nìŋ manaŋ naŋ nyɛ̀nɛ̀ŋ maŋ, yèè naŋ kpɛ̀ɛ̀yɛ̀ e tòmò hààweiŋ nɛ̀.

Hiɓu 2:4

Wo Dayà wuŋ bi naŋ kìɛ̀ŋ ke mìè seì, nààŋ wò naŋ tɔ̀ɔ̀ maŋ tɔ̀ɔ̀màŋsèì keì, yèè maŋ kèè mèè, e kìlà wò naŋ wa kìɛ̀ŋ wo Jìnàŋ Nɛɛmaàŋ koɓɛ̀ wo nyùnɔ̀ɔŋ gbiŋ wò manaŋ wouŋ kiɛ̀ŋ wɔ.

1Jɔ̀ɔŋ 3:1

Yɛ̀mɛìŋ e ɗeweɛ̀ wo Dèdaà naŋ wi mɔ̀nɔ̀ŋ lɛ. E mànaàŋ wò kuwa e weè wi lɛ è naŋ dɛɛ̀, weètii àŋ naŋ wi nyààŋ aŋ jɔ̀à Dayà, yèè ngèè è yààìŋ aŋ jɔ̀à Dayà. Tɛɛ̀ naŋ nyɛ̀nɛ̀ŋ e ɗuunyaàŋ nyimààŋ wì, e fèfoo e ɗuunyaàŋ nyimààŋ wò Dayà.

Maŋ kèì nyɛɛnɛŋ 21:7

Anyùùŋ nyaŋ do nàŋ ɓùlò nyaŋ, nyiŋ mìŋ do nàŋ kìɛ̀ŋ e kpùùmaŋ lɛɛ̀. Mìŋ do nàŋ nɔ̀ŋ wo Dayà nyiŋ nɔɔ̀ŋ yèè àŋ do nàŋ nɔ̀ŋ aŋ jɔ̀àim.