Ɛfesɔ̀ 1:22 - WƆŊ FƐ̀Ì EBÒ SÌÀŊ DAYÀA

²² Wo Dayà naŋ kìɛ̀ŋ wo Jisɛ̀ Kulaì e gààŋ manɛ̀ŋ maŋ gbiŋ diɛŋ, yèè wèè e tɛ̀ɛ̀tɛ̀ɛ̀ ke gbòò anyuùŋ hààwe nyàŋ wò nauŋ nyɛ̀nɛ̀ŋ wo sìèfeìŋ wèè manɛ̀ŋ maŋ gbiŋ.

Ɛfesɔ̀ 1:22 ပူးပေါင်းရင်းမြစ်များ

Maafiù 16:18

Tɔ̀ miŋ woòum Piilɛ̀, muàŋ naŋ yaà wo Piilɛ̀, ke dùòɛ, yèè ke dùò yɛɛ̀ diɛŋ mìŋ do nàŋ nyɛ̀lɛ̀ ke sààŋ zòòlò ke gbòò anyuùŋ hààwe nyàŋ, e kìlà e ɗùùnyàŋ anyuùŋ fàa nyàŋ e naàŋ kɛ̀ɛ̀nɛ̀ŋ è gààŋ kò diɛŋ nyiŋ.

Nyɛ̀nɛ̀ŋ 20:28

Weètii yɛ̀mɛìŋ nyɛ̀iŋ bi diɛŋ e kpùlìà anyùùŋ nyaŋ kinɛiŋ wo Jìnàŋ Nɛɛmaàŋ naŋ gbìɛ̀ŋ e gaàiŋ nɛ̀ dìì nyaŋ. Nɔ̀iŋ mààŋ anyuùŋ tùnìàŋ aŋ ɓaawaa wèè ke gbòò anyuùŋ hààwè Dayà nyaŋ. Nyiŋ nàŋ yaà aŋ yè nyaŋ wò naŋ jàà e ɓula wèè wuŋ bi e yìwìà maŋ sɛ̀ìŋ wo Jɔ̀àfèlàà wuŋ biɔ̀ sùà.

1 Kɔliìŋ 11:3

Kɛɛ mìŋ manaŋ wèè naŋ jàà jii kɛ̀ wo Jisɛ̀ Kulaì nàŋ yaà wo ɓɛ̀ è ɗì wèè felaa gbiŋ, wo felaa nàŋ yaà wo ɓɛ̀ è ɗì wèè wo jawèuŋ nɔɔ̀ŋ, yèè wo Dayà nàŋ yaà wo ɓɛ̀ è ɗì wèè wo Jisɛ̀ Kulaì.

Ɛfesɔ̀ 5:23

Esaɓù kɛ̀ wo felaaà kuwa e gààŋ wo jàwè diɛŋ màànààŋ wo Jisɛ̀ Kulaì kuwa e gààŋ ke gbòò anyuùŋ hààwe nyàŋ diɛŋ lɛ̀. Yèè wo Jisɛ̀ Kulaì wuŋ bi nàŋ yaà wo Nyuùŋ Jòèyeɔ̀ wèè ke gbòò anyuùŋ hààwe nyàŋ, nyiŋ zà nàŋ yaà ke kpùnauŋ nɛɛ̀ŋ.

Kòlo 1:18

Wuŋ nàŋ yaà wo ɓɛ̀màŋɗì ke kpùnauŋ nɛɛ̀ŋ, ke gbòò anyuùŋ hààwe nyàŋ. Wuŋ nàŋ yaà ko tɔ̀ɔ̀tù wɔŋ nyììŋ ke gbòò anyuùŋ hààwe nyàŋ. Wuŋ nàŋ yaà wo Jɔ̀àfelaa jiɛ̀jiɛ̀ɔ naŋ nɔ̀ŋ kòmauŋ wɔ̀, wo yèɔ wo Dayà naŋ wa gè e fàaà dìì wɔŋ nyiiŋ gèeɔ̀ sùà, wèè e nyɛ̀nɛ̀ŋ wuŋ guùŋ wo ɓemè ko jɛ̀i jiɛ̀jiɛ̀i manɛ̀ŋ maŋ gbiŋ diɛŋ.

Kòlo 1:8

Wuŋ naŋ wi ɓɛìŋ wòò e kèè e mànaàŋ wo Jìnàŋ Nɛɛmaàŋ naiŋ kiɛ̀ŋ lɛ.

Kòlo 2:10

e kìlà tɔɔɓaa wo Dayà naiŋ nyɛ̀nɛ̀ŋ naŋ nɔ̀ŋ aŋ bàiŋbà wɔŋ nyiiŋ gèeuŋ nɔɔ̀ŋ sùà. Wuŋ nàŋ kuwa e gààaŋ aŋ sìèfèìŋ aŋ jìnàŋ nyaŋ yaà anyùùŋ gbèègbèè nyiŋ nyàŋ diɛŋ.

Kòlo 2:19

Aŋ fè ɓɛìŋ àŋ bà nyiŋ bà wò Jisɛ̀ Kulaì sùà, wo yèɔ yaà ɓɛ̀màŋɗì ke kpùnaàŋ wɔ. Wo Jisɛ̀ Kulaì nàŋ kiɛ̀ŋ ke kpùnaàŋ gààŋ, yèè wò toomàŋ maŋ suono suono màŋ yèè maŋ kèìŋ maŋ wèè maŋ kùwà koɓɛ̀ guùŋ kpaŋ, e kìlà kè dɛkɛ̀ màànààŋ wo Dayà manaŋ lɛ̀.

1Time 3:15

Kɛɛ sèè mìŋ go zùmò hnàaŋ, wɔŋ fɛi wɛɛ̀ŋ doiŋ nàŋ nyɛ̀nɛ̀ŋ naŋ nyìmàŋ e ɗeweɛ̀ nìŋ naŋ ɓɛ̀nɛ̀ŋ tòòmò koɓɛ̀ guùŋ ke gbòò Dayàa sùà lɛ. Ke gbòò Dayàa zà nàŋ yaà anyuùŋ hààwe nyaŋ wèè wo Dayà nyiiŋ gèeɔ̀, kiiŋ nàŋ yaà e kpɛnɛɛ̀, yèè e kpùùmaàŋ wèè e tɔ̀ɔ̀nyaàaŋ.

Hiɓu 2:8

yèè mùŋ naŋ nyiŋ nyɛ̀nɛ̀ŋ aŋ kana manɛ̀ŋ maŋ gbiŋ diɛŋ.” E sìngaà naŋ woò wààŋ wo Dayà naŋ nyiŋ nyɛ̀nɛ̀ŋ “aŋ kana manɛ̀ŋ maŋ gbiŋ diɛŋ.” Tɛɛ̀ naŋ tɔɔ̀ janjai kɛ̀ wo Dayà naŋ nyiŋ nyɛ̀nɛ̀ŋ aŋ kana manɛ̀ŋ maŋ gbiŋ wò naŋ banè maŋ diɛŋ. Kɛɛ e ɗewe gbio sùà, kòò è yɛ̀mɛ̀ìŋ naàŋ ànyuùŋ kpùuŋ aŋ kɛ̀ɛ̀nɛ̀ŋ gààŋ mànɛ̀ŋ bànè Dayà maŋ gbiŋ diɛŋ.