Ɛfesɔ̀ 1:20 - WƆŊ FƐ̀Ì EBÒ SÌÀŊ DAYÀA

²⁰ e teengaà wò naŋ gè wo Jisɛ̀ Kulaì e fàa dìì, wò nauŋ jàà wɔŋ kùàŋ jìkà wuŋ Dayàa ko àìjɛnɛ̀ŋ.

Ɛfesɔ̀ 1:20 ပူးပေါင်းရင်းမြစ်များ

Maafiù 26:64

Wo Jisɛ̀ naŋ nyiŋ fasàì wààŋ, “Yɛi nìŋ naŋ woò. Kɛɛ tɔ̀ miŋ woòiŋ e tɔɔɓaaà, yèè nyɛ̀iŋ nààŋ gbiŋ nìŋ do nàŋ yɛ̀mɛ̀ miàim wo Jɔ̀àfèlàà Nyuùŋ Kpùnɔɔ̀ŋ mìŋ jaa wɔŋ kùàŋ jìkà wo Dayà Gaàŋ Gbeeɔ̀ yèè mìŋ yaà hìnìè wɔŋ ɗùkpù ke nyiliɛ̀ diɛŋ!”

Maafiù 28:18

Wo Jisɛ̀ naŋ nyiŋ bɔ̀mɔ̀ŋ kɔɔ wò naŋ nyiŋ woò wààŋ, “E gààaŋ gbiŋ ko àìjɛnɛ̀ŋ yèè e ɗuunyaàŋ è nɔ̀ŋ kìɛŋ niŋ ko nɛ̀ɛ̀ŋ miìŋ.

Jɔ̀ɔŋ 10:18

Wo nyùùŋ gbiŋ wo naàim jìwè sɔɔ̀ ka nyimèè miàŋ bi wèè wo nyùùŋ woim jìwà. Yèè mìŋ kuwa e gààaŋ wèè ka ɓɛìŋ kɛ̀ɛ̀ wɔŋ geɔ̀ sùà, màànààŋ nɔŋ wo Dèda miɔ̀ŋ naim woò wèè ka nyɛ̀nɛ̀ŋ lɛ.”

Jɔ̀ɔŋ 10:30

Wo Dèdaà yèè miàŋ è yaà anyùùŋ guùŋ.”

Nyɛ̀nɛ̀ŋ 10:40

Kɛɛ wo Dayà nauŋ gè e fàaà dìì wɔŋ nyiiŋ gèeo sùà ke ɗɔ̀ɔ̀ taaà diɛŋ, yèè wò naŋ nyɛ̀nɛ̀ŋ anyùùŋ auŋ yɛmɛ̀ janyai.

Nyɛ̀nɛ̀ŋ 26:8

Wèè kiìŋ nyɛ̀iŋ nyàŋ yaà kià nyaŋ naŋ ɓɛ̀nɛ̀ŋ gè maŋhɛɛ kɛ̀, wo Dayà fè ɓɛ̀nɛ̀ŋ gè wò nyùùŋ è fàa dìì wɔŋ nyiiŋ gèeo sùà?

Nyɛ̀nɛ̀ŋ 4:10

tɔ̀ e woòiŋ, e kpùlìà nyɛ̀iŋ nààŋ nyùùŋ Ezɔ̀ɛ̀ nyaŋ gbiŋ kɛ̀, wo felaa wɛɛ̀ sìàìŋ yaà ko fɛɛ̀feìŋ wɔ naŋ nɔ̀ŋ jòèyauŋ janyai e gààŋ Jisɛ̀ Kulaìɛ sùà e yìwìà ko Naazɔ̀ɛ̀, wo yèɔ nìŋ naŋ wa jìwìè vànèkpaaà diɛŋ wɔ̀ yèè wo Dayà nauŋ gè e fàaà dìì wɔŋ nyiiŋ gèeo sùà.

Nyɛ̀nɛ̀ŋ 5:31

Wo Dayà nauŋ jàà wɔŋ kùàŋ jìkauŋ nɔɔ̀ŋ, yèè wò nauŋ nyɛ̀nɛ̀ŋ wo Kana yèè wo Nyuùŋ Jòèyeɔ̀ weè wì, wèè kɛ̀ anyùùŋ Ezɔ̀ɛ̀ nyaŋ fè maŋ tùwo naanààŋ nyiŋ màŋ jɛwɛ aŋ kìlà ko nɛ̀ɛ̀uŋ niìŋ e kìlà maŋ jùumù nyiŋ màŋ nɔ̀ŋ hakɛ̀ jùùya miŋ.

Luùm 1:4

Wo Dayà naŋ tɔɔ̀ e gààŋ nɛɛmaŋ gbee sùà kɛ̀, wo Kanaà Jisɛ̀ Kulaì nàŋ yaà wo Jɔ̀àfèlàà wuŋ biɔ̀, wo yèɔ naŋ kìlè wo nyuùŋkpùuŋ wɔ̀. Wò naŋ wa tɛɛ̀ tɔɔ̀ e yìwìà wo Jìnàŋ Nɛɛmaàŋ, nààŋ wò nauŋ gè e fàaà dìì wɔŋ nyiiŋ gèe sùà.

Luùm 8:34

Ɓòò nàŋ do nyiŋ naàŋ nàŋ hèè e kiti diɛŋ? E naàŋ nɔ̀ŋ wò Jisɛ̀ Kulaì, wo yèɔ naŋ fɔ̀ e kìlà wo Dayà nauŋ gè e fàaà dìì wɔ, yèè kòò wò jaa naàŋ wɔŋ kùàŋ jìkà Dayàa, wò yàaùŋ pɔɔwɔ weè wi.

Ɛfesɔ̀ 1:3

Gè wiìŋ wo Dayà ke sɛ̀, wo Dèdaà wèè Kana wiɔ̀ Jisɛ̀ Kulaì. E fèfoo, e wèè e nɔ̀ŋ wilɛ̀ aŋ bàwibà Jisɛ̀ Kulaì sùà, wò wi kpuumàŋ. Esaɓù kɛ̀ wò wi kìɛ̀ŋ maŋ kpùùmàŋ jinàaŋ gbiŋ e ɗùùnyàŋ àìjɛnɛ̀ɛŋ sùà.

Fèle 3:10

E yèɛ gbiŋ mìŋ manaŋ lɛ̀ nàŋ yaà, wèè ka nyìmàŋ wo Jisɛ̀ Kulaì, yèè e gààaŋ nauŋ gè e fàaà dìì wɔŋ nyiiŋ gèe sùà lɛ. Mìŋ manaŋ ka nɔ̀ŋ wo bàimbà wèè e keì nyìngaà wò naŋ kùwò, yèè e fàa wò naŋ kɔ̀ dìì lɛ,

Kòlo 1:16

E saɓùuŋ nɛ̀ sùà wo Dayà naŋ wa bànè manɛ̀ŋ maŋ gbiŋ ko àìjɛnɛ̀ŋ yaà e dììɛ diɛŋ, maŋ yè maŋ nìŋ yɛmɛ̀ e kìlà niŋ fè yɛmɛ̀ maŋ, e kpùlìà aŋ jinàŋ nyaŋ e ɗùùnyàŋ àìjɛnɛ̀ɛŋ sùà, yaà anyuùŋ gbeegbèè nyiŋ nyàŋ. Wo Dayà naŋ wa bànè e ɗuunyaàŋ gbiŋ e saɓùuŋ nɛ̀ sùà yèè e weèuŋ.

Kòlo 3:1

Wo Dayà naiŋ wa gè e fàaà dìì nyɛ̀iŋ wo Jisɛ̀ Kulaì koɓɛ̀ guùŋ, weètii jàaìŋ maŋ jiiŋ màŋ koɓɛ̀ manɛ̀ŋ maŋ yaà ko àìjɛnɛ̀ŋ maŋ, ko yèi wo Jisɛ̀ Kulaì jaa ke kpùà kanauŋ nɛɛ̀ŋ diɛŋ wɔŋ kùàŋ jìkà Dayàa lɛ̀.

Hiɓu 1:3

Wo Jɔ̀àfèlàà Dayàa nàŋ kuwa e gbolòùŋ nɛ gbiŋ wèè e jòòwò Dayàa, e kìlà wò yaà mààŋ e nɔ̀ŋ kìì Dayàa wuŋ bi. E yìwìà ke mìè gaàŋ gbeeuŋ nɛɛ̀ŋ, wò nyɛnɛŋ manɛ̀ŋ maŋ gbiŋ wo Dayà naŋ banè maŋ, jèè e nɔ̀ŋ kìì bàne miŋ nɛ̀ sùà. Nààŋ wo Jɔ̀àfelaaà naŋ nyɛ̀nɛ̀ŋ wo Dayà naŋ jùùyè anyuùŋ kpùuŋ nyàŋ hakɛ̀ wèè maŋ jùumù nyiŋ màŋ wèè aŋ zɛ̀nɛ̀ŋ, wò naŋ jɛ̀ì wɔŋ kùàŋ jìkà Dayàa, wo yèɔ kuwa e gaàŋ gbeeɛ̀ gbiŋ wɔ̀ ko àìjɛnɛ̀ŋ ko fùùiŋ.

Hiɓu 10:12

Wo Jisɛ̀ Kulaì naŋ wa kìɛ̀ŋ wuŋ bi e saaà gèeo sùà, e sàà gè ɗì guùŋ bi kuwa sɛmɛmaŋ, yèè è teenga gbiŋ è guo maŋ jùumù wi màŋ, e kìlà wò naŋ jɛ̀ì wɔŋ kùàŋ jìkà Dayàa wèè woo jèè jɛ̀i.

Hiɓu 13:20

Tɔɔɓaa, wo Dayà naŋ gè wo Kana wiɔ̀ Jisɛ̀ e fàaà dìì. Wo Jisɛ̀ yaà mààŋ wo nyuùŋ tùnìàŋ ɓaawaa gbee, wo yèɔ naŋ wùɔ̀ŋ maŋ sɛ̀nùuŋ màŋ wèè wo banè e ɗààhìì e mìèsùàguùŋ wèè julɔfɔ e fèèmàŋ Dayà yaà anyunùuŋ nyàŋ. Tɔ̀ wo Dàyà jii fàaà kiɛ̀iŋ e tɛ̀ɛ̀tɛ̀ɛ̀ɛ gbiŋ nìŋ manaŋ lɛ̀, wèè kɛ̀ niŋ nyɛ̀nɛ̀ŋ e yèɛ wò manaŋ lɛ̀. Tɔ̀ esàɓù Jisɛ̀ Kulaìɛ nyɛ̀nɛ̀ŋ wo Dayà toomò wi sùà wèè e nyɛ̀nɛ̀iŋ e yèɛ fɔɔyɛ̀uŋ jii lɛ̀. Yèè tɔ̀ e jòòwo nɔ̀ŋ koɓɛ̀ Jisɛ̀ Kulaìi wèè julɔfɔ yèè julɔfɔ. Àmiinàŋ!

Hiɓu 2:9

Kɛɛ è yɛmɛ̀ìŋ wo Jisɛ̀, wo yèɔ wo Dayà naŋ wa kìɛ̀ŋ e gaàŋ jɔ̀à wèè e teenga kpuu aŋ màikà nyaŋ diɛŋ, wèè kɛ̀ esàɓù e tɛ̀ɛ̀tɛ̀ɛ̀ Dayàa wo fà wèè anyùùŋ nyaŋ gbiŋ. È yɛmɛ̀uŋ naàŋ kɛ̀ wo Dayà nauŋ joowò yèè wò nauŋ kìɛ̀ŋ e ɓɛ̀ɛ̀jàa mààŋ wo kana esàɓù e fàuŋ nɛ̀ yaà e keì nyìngaà wò naŋ kɔ̀ dìì lɛ.

1Pììlɛ 1:3

Gè wiìŋ wo Dayà ke sɛ̀ wo dèdà Kana wiɔ̀ Jisɛ̀ Kulaìɔ! Esàɓù ke nyowo gbeeuŋ nɛɛ̀ŋ sùà, wò naŋ wi kìɛ̀ŋ wɔŋ nyiiŋ gèe jɛi nààŋ wò naŋ gè wo Jisɛ̀ Kulaì e fàa dìì. Tɛɛ̀ naŋ wi dììyè wɔŋ nyiiŋ gèe tùlìà jii ko sùà,

Maŋ kèì nyɛɛnɛŋ 1:17

Nààŋ mìŋ nauŋ wa yɛmɛ̀, mìŋ nauŋ sɔ̀ɔ̀ ko gòlòò dìì mààŋ wo nyùùŋ naŋ fɔ̀. Kɛɛ wò naim mɛ̀nlɛ̀ɛ̀ŋ wɔŋ kùàŋ jìkauŋ nɔɔ̀ŋ, yèè wò naim woò wààŋ, “E jùù ɓɔ̀ è nyɛ̀nɛ̀um, miàŋ nàŋ yaà wo jiɛ̀jiɛ̀ɔ yèè wo dìàmaàŋ.