Ɛfesɔ̀ 1:15 - WƆŊ FƐ̀Ì EBÒ SÌÀŊ DAYÀA

¹⁵ E wèè esaɓù lɛɛ̀, nààŋ kinɛiŋ mìŋ naŋ kòmò e kèè e hààweiŋ nɛ̀ wo Kanaà Jisɛ̀ Kulaì sùà yaà e ɗeweɛ̀ nìŋ kuwa e mànaŋ wèè anyùùŋ nɛɛmaŋ gbànaŋ nyàŋ gbiŋ lɛ̀,

Ɛfesɔ̀ 1:15 ပူးပေါင်းရင်းမြစ်များ

Nyɛ̀nɛ̀ŋ 20:21

Mìŋ naŋ wòò aŋ Juùù yèè anyùùŋ nyaŋ fè àŋ Juùù nyaŋ kɛ̀ aŋ fè maŋ tùwo naanààŋ nyiŋ màŋ jɛwɛ wèè aŋ kìlà koɓɛ̀ Dayài yèè aŋ kɛɛnɛ̀ŋ hààwe wo Kana wiɔ̀ Jisɛ̀ sùà.

Luùm 1:8

E jiɛ̀jiɛ̀ɛ nàŋ yaà, mìŋ naŋ gè wo Dayà miɔ̀ŋ ke sɛ̀ e yìwìà wo Jisɛ̀ Kulaì sùà wèè nyɛ̀iŋ nààŋ gbiŋ, e fèfoo kɛ̀ anyùùŋ nyaŋ gbiŋ e ɗuunyaàŋ kòò àŋ yaà kùmìè e kèè e hààweɛ̀ nìŋ kuwa wo Jisɛ̀ Kulaì sùà lɛ.

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Ɛfesɔ̀ 1:1

E yìwìà miàim Pɔɔ̀ sìwè, wo yèɔ yaà wo keela tàeɗùù wèè Kulaì Jisɛ̀ esàɓù e kèè jìì Dayàa sùà wɔ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ kuwa maŋ jii tùlia maŋ nyiiŋ gèe nyiŋ màŋ sùà àŋ yaà aŋ bà nyiŋ bà Jisɛ̀ Kulaì sùà ko Ɛfesɔ̀ nyaŋ.

Ɛfesɔ̀ 3:18

Mìŋ zoolà e weèiŋ, e kpùlìà anyùùŋ nɛɛmaŋ gbànaŋ nyàŋ gbiŋ wèè naŋ nyìmàŋ e ɗeweɛ̀ e mànàŋ Jisɛ̀ Kulaìɛ naŋ dɛ̀ɛ̀ e nìàŋ nɛ̀ŋ gbiŋ lɛ̀.

1Tɛsè 1:3

Esaɓù kɛ̀ èiŋ jàà jii ko fɛ̀ɛ̀fèìŋ Dayà wo Dèdaà wiɔ̀ e ɗeweɛ̀ nìŋ naŋ gbìɛ̀ŋ e hààweiŋ nɛ̀ e gbèe maŋjɛ̀wɛ yèè eɗewɛ̀ e mànaiŋ nɛ̀ naŋ nyɛ̀nɛ̀ŋ nìŋ naŋ tomo nyìnga, e kìlà e ɗeweɛ̀ ke jii tùliaiŋ nɛɛ̀ŋ wo Kana wiɔ̀ Jisɛ̀ Kulaì sùà naŋ nyìngè sùà lɛ.

1Tɛsè 4:9

Esaɓù bà fè wèè eiŋ sìngà wɔ̀ŋ fɛi, è nyaàiŋ dè è ɗeweɛ̀ nìŋ mɔnɔŋ àŋ dàwiiŋ nyàŋ lɛ, esaɓù kɛ̀ nyɛ̀iŋ bi wo Dayà wòiŋ kàà e ɗeweɛ̀ nìŋ kuwìà e mànaŋ wèè aŋ dàwiiŋ nyàŋ lɛ,

2Tɛsè 1:3

Nyɛ̀iŋ nààŋ wùìya wi nyàŋ, è kuwa eiŋ gè wo Dayà ke sɛ̀ e teenga gbiŋ e weèiŋ. È yaà tɔ̀ɔ̀nyaàŋ wèè eiŋ tɛɛ̀ nyɛ̀nɛ̀ŋ, e fèfoo kɛ̀ e hààweiŋ nɛ̀ è yaà dɛ̀ɛ sùà zimgbe, yèè e mànaàŋ nìŋ kuwa wèè aŋ dàwiiŋ nɛ̀, è yaà gàaŋ sùà gbee.

1Time 1:14

E kìlà wo Kanaà Jisɛ̀ naim gɔ̀àà e tɛ̀ɛ̀tɛ̀ɛ̀ gò kɛ̀ɛ̀nɛ̀ŋ dià zimgbeuŋ nɛ̀, yèè wò naim kìɛ̀ŋ e hààweɛ̀ yaà e mànaàŋ è yaà wo Jisɛ̀ Kulaì sùà lɛ.

1Time 1:5

Esàɓù e keì wòo lɛɛ̀ nàŋ yaà, wèè maŋ kàà anyùùŋ wèè aŋ kɛ̀ɛ̀nɛ̀ŋ e mànaŋ kɛnɛɛ̀, e yèɛ naŋ fòlò ke jìì sengèì, e gòngo siaŋ, yèè e hààwè tɔ̀ɔ̀nyaàŋ sùà lɛ.

Felemɔ̀ŋ - PHM 1:5

Mìŋ naŋ kòmò e kèè e hààweɛ̀ mùŋ kuwa wo Kana wiɔ̀ wo Jisɛ̀ Kulaì sùà lɛ, yaà e mànaŋ mɔ̀ɛ̀ koɓɛ̀ anyùùŋ nɛɛmaŋ nyàŋ gbiŋ wèè wo Dayà.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.

1Pììlɛ 1:22

Nààŋ nìŋ yaà naàŋ jɔ̀ɔ̀lɔ sùà e tɔ̀ɔ̀nyaàŋ dìì, e tɔ̀mɛ jùumù fè ɓɛìŋ màŋ nyiiiŋ màŋ, nàŋ naàŋ zɛ̀nɛ̀ŋ. Yèè nàŋ kùwìè e mànaŋ kɛnɛ wèè anyùùŋ hààwè dawiiŋ nyàŋ. Kùwieìŋ e mànaŋ e fèemàŋ e yìwìà maŋ jiiiŋ màŋ diɛŋ.

1Jɔ̀ɔŋ 3:17

Sèè è naiŋ ɓɛ̀nɛ̀ŋ kɛ̀ɛ̀nɛ̀ŋ e bànè ɗuunyaàŋ è mànàìŋ maŋ nyiiŋ gèe wi màŋ sùà lɛ, e kìlà eiŋ yɛ̀mɛ̀ wo wùìya wiɔ̀ bà wo yèɔ kuwà yèè wò manaŋ è nɛ̀ŋ wɔ, kpeiŋ e gòiŋ tɔ̀ɔ̀ è mànaŋ màŋ jii wi màŋ sùà kòɓɛ̀ wò nyùùŋ bi, kɛ̀ diè è naiŋ ɓɛ̀nɛ̀ŋ wòo kɛ̀ è mànàìŋ wo Dayà?

1Jɔ̀ɔŋ 4:21

Ke sàwàa wo Jisɛ̀ Kulaì naŋ wi wa fè yɛ nàŋ yaà, kɛ̀ sèè wo nyùnɔ̀ɔŋ gbiŋ mɔnɔŋ Dayà wɔ, sɔɔ̀ wo mànàŋ àŋ wùìyauŋ nyàŋ nyiŋ pɛɛ.