3Jɔ̀ɔŋ 1:8 - WƆŊ FƐ̀Ì EBÒ SÌÀŊ DAYÀA

⁸ Wèètii, yaà wi nààŋ nyuùŋ hààwe nyàŋ, sɔɔ̀ eiŋ kpùùmàŋ anyùùŋ nyɛɛ̀ŋ, wèè eiŋ nɔ̀ŋ anyuùŋ tòmo dàwi nyiŋ wèè e tɔ̀ɔ̀nyaàaŋ.

3Jɔ̀ɔŋ 1:8 ပူးပေါင်းရင်းမြစ်များ

Maafiù 10:14

Sèè nìŋ kɔ̀à ko gbooì ɔ̀ɔ̀ ko jawaì ko yèi anyùùŋ nyaŋ gòiŋ jàà kùàŋ dìì ɔ̀ɔ̀ aŋ manàŋ wèè aŋ kùmìàŋ è nɛ̀ɛŋ nìŋ woà lɛ, gbùmoìŋ e hèì gòlòò dìiŋ nɛ̀ niŋ yèwà ko gboo bi.

Maafiù 10:40

“Wo nyùnɔ̀ɔŋ gbiŋ jààìŋ kùàŋ dìì wɔ, wo nyùùŋ bi wòim jàà kùàŋ dìì. Yèè wo nyùnɔ̀ɔŋ gbiŋ jààìm kùàŋ dìì wɔ, wo nyùùŋ bì wò jàà wo nyùnɔ̀ɔŋ naim tùɔ̀ŋ wɔ kùàŋ dìì.

Luù 11:7

Kɛɛ sèè wo dàwi mɔɔ̀ŋ woum fasàì ko saaìŋ wààŋ, ‘Ɓɔ̀ mùŋ mɔɔnɛ̀im! Wɔŋ gbemgbeeɔ̀ yaà naàŋ yìla, e kìlà yàwi nààŋ jɔ̀àim nyàŋ èiŋ naàŋ hawe. Miŋ naàŋ yèwè dìì wèè kaum kìɛ̀ŋ è nɛ̀ŋ gbiŋ.’

2 Kɔliìŋ 6:1

E tòmò koɓɛ̀ guùŋ wilɛ̀ sùà yàwi nààŋ Dayà, è yààìŋ dàwe sùà nyɛiŋ nyàŋ nìŋ naŋ yɛ̀mɛ̀ e kèì sìàŋ Dayàa nyàŋ, ɓɔ̀ nìŋ dangè niŋ è doò pɔɔ̀ wèè foo.

2 Kɔliìŋ 8:23

Sèè è nɔ̀ŋ wèè Taitɔ̀, wò yaà wo bàimbà yèè yàwiuŋ nàŋ tomàŋ ɓɛ̀ guùŋ wèè eiŋ kpuumàŋ, e wèè aŋ wùìya gbànaŋ nyàŋ yaàùŋ kɔ̀ɔ̀yɛ̀ maŋjɛ̀wɛ nyàŋ, àŋ yaà aŋ keela nyiŋ naŋ dè ɓɛ̀ŋ anyuùŋ hààwe nyaŋ, yèè àŋ hiàŋ e jòòwo koɓɛ̀ Jisɛ̀ Kulaìi.

Fèle 4:3

Muàŋ pɛɛ nyuùŋ hààwe dàwi tùlìà jii miɔ̀ŋ, mìŋ dawàùm wèè maŋ kpùùmàŋ aŋ jɔùŋ nyɛɛ̀ŋ. Aŋ jɔùŋ nyɛɛ̀ŋ, naŋ tòòmò yàwi wo Kilɛmɛ̀ŋ kùàŋ sùà, e kpùlìà anyuùŋ tòmo dàwi gbànaŋ wi nyàŋ wèè eiŋ ɓààyè Ebò Siaàŋ. Maŋ deè nyiŋ màŋ yaà naàŋ sìnga miŋ wɔŋ fɛ̀ì Dayàa sùà, wɔŋ yèɔ wo Dayà naŋ sìngè maŋ dèè anyùùŋ nyaŋ do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ nyàŋ.

Kòlo 4:11

Wo Jàasùà, wo yèɔ àŋ nyaaŋ wo Jɔtù wɔ, naiŋ tùɔ̀ŋ e zùùmo wuŋ pɛɛ. Aŋ fèlàà taai nyɛɛ̀ŋ, nàŋ yaà aŋ Juùù nyuuŋ kɛ̀ɛ̀nɛ̀ŋ hààwe nyàŋ nɔŋ è naiŋ tòòmò koɓɛ̀ guùŋ wèè e Kànà Dayàa, e kìlà àŋ naim kìɛ̀ŋ e kpùùmaŋ gbee.

1Tɛsè 3:2

yèè è naiŋ tùɔ̀ŋ wo Timetè wùìya wiɔ̀, è yààìŋ tòòmò koɓɛ̀ guùŋ wèè Dayà, nààŋ è woàìŋ Ebò Siaàŋ nyaàiŋ dè wo Jisɛ̀ Kulaì lɛ. È nauŋ tùɔ̀ŋ nɛ̀ɛ̀iŋ niìŋ wèè woiŋ nyììnè maŋ jii, yèè wo kpùùmàŋ e hààweiŋ nɛ̀,

Felemɔ̀ŋ - PHM 1:2

yèè koɓɛ̀ ke gbòò anyuùŋ hààwe nyàŋ deenàŋ ko gboo moo nyàŋ, e kpùlìà wo Afià wo jaa wiɔ̀ Jisɛ̀ Kulaì sùà, yaà wo Àchipɔ̀ wo yèɔ tòmàŋ wèè wo Kanaà, màànààŋ yàwi pɛɛ è nyɛnɛŋ lɛ̀.

Felemɔ̀ŋ - PHM 1:24

Yèè anyuùŋ gbànaŋ nyɛɛ̀ŋ tèènè mààŋ wo Mài, wo Àlètakɔ̀, wo Dimà, yèè wo Luù, anyuùŋ tòmo dàwiim nyàŋ, naiŋ tùɔ̀ŋ e zùùmo nyiìŋ pɛɛ.

3Jɔ̀ɔŋ 1:10

Sèè mìŋ hnàŋ, mìŋ do nàŋ gè maŋ keì maŋ gbiŋ wò naŋ nyɛ̀nɛ̀ŋ maŋ dìì, maŋ keì naanààŋ maŋ wò woà nyaàiŋ e wi dè yèè e tòaà wò tɔɔ̀ lɛ! Kɛɛ tii pɛɛ fè è gbiŋ weèuŋ, wo naàŋ jàà kè gbòò ànyuùŋ hààwe nyàŋ kùàŋ dìì sèè àŋ hnàŋ, yèè wùìyaiŋ nyàŋ pɛɛ manaŋ wèè aŋ nyiŋ jàà kùàŋ dìì nyaŋ, wò nyiŋ kìlìà kùàŋ feìŋ e kìlà wò fɛɛ wèè wo nyiŋ nyìmàŋ aŋ fòlà ke Sààŋ zòòloɛ̀ dìì!

3Jɔ̀ɔŋ 1:7

Àŋ naŋ dè ke dòmàŋ kààiŋ nyiŋ nɛɛ̀ŋ diɛŋ wèè e tòmò Jisɛ̀ Kulaìɛ e yèɛ aŋ gò gèe è kpùùmaŋ anyuùŋ gò hààwè Dayà sìwè lɛ.

3Jɔ̀ɔŋ 1:9

Mìŋ naŋ sìngè wɔŋ fɛi kpuu koɓɛ̀ ke gbòò anyuùŋ hààwe nyàŋ, kɛɛ wo Dìɔ̀tifɔ̀, wo yèɔ manaŋ wo nɔ̀ŋ sìèfeìŋ wɔ, wo nààŋ kùmìè e yèɛ mìŋ naŋ woò lɛ.