3Jɔ̀ɔŋ 1:11 - WƆŊ FƐ̀Ì EBÒ SÌÀŊ DAYÀA

¹¹ Dàwi mànaŋ miɔ̀ŋ, ɓɔ̀ mùŋ fɔɔnɔ̀ŋ keì naanààŋ, kɛɛ fɔ̀ɔ̀nɔɔ̀ŋ keì sìàŋ. Wo nyùnɔ̀ɔŋ gbiŋ naŋ nyɛ̀nɛ̀ŋ keì sìàŋ wɔ̀, wò yaà wo nyùùŋ Dayà. Wo nyùnɔ̀ɔŋ gbiŋ naŋ nyɛ̀nɛ̀ŋ keì naanààŋ wɔ wo fè wò nyùùŋ Dayà.

3Jɔ̀ɔŋ 1:11 ပူးပေါင်းရင်းမြစ်များ

Jɔ̀ɔŋ 10:27

Aŋ ɓaawaaim nyàŋ nyìmàŋ ke miè miɛ̀ŋ, yèè kà nyiŋ nyìmàŋ yèè àŋ dèìm maŋjɛ̀wɛ.

Jɔ̀ɔŋ 12:26

Sèè nyɛ̀iŋ nààŋ bà gbiŋ nìŋ mɔnɔŋ wèè naŋ tomo weèim, kɛ̀ sɔɔ̀ naŋ dè ke kpèè siaŋ miɛ̀ŋ maŋjɛ̀wɛ. Kpeiŋ sèè mìŋ fà, koɓɛ̀i mìŋ do nàŋ nɔ̀ŋ lɛ, kuuŋ nɔŋ wo ɓɔìjɔ̀à miɔ̀ŋ wò do nàŋ nɔ̀ŋ. Wo Dèda miɔ̀ŋ do nàŋ dɛ̀ɛ̀kɛ̀ wo nyùnɔ̀ɔŋ gbiŋ tomàŋ weèim wɔ̀.”

Jɔ̀ɔŋ 3:20

Anyuùŋ nyɛ̀nɛ̀ŋ maŋ keì ngaamuŋ ngààmùŋ nyaŋ fè hnàŋ kòɓɛ̀ è gbolòùŋ lɛ, esaɓù maŋ nyɛ̀nɛ̀ŋ nyiŋ màŋ do nàŋ fòlò ke fòolà e kìlà anyùùŋ aŋ miŋ yɛmɛ̀ janjai.

1 Kɔliìŋ 11:1

Kpeiŋ kɛ̀ fɔ̀ɔ̀nɔŋ e tɔ̀ɔ̀màŋseìim mɛ̀, màànààŋ mìŋ fɔɔnɔ̀ŋ e tɔ̀ɔ̀màŋsèì Jisɛ̀ Kulaì lɛ.

1 Kɔliìŋ 4:16

E wèètii mìŋ yààìŋ dàwe sùà wèè naŋ dè e tɔ̀ɔ̀màŋseì mɛ̀ maŋjɛ̀wɛ.

Ɛfesɔ̀ 5:1

Nààŋ nìŋ yaà aŋ jɔ̀à è jìì Dayà lɛ, fɛ̀ɛìŋ niŋ nyɛ̀nɛ̀ŋ mààŋ Dayà nyɛnɛŋ lɛ̀.

Fèle 3:17

Nyɛ̀iŋ nààŋ wùìyaim nyàŋ, mìŋ manaŋ naŋ dè e tɔ̀ɔ̀màŋseì mɛ̀ maŋjɛ̀wɛ maŋ nyiiŋ gèeiŋ màŋ sùà. Deìŋ e tɔ̀ɔ̀màŋsèì anyùùŋ nyaŋ naŋ wa nyɛ̀nɛ̀ŋ maŋ kèì tɔ̀ɔ̀nyaàŋ maŋ è naiŋ wa jàà e ɓula e weèiŋ lɛ̀.

1Tɛsè 1:6

Nìŋ naŋ wi fɔɔnɔ̀ŋ yèè nìŋ naŋ fɔ̀ɔ̀nɔ̀ŋ wo Kanaà Jisɛ̀. Jòòpɛɛ nìŋ naŋ mɔɔnɛ̀ŋ zimgbe, kɛɛ nìŋ naŋ jàà ke miè gbìaàŋ kùàŋ dìì e zɔlɔ̀ sùà ke yèɛ yewe wo Jìnàŋ Nɛɛmaàŋ sìwè lɛ.

1Tɛsè 2:14

Nyɛ̀iŋ nààŋ wùìya wi nyàŋ, e nɛ̀ŋ guùŋ nɛ naiŋ kaaìŋ lɛ tiŋ naŋ kààìŋ koɓɛ̀ ke gbòò anyuùŋ hààwe Dayà nyàŋ ko Jùdià, koɓɛ̀ anyùùŋ nyaŋ wo Jisɛ̀ Kulaì kanaŋ nyàŋ. Nìŋ naŋ mɔ̀ɔ̀nɛ̀ŋ maŋ mɔ̀ɔ̀nɛŋ guùŋ bi dìì anyùùŋ nyɛ̀iŋ bi nyàŋ sìwè, màànààŋ àŋ naŋ wa mɔɔnɛ̀ŋ e yìwìà aŋ Juùù nyaŋ sìwè lɛ,

2Time 3:10

Mùŋ naŋ dè e kàa mɛ̀, ke kpèè miɛ̀ŋ, yèè esàɓù wɔŋ nyiiŋ gèe miɔ̀ŋ maŋjɛ̀wɛ, màŋ tùàŋ e hààwe mɛ̀, ke jii tɔumtɔ̀ùm miɛ̀ŋ, e mànàŋ mɛ̀, yèè ke jii nyìngè miɛ̀ŋ wèè e keì nyìnga kuwa mɛ̀ gbiŋ maŋ nɔnɔŋ.

Hiɓu 6:12

E manàŋ wèè naŋ nɔ̀ŋ ànyuùŋ jɛ̀kɛ, kɛɛ nɔ̀iŋ mààŋ aŋ yè nyaŋ kuwa hààwe e kìlà àŋ kuwa maŋ jii tɔumtɔ̀ùm e jèèsùà wo Dayà woiŋ kìɛ̀ŋ e yèɛ wò naŋ ɓèmè ɗààhiì wèè woiŋ kiɛ̀ŋ lɛ.

1Pììlɛ 3:11

Wo gèe keì naanààŋ nyɛ̀nɛŋ kùàŋ sùà, wo nyɛ̀nɛ̀ŋ keì siaŋ sìàŋ ɓèmè ke jii mɔɛ̀ŋ muŋ kamè ke jii fàa.

1Pììlɛ 3:13

Ɓòò nàŋ yaào wèè woum jàà e keì keekèè sèè mùŋ haamìŋ wèè maŋ nyɛ̀nɛ̀ŋ keì siaŋ sìàŋ?

1Jɔ̀ɔŋ 2:29

Nàŋ nyìmàŋ kɛ̀ wo Jisɛ̀ Kulaì yaà wo nyùùŋ tɔ̀ɔ̀nyaàŋ. Kpeiŋ nìŋ kuwa naŋ nyìmàŋ kɛ̀, wo nyùnɔ̀ɔ̀ŋ gbiŋ naŋ nyɛ̀nɛ̀ŋ e yèɛ yaà e tɔ̀ɔ̀nyaàŋ lɛ wò yaà jɔ̀à Dayà.

1Jɔ̀ɔŋ 3:10

E tɛɛ gòòno sengèìɛ e fèèmàŋ aŋ jɔ̀à Dayà nyaŋ yèè anyùùŋ màŋjɛ̀wɛ̀ Sɛ̀tanàŋ nyaŋ nàŋ yaà, aŋ yè nyaŋ nyɛnɛŋ e yèɛ yaà tɔ̀ɔ̀nyaàŋ lɛ, nyiŋ nàŋ yaà aŋ jɔ̀à Dayà nyaŋ, yèè aŋ yè nyaŋ manàŋ àŋ wùìya nyiŋ nyàŋ lɛ naŋ yaà anyùùŋ màŋjɛ̀wɛ̀ Sɛ̀tanàŋ nyaŋ.

1Jɔ̀ɔŋ 4:1

Dàwi mànaim nyàŋ, ɓɔ̀ nìŋ haawè ànyùùŋ nyaŋ gbiŋ naŋ woò nyààŋ àŋ kuwa wo Jìnàŋ Dayàa nyàŋ. Tùaìŋ aŋ jìnàŋ nyɛɛ̀ŋ maŋ nɔnɔŋ wèè niŋ nyìmàŋ sèè mààŋ tɔɔɓaa àŋ yewe koɓɛ̀ Dayài. Esaɓù kɛ̀ aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà.