3Jɔ̀ɔŋ 1:10 - WƆŊ FƐ̀Ì EBÒ SÌÀŊ DAYÀA

¹⁰ Sèè mìŋ hnàŋ, mìŋ do nàŋ gè maŋ keì maŋ gbiŋ wò naŋ nyɛ̀nɛ̀ŋ maŋ dìì, maŋ keì naanààŋ maŋ wò woà nyaàiŋ e wi dè yèè e tòaà wò tɔɔ̀ lɛ! Kɛɛ tii pɛɛ fè è gbiŋ weèuŋ, wo naàŋ jàà kè gbòò ànyuùŋ hààwe nyàŋ kùàŋ dìì sèè àŋ hnàŋ, yèè wùìyaiŋ nyàŋ pɛɛ manaŋ wèè aŋ nyiŋ jàà kùàŋ dìì nyaŋ, wò nyiŋ kìlìà kùàŋ feìŋ e kìlà wò fɛɛ wèè wo nyiŋ nyìmàŋ aŋ fòlà ke Sààŋ zòòloɛ̀ dìì!

3Jɔ̀ɔŋ 1:10 ပူးပေါင်းရင်းမြစ်များ

Luù 6:22

“E zɔlɔ̀ e nɔ̀iŋ sèè anyùùŋ aiŋ wùàŋ, aiŋ gbàŋ, aiŋ diɛ̀ŋ, e kìlà aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, esaɓù kɛ̀ nìŋ yaà anyùùŋ màŋjɛ̀wɛ̀ miàim wo Jɔ̀àfèlàà Nyuùŋ Kpùnɔɔ̀ŋ.

Jɔ̀ɔŋ 9:22

Anyùùŋ kòmàŋ felaaà naŋ yɛi wa gbòò esaɓù kɛ̀ àŋ duɔŋ wa anyùùŋ gbèègbèè aŋ Juùù nyaŋ. Anyuùŋ gbeegbèè nyaŋ wa naàŋ nyimèè tɛ kɛ̀ àŋ do wa nàŋ gè wo nyùùŋ gbiŋ ke sààŋ zòòlò aŋ Juùù nyaŋ dìì sèè wo woò wààŋ wo Jisɛ̀ nàŋ yaà wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ wɔ.

Nyɛ̀nɛ̀ŋ 1:15

Maŋ ɗɔɔ kpàa naŋ mààŋ yèè anyuùŋ hààwe nyàŋ naŋ dèènè koɓɛ̀ guùŋ. Àŋ yaà wa e sɔ̀ngɔ̀ anyuùŋ hɔ̀nɔ̀ɔ̀ guùŋ kpɛ̀ɛ̀ùŋ guùŋ (120), kpeiŋ wo Pììlɛ naŋ sie wèè wo gbòà koɓɛ̀ anyùùŋ nyaŋ.

2 Kɔliìŋ 13:2

Mìŋ manaŋ ka wòò nyɛ̀iŋ nyàŋ naŋ wa nyɛ̀nɛ̀ŋ maŋ jùumù e gɔuo sùà nyaŋ, yèè anyuùŋ gbànaŋ nyàŋ gbiŋ, kàiŋ woò è guùŋ e hnàaŋ dìà è tìyèe mɛ̀ sùà ko nɛ̀ɛ̀ŋ niìŋ, kɛɛ mìŋ yààìŋ ɓɛìŋ wòo sùà nààŋ miŋ fòò yɛi le, e hnàaàŋ mìŋ do nàŋ hnè lɛ wo nyùùŋ gbiŋ naàŋ fòlò è ngàìnɓuɛ̀ dìì.

Gàla 6:10

Kpeiŋ kɛ̀, nààŋ nɔŋ è kùwàìŋ yɛi e ɗeweɛ̀ le, nyɛ̀nɛ̀ŋ wiìŋ e kpùùmaŋ tɛ̀ɛ̀ koɓɛ̀ anyùùŋ nyaŋ gbiŋ, egbèìngèìŋ ngèè aŋ yè nyaŋ yaà ke kpòò e hààweɛ̀ sùà nyaŋ.

1Time 5:13

Àŋ gbeà e ɗèwè teenga nyiŋ nɛ̀ pɔ̀ɔ nààŋ àŋ kilià maŋ saaŋ dìì, kɛɛ e yèɛ naŋ tii nìè lɛ nàŋ yaà, àŋ gbeà ɗèwe anyuùŋ fìèfie yèè àŋ yaà anyuùŋ sìà woya anyùùŋ fèemàŋ, e kìlà àŋ yaà wòò maŋ keì maŋ fè màŋ keì wòo nyiŋ màŋ.

2Jɔ̀ɔŋ 1:10

Sèè wo nyùùŋ hnàŋ ko nɛ̀ɛ̀ŋ niìŋ wo gò hìàŋ è kàà kii bi, ɓɔ̀ nìŋ jàaùŋ kùàŋ dìì màŋ gbooiŋ màŋ sùà, ɓɔ̀ nìŋ zuumò wò nyùùŋ bi.

2Jɔ̀ɔŋ 1:12

Mìŋ kuwa maŋ keì zimgbe wèè kaìŋ woò, kɛɛ miŋ manàŋ wèè ka miŋ nyìnìàŋ kè kuù sìngìà ɔ̀ɔ̀ wɔ̀ŋ fɛi diɛŋ, yèè mìŋ kuwa ke jii tùliaà wèè kaìŋ jaamè wèè eiŋ kɛ̀ɛ̀nɛ̀ŋ maŋ di ɓùla titi koɓɛ̀ guùŋ, wèè e zɔlɔ̀ wilɛ̀ jùà jɛ̀wɛ̀.

3Jɔ̀ɔŋ 1:3

Mìŋ yaà wa e zɔlɔ̀ gbee sùà nààŋ anyuùŋ hààwe nyàŋ bà nyiŋ naŋ hnè yèè àŋ naìm wòò e ɗeweɛ̀ nìŋ kuwa hààwe e tɔ̀ɔ̀nyaàŋ sùà, màànààŋ nɔŋ nìŋ yaà e tɔ̀ɔ̀nyaàŋ wɔŋ nyiiŋ gèeɔ̀ sùà lɛ.

3Jɔ̀ɔŋ 1:5

Wùìya mànaŋ miɔ̀ŋ, mùŋ naŋ sìè e hààwe e tòmoɛ̀ mùŋ nyɛnɛŋ wèè anyuùŋ hààwe nyàŋ sùà lɛ̀, sèè pɛɛ aŋ nɔ̀ŋ aŋ nyùùŋ nèè nyɛiŋ.