2Time 4:8 - WƆŊ FƐ̀Ì EBÒ SÌÀŊ DAYÀA

⁸ Eɓìèmàŋjɛ̀wɛ̀ tɛɛ̀ ke ɓɔ̀ɗì kana kòò kè yaà naàŋ bànè hàa nyiŋ e weèim esaɓù kɛ̀ wo Dayà weèim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, ke yèɛ wo Kanaà, wo nyuùŋ gbàì tɔ̀ɔ̀nyaàŋ, wò doim nàŋ kiɛ̀ŋ ke ɗɔɔ yii diɛŋ yɛ̀, yèè e naàŋ nɔŋ nɔ̀ŋ miàŋ guùŋ, kɛɛ è do naŋ nɔ̀ŋ wèè aŋ yè nyaŋ gbiŋ naŋ kùwò maŋ jii e manaŋ sùà wèè e hnàuŋ nɛ̀ lɛ.

2Time 4:8 ပူးပေါင်းရင်းမြစ်များ

Maafiù 24:36

Wo Jisɛ̀ naŋ wa ɓɛìŋ woò wààŋ, “Wo nyùùŋ gbiŋ nyimààŋ kè ɗɔɔɛ̀ ɔ̀ɔ̀ è teengaà màŋ keì mɛɛ̀ŋ do nàŋ kaaìŋ lɛ, miŋ dò nàŋ sɔ̀ aŋ màikà nyaŋ ko àìjɛnɛ̀ŋ ɔ̀ɔ̀ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ. Wo Dèdaà wuŋ guùŋ nɔŋ naŋ niŋ nyìmè.

Maafiù 7:22

Sèè ke ɗɔɔɛ̀ haì wa nàwèè wèè wo Dayà wo gbàì anyùùŋ nyaŋ gbiŋ, aŋ zimgbe nyiŋ doim nàŋ woò nyààŋ, ‘Kanaà, Kanaà! Àŋ do nàŋ woò nyààŋ è naiŋ wa gbòò ke mìè Dayàa e deè mɔ̀ɛ̀ diɛŋ, e kìlà è naiŋ gè aŋ jinàŋ naanààŋ anyùùŋ maŋjɛ̀wɛ, yèè è naiŋ nyɛ̀nɛ̀ŋ maŋ kèè mèè zimgbe.’

Luù 10:12

Miŋ woòiŋ e tɔɔɓaaà kɛ̀, wo Dayà do wa nàwèè nàŋ tɔ̀ɔ̀ ke nyowo koɓɛ̀ anyùùŋ nyaŋ ko Sɔdɔ̀ùŋ ke ɗɔɔɛ̀ wò do wa nàwèè nàŋ gbàì anyùùŋ nyaŋ gbiŋ lɛ̀ e nìàŋ anyùùŋ nyaŋ e dìì lii diɛŋ!”

Luùm 2:5

Kɛɛ nìŋ naŋ nyìngè maŋ jii e kìlà nìŋ naŋ gè maŋhɛɛ wèè naŋ fè maŋ tùwo naanààiŋ màŋ jɛwɛ naŋ kìlà koɓɛ̀ Dayài. Kòò nìŋ yaà tòòyà sùà e kèì nyìngà nyɛ̀iŋ biɛ̀ wèè ke ɗɔɔ yii wa nàwèè nààŋ wo Dayà do nàŋ tuù e kìlà wo gbàì anyùùŋ nyaŋ gbiŋ e ɗuunyaàŋ e tɔ̀ɔ̀nyaàŋ sùà.

Luùm 8:23

Kɛɛ e fè nɔŋ mànɛ̀ŋ bàne màŋ miiŋ guùŋ maŋ nɔ̀ŋ gùlìè ɗìòsùà. Kɛɛ yàwi bi pɛɛ aŋ yè nyaŋ wo Jìnàŋ Kanaà Dayà yaà sùà nyaŋ, wèè eiŋ nɔ̀ŋ e nɛ̀ŋ jiɛ̀jiɛ̀ɛ wo Dayà naŋ wi kiɛ̀ŋ lɛ, guliàìŋ maŋ ɗìòsùà, nààŋ è yààìŋ fùlìè wo Dayà wèè wo wi ɓemè wèè èiŋ nɔ̀ŋ aŋ jɔ̀àuŋ. Tɛɛ̀ naŋ tɔɔ̀ kɛ̀ wò do nàŋ jòèyè maŋ kpùnaŋ wi màŋ gbiŋ e yìwìà e ɗò maŋ jùumù dìì.

1 Kɔliìŋ 2:9

Nààŋ wɔŋ fɛ̀ì Dayàa naŋ woò lɛ, “E nɛ̀ɛŋ wo nyùùŋ gbiŋ kòò yɛ̀mɛ̀ wa ɔ̀ɔ̀ kòò kòmò wa lɛ, e nɛ̀ɛŋ wo nyùùŋ gbiŋ kòò gòngò wa kè jiiò sùà kɛ̀ è ɓɛ̀nɛ̀ŋ kàaiŋ lɛ̀, tiŋ nàŋ yaà e nɛ̀ɛŋ wo Dayà naŋ banebànè wèè anyùùŋ nyaŋ mànaùŋ nyaŋ.”

1 Kɔliìŋ 3:13

Yèè àŋ do nàŋ tùɔ̀ŋ e tòmò nyùùŋ gbiŋ maŋ nɔnɔŋ e teengaà ke Ɗɔ̀ɔ̀ Jisɛ̀ Kulaìɛ do niŋ nàŋ tɔɔ̀ lɛ. Ke ɗɔɔ yii e hmɔ̀ɔ̀ŋ nàŋ do nàŋ gɔ̀ì e tòmò nyùùŋ gbiŋ sùà, e hmɔ̀ɔ̀ɛŋ do nàŋ wɔ̀ɔ̀ e tòmò nyùùŋ gbiŋ yèè e tɔ̀ɔ̀ e nɔ̀ŋ kii kɛnɛ niŋ nɛ̀.

1 Kɔliìŋ 9:25

Wo nyuùŋ kà maŋ gɔ̀ɔ̀yɛ zimgbe dììɔ wò tomàŋ wèè wo yɛ̀mɛ̀ ke ɓɔ̀ɗì kana ke yèɛ fè kòlà lɛ. Kɛɛ è nyɛnɛŋ tɛɛ̀ wèè eiŋ yɛ̀mɛ̀ ke ɓɔ̀ɗì kana wèè julɔfɔ.

2 Kɔliìŋ 5:2

Nààŋ è yààìŋ e ɗuunyaŋ lɛɛ̀, è gulìàìŋ ko ɗìòsùà, e kìlà è yààìŋ e wùànàŋ gbee sùà wèè eiŋ kà ko àìjɛnɛ̀ŋ ko yèi wo Dayà do wi nàŋ kìɛ̀ŋ maŋ kpùnaŋ jɛi lɛ̀.

Fèle 3:11

wèè kɛ̀ ke jii tùlia sùà, wo Dayà doim nàŋ gè e fàaà dìì wɔŋ nyiiŋ gèeɔ̀ sùà miàŋ pɛɛ.

Kòlo 1:5

E teengaà ke mìè gbìàŋ tɔ̀ɔ̀nyààŋ Ebò Siaàŋ naŋ wa hnè ko nɛ̀ɛ̀iŋ niìŋ jiɛ̀ lɛ, nìŋ naŋ wa kòmò e kèè ke jii tùliaà è kiɛ̀ŋ lɛ. Weètii e hààweɛ̀ yèè e mànaàŋ nìŋ kuwa lɛ̀, nàŋ yaà e yèɛ nìŋ yaà kaame ke jii tùlia sùà lɛ, e yèɛ yaà bàànè hàa weèiŋ ko àìjɛnɛ̀ŋ lɛ.

1Tɛsè 1:10

yèè wèè naŋ fòlà jɔ̀àfelaauŋ nɔɔ̀ŋ Jisɛ̀ Kulaì e yìwìà ko àìjɛnɛ̀ŋ wo yèɔ wò naŋ gè e fàaà dìì yèè wò naŋ wi joeyè e yìwìà e wùàŋ Dayàa yaà hinie lɛ̀.

1Tɛsè 5:4

Kɛɛ nyɛ̀iŋ wùìyaim nyàŋ, niŋ fè kè nyìwìi sùà e kìlà ke ɗɔɔɛ̀ wo Jisɛ̀ do nàŋ hnè lɛ ɓɔ̀ è foonòiŋ màànààŋ wò anyuùŋ wùaà foonàŋ nyùùŋ nɛ.

2Tɛsè 2:8

Kpeiŋ kɛ̀ wo Dayà do nàŋ fùlìè Wo Nyuùŋ pɔ̀ɔ̀ maŋ sàwàa, kɛɛ sèè wo Kanaà Jisɛ̀ hnàŋ, wò douŋ nàŋ jìwìè wɔŋ fòìɔ fòloùŋ nyààŋ wɔŋ, yèè e mɛ̀ɛ̀ŋ Kanaà, e dɛngò dɛngòiŋ nii euŋ pɔɔpɔ̀ɔ̀.

1Time 6:19

Sèè àŋ nyɛnɛŋ maŋ keì sìàŋ mààŋ mɛɛ̀ŋ, àŋ do nàŋ kɛ̀ɛ̀nɛ̀ŋ e sùlò e yèɛ do nàŋ nɔ̀ŋ e kpèe nyìngàà sùà wèè ko dòmàŋfeìŋ nyiŋ niìŋ. E kìlà àŋ do nàŋ ɓɛ̀nɛ̀ŋ yɛ̀mɛ̀ wɔŋ nyiiŋ gèe wɔŋ yèɔ yaà nyììŋ gè tɔ̀ɔ̀nyaàaŋ wɔŋ.

2Time 1:10

kɛɛ è naàŋ nɔ̀ŋ tɔ̀ɔ niŋ ko nɛ̀ɛ̀ŋ wiì e yìwìà e hnàŋ Nyuùŋ Jòèye wiɔ̀, wo Jisɛ̀ Kulaì. Wò hìàŋ e gààŋ fàa ko dìa yèè e yìwìà Ebò Siaàŋ sùà wò wi tɔ̀ɔ̀ wɔŋ nyiiŋ gèe gò jùàa.

2Time 1:12

Wèè esaɓù lɛɛ̀ mìŋ kuwo maŋ keì nyìnga mɛɛ̀ŋ, kɛɛ e sàngè fèìm, e fèfoo kà nyìmàŋ wo yèɔ mìŋ naŋ tùlìè jii wɔ̀, yèè kà haawè kɛ̀ wòim ɓɛ̀nɛ̀ŋ jòèye e jèèsùà, ke ɗɔɔ dìàmaàŋ ke haì.

2Time 1:18

Tɔ̀ wo Kanaà wo yɛmɛ̀uŋ wa nàwèè ke nyowo ke ɗɔɔ dìàmaàŋ diɛŋ! Màŋ nyìmàŋ kɛ̀ kiìŋ è kpùùmaŋ wò naŋ nyɛ̀nɛ̀ŋ weèim ko Ɛfesɔ̀.

2Time 2:5

Wo nyùnɔ̀ɔŋ naŋ sie wèè wo dùàŋ wèè e jìwààjɛ̀wɛ̀ wɔ, wo fè ɓɛ̀nɛ̀ŋ ɓùlà è jìwààjɛ̀wɛ̀ sèè wo gò jɔ̀ɔ̀lɔ̀ maŋ sàwà maŋ dìì.

2Time 4:1

Ko fɛ̀ɛ̀fèìŋ Dayài yaà wo Jisɛ̀ Kulaì, wo yèɔ do naŋ gbàì anyùùŋ nyaŋ yaà wɔŋ nyiiŋ gèeɔ̀ sùà yèè aŋ yè nyaŋ naŋ fɔ̀ nyaŋ, yèè nààŋ wò yaà hinie e kanauŋ nɛ̀ sùà mààŋ wo Kana lɛ̀, mìŋ yààùm woo,

Taitɔ̀ 2:13

nààŋ è yààìŋ fùlìè ke ɗɔ̀ɔ̀ e keì sìàaŋ è naiŋ tùlìè jii lɛ̀, ke ɗɔɔɛ̀ e jòòwò Dayà gbee wiɔ̀ yèè wo Nyuùŋ Jòèye wiɔ̀ Jisɛ̀ Kulaì kè hnàŋ lɛ.

Hiɓu 12:11

Sèè àŋ nimilà wì, è kpɛ̀lɛ̀ wì yèè e wi nyɛ̀nɛ̀ŋ eiŋ nɔ̀ŋ ɗoomɛɛŋ wèè e teenga bà. Kɛɛ sèè eiŋ gbeè wèè eiŋ kà e nimilà dìì, è doiŋ nàŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ e kìlà eiŋ nɔ̀ŋ ke jii fàa sùà.

Hiɓu 9:28

E ɗèwè guùŋ nɛ sùà wo Dayà naŋ wa kìɛ̀ŋ wo Jisɛ̀ Kulaì e sùà guùŋ kpò wèè wo nɔ̀ŋ e nɛ̀ŋ saaà, yèè wò naŋ fɔ̀ e sùà guùŋ kpò wèè wo gùà maŋ jùùmù anyuùŋ zimgbe. Kɛɛ sèè wò hnàŋ ɓɛìŋ, e naàŋ ɓɛìŋ nɔ̀ŋ wèè wo gùà màŋ jùumù. Wò do nàŋ hnè wèè wo jòèyè anyùùŋ nyaŋ gbiŋ yàaùŋ fulie nyàŋ.

Jìiiŋ 1:12

E zɔlɔ̀ yaà anyùùŋ nyaŋ jeeyà tɔ̀ɔ̀nyaàŋ sùà aŋ kɔ̀ɛ̀ e wàà e keì nyìnga dìì aŋ fè sɔ̀à nyaŋ. Sèè àŋ kɔɛ̀ e wàa bi dìì àŋ maaŋ, wo Dayà do nyiŋ nàŋ jàà kùàŋ dìì aŋ yɛ̀mɛ̀ e pààwà ke ɓɔ̀ɗì wɔŋ nyiiŋ gèe gò jùàa wò naŋ wa ɓèmè e ɗààhiì wèè wo fè anyùùŋ nyaŋ mànaùŋ nyaŋ.

1Pììlɛ 1:4

weètii è yɛmɛ̀ìŋ ko dòmàŋfeìŋ wèè eiŋ kɛ̀ɛ̀nɛ̀ŋ maŋ kpùùmaŋ bàne màŋ wo Dayà naŋ bànè ko hàa wèè anyunùuŋ nyàŋ maŋ. Wò naŋ miŋ bànè hàa weèiŋ ko àìjɛnɛ̀ŋ, ko yèi maŋ fè hèwà ɔ̀ɔ̀ maŋ pɔɔ̀ ɔ̀ɔ̀ maŋ kùwìè è tɔ̀mɛ.

1Pììlɛ 5:4

Kpeiŋ sèè wo kànà anyuùŋ yɛ̀mɛ̀ aŋ ɓaawaa diɛɔ̀ŋ tèènè mààŋ wò Jisɛ̀ Kulaì wò hnàŋ, nìŋ do nàŋ yɛ̀mɛ̀ ke ɓɔ̀ɗì e jòòwo ke yèɛ e zɛ̀nɛŋ nyiŋ nɛ̀ fè go lɛ̀.

Maŋ kèì nyɛɛnɛŋ 1:7

Yɛ̀mɛìŋ, wo Jisɛ̀ yaà hinie ke nyili fuaà diɛŋ! Anyùùŋ nyaŋ gbiŋ douŋ nàŋ yɛmɛ̀, e kpùlìà anyùùŋ nyaŋ nauŋ jùwò e ɓula nyàŋ. Maŋ ziì maŋ gbiŋ e ɗuunyaàŋ do nàŋ nɔ̀ŋ ke nyowo sùà weèuŋ. Tɔɔɓaa yɛi è do nàŋ nɔ̀ŋ!

Maŋ kèì nyɛɛnɛŋ 19:11

Mìŋ naŋ yɛ̀mɛ̀ ko àìjɛnɛ̀ŋ naŋ yilè, yèè mìŋ naŋ yɛ̀mɛ̀ wo sòo fua. Àŋ nyaaŋ wa wo nyuùŋ dùùnyauŋ nɔɔ̀ŋ nyààŋ, Tɔ̀ɔ̀nyaàŋ yèè Tɔɔɓaa. Wò toomàŋ e tɔ̀ɔ̀nyaàŋ wèè wo hàà kiti e kìlà wo sòmàŋ e ɗuàuŋ nɛ̀.

Maŋ kèì nyɛɛnɛŋ 2:10

E jùù ɓɔ̀ è nyɛ̀nɛ̀iŋ wèè è nimilàa nìŋ yaà hinie naŋ kà dìì lɛ. Wo Dɛwìɔ doiŋ nàŋ kɔ̀ɔ̀ e wàa dìì e kìlà wo nyɛ̀nɛ̀ŋ aŋ gbìàŋ nyɛ̀iŋ nààŋ bà nyiŋ ko sààŋ nyìwì. E keì nyìngaiŋ nɛ̀ doo nàŋ nɔ̀ŋ wèè maŋ ɗɔ̀ɔ̀ zììyà. Jèeìŋ e hààwe sùà ko nɛ̀ɛ̀ŋ miìŋ, sèè pɛɛ è gelà wèè naŋ fà, mìŋ doiŋ nàŋ kìɛ̀ŋ wɔŋ nyiiŋ gèe màànààŋ nɔŋ àŋ kiɛ̀ŋ wo nyùùŋ ke ɓɔ̀ɗì kana wèè ke nɔ̀ŋ e jìwààjɛ̀wɛ̀ wèè e nɛ̀ɛŋ wò naŋ ɓùlò lɛ.”

Maŋ kèì nyɛɛnɛŋ 22:20

Wo nyùnɔ̀ɔŋ kiɛ̀ŋ ke mìè seìuŋ nɛɛ̀ŋ koɓɛ̀ e keì wòo lɛɛ̀ gbiŋ wɔ̀ wo woò wààŋ, “Hɛ̀ɛɛ̀ŋ, tɔɔɓaa, kòò mìŋ yaà hinie e teenga kpuu sùà!” Weètii, Kanaà Jisɛ̀, kɔ̀nɛɛ̀ŋ hnaàŋ e teenga kpuu sùà!

Maŋ kèì nyɛɛnɛŋ 4:10

aŋ màmàŋkùmɛŋ kpɛ̀ùŋ jɛ̀wɛ̀ tiinàŋ nyaŋ dè maŋ gɛ̀ɛ̀nìŋ nyiŋ màŋ ko dììnaŋ, ko fɛ̀ɛ̀fèìŋ wo nyùnɔ̀ɔŋ jaa ke kpùà kanaà diɛŋ wɔ̀. Nààŋ àŋ zoolà wo yèɔ yaà wɔŋ nyiiŋ gèeɔ̀ sùà wèè julɔfɔ yèè julɔfɔ wò jaa ke kpùà kanaà diɛŋ wɔ̀, àŋ haà maŋ ɓɔ̀ɗì kana nyiŋ màŋ ke kpùà kanaà feìŋ e kìlà aŋ woò nyààŋ,

Maŋ kèì nyɛɛnɛŋ 4:4

Maŋ kpùà kana joo kpɛ̀ùŋ jɛ̀wɛ̀ tiinàŋ naŋ wa kìlìè ke kpùà kana yii gɛ̀ɛ̀ŋ. Aŋ màmàŋkùmɛŋ kpɛ̀ùŋ jɛ̀wɛ̀ tiinàŋ jaa wa maŋ kpùà kana bi diɛŋ, àŋ naŋ gɔ̀àì maŋ deè fùà yèè àŋ naŋ jàà maŋ ɓɔ̀ɗì kana bàànè gòoò maŋ ɗì.