2Time 4:21 - WƆŊ FƐ̀Ì EBÒ SÌÀŊ DAYÀA

²¹ Nyɛnɛ̀ŋ e tɛ̀ɛ̀tɛ̀ɛ̀ɛ gbiŋ mùŋ naŋ ɓɛ̀nɛ̀ŋ nyɛ̀nɛŋ lɛ, wèè muŋ hnàŋ pangàà ke vuùɛ. Wo Ɛɓulù, wo Pudɛ̀ìŋ, wo Linù, yèè wo Keladià naŋ tùɔ̀ŋ maŋ zùùmo nyiŋ màŋ, e kpùlìà aŋ wùìya nyaŋ gbiŋ.

2Time 4:21 ပူးပေါင်းရင်းမြစ်များ

Luù 12:58

Sèè wo nyùùŋ wò mɔnɔŋ wèè woum gbìàŋ ke sàwà wèè e nànàaŋ mùŋ nauŋ jàà lɛ, kàmè ɗewe niŋ banè e keì bi sùà fiò e teengaà nìŋ yaà kɔ̀ɔ̀yɛ̀ ko sààŋ sàwài lɛ̀. Sèè mùŋ go niŋ nyɛ̀nɛ̀ŋ, wo nyùnɔ̀ɔŋ doum nàŋ fè koɓɛ̀ wo nyuùŋ gbàì sàwàa, kɛ̀ wo nyuùŋ gbàì sàwàa wòum kìlà koɓɛ̀ wo pòìsiàa. Kpeiŋ wo pòìsiàa doum nàŋ gbìɛ̀ŋ ko sààŋ nyìwì.

1 Kɔliìŋ 16:20

Aŋ wùìya nyàŋ gbiŋ naiŋ tùɔ̀ŋ e zùùmò nɛɛmaŋ. Zùùmoìŋ aŋ dàwiiŋ nyàŋ e ɓɛ̀ɛ̀jàa titi sùà.

2 Kɔliìŋ 13:13

Mìŋ zoolà wèè wo Kanaà Jisɛ̀ Kulaì woiŋ kìɛ̀ŋ e tɛ̀ɛ̀tɛ̀ɛ̀. Tɔ̀ wo Dayà kpuumàiŋ e mànauŋ nɛ̀, e kìlà wo Jìnàŋ Nɛɛmaàŋ wo jaanè maŋ jiiiŋ màŋ koɓɛ̀ guùŋ.

Fèle 4:22

Anyùùŋ nɛɛmaŋ nyàŋ gbiŋ naiŋ tùɔ̀ŋ zùùmo, ɓɔɔɓɔɔ aŋ yè nyaŋ toomàŋ ko sààŋ gbèè Kanaà Siisɔ̀ nyaŋ.

2Time 1:4

Mìŋ naŋ jàà ke mìè gòla mɔɛ̀ŋ jii, yèè mìŋ nyɛnɛŋ kaì e wùànàŋ wèè kaum yɛmɛ̀, esaɓù kɛ̀ tɛɛ̀ doim nàŋ dèèyè e zɔlɔ̀ sùà.

2Time 4:13

Sèè mùŋ nɔ̀ŋ hinie, hìaàŋ wɔŋ kùmà miɔ̀ŋ mìŋ naŋ jùùyè wo Kulepɔ̀ ko Toà wɔŋ. Hìaàŋ maŋ fɛ̀ì Dayà maŋ miiŋ pɛɛ, ɓɔɔɓɔɔ ngèè maŋ fɛi bàànè fɛ̀ì yilì maŋ.

2Time 4:9

Nyììneè sùà muŋ hnàŋ ko nɛ̀ɛ̀ŋ miìŋ e teenga kpuu sùà.

Taitɔ̀ 3:12

Sèè mìŋ tuɔŋ wo Atemɔ̀ŋ ɔ̀ɔ̀ wo Tachikɔ̀ ko nɛ̀ɛ̀ŋ muìŋ, Kàmè e ɗewe muŋ mɛɛ̀im ko jawaì Nìkopolè, esaɓù kɛ̀ kuii mìŋ naŋ ɗewè wèè kao mììnyàŋ e sɛ̀ɛ̀ɛ.

2Jɔ̀ɔŋ 1:13

Aŋ jɔ̀à jaaiŋ nyàŋ wo Dayà naŋ tàeɗùù nyaŋ naiŋ tùɔ̀ŋ e zùùmo.

3Jɔ̀ɔŋ 1:14

Mìŋ kuwa e hààweɛ̀ yèè mìŋ yààìŋ yɛ̀ɛ̀mɛ̀ dòmaŋ e teenga kpuu sùà, wèè yàwi nààŋ gbiŋ eiŋ kùwìè maŋ di ɓùla titi koɓɛ̀ guùŋ.