2Time 4:20 - WƆŊ FƐ̀Ì EBÒ SÌÀŊ DAYÀA

²⁰ Wo Ɛ̀lesitɔ̀ naŋ jòò ko Kɔliìŋ, yèè mìŋ naŋ jòò wo Tofimù ko Miletù, esaɓù kɛ̀ wo yaà wa siinyɛŋ.

2Time 4:20 ပူးပေါင်းရင်းမြစ်များ

Nyɛ̀nɛ̀ŋ 18:1

Eɓìèmàŋjɛ̀wɛ̀ tɛɛ̀, wo Pɔɔ̀ naŋ yèwè ko Atɛ̀ìŋ yèè wò naŋ kɔ̀ ko Kɔliìŋ.

Nyɛ̀nɛ̀ŋ 18:8

Wo Kulesipɔ̀ naŋ yaà wa wo sìèfèìŋ ko sààŋ zòòlò aŋ Juùù nyaŋ ko Kɔliìŋ. Wuŋ yèè anyùùŋ nyaŋ gbiŋ ke kpoouŋ nɛɛ̀ŋ sùà naŋ wa sìè e hààwe nyiŋ nɛ̀ wo Kanaà Jisɛ̀ sùà. Anyuùŋ zimgbe e yìwìà ko Kɔliìŋ naŋ wa kòmò ke miè gbìaàŋ, yèè anyùùŋ nyaŋ gbiŋ naŋ wa hààwè wo Kanaà Jisɛ̀ nyaŋ naŋ wa nɔ̀ŋ gùa nyiŋ.

Nyɛ̀nɛ̀ŋ 19:22

Kpeiŋ wò naŋ tùɔ̀ŋ anyuùŋ tòmo dàwiuŋ nyàŋ àŋ tìyèe, wo Timetè yaà wo Ɛ̀lesitɔ̀ ko Mɛ̀sèdonià. Kɛɛ wuŋ bi naŋ wa jòò ko Eesìà wèè e teenga kpàa bà.

Nyɛ̀nɛ̀ŋ 20:15

È naiŋ kuii yèwè yèè è naiŋ hàì ko gbɛ̀ɛ̀ ke tììŋ Kayɔ̀ɛ ke ɗɔɔɛ̀ bàa, yèè wɔŋ niìsìaà bàa è naiŋ hàì ke tììŋ Samòɛ sùà. Kpeiŋ wɔŋ niìsìaà bàa è naiŋ kɔ̀ ko Miletù.

Nyɛ̀nɛ̀ŋ 20:17

Nààŋ wo Pɔɔ̀ naŋ hàì ko jawa gbeeì àŋ nyaaŋ Miletù wɔŋ juwoɔ̀ kɔɔ, wò naŋ tùɔ̀ŋ ke miè gbìaŋ koɓɛ̀ aŋ màmàŋkùmɛŋ nyàŋ wèè ke gbòò anyuùŋ hààwe nyàŋ ko Ɛfesɔ̀ wèè aŋ hnàŋ aŋ mɛɛ̀uŋ ko Miletù.

Nyɛ̀nɛ̀ŋ 20:4

Nààŋ wo Pɔɔ̀ yaà wa kɛ̀ɛ̀ sùà maŋjɛ̀wɛ, anyùùŋ bà nauŋ wa dè maŋjɛ̀wɛ tèènè mààŋ wo Sopatɔ̀, wo jɔ̀àfèlàà Palɔ̀ɔ e yìwìà ko Bɛ̀lià, wo Àlètakɔ̀ yèè wo Sekɔuŋɗù e yìwìà ko Tɛsèlonikà. Wo Gayɔ̀ e yìwìà ko Dɛɓì, wo Timetè, yèè aŋ fèlàà tìyèe e yìwìà ko Eesìà, wo Tachikɔ̀ yèè wo Tofimù.

Nyɛ̀nɛ̀ŋ 21:29

Àŋ naŋ wa tɛɛ̀ woò e fèfoo àŋ naŋ yɛ̀mɛ̀ wo nyùùŋ e yìwìà ko Ɛfesɔ̀ àŋ nyaaŋ Tofimù yaà wo Pɔɔ̀ koɓɛ̀ guùŋ ke ɗɔɔɛ̀ bàa ko jawaì, e kìlà àŋ yaà wa goongo kɛ̀ wo Pɔɔ̀ nauŋ jɔ̀ɔ̀yɛ̀ ko Saaŋ Zòòlò Dayài.

Luùm 16:23

Wo Gayɔ̀, wo yèɔ naim jàà kùàŋ dìì wèè ka nɔ̀ŋ ko gboouŋ noo wɔ̀, ko yèi ke gbòò anyuùŋ hààwe nyàŋ deenàŋ wèè zòòlo lɛ̀, naiŋ tùɔ̀ŋ zùùmo. Aŋ wùìya wi nyàŋ tèènè mààŋ wo Ɛlesitù, wo nyùnɔ̀ɔŋ banàŋ e nɛɛnɛɛ̀ŋ hàa wèè ko jawa gbeeì wɔ, yèè wo Kɔatù, nyiŋ pɛɛ naiŋ tùɔ̀ŋ zùùmo.