2Time 4:16 - WƆŊ FƐ̀Ì EBÒ SÌÀŊ DAYÀA

¹⁶ Wo nyùùŋ gbiŋ gòim wa kpuumàŋ e teenga jiɛ̀jiɛ̀ɛ mìŋ naŋ kɔ̀ è gbàì dìì lɛ, àŋ gbiŋ naim wa gììyè kɛ̀ɛ. Wo Dayà ɓɔ̀ wò kuwià nyiŋ niŋ faàŋ!

2Time 4:16 ပူးပေါင်းရင်းမြစ်များ

Luù 12:11

“Sèè anyùùŋ aiŋ kùwà e kìlà aiŋ hìàŋ ko sààŋ zòòlò aŋ Juùù nyaŋ ɔ̀ɔ̀ aŋ kana yaà anyùùŋ gbèègbèè fuɔŋ nyàŋ fɛɛ̀feìŋ wèè aiŋ gbaì, ɓɔ̀ nìŋ sɛɛ̀ jii wèè è ɗeweɛ̀ nìŋ do nàŋ gbaì wèè nyɛ̀iŋ bi lɛ̀ ɔ̀ɔ̀ wèè e nɛ̀ɛŋ nìŋ do nàŋ woò lɛ̀.

Jɔ̀ɔŋ 16:32

Wo Jisɛ̀ naŋ ɓɛìŋ woò wààŋ, “E teenga kòò è yaà hinie, yèè ngèè kòò è yaà naàŋ kià tɛ. Nyɛ̀iŋ nààŋ gbiŋ nìŋ do nàŋ dùɔ̀ŋ naŋ ɓaayè. Nyɛ̀iŋ nààŋ gbiŋ nìŋ doim nàŋ jòò miàŋ guùŋ naŋ kɛ̀ɛ̀ maŋ jawaiŋ màŋ sùà guùŋ guùŋ. Kɛɛ wo Dèda miɔ̀ŋ doim nàŋ nɔ̀ŋ kɔɔ, weètii miŋ naào nɔ̀ŋ miàŋ guùŋ kpò.

Nyɛ̀nɛ̀ŋ 22:1

“Nyɛ̀iŋ nààŋ wùìyaim nyàŋ, jàaìŋ maŋ nùŋ dìì ko nɛ̀ɛ̀ŋ miìŋ miŋ gbaì wèè miàŋ bì ko fɛɛ̀fenìiŋ!”

Nyɛ̀nɛ̀ŋ 25:16

Kɛɛ mìŋ naŋ nyiŋ woò mìàŋ tɛɛ̀ nàŋ fè è làŋgì ànyùùŋ fùɔ̀ŋ Luùm nyaŋ wèè aŋ kìlà wò nyùùŋ keì kòɓɛ̀ ànyùùŋ nyaŋ nauŋ gbùwò maŋ keì ɗì nyaŋ.

Nyɛ̀nɛ̀ŋ 7:60

Kpeiŋ wò naŋ dè maŋ gɛ̀ɛ̀ŋ nùuŋ màŋ dìì yèè wò naŋ kpààŋ ke miè gbeeo sùà wààŋ, “Kanaà! Ɓɔ̀ mùŋ kuwià nyiŋ màŋ jùumù mɛɛ̀ŋ!” Wò naŋ tɛɛ̀ woò yèè wò naŋ mìè nyiiŋ.

1 Kɔliìŋ 13:5

E mànaŋ fè nɛ̀ŋ mànàŋ tɛɛ, yèè e kuwà kè jii bìa. E mànaŋ fè bànè è kèì nàànààŋ nyùùŋ ko hàa kè jiio sùà.

1 Kɔliìŋ 9:3

E ɗeweɛ̀ lɛɛ̀ mìŋ dè gòlò jɛ̀wɛ̀ koɓɛ̀ anyùùŋ nyaŋ tùɔ̀ìm maŋ nɔnɔŋ nyàŋ.

2 Kɔliìŋ 7:11

Yɛ̀mɛìŋ naàŋ e ɗeweɛ̀ wo Dayà naŋ tòòmò ke jìì mɔ̀ɔ̀nɛ̀ŋ nyɛiŋ biɛ̀ lɛ, kè naàŋ nyɛ̀nɛ̀ŋ nìŋ manaŋ naàŋ kai wèè naŋ tɔɔ̀ kɛ̀ maŋ keì fèìŋ, nìŋ naŋ tuù. Nìŋ yaà e jùù dìì. E wùànàŋ yààìŋ zimgbe wèè naŋ yɛ̀mɛ̀ e tɔ̀ɔ̀nyaàŋ nɔ̀ŋ gbài niŋ. Nàŋ tɔ̀ɔ̀ nyɛ̀iŋ bi kɛ̀ nìŋ yaà sengei e tɔ̀mɛ bà gbiŋ fèìŋ kɔɔ è keì lɛɛ̀ gbiŋ sùà.

Fèle 1:17

Kɛɛ aŋ gbànaŋ nyàŋ giiyà wì le koo nyàŋ, gboo kè mìè Dayàa è nyaàiŋ dè wò Jisɛ̀ Kulaì, kɛɛ e fè yìwìà màŋ jii nyiŋ màŋ diɛŋ, kɛɛ àŋ nyɛ̀nɛ̀ŋ niìŋ esaɓù kɛ̀ àŋ manaŋ e bàne wèè nyiŋ bi. Àŋ gongà kɛ̀ sèè àŋ nyɛnɛŋ tɛɛ̀, àŋ doim nàŋ hìɛ̀ŋ e keì nyìnga diɛŋ e teengaà mìŋ yaà ko sààŋ nyìwì lɛ.

Fèle 1:7

E kiiŋ nɛ̀ è yaà ke jii miɛ̀ŋ diɛŋ e teenga gbiŋ. Weètii è yaà nɔŋ tɛ̀ɛ̀ wèè ka gòngò e kiiŋ e ɗewe lɛɛ̀ sùà. Nyɛ̀iŋ nààŋ gbiŋ nàŋ nɔ̀ŋ aŋ bàiŋbà wèè e keì sìàŋ lɛɛ̀ e yèɛ wo Dayà naim kiɛ̀ŋ lɛ, e teengaà mìŋ yaà ko sààŋ nyìwìi yèè e teengaà miŋ fè wa è keì dìì wèè ka dè ebò siaàŋ gòlò jɛwɛ e kìlà ka wòò e kii niŋ e tɔ̀ɔ̀nyaàŋ sùà lɛ.

2Time 1:15

Màŋ nyìmàŋ kɛ̀ anyùùŋ nyaŋ gbiŋ maŋ kpàlàùŋ kpàlàùŋ maŋ fùɔ̀ŋ Eesìà maŋ sùà àim gììyà kɛ̀ɛ, e kpùlìà wo Fegelù yaà Hɛmɔgììŋ.

2Time 4:10

Wo Dimà naŋ wa sɛ̀ɛ̀ e mànàŋ e ɗuunyaàŋ lɛɛ̀ sùà yèè wò naim gììyè kɛ̀ɛ, wò naŋ kɔ̀ ko Tɛsèlonikà. Wo Kùlìsɛɛ̀ŋ naŋ kɔ̀ ko Gàlatìà, yèè wo Taitɔ̀ naŋ kɔ̀ ko Dàmatià.

2Time 4:15

Yɛ̀mɛ̀ muàŋ bi diɛŋ e weèuŋ, e fèfoo wò naŋ gììyè ke mìè gbìaàŋ maŋhɛɛ e waasu sùà.

1Pììlɛ 3:15

Kɛɛ kùwieìŋ e ɓɛ̀ɛ̀jàa wèè Jisɛ̀ Kulaì maŋ jiiiŋ màŋ sùà, yèè niŋ joowòuŋ mààŋ wo Kana maŋ nyiiiŋ màŋ sùà. Nɔ̀ɔìŋ e bànèbaneiŋ e teenga gbiŋ sùà wèè naŋ fàsàì nyùùŋ gbiŋ wo yèɔ dawàìŋ wèè nauŋ fè ke jii gbài wèè ke jii tùliaà yààìŋ sùà lɛ.