2Time 4:10 - WƆŊ FƐ̀Ì EBÒ SÌÀŊ DAYÀA

¹⁰ Wo Dimà naŋ wa sɛ̀ɛ̀ e mànàŋ e ɗuunyaàŋ lɛɛ̀ sùà yèè wò naim gììyè kɛ̀ɛ, wò naŋ kɔ̀ ko Tɛsèlonikà. Wo Kùlìsɛɛ̀ŋ naŋ kɔ̀ ko Gàlatìà, yèè wo Taitɔ̀ naŋ kɔ̀ ko Dàmatià.

2Time 4:10 ပူးပေါင်းရင်းမြစ်များ

Maafiù 12:32

Wo nyùnɔ̀ɔŋ gbiŋ naŋ wòò e keì naanààŋ wèè miàim wo Jɔ̀àfèlàà Nyuùŋ Kpùnɔɔ̀ŋ wɔ, wo Dayà wòuŋ ɓɛ̀nɛ̀ŋ jùùyà hakɛ̀. Kɛɛ wo nyùnɔ̀ɔŋ gbiŋ naŋ wòò e keì naanààŋ e nyaàiŋ dè wo Jìnàŋ Nɛɛmaàŋ wɔ, wo Dayà naàuŋ jùùyè hakɛ̀ nàaŋ ɔ̀ɔ̀ julɔfɔ wa nàwèè.

Maafiù 26:56

Kɛɛ e nɛ̀ɛŋ wɔŋ fɛ̀ì Dayàa naŋ woò lɛ kuwa e hɛɛnɛ̀ŋ nààŋ aŋ wɛ̀ijì nyaŋ naŋ niŋ wa sìngè lɛ.” Kpeiŋ anyùùŋ màŋjɛ̀wɛ̀uŋ nyàŋ gbiŋ nauŋ ɓàà e kɔɔ aŋ dùàŋ auŋ jòà.

Luù 14:33

Ko dìèmè e gbòauŋ nɛ̀, wo Jisɛ̀ naŋ woò wààŋ, “Weètii, nyɛ̀iŋ nyɛɛ̀ŋ bà gbiŋ fè ɓɛ̀nɛ̀ŋ nɔ̀ŋ wò nyùùŋ màŋjɛ̀wɛ̀im, sɔɔ̀ maŋ gè manɛ̀ŋ siwèum màŋ gbiŋ kùàŋ.”

Luù 16:13

“Wo ɓɔìjɔ̀à gbiŋ fè ɓɛ̀nɛ̀ŋ nɔ̀ŋ wò ɗo wèè àŋ kààmɔ̀ɔ̀ŋ ɗì tìyèe. Wò do nàŋ mɔ̀nɔ̀ŋ wò guùŋ e nìàŋ wo bàa, ɔ̀ɔ̀ wò do nàŋ jɔ̀ɔ̀lɔ̀ wò guùŋ dìì e nìàŋ wo bàa. Muŋ fè ɓɛ̀nɛ̀ŋ zòòlò wò Dayà yaà è nɛɛnɛŋ.”

Luù 17:32

Kɛ̀ɛ̀nɛìŋ jii jàa wèè e nɛ̀ɛŋ naŋ wa kààìŋ wo jàwè Lɔɔ̀ɔ lɛ̀.

Nyɛ̀nɛ̀ŋ 13:13

Wo Pɔɔ̀ yèè aŋ dàwiuŋ nyàŋ naŋ yèwè ko Pafɔ̀ yèè àŋ naŋ kɔ̀ ko Pɛgà ko jawa gbeeì wɔŋ fùɔ̀ŋ Pàŋfelìàa sùà. Yèè wo Jɔ̀ɔŋ Maì naŋ nyiŋ noo jòò yèè wò naŋ kɛ̀ɛ̀ maŋjɛ̀wɛ ko Jùlusɛ̀làm.

Nyɛ̀nɛ̀ŋ 15:38

kɛɛ wo Pɔɔ̀ gò wa nyimèè, esaɓù kɛ̀ wo Mài gò nyiŋ wa jèè màŋjɛ̀wɛ wèè àŋ do kpɛ̀ɛ̀yɛ̀ è tòmo nyiŋ nɛ̀, kɛɛ wò naŋ wa fè jɛwɛ yèè wò naŋ nyiŋ jòò ko Pàŋfelià.

Nyɛ̀nɛ̀ŋ 16:6

Wo Pɔɔ̀ yèè aŋ dàwiuŋ nyàŋ naŋ kɔ̀ɛ̀ maŋ kpàlàùŋ kpàlàùŋ Fɛgìà maŋ yèè Gàlatìà maŋ sùà, nààŋ wo Jìnàŋ Nɛɛmaàŋ gò wa nyimèè wèè aŋ gbòà kè mìè Dayàa wɔ̀ŋ fùɔ̀ŋ Eesìàa sùà.

Nyɛ̀nɛ̀ŋ 17:1

Wo Pɔɔ̀ yèè wo Silà naŋ kɔ̀ɛ̀ ko Aŋfepolì yèè ko Àpolonìà yèè àŋ naŋ hàì ko Tɛsèlonikà. Ke Sààŋ Zòòlò aŋ Juùù yaà wa ko jawa gbee bì.

Nyɛ̀nɛ̀ŋ 17:11

Anyùùŋ nyaŋ ko Bɛ̀lià naŋ wa jàà ke miè gbìaàŋ kùàŋ dìì e nìàŋ anyùùŋ nyaŋ ko Tɛsèlonikà. Wɔŋ niìsìa gbiŋ àŋ hewa gbèè wɔŋ fɛ̀ì Dayàa wèè aŋ nyɛ̀nɛ̀ŋ maŋ nɔnɔŋ tùaŋ sèè mààŋ e yèɛ wo Pɔɔ̀ naŋ woò lɛ è yaà tɔɔɓaa.

Nyɛ̀nɛ̀ŋ 17:13

Kɛɛ nààŋ aŋ Juùù nyaŋ ko Tɛsèlonikà naŋ wa kòmò kɛ̀ wo Pɔɔ̀ naŋ wa gbòò ke mìè Dayàa ko Bɛ̀lià kuŋ pɛɛ, àŋ nao wa hnè wèè aŋ tooyà e nimilàa wo Pɔɔ̀ yèè wo Silà yaà wa kɔ̀ɔ̀yɛ̀ dìì tɛ lɛ̀.

Nyɛ̀nɛ̀ŋ 18:23

Wò naŋ kuii nɔ̀ŋ wèè e teenga kpàa bà, yèè wò nao yèwè wo jààmè maŋ kpàlàùŋ kpàlàùŋ zimgbe wɔŋ fùɔ̀ŋ anyùùŋ Gàlatìà nyaŋ yaà wɔŋ fùɔ̀ŋ Fɛgìàa sùà. Wò naŋ wa kpùùmò anyuùŋ hààwe nyàŋ koɓɛ̀ bi wèè aŋ kɛɛnɛ̀ŋ gààŋ e hààwe nyiŋ nɛ̀ sùà.

2 Kɔliìŋ 2:13

Kɛɛ ke jii miɛ̀ŋ naŋ sɛɛɛ̀ tiwìtiwì esaɓù kɛ̀ miŋ gòo mɛ̀ɛ̀ŋ wò wùìya wiɔ̀ Taitɔ̀. Wèètii mìŋ naŋ gbìɛ̀ŋ anyùùŋ nyaŋ e dìàmaaŋ, yèè mìŋ naŋ kɔ̀ ko Mɛ̀sèdonià.

2 Kɔliìŋ 7:6

Kɛɛ wo Dayà wo yèɔ kiɛ̀ŋ wo nyuùŋ kùwìè ke jii mɔ̀ɔ̀nɛɔ̀ŋ ke jii nyingè wɔ, naŋ wi fè jii nyingè nààŋ wo Taitɔ̀ naŋ hnè.

2 Kɔliìŋ 8:16

È naiŋ gè Dayà ke sɛ̀ wèè wò naŋ gbìɛ̀ŋ e wùànàŋ kpùùmaŋ wo Taitɔ̀ jiio sùà màànààŋ è yàà wì jiio sùà wèè eiŋ kpuumàŋ lɛ.

2 Kɔliìŋ 8:23

Sèè è nɔ̀ŋ wèè Taitɔ̀, wò yaà wo bàimbà yèè yàwiuŋ nàŋ tomàŋ ɓɛ̀ guùŋ wèè eiŋ kpuumàŋ, e wèè aŋ wùìya gbànaŋ nyàŋ yaàùŋ kɔ̀ɔ̀yɛ̀ maŋjɛ̀wɛ nyàŋ, àŋ yaà aŋ keela nyiŋ naŋ dè ɓɛ̀ŋ anyuùŋ hààwe nyaŋ, yèè àŋ hiàŋ e jòòwo koɓɛ̀ Jisɛ̀ Kulaìi.

2 Kɔliìŋ 8:6

E wèètii, è naŋ dàwè wo Taitɔ̀, wo yèɔ naŋ tɔ̀ɔ̀tù e tòmo lɛɛ̀ wɔ, wèè wo kunò niŋ kɔ̀à feìŋ e kìlà wo kpuumàiŋ wo kpɛɛyɛ̀ e tòmò tìtì e mànaŋ lɛɛ̀.

Gàla 1:2

Anyuùŋ hààwe nyàŋ gbiŋ yaà kià nyaŋ naim sìè jɛwɛ wèè ka tùàŋ e zùùmo koɓɛ̀ anyuùŋ hààwe nyaŋ maŋ sààŋ Dayàa màŋ dìì ko Gàlatìà.

Fèle 2:21

Anyùùŋ nyaŋ gbiŋ gongà nɔŋ wèè e kèì sìàŋ nyiŋ bi lɛ̀, kɛɛ aŋ kuwà è gòngo è nyaàiŋ dè wò Jisɛ̀ Kulaì.

1Time 6:10

E gùlòɛ wèè keì naanààŋ gɛ̀wɛɛ̀ zimgbe nàŋ yaà e wùànàŋ nɛɛnɛŋ keekèè. Anyùùŋ nyaŋ bà nyiŋ fɔɔnɔ̀ŋ e wùànàŋ nɛɛnɛŋ aŋ kɛ̀ɛ̀ e hààweɛ̀ maŋjɛ̀wɛ, yèè àŋ fè nyiŋ bi maŋ jii mɔ̀ɔ̀nɛ̀ŋ zimgbe.

1Time 6:17

Wòò anyùùŋ nyaŋ naŋ bàne wɔŋ nyììŋ gè ɗuunyaŋ lɛɛ̀ sùà nyaŋ ɓɔ̀ àŋ joowò nyiiŋ bi, e kìlà ɓɔ̀ àŋ sìà màŋ jii tùlia nyiŋ màŋ è bànè ɗuunyaŋ lɛɛ̀ sùà. Wòò nyiŋ aŋ kɛɛnɛ̀ŋ e hààwe wo Kanaà Dayà sùà, wo yèɔ kpuumàŋ wiì yèè wo wi kìɛ̀ŋ manɛ̀ŋ maŋ gbiŋ è jikàìŋ maŋ nyiiŋ gèe wi màŋ sùà maŋ.

2Time 1:15

Màŋ nyìmàŋ kɛ̀ anyùùŋ nyaŋ gbiŋ maŋ kpàlàùŋ kpàlàùŋ maŋ fùɔ̀ŋ Eesìà maŋ sùà àim gììyà kɛ̀ɛ, e kpùlìà wo Fegelù yaà Hɛmɔgììŋ.

2Time 4:16

Wo nyùùŋ gbiŋ gòim wa kpuumàŋ e teenga jiɛ̀jiɛ̀ɛ mìŋ naŋ kɔ̀ è gbàì dìì lɛ, àŋ gbiŋ naim wa gììyè kɛ̀ɛ. Wo Dayà ɓɔ̀ wò kuwià nyiŋ niŋ faàŋ!

Taitɔ̀ 1:4

Mìŋ yaà sìngìè ko nɛ̀ɛ̀ŋ muìŋ, Taitɔ̀, wo jɔ̀à tɔ̀ɔ̀nyaàŋ miɔ̀ŋ è kuwa e hààwè guùŋ wɔ̀. Tɔ̀ wo Dayà yaà wo Jisɛ̀ Kulaì wo Nyuùŋ Jòèye wiɔ̀ kiɛ̀iŋ ke jii fàa yaà e tɛ̀ɛ̀tɛ̀ɛ̀.

Felemɔ̀ŋ - PHM 1:24

Yèè anyuùŋ gbànaŋ nyɛɛ̀ŋ tèènè mààŋ wo Mài, wo Àlètakɔ̀, wo Dimà, yèè wo Luù, anyuùŋ tòmo dàwiim nyàŋ, naiŋ tùɔ̀ŋ e zùùmo nyiìŋ pɛɛ.

2Pììlɛ 2:15

Àŋ jòà ke dòmaŋ jìlɛɛ̀ŋ àŋ go, àŋ dè ke dòmaàŋ wo kèèlà Dayàa Bàlaàŋ wo jɔ̀àfèlàà Biɔ̀ɔ naŋ ɓemè yɛ, wo yèɔ manaŋ e nɛɛnɛɛ̀ŋ wò gè ke nyɛ̀nɛ̀ŋ kàaɓì sùà lɛ.