2Time 3:6 - WƆŊ FƐ̀Ì EBÒ SÌÀŊ DAYÀA

⁶ Aŋ bà nyiŋ kɔ̀à maŋ sààŋ anyuùŋ joo dìì, wèè aŋ kùwie e gààŋ aŋ jɔ̀ùŋ kɛ̀ɛ̀nɛ̀ŋ zɔ̀kpɔ̀ nyaŋ diɛŋ wèè aŋ nyiŋ kàà e kàà kàaɓì nyiŋ nɛ̀ aŋ yè nyaŋ yaà aŋ ɗo maŋ jùùmù nyiŋ màŋ dìì yèè maŋ jùùmù bi nàŋ toomàŋ nyiìŋ wèè aŋ nyɛ̀nɛ̀ŋ maŋ keì naanààŋ zimgbe maŋ kpùnaŋ nyiŋ màŋ sùà.

2Time 3:6 ပူးပေါင်းရင်းမြစ်များ

Maafiù 11:28

Wo Jisɛ̀ naŋ ɓɛìŋ woò wààŋ, “Hnaìŋ ko nɛ̀ɛ̀ŋ miìŋ, nyɛ̀iŋ nyàŋ kinɛiŋ nìŋ yaà kɔ̀ɔ̀yɛ̀ e keì nyìnga dìì e nyaàiŋ dè e yèɛ aŋ kààmɔ̀ɔ̀ŋ maŋ Sàwà nyaŋ naiŋ woò yèè àŋ naiŋ gbùwò ɗì maŋ, yèè mìŋ doiŋ nàŋ gè maŋ keì nyìnga bi ɗì.

Maafiù 23:13

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ yaà anyùùŋ fɛ̀ɛ̀ ɗòònààkeì. Nìŋ naŋ sìè wɔŋ gbèmgbèè e Kànà àìjɛnɛ̀ɛŋ e kpòò anyùùŋ ko feìŋ, kɛɛ nyɛ̀iŋ bi niŋ fè jɔ̀à, e kìlà nìŋ keewà anyùùŋ kùàŋ feìŋ wèè aŋ goonàŋ jɔ̀ nyiŋ pɛɛ. [

Maafiù 23:14

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ nyinìàŋ aŋ jɔ̀ùŋnèèdàà nyaŋ kàaɓì yèè nìŋ gè nyiìŋ maŋ tùlìè jii nyiŋ màŋ sìwè maŋ gboo nyiŋ màŋ sùà. Nìŋ manaŋ kèè nyɛ̀iŋ bi tɔ̀ɔ yèè maŋ zòòloiŋ màŋ mùŋloe jèì. Nyɛ̀iŋ nààŋ nyùùŋ mààŋ nyɛɛ̀ŋ do wa nàwèè nàŋ kùwò e nimilà nyìnga e mààŋ nyààŋ!]

Maafiù 4:24

Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

1 Kɔliìŋ 12:2

Nàŋ nyìmàŋ kɛ̀ e teengaà pɛɛ nìŋ yaà wa anyùùŋ nyaŋ fè àŋ Juùù nyaŋ, àŋ naiŋ wa kɔ̀ɔ̀ maŋ dòmaŋ nyaaŋ zimgbe ko zòòlò aŋ dayà joo gò gè nyiiŋ.

1Time 5:6

Kɛɛ wo jɔ̀ùŋèèdààa naŋ sìè wuŋ bi e gbana sùà wɔ, wò yaà e fàauŋ tɛ, jòòpɛɛ wò yaà wɔŋ nyiiŋ gèeɔ̀ sùà.

1Time 6:9

Kɛɛ aŋ yè nyaŋ manaŋ aŋ banè nyaŋ, àŋ sɔɔ e wàa dìì, yèè àŋ sɛɛ̀ maŋ gbàù ɓàaɓàa zimgbe yaà maŋ gòngò keì nyìnga sùà, maŋ yè maŋ gɔ̀ɛ̀ nyiìŋ yèè maŋ nyiŋ pɔɔpɔ̀ɔ̀ maŋ.

Taitɔ̀ 1:11

Kɛɛ hàà nyiŋ nàà sìwè kɛ̀ ɓɔ̀ àŋ nyɛ̀nɛ̀ŋ niŋ. E nɛɛnɛŋ àŋ yaà maŋjɛ̀wɛ, e nɛ̀ɛŋ àŋ yaà kàa sùà lɛ, e fè tɔ̀ɔ̀nyaàŋ wèè aŋ niŋ kaà. Yèè esàɓù e kàa bi sùà àŋ yaà kìla sùà maŋ jìì maŋ kpoo zimgbe.

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

2Pììlɛ 2:18

Maŋ nyaàŋ gbeegbèè zùwo foo màŋ àŋ gboo màŋ, àŋ toomàŋ maŋ kpèè nàànààŋ kɔɔ nyiŋ màŋ wèè aŋ kùwà anyùùŋ nyaŋ maŋ gbaù sùà aŋ yè nyaŋ naŋ nɔŋ tɔ̀ɔ̀tù fòlà anyùùŋ nyaŋ yaà maŋ keì ɓàa dìì nyaŋ e tɛɛ.

2Pììlɛ 3:17

Kɛɛ nyɛ̀iŋ nààŋ wùìyaim nyàŋ, nàŋ naàŋ tɛɛ̀ gbiŋ nyìmàŋ, yɛ̀mɛìŋ nyɛ̀iŋ bi diɛŋ. Wèè anyuùŋ gò nɔ̀ŋ màŋ sàwà dìì goiŋ nàŋ gè kè dòmaŋ siaŋ diɛŋ.

Juù 1:16

Anyùùŋ nyɛɛ̀ŋ gboo naanààŋ wèè nyùùŋ yèè àŋ sie nyùùŋ jii, àŋ kuwa nɔŋ e gòngò nàànààŋ nyiŋ bi lɛ̀ maŋjɛ̀wɛ, àŋ kɛɛ maŋ nyòngà nyaàiŋ dè nyiŋ bi, àŋ nyaaŋ nyààŋ aŋ bà wèè kàìsa aŋ yɛmɛ̀ ke dòmàŋ e wùmaŋ nyiŋ.

Juù 1:18

Àŋ naiŋ wa woò nyààŋ, “Sèè maŋ ɗɔɔ dìàmaaŋ màŋ gbɛɛ wa nàwèè, anyùùŋ bà do nàŋ fòlò aiŋ hiilè, anyùùŋ nyaŋ naŋ dè e ɗèwè Dayà gò nyìmàŋ nyiŋ bi lɛ̀ maŋjɛ̀wɛ nyàŋ.”

Juù 1:4

Anyuùŋ gò nyìmàŋ Dayà nyaŋ, aŋ bà nyiŋ àŋ kɔ̀ɛ̀ kùàŋ dìì àŋ wi sɛ̀ɛ̀ e tɛɛ ke gbùnu sùà e gòiŋ nyìmàŋ, aŋ yè nyaŋ yaà pɔ̀ɔ sùà ke miè gbìaàŋ nyaàiŋ dè e tɛ̀ɛ̀tɛ̀ɛ̀ Dayà wiɔ̀ nyaŋ, wèè kàìsa aŋ yɛmɛ̀ ke kàfaì wèè maŋ kpèè naanààŋ nyiŋ màŋ, aŋ yè nyaŋ naŋ gè wo Jisɛ̀ Kulaì wo kɛ̀ɛ̀nɛŋ yèè wo Kana wiɔ̀ kùàŋ dìì nyaŋ. E gɔuo sùà, wɔŋ fɛ̀ì Dayàa wa kpɛ̀ɛ̀yɛ̀ wòò e kèì e kitiɛ̀ wo Dayà naŋ nyiŋ hèè diɛŋ lɛ̀.