2Time 3:3 - WƆŊ FƐ̀Ì EBÒ SÌÀŊ DAYÀA

³ Àŋ do nàŋ kùwìè maŋ jii naanààŋ, aŋ nɔ̀ŋ anyuùŋ gò jùùyà ànyùùŋ hakɛ̀, aŋ fìèfìè aŋ dàwi, anyùùŋ ɗanga, yèè aŋ nììngè ànyùùŋ fɛ̀ɛ̀, e kìlà àŋ do nàŋ wùɔ̀ŋ keì sìàŋ.

2Time 3:3 ပူးပေါင်းရင်းမြစ်များ

Maafiù 10:21

“Anyùùŋ do nàŋ mààŋ aŋ wùìya nyiŋ nyàŋ wèè aŋ nyiŋ jìwà, e kìlà aŋ kɛ̀ɛ̀ kòmaŋ do nàŋ mààŋ aŋ jɔ̀à nyiŋ nyàŋ wèè aŋ nyiŋ jìwà. Aŋ jɔ̀à do nàŋ gììyè anyuùŋ kòmaŋ nyiŋ nyàŋ maŋhɛɛ aŋ nyɛ̀nɛ̀ŋ aŋ nyiŋ jìwà.

Maafiù 4:1

Kpeiŋ wo Jìnàŋ wo Kanaà Dayà naŋ nyɛ̀nɛ̀ŋ wo Jisɛ̀ wo kà ke fòùngà e diì wòaà sùà wèè wo Sɛ̀tanàaŋ wouŋ wàà.

Luù 10:16

Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Wo nyùnɔ̀ɔŋ gbiŋ komo maŋ mìè gbòaiŋ màŋ wɔ, wo nyùùŋ bi wòim kumiàŋ. Wo nyùnɔ̀ɔŋ gbiŋ goiŋ jàà kùàŋ dìì wɔ, kɛ̀ wo nyùùŋ bì gòim jàà kùàŋ dìì. Wo nyùnɔ̀ɔŋ gbiŋ gòim jàà kùàŋ dìì wɔ kɛ̀ wo nyùùŋ bi gò jàà wò nyùnɔ̀ɔŋ naim tùɔ̀ŋ wɔ kùàŋ dìì.”

Luù 16:14

Nààŋ aŋ Fɛlosiì nyaŋ naŋ wa tɛɛ̀ kòmò, àŋ naŋ hììlè wo Jisɛ̀, esaɓù kɛ̀ àŋ manaŋ nɛɛnɛŋ zimgbe.

Jɔ̀ɔŋ 6:70

Wo Jisɛ̀ naŋ fasàì wààŋ, “Mìŋ naiŋ wa tàeɗùù nyɛ̀iŋ nààŋ zììyà jɛ̀wɛ̀ tìyèe nyàŋ, kɛɛ nyɛ̀iŋ nyɛɛ̀ŋ wo bà guùŋ wò yaà wo nyuùŋ kɛ̀ɛ̀nɛ̀ŋ ke kpèè naanààŋ!”

Luùm 1:29

Àŋ naŋ dìè maŋ jùumù, maŋ kpèè naanààŋ, yèè àŋ yaà wùànàŋ manɛ̀ŋ maŋ gbiŋ, àŋ naŋ kɛ̀ɛ̀fɛ̀ɛ̀ maŋ dòmaŋ nyaaŋ màŋ gbiŋ. Àŋ naŋ dìè le kòò, àŋ yaà anyuùŋ jìwà nyùùŋ, àŋ sumiàŋ aŋ dàwi, àŋ nyɛnɛŋ kàaɓì, yèè àŋ kuwa maŋ jii naanààŋ. Àŋ fiafìà nyùùŋ,

Luùm 1:31

Aŋ kuwà jiikɛ̀ɛ, aŋ fè ànyuùŋ tùlìà jii, aŋ fè tɔ̀ɔ̀ è mànaŋ yèè aŋ kuwà kè nyowo wèè àŋ dàwi nyiŋ nyàŋ.

1 Kɔliìŋ 7:5

Wo nyùùŋ ɓɔ̀ gangà wò dawiuŋ nɔɔ̀ŋ sìwè nyɛ̀iŋ tìyèe è fèemàŋ, sɔɔ̀ naŋ nyimèè wèè naŋ yɛi nyɛ̀nɛ̀ŋ wèè è teenga kpàa bà, wèè niŋ gbìàŋ e teengaiŋ bi e zòòlo sùà. Sèè e teenga bi juo nɔŋ, tɔ̀ɔ̀tuìŋ ke kpèè yɛɛ̀iŋ nɛɛ̀ŋ nyɛ̀nɛŋ. E ɗewe lɛɛ̀ sùà, niŋ naàŋ jàà è wɔ̀à Sɛ̀tanàaŋ kùàŋ dìì èsàɓù nyɛ̀iŋ bi gò yɛ̀mɛ̀ diɛiŋ nɛ̀ sùà.

1 Kɔliìŋ 7:9

Kɛɛ sèè niŋ gò ɓɛ̀nɛ̀ŋ kùwà kè jii, ɓèmeìŋ aŋ jɔùŋ niŋ ɓemè aŋ felaa. E yaà tɛ̀ɛ̀ wèè naŋ ɓèmè jɔùŋ yaà aŋ felaa wèè naŋ nɔ̀ŋ màŋ jii mɔ̀ɔ̀nɛŋ sùà.

1Tɛsè 4:8

E wèètii, sèè wo nyùùŋ gbiŋ wo gè kùàŋ e kaà lɛ dìì, wo fè gèe sùà wò nyuùŋkpùuŋ kùàŋ dìì, sɔɔ̀ wo Dayà, wo yèɔ naiŋ fè wo Jìnàŋ Nɛɛmauŋ nɔɔ̀ŋ wɔ.

1Time 3:11

Aŋ jawe nyiŋ nyàŋ nyiiŋ pɛɛ, aŋ nɔ̀ŋ anyuùŋ kɛ̀ɛ̀nɛ̀ŋ maŋ kpèè siaŋ, yèè ɓɔ̀ àŋ fiefìè ànyùùŋ, ɓɔ̀ àŋ nɔ̀ŋ è dìè mùàŋ, aŋ nɔ̀ŋ e tɔ̀ɔ̀nyaàŋ e keì kɛnɛ gbiŋ sùà.

Taitɔ̀ 1:8

Kɛɛ wo mànàŋ aŋ nyùnèènyɛiŋ, yèè wo nɔ̀ŋ nyuùŋ nyɛ̀nɛ̀ŋ keì sìàŋ. Wo kuwìè jiikɛ̀ɛ, wo nɔ̀ŋ tɔ̀ɔ̀nyaàŋ, wo nɔ̀ŋ nyùùŋ nɛɛmaŋ, yèè wo nɔ̀ŋ wo nyùnɔ̀ɔŋ naŋ ɓɛ̀nɛ̀ŋ yɛ̀mɛ̀ wuŋ bi diɛŋ wɔ̀.

Taitɔ̀ 2:3

Wòò aŋ jɔùŋ nyuùŋ kàìŋ nyaŋ nyiiŋ pɛɛ, aŋ nɔ̀ŋ mààŋ anyùùŋ nyaŋ manaŋ Kanaà àŋ nɔ̀ŋ lɛ, yèè ɓɔ̀ àŋ fiefìè ànyùùŋ. Ɓɔ̀ àŋ nɔ̀ŋ àŋ ɗo kòɓɛ̀ màŋ tala muaŋ, yèè aŋ kaà e yèɛ yaà tɛ̀ɛ̀ lɛ,

Jìiiŋ 2:6

Kɛɛ màŋ pɔ̀ɔ̀ wo nyuùŋ kòmàŋ ke nuùɔŋ ɓɛ̀ɛ! Anyuùŋ bàne nyàŋ kùwòìŋ naanààŋ àŋ gɔ̀ɛ̀ìŋ dìì maŋ zɛ̀mɛ̀ɛ̀ŋ keì wòo dìì.

2Pììlɛ 2:14

E gòngo nyiŋ nɛ̀ gbiŋ yaà nɔŋ wèè e hmɔŋtu nyɛ̀nɛŋ koɓɛ̀ aŋ jàwè aŋ bà nyaŋ, yaà aŋ fànààŋ bà nyaŋ, e wùànàŋ maŋ kèì jùumù nyɛ̀nɛŋ nyiŋ nɛ̀ fè jùà. Ànyuùŋ gò nyìngà sùà nyaŋ àŋ gbìɛ̀ŋ nyiìŋ maŋ gbàò keì sùà. Maŋ jii nyiŋ màŋ naŋ gbèè e kèèo nyààŋ nyɛ̀nɛ̀ŋ. Àŋ yaà e gbòònò Dayàa dìì.

2Pììlɛ 2:19

Àŋ naŋ ɓèmè ɗààhiì kɛ̀ àŋ do nyiŋ nàŋ gè e ɗo dìì, e yèɛ nyiŋ bi àŋ yaà aŋ ɗo koɓɛ̀ e tàitài lɛ̀, è nɛ̀ŋ gbiŋ naŋ kùwìè e gààŋ wo nyùùŋ diɛŋ wò yaà wo ɗo koɓɛ̀ e nɛ̀ŋ bi.

2Pììlɛ 3:3

E jiɛ̀jiɛ̀ɛ nàŋ yaà, nìŋ kuwa naŋ nyìmàŋ kɛ̀ maŋ ɗɔɔ dìàmaaŋ màŋ sùà anyùùŋ bà do nàŋ hnè aŋ yè nyaŋ naàŋ gòngò è keì bà gbiŋ sɔɔ̀ e ɗèwe naanààaŋ nyiŋ bi kuwa lɛ̀. Àŋ doiŋ nàŋ hiilè

Juù 1:16

Anyùùŋ nyɛɛ̀ŋ gboo naanààŋ wèè nyùùŋ yèè àŋ sie nyùùŋ jii, àŋ kuwa nɔŋ e gòngò nàànààŋ nyiŋ bi lɛ̀ maŋjɛ̀wɛ, àŋ kɛɛ maŋ nyòngà nyaàiŋ dè nyiŋ bi, àŋ nyaaŋ nyààŋ aŋ bà wèè kàìsa aŋ yɛmɛ̀ ke dòmàŋ e wùmaŋ nyiŋ.

Juù 1:18

Àŋ naiŋ wa woò nyààŋ, “Sèè maŋ ɗɔɔ dìàmaaŋ màŋ gbɛɛ wa nàwèè, anyùùŋ bà do nàŋ fòlò aiŋ hiilè, anyùùŋ nyaŋ naŋ dè e ɗèwè Dayà gò nyìmàŋ nyiŋ bi lɛ̀ maŋjɛ̀wɛ nyàŋ.”

Maŋ kèì nyɛɛnɛŋ 13:15

Wo Dayà naŋ wa gè wo yilì kùùno dìà tìyèeɔ̀ nyààŋ diɛŋ, wèè wo kiɛ̀ŋ wɔŋ nyiiŋ gèe koɓɛ̀ wo dayà jooɔ̀ àŋ naŋ banè yèè wò naŋ tèènè wo yilì kùùno jiɛ̀jiɛ̀ɔ wɔ̀, wèè wo gbòà, e kìlà wo jìwà anyùùŋ nyaŋ gbiŋ do nàŋ gè maŋhɛɛ wèè aŋ zòòlò wo dayà jooɔ̀ nyaŋ.

Maŋ kèì nyɛɛnɛŋ 13:17

Anyùùŋ nyaŋ nɔŋ kuwa wa e dèè ɔ̀ɔ̀ wɔŋ figàa naŋ sɔ̀ wo yilì kùùno jiɛ̀jiɛ̀ɔ dèè nyaŋ naŋ wa ɓɛ̀nɛ̀ŋ dènàŋ bòli ɔ̀ɔ̀ aŋ mààŋ bòli.

Maŋ kèì nyɛɛnɛŋ 16:6

Àŋ naŋ wa wùɔ̀ŋ maŋ sɛ̀ìŋ anyùùŋ nɛɛmaŋ nyàŋ yèè aŋ wɛ̀ijì nyaŋ, weètii mùŋ naŋ nyiŋ kìɛ̀ŋ maŋ sɛ̀ìŋ wèè aŋ tìà. Àŋ yaà yɛ̀ɛ̀mɛ̀ e nɛ̀ɛŋ naŋ nyiŋ tɛɛwɛ̀ lɛ!”

Maŋ kèì nyɛɛnɛŋ 17:6

Mìŋ naŋ wa yɛmɛ̀ kɛ̀ maŋ mùàŋ naŋ wa kùwò wo nìeɔ̀ e yìwìà maŋ sɛ̀ìŋ anyùùŋ nɛɛmaŋ nyàŋ yèè maŋ sɛ̀ìŋ anyùùŋ nyaŋ àŋ naŋ wa jìwè nyaŋ, esaɓù kɛ̀ àŋ yaà wa aŋ seì yèè àŋ naŋ kìɛ̀ŋ maŋ nyiiŋ nyiŋ màŋ wèè Jisɛ̀. E teengaà mìŋ nauŋ wa yɛmɛ̀ lɛ, è naim wa foonò kpɛlɛmɛɛŋ.