2Time 3:16 - WƆŊ FƐ̀Ì EBÒ SÌÀŊ DAYÀA

¹⁶ Maŋ mìè gbòa màŋ gbiŋ wɔŋ fɛ̀ì Dayàa sùà, màŋ yewe wo Dayà sìwè yèè màŋ yaà tɛ̀ɛ̀ wèè tòòmo, wèè e tɔ̀ɔ̀nyaàaŋ kàa, maŋ gè maŋ keì naanààŋ pɛɗì, maŋ dè nyùùŋ ke dòmaŋ siaŋ diɛŋ sèè wò nyɛnɛŋ keì ɓàa, yèè maŋ kàà nyùùŋ wo nɔ̀ŋ tɛ̀ɛ̀ wɔŋ nyììŋ gè e tɔ̀ɔ̀nyaàŋ sùà,

2Time 3:16 ပူးပေါင်းရင်းမြစ်များ

Maafiù 13:52

Kpeiŋ wo Jisɛ̀ naŋ nyiŋ woò wààŋ, “Tɛɛ̀ naŋ tɔɔ̀ kɛ̀, wo kààmɔ̀ɔ̀ŋ maŋ Sàwà Dayàa bà gbiŋ wo yèɔ kile wo nɔ̀ŋ wo nyùùŋ màŋjɛ̀wɛ̀im wɔ̀ e Kànà àìjɛnɛ̀ɛŋ sùà wò yaà mààŋ wo kɛ̀ɛ̀nɛ̀ŋ ko gboo wo yèɔ fulià manɛ̀ŋ jɛi yèè manɛ̀ŋ gɔu e yìwìà ko saaŋ bàànè manɛ̀ŋ hàauŋ niìŋ.”

Maafiù 21:42

Wo Jisɛ̀ naŋ nyiŋ ɓɛìŋ woò wààŋ, “Tɔɔɓaa nàŋ wa kpɛ̀nɛ̀ŋ e sìnga lɛɛ̀ wɔŋ fɛ̀ì Dayàa sùà kɛ̀, ‘Ke dùòɛ aŋ nyùuŋ nyɛ̀lɛ nyàŋ aŋ gò wa jàà kùàŋ dìì yɛ kiiŋ naŋ wa nɔ̀ŋ ke duò kpɛnɛ tùlìà jii gbeeɛ̀ e nyɛ̀lɛɛ̀ gbiŋ sùà. Wo Kanaà Dayà wuŋ bi naŋ wa tɛɛ̀ nyɛ̀nɛ̀ŋ. E keì sìàŋ bi è siaŋ wèè yɛ̀mɛ.’ ”

Maafiù 22:43

Yèè wo Jisɛ̀ naŋ nyiŋ dawè wààŋ, “Kɛ̀ wèè kiìŋ wo Jìnàŋ Kanaà Dayà naŋ nyɛ̀nɛ̀ŋ wo Dèèwe nauŋ nyààŋ wo ‘Kana’? Wo Dèèwe naŋ woò wààŋ,

Maafiù 26:54

Kɛɛ sèè tii kaaìŋ yɛi weè, kɛ̀ dièsɔa e yèɛ wɔŋ fɛ̀ì Dayàa naŋ woò lɛ do nàŋ hɛɛnɛ̀ŋ, tiŋ zà tɛɛ̀ kuwa e kaaìŋ?”

Maafiù 26:56

Kɛɛ e nɛ̀ɛŋ wɔŋ fɛ̀ì Dayàa naŋ woò lɛ kuwa e hɛɛnɛ̀ŋ nààŋ aŋ wɛ̀ijì nyaŋ naŋ niŋ wa sìngè lɛ.” Kpeiŋ anyùùŋ màŋjɛ̀wɛ̀uŋ nyàŋ gbiŋ nauŋ ɓàà e kɔɔ aŋ dùàŋ auŋ jòà.

Jɔ̀ɔŋ 10:35

Èiŋ nyìmàŋ kɛ̀ e yèɛ wɔŋ fɛ̀ì Dayàa naŋ woò lɛ è yaà e tɔ̀ɔ̀nyaàŋ wèè julɔfɔ. Yèè wo Dayà naŋ wa gbòò koɓɛ̀ anyùùŋ nyiiŋ yèè wò naŋ nyiŋ wa nyààŋ aŋ dayà.

Jɔ̀ɔŋ 3:20

Anyuùŋ nyɛ̀nɛ̀ŋ maŋ keì ngaamuŋ ngààmùŋ nyaŋ fè hnàŋ kòɓɛ̀ è gbolòùŋ lɛ, esaɓù maŋ nyɛ̀nɛ̀ŋ nyiŋ màŋ do nàŋ fòlò ke fòolà e kìlà anyùùŋ aŋ miŋ yɛmɛ̀ janjai.

Nyɛ̀nɛ̀ŋ 1:16

Wò naŋ woò wààŋ, “Nyɛ̀iŋ nààŋ nyuùŋ hààwe dàwim nyàŋ, e yèɛ wɔŋ fɛ̀ì Dayàa naŋ woò lɛ kuwa e hɛɛnɛ̀ŋ, e yìwìà ko yèi wo Jìnàŋ Nɛɛmaàŋ naŋ wa gbùùyè wo Dèèwe sùà lɛ. Wɔ̀ŋ naŋ wòò e keìɛ wo Juɗà do wa nàŋ nyɛ̀nɛ̀ŋ ko dòmànfeìŋ lɛ, wo yèɔ naŋ wa nɔ̀ŋ wo sìèfèìŋ anyùùŋ nyaŋ naŋ wa kùwò wo Kanaà Jisɛ̀ nyaŋ.

Nyɛ̀nɛ̀ŋ 18:25

Wò naŋ wa gbeè yèè wò naŋ nyìmè e zimgbe niŋ e nyaàiŋ dè ke Dòmàŋ Kanaà, yèè wò naŋ wa gbòò e nyɛ̀ìnyɛ̀ìŋ gbee e yìwìà wo jinàaŋ sùà yèè wò naŋ kàà e tɔ̀ɔ̀nyaàŋ e nyaàiŋ dè wo Jisɛ̀. E ɗewe gbio sùà, wò naŋ wa nɔŋ nyìmè e kèè e ɗeweɛ̀ wo Jɔ̀ɔŋ guo nyùùŋ lɛ.

Nyɛ̀nɛ̀ŋ 20:20

Miŋ gò wa gè màŋhɛɛ wèè kaiŋ woò ɔ̀ɔ̀ kaiŋ kaà màŋ gbooiŋ màŋ sùà, wèè è nɛ̀ɛŋ gbiŋ naŋ ɓɛ̀nɛ̀ŋ nɔ̀ŋ è kpùùmaŋ kò nɛ̀ɛ̀iŋ niìŋ lɛ.

Nyɛ̀nɛ̀ŋ 20:27

Kàiŋ wòò e yèɛ gbiŋ wo Dayà manaŋ wèè naŋ nyìmàŋ lɛ.

Nyɛ̀nɛ̀ŋ 28:25

Nààŋ aŋ gò wa nyimèè nyiŋ wouwòù è fèemàŋ, àŋ naŋ tɔ̀ɔ̀tù kàa. Kɛɛ wo Pɔɔ̀ naŋ nyiŋ tɛɛ̀ woò wààŋ, “Wo Jìnàŋ Nɛɛmaàŋ naŋ wa wòò e keì kɛnɛɛ̀ e teengaà wò naŋ wa tùɔ̀ŋ wo wɛ̀ijìɔ Àzaayà lɛ,

Luùm 15:4

Maŋ keì maŋ gbiŋ yaà sìnga miŋ wɔŋ fɛ̀ì Dayàa maŋ, naŋ nɔ̀ŋ sìnga miŋ wèè maŋ wi kaà, yèè maŋ wi kìɛ̀ŋ ke jii tɔumtɔ̀ùm yaà ke jii nyingè wèè eiŋ kùwìè ke jii tùlia, ke yèɛ wɔŋ fɛ̀ì Dayàa naŋ wi kiɛ̀ŋ lɛ.

Luùm 2:20

Nyɛ̀iŋ nàŋ dè anyùùŋ ɓàaɓàa nyàŋ ke dòmaŋ siaŋ diɛŋ, yèè nìŋ yaà aŋ kààmɔɔŋ wèè anyuùŋ gò nyìmàŋ nɛ̀ŋ nyaŋ. Nìŋ naŋ haawè kɛ̀ nàŋ nyìmàŋ maŋ Sàwà Dayà maŋ yaà e tɔ̀ɔ̀nyaàaŋ.

Luùm 3:2

È kuwa e nàfa weè wi maŋ dòmaŋ nyaaŋ zimgbe! E sìèfeìŋ jiɛ̀jiɛ̀ɛ nàŋ yaà, è do wi nàŋ nafà esaɓù kɛ̀ wo Dayà kuwa wa ke jii tùlia aŋ Juùù nyaŋ sùà yèè wò naŋ nyiŋ kìɛ̀ŋ ke miè gbìauŋ nɛɛ̀ŋ.

Luùm 4:23

Maŋ mìè gbòa màŋ wɔŋ fɛ̀ì Dayàa sùà naŋ woò wààŋ, “Wo Dayà naŋ wa jàà wo Eɓulɔhɛɛ̀ŋ kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ,” maŋ gò wa nɔ̀ŋ sìnga miŋ wèè wò Eɓulɔhɛɛ̀ŋ wuŋ guùŋ kpò nɔŋ.

1 Kɔliìŋ 12:7

Wo Jinàaŋ e nɔ̀uŋ nɛ̀ fɛɛ̀feìŋ, è tɔɔ̀ e ɗewe bà wo nyùùŋ gbiŋ sùà, wèè e tɛ̀ɛ̀tɛ̀ɛ̀ anyùùŋ nyaŋ gbiŋ.

Gàla 3:8

Wɔŋ fɛ̀ì Dayàa woò kɛ̀, wo Dayà do naŋ jàà anyùùŋ nyaŋ fè àŋ Juùù nyaŋ kùàŋ dìì esàɓù e hààwè tɔ̀ɔ̀nyaàŋ nyiŋ nɛ̀. E kìlà wɔŋ fɛ̀ì Dayà naŋ wa wòò Ebò Siaàŋ wo Eɓulɔhɛɛ̀ŋ wààŋ, “E yìwìà esaɓù mɔ̀ɛ̀ sùà wo Dayà do nàŋ kpùùmò anyùùŋ nyaŋ gbiŋ.”

2Time 2:25

ɓòò nàŋ yaà nyuùŋ tɔ̀ùmtɔ̀ùm jiiɔ̀ wèè wo dè wo joouŋ nɔɔ̀ŋ ke dòmaŋ diɛŋ sèè wò nyɛnɛŋ e keì ɓàa wɔ̀, è do nàŋ nɔ̀ŋ mààŋ kɛ̀ wo Dayàa naŋ nyiŋ kìɛ̀ŋ e ɗeweɛ̀ wèè aŋ fè maŋ tùwo naanààŋ nyiŋ maŋ jɛwɛ yèè aŋ hnàŋ koɓɛ̀ e tɔ̀ɔ̀nyaàaŋ.

2Time 4:2

wèè maŋ wòò ke miè gbìaàŋ. Jèèe nyiŋ woo sèè pɛɛ è naŋ nɔ̀ŋ e teenga kɛnɛɛ̀ ɔ̀ɔ̀ è go nɔ̀ŋ è teenga kɛnɛɛ̀ diɛŋ, wèè maŋ de anyùùŋ ke dòmàŋ diɛŋ, maŋ nyiŋ kìɛ̀ŋ mìè gòo, yèè maŋ nyiŋ kìɛ̀ŋ maŋ jii nyingè, nààŋ mùŋ kaà nyiìŋ maŋ jii tɔumtɔ̀ùm sùà lɛ.

Hiɓu 11:1

E hààwe nyɛ̀nɛ̀ŋ wì eiŋ nyìmàŋ manɛ̀ŋ maŋ è kùwàìŋ jii tùlia kɛ̀ è doiŋ nàŋ kɛɛnɛ̀ŋ maŋ, yèè e wi tɔɔ̀ janjai manɛ̀ŋ maŋ e fèiŋ ɓɛ̀nɛ̀ŋ yɛ̀mɛ màŋ.

Hiɓu 3:7

Weètii, nààŋ wo Jìnàŋ Nɛɛmaàŋ naŋ woò lɛ, “Sèè nìŋ komo nàaŋ kè mìè Dayàa,

Hiɓu 4:12

Ke mìè gbòà Dayàa kè yaà wɔŋ nyiiŋ gèe sùà yèè kè kuwa gààŋ. Kè nɔ̀ŋ ke nìàŋ e kòyà fòò maŋ nyààŋ tìyèe. Kè kɛɛ ke hàì koɓɛ̀i wo jinàaŋ yaà wɔŋ nyììŋ jinàaŋ deenàŋ lɛ, ko yèi maŋ sunosuno màŋ yaà e bù lɛ maŋ gòà maŋ hnàŋ koɓɛ̀ guùŋ lɛ. Kè fulià janjai e gòngò nyuùŋkpùuŋ nɛ̀ e kpùlìà e yèɛ wò naŋ ɗewè ke jiiuŋ nɛɛ̀ŋ sùà lɛ.