2Time 3:14 - WƆŊ FƐ̀Ì EBÒ SÌÀŊ DAYÀA

¹⁴ E weèum, jèèe e tɔ̀ɔ̀nyaàaŋ àŋ naum wa kaà lɛ sùà, yèè muŋ sìà niŋ e hààwè tɔ̀ɔ̀nyaàŋ sùà. Màŋ nyìmàŋ ɓòò nyiŋ nàŋ yaà wa aŋ kààmɔɔiŋ nyàŋ,

2Time 3:14 ပူးပေါင်းရင်းမြစ်များ

Nyɛ̀nɛ̀ŋ 17:31

Wò jàà ke ɗɔɔ e ɓula wèè wo gbàì anyùùŋ nyaŋ gbiŋ e ɗuunyaàŋ e tɔ̀ɔ̀nyaàŋ sùà. Yèè wò naŋ tà wo Jisɛ̀ ke ɗùù wèè wo gbaì anyùùŋ nyaŋ weèuŋ. Wo Dayà wò wi kìɛ̀ŋ e tɔ̀ɔ̀nyààŋ e keì lɛɛ̀ yàwi nààŋ gbiŋ nààŋ wò naŋ gè wo Jisɛ̀ e fàa dìì.”

Luùm 14:5

Anyùùŋ nyaŋ bà nyiŋ gongà kɛ̀ ke ɗɔɔɛ̀ bà nyiŋ kuwa e sɛmɛ e nìàŋ maŋ ɗɔɔ gbànaŋ màŋ. Aŋ bà nyiŋ zà gongà kɛ̀ maŋ ɗɔɔ màŋ gbiŋ yaà e ɗèwè guùŋ nɛ. Kɛɛ tɔ̀ wo nyùùŋ gbiŋ wo kɛ̀ɛ̀ e kìtì wuŋ biɛ̀ ke jiiuŋ nɛɛ̀ŋ sùà.

Kòlo 2:2

Mìŋ nyɛnɛŋ tɛɛ̀ wèè ka nyiŋ kiɛ̀ŋ ke jii nyingè e kìlà ka nyiŋ jàànè koɓɛ̀ guùŋ e mànaŋ sùà, wo Dayà do nyiŋ nàŋ kìɛ̀ŋ e kpùùmaŋ gbee wèè aŋ nyìmàŋ kɛ̀ kiìŋ e nɛ̀ŋ nyìmaŋ kɛnɛ hiàŋ. E ɗewe lɛɛ̀ sùà, àŋ do nàŋ nyìmè ke gbùnù Dayàa. Ke gbùnu bi zà nàŋ yaà wo Jisɛ̀ Kulaì wuŋ bi.

1Tɛsè 1:5

E gòiŋ nɔŋ hìàŋ Èbò Siaàŋ màŋ mìè gbòa sùà nɔŋ, è naŋ niŋ kpùlìè e gààŋ yaà wo Jìnàŋ Nɛɛmaàŋ, yèè e hààwe jùà sùà gbɛlɛiŋ nyaàiŋ dè e tɔ̀ɔ̀nyaàŋ niŋ nɛ̀. Nàŋ nyìmàŋ kɛ̀ diè è naiŋ nɔ̀ŋ e gòlò, è yaà wa wèè e kèì sìàŋ nyɛ̀iŋ bi lɛ̀.

1Tɛsè 2:13

Esaɓù joo bà kòò è yaà ɓɛìŋ wèè e nɛ̀ɛŋ è gèìŋ Dayà ke sɛ̀ weè niŋ lɛ̀. Tiŋ nàŋ yaà, e teengaà è naiŋ hìɛ̀ŋ ke mìè gbìàŋ Dayàa lɛ̀, nìŋ naŋ nyiŋ kòmò yèè nìŋ naŋ nyiŋ jàà kùàŋ dìì, e fè mààŋ kè miè gbìaŋ è yìwìà nyuùŋkpùuŋ sìwè. Kè yaà ke mìè gbìàŋ Dayà ke yèɛ yaà e tɔ̀ɔ̀nyaàŋ lɛ. Nyɛ̀iŋ nyàŋ nìŋ naŋ haawè nyaŋ, wo Dayà yààìŋ sùà wò yaà toomo.

1Time 4:16

Yɛ̀mɛ̀ muaŋ bi diɛŋ, yèè e nɛ̀ɛŋ mùŋ kaà anyùùŋ nyaŋ lɛ̀ diɛŋ. Jèèe ko nyìnìè maŋ keì mɛɛ̀ŋ, efefoo sèè mùŋ nyɛ̀nɛ̀ŋ miìŋ, mùŋ do nàŋ jòèyè muaŋ bi yèè aŋ yè nyaŋ gbiŋ mùŋ naŋ kàa nyaŋ.

2Time 1:13

Kùwià maŋ mìè tɔ̀ɔ̀nyaàŋ maŋ mìŋ naum wa kaà maŋ ke di, wèè maŋ nɔ̀ŋ e tɔ̀ɔ̀màŋseì maŋ niŋ dè maŋjɛ̀wɛ̀, yèè muŋ jeeè e hààweɛ̀ yaà e mànaàŋ e yèɛ yaà weè wi nààŋ è yààìŋ aŋ bàwibà wo Jisɛ̀ Kulaì sùà lɛ.

2Time 2:2

E yèɛ mùŋ naim kumìè mìŋ naŋ kaà ko fɛ̀ɛ̀fèìŋ aŋ seì zimgbe lɛ̀, kàà niŋ anyuùŋ tùlìà jii aŋ yè nyaŋ do nàŋ ɓɛnɛ̀ŋ wèè aŋ kàà anyuùŋ joo lɛ̀.

2Time 3:15

yèè màŋ jàà jii kɛ̀ e gɔuo sùà, mùŋ yaà wa wo jɔ̀à, màŋ nyìmàŋ maŋ miè sìnga màŋ wɔŋ fɛ̀ì Dàyà sùà, wɔŋ yèɔ naum ɓɛ̀nɛ̀ŋ fè e jiikɛ̀ɛ naum ɓɛ̀nɛ̀ŋ jòèye yɛ̀, esàɓù e hààwe mɔ̀ɛ̀ wo Jisɛ̀ Kulaì sùà.

Taitɔ̀ 1:9

Wo kùwà ke mìè gbìàŋ tɔ̀ɔ̀nyaàŋ wò naŋ gbeè yɛ kpaŋ, ke yèɛ ke jii tùlia yaà sùà lɛ. Wèè e kàà kii siaŋ sìàuŋ nɛ̀ e fè anyùùŋ jii nyingè, e kìlà e dè anyùùŋ nyaŋ gbiŋ giiyà ke mìè gbìaàŋ maŋhɛɛ nyàŋ ke dòmaŋ diɛŋ.

Hiɓu 10:22

Weètii, hnàŋ wiìŋ e gbɛ̀ɛ̀iŋ wo Dayà, maŋ jii tɔ̀ɔ̀nyaàŋ yaà ke jii tùlia gbee e yìwìà hààwe kɛnɛ sùà. È kùwàìŋ naàŋ maŋ jii zɛ̀nɛŋ, e kìlà maŋ fè ɓɛìŋ màŋ keì naanààŋ mɛɛ̀ŋ màŋjɛ̀wɛ, yèè maŋ kpùnaŋ wi màŋ nɔ̀ŋ gùa miŋ e wuiyè sengèì sùà.

Hiɓu 6:11

È manaŋ e teenga gbiŋ, wèè nyɛ̀iŋ nààŋ bà guùŋ gbiŋ, maŋ nɔ̀ŋ e wùànàŋ gbee sùà, wèè kɛ̀ manɛ̀ŋ maŋ mùŋ yaà yɛ̀ɛ̀mɛ̀ dòmaŋ ke jii tùlia gbee sùà maŋ, maŋ hnàŋ.