2Time 3:12 - WƆŊ FƐ̀Ì EBÒ SÌÀŊ DAYÀA

¹² Wo nyùnɔ̀ɔŋ gbiŋ manaŋ wèè wo nɔ̀ŋ wo nyùùŋ tɔ̀ɔ̀nyaàŋ yèè wo bàuŋbà wo Jisɛ̀ Kulaì sùà wɔ, wò do nàŋ kùwò e nìmìlà e yìwìà anyuùŋ joo sìwè.

2Time 3:12 ပူးပေါင်းရင်းမြစ်များ

Maafiù 16:24

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Sèè wo nyùùŋ gbiŋ manaŋ wèè woim dè maŋjɛ̀wɛ, sɔɔ̀ wo gììyà wuŋ bi maŋhɛɛ, wo ɓèmè wɔŋ vànèkpaauŋ nɔɔ̀ŋ, yèè woim dè maŋjɛ̀wɛ.

Maafiù 23:34

Tɔ̀ miŋ woòiŋ kɛ̀ esaɓùɛ lɛɛ̀ mìŋ doiŋ nàŋ tùɔ̀ŋ aŋ wɛ̀ijì, anyuùŋ kɛ̀ɛ̀nɛ̀ŋ jiikɛ̀ɛ yaà aŋ kààmɔɔŋ aŋ yè nyaŋ doiŋ nàŋ kàà ke miè gbìaŋ miɛ̀ŋ. Nìŋ do nàŋ jìwìè aŋ bà nyiŋ wɔŋ vànèkpaaà diɛŋ ɔ̀ɔ̀ naŋ naŋ nyiŋ jìwà e ɗewe kii joo bà sùà. Nìŋ do nàŋ ɓùlò aŋ bà nyiŋ maŋ sààŋ zòòlò aŋ Juùù nyaŋ dìì, e kìlà nìŋ do nyiŋ nàŋ nyìmè naŋ nyiŋ gè maŋ jawa gbeegbèè maŋ gbiŋ sùà.

Jɔ̀ɔŋ 16:2

Anyùùŋ nyaŋ doiŋ wa nàwèè nàŋ gè maŋ sààŋ zòòlò aŋ Juùù nyaŋ dìì. E teenga bà do nàŋ hnè anyùùŋ àŋ doiŋ nàŋ jìwè, sèè àŋ nyɛnɛŋ tii àŋ do nàŋ gongò kɛ̀ àŋ yaà toomo wèè Dayà.

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Jɔ̀ɔŋ 17:14

Mìŋ naŋ nyiŋ wòò e yèɛ mùŋ naim wa woò wèè ka nyiŋ woò lɛ. Kɛɛ anyùùŋ nyaŋ e ɗuunyaŋ lɛɛ̀ naŋ nyiŋ wùɔ̀ŋ, esaɓù kɛ̀ aŋ fè àŋ bà nyiŋ bà wèè è ɗuunyaŋ lɛɛ̀, màànààŋ nɔŋ miàŋ pɛɛ miŋ fè wò bà lɛ.

Nyɛ̀nɛ̀ŋ 14:22

Àŋ naŋ wa kìɛ̀ŋ anyuùŋ hààwe nyàŋ maŋ jii nyingè yèè àŋ naŋ nyiŋ pɔwɔ̀ wèè aŋ jeèè tɔ̀ɔ̀nyaàŋ e hààwe nyiŋ nɛ̀ sùà. Àŋ naŋ nyiŋ woò nyààŋ, “È kuwa eiŋ kà e keì nyìnga zimgbe dìì pangàà è kɔ̀àìŋ e Kànà Dayàa sùà.”

1 Kɔliìŋ 15:19

Sèè ke jii tùlia wiɛ̀ wo Jisɛ̀ Kulaì sùà e nɔŋ nɔ̀ŋ wèè wɔŋ nyiiŋ wɛɛ̀ŋ sùà e bà gbiŋ gò ɓɛìŋ nɔ̀ŋ jɛ̀wɛ̀, kɛ̀ e kii wilɛ̀ kuwa ke nyowo zimgbe e nìàŋ nyùùŋ gbiŋ e ɗuunyaŋ lɛɛ̀.

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2 Kɔliìŋ 4:9

Aŋ joo nyàŋ naŋ gàŋ, kɛɛ wo nyuùŋ mɔ̀ɔ̀nɔŋ fè wi jùà sìwè, jòòpɛɛ e teenga bà àŋ dò wì, kɛɛ aŋ fè wi pɔɔpɔ̀ɔ̀.

1Time 2:2

Zòòloìŋ wèè aŋ kana nyàŋ, yèè aŋ yè nyaŋ yaà e gààŋ sùà nyaŋ aŋ nɔ̀ŋ dìì tɔ̀ùŋ, yèè aŋ kuwiè maŋ jii fàa maŋ nyiiŋ gèe nyiŋ màŋ sùà, nààŋ è zoolàìŋ wo Dayà e tɔ̀ɔ̀nyaàaŋ sùà lɛ.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

1Time 6:3

Wo nyùnɔ̀ɔŋ gbiŋ naŋ kàà e hààwe joo, yèè wo fè nyìmèè màŋ mìè gbòà tɔ̀ɔ̀nyààŋ Kana wiɔ̀ Jisɛ̀ Kulaì maŋ, yèè è nɛ̀ɛŋ e hààwe wilɛ̀ kàa lɛ,

Taitɔ̀ 1:1

E yìwìà miàim Pɔɔ̀ sìwè, wo ɓɔ̀ìjɔ̀à Dayàa, yèè wo keela tàeɗùù wèè Jisɛ̀ Kulaì nàŋ yaà sìngìè wɔŋ fɛi wɛɛ̀ŋ. Wo Dayà naim tàeɗùù yèè wò naim tùɔ̀ŋ e wèè ka kpùùmàŋ e hààwè anyùùŋ Dayà nyaŋ wò naŋ tàeɗùù nyaŋ, e kìlà ka nyiŋ kɔ̀à koɓɛ̀ e gòngò tɔ̀ɔ̀nyaàaŋ e Dayà hùmaŋ kii wilɛ̀ sùà,

Taitɔ̀ 2:12

Esàɓù e tɛ̀ɛ̀tɛ̀ɛ̀ Dayàa sùà, wò naŋ wi kaà wèè eiŋ gè kùàŋ maŋ keì naanààŋ sùà e kpùlìà maŋ ɗèwè ɗuunyaŋ naanààŋ maŋ, yèè eiŋ nyìmàŋ e ɗèwè yàwi bi yɛ̀mɛ̀ diɛŋ, eiŋ nɔ̀ŋ tɔ̀ɔ̀nyaàŋ, yèè eiŋ nɔ̀ŋ wɔŋ nyiiŋ gèe e jɔ̀ɔ̀lɔ sùà e ɗuunyaŋ lɛɛ̀,

1Pììlɛ 3:14

Kɛɛ sèè pɛɛ maŋ kà e keì nyìnga dìì wèè e tɔ̀ɔ̀nyaàŋ, wo Dayà doum nàŋ kpuumò. Wèètii ɓɔ̀ mùŋ dùàŋ nyùùŋ gbiŋ, yèè ke jii mɔɛ̀ŋ ɓɔ̀ kè sɛɛɛ̀ wèè è nɛ̀ɛŋ ànyùùŋ naŋ ɓɛ̀nɛ̀ŋ nyɛ̀nɛŋ lɛ̀.

2Pììlɛ 3:11

Nààŋ manɛ̀ŋ mɛɛ̀ŋ gbiŋ do nàŋ yɛ̀mɛ̀ e pɔ̀ɔ̀pɔɔ e ɗewe mààŋ tɛɛ̀ sùà lɛ, kiìŋ ànyuùŋ kpùuŋ ziì nìŋ kuwa wèè naŋ nɔ̀ŋ? Maŋ nyiiŋ màŋ nɔ̀ŋ nɛɛmaŋ sùà, yèè niŋ tulìà miŋ wo Dayà.

Maŋ kèì nyɛɛnɛŋ 12:4

Wo kaì gbeeɔ̀ naŋ wa tòòmò ke kiàuŋ nɛɛ̀ŋ yèè wò naŋ gɔ̀ɛ̀ɛ̀ maŋ ɗu màŋ, sèè àŋ goonàŋ miìŋ e ɗì taai, e ɗì guùŋ e yìwìà ke nyiliɛ̀ yèè wò naŋ miŋ dàà ko dììnaŋ. Wò naŋ sìè wo nìeɔ̀ fɛɛ̀feìŋ, wèè kɛ̀ sèè wo nìeɔ̀ komo nɔŋ fa, wo mìàŋ wo jɔ̀àuŋ nɔɔ̀ŋ.

Maŋ kèì nyɛɛnɛŋ 7:14

Mìŋ naŋ fasàì mìàŋ, “Dàa, miŋ nyimààŋ, kɛɛ muàŋ màŋ nyìmàŋ.” Wò naim woò wààŋ, “Anyùùŋ nyɛɛ̀ŋ naŋ kɔ̀ɛ̀ɛ̀ e nimilà nyìngaà sùà yèè àŋ naŋ hnè bòìbòì. Àŋ naŋ sɔ̀ɔ̀ maŋ ɓuuɓane nyiŋ màŋ yèè àŋ naŋ miŋ nyɛ̀nɛ̀ŋ màŋ naŋ fòò e yìwìà maŋ sɛ̀ìŋ Ɓaawaaà sùà.