2Time 2:8 - WƆŊ FƐ̀Ì EBÒ SÌÀŊ DAYÀA

⁸ Jaà wo Jisɛ̀ Kulaì jii, wo yèɔ wo Dayà naŋ wa gèe e fàaà dìì wɔ, wo yèɔ yaà wa jɔ̀ɛ̀jɔ̀ɛ̀ wèè Dèèwe wɔ̀, màànààŋ è yaà woo niŋ ke mìè gbìàŋ Ebò Siaàŋ mìŋ woà lɛ̀ sùà.

2Time 2:8 ပူးပေါင်းရင်းမြစ်များ

Maafiù 1:1

Maŋ dèè aŋ nèwàènèwè Jisɛ̀ Kulaì nyaŋ mɛɛ̀ŋ wɔŋ fɛ̀ì Dayàa sùà, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo jɔ̀ɛ̀jɔ̀ɛ̀ Dèèweɔ̀, wo yèɔ naŋ fòlò ke kpòò Eɓulɔhɛɛ̀ɛŋ sùà wɔ.

Luù 24:46

yèè wò naŋ nyiŋ woò wààŋ, “Tɛɛ̀ nàŋ yaà sìnga niŋ wɔŋ fɛ̀ì Dayàa sùà, kɛ̀ wo Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, kuwa wo kà e keì nyìnga dìì, yèè sèè e gɔ̀ɛ̀ɛ̀ taai è maaŋ wo yèwà e fàaà dìì wɔ̀ŋ nyiiŋ gèeo sùà.

Nyɛ̀nɛ̀ŋ 13:23

Wo Dayà naŋ wa jɔ̀ɔ̀ ɗààhiì kɛ̀ wo nyùùŋ bà hewa nàŋ fòlò ke kpòò Dèèweɛ̀ sùà wèè wo nɔ̀ŋ wo Nyuùŋ Jòèyeɔ̀ wèè anyùùŋ Ezɔ̀ɛ̀ nyaŋ, yèè wo nyùùŋ bi nàŋ yaà wo Jisɛ̀.

Nyɛ̀nɛ̀ŋ 2:24

Kɛɛ wo Dayà nauŋ wa gè e jèlà fàa dìì wɔŋ nyiiŋ gèeo sùà, wouŋ gè e gààŋ fàa diɛŋ, esaɓù kɛ̀ e fàa kuwà wa è gààŋ diɛɔŋ wèè euŋ kùwà ke hùaàŋ sùà.

Nyɛ̀nɛ̀ŋ 2:30

Wo Dèèwe yaà wa wo wɛ̀ijì, e kìlà wò nyìmàŋ kɛ̀ wo Dayà naŋ wa jɔ̀ɔ̀ ɗààhiì kɛ̀, wò do wa nàŋ jàà wo jɔ̀ɛ̀ jɔ̀ɛuŋ nɔɔ̀ŋ bà guùŋ ke kpùà kana diɛŋ e yìwìà ke kpoouŋ nɛɛ̀ŋ sùà e kìlà wo nɔ̀ŋ wo kana, màànààŋ wo Dèèwe wuŋ bi yaà wa lɛ̀.

Luùm 16:25

Jòòwò wiìŋ e tɛ̀ɛ̀tɛ̀ɛ̀ Dayàa! Wò ɓɛ̀nɛ̀ŋ nyɛ̀nɛ̀ŋ e hààwe mɔ̀ɛ̀ e nyìngà sùà wèè julɔfɔ esàɓù Ebò Siaàŋ mìŋ naiŋ woò lɛ e nyaàiŋ dè wo Jisɛ̀ Kulaì. Tɛɛ̀ nàŋ yaà ɓɛìŋ e yèɛ ke gbùnuɛ̀ yaà wa ko nyɛɛnɛŋ maŋ doà gɔu bà sùà yɛ.

Luùm 2:16

Nààŋ e yìwìà Ebò Siaàŋ mìŋ naiŋ woò lɛ, yɛi è do wa nàwèè nàŋ nɔ̀ŋ ke ɗɔɔ yii diɛŋ, wo Dayà do nàŋ tà wo Jisɛ̀ Kulaì ɗùù wèè wo gbàì maŋ gòngò gbùnù anyùùŋ nyaŋ gbiŋ maŋ jii nyiŋ màŋ sùà.

1 Kɔliìŋ 15:1

Mìŋ manaŋ wèè kao dìkà maŋ jiiiŋ màŋ, nyɛ̀iŋ nààŋ wùìyaim nyàŋ, koɓɛ̀ Ebò Siaàŋ mìŋ yaà woo ko nɛ̀ɛ̀ŋ niìŋ lɛ, e yèɛ nìŋ naŋ jàà kùàŋ dìì lɛ, yèè e yèɛ nìŋ sia diɛŋ lɛ̀.

1 Kɔliìŋ 15:4

kɛ̀ àŋ nauŋ sìè, yèè wo Dayà nauŋ gè e fàaà dìì e gɔ̀ɛ̀ taaà diɛŋ màànààŋ è yaà sìngaiŋ wɔŋ fɛ̀ì Dayàa sùà lɛ̀,

2Tɛsè 2:14

Wò naiŋ nyààŋ e keì lɛɛ̀ sùà esàɓù Ebò Siaàŋ è naiŋ woò lɛ, wò naiŋ nyààŋ wèè naŋ ɓèmè ko jeiŋ sìeì e jòòwò Kana wiɔ̀ Jisɛ̀ Kulaìɛ sùà.

1Time 1:11

Ebò Siaàŋ àŋ naim wa kaà yèè àŋ naim sìè ke jii tùlia yèè e zɔlɔ̀ sùà wèè ka woò lɛ, Ebò Siaŋ bi naŋ yèwè e jòòwo yèè e tɛ̀ɛ̀tɛ̀ɛ̀ wo Dàyà gaàŋ gbeeɔ̀ sìwè.

1Time 2:7

yèè wèètii wo Dayà naim tùɔ̀ŋ wèè ka nɔ̀ŋ wo keela tàeɗùùuŋ nɔɔ̀ŋ bà, yèè wo kààmɔɔŋ koɓɛ̀ anyùùŋ nyaŋ fè àŋ Juùù nyaŋ, wèè ka dàànè ebò ke mìè gbìaŋ e hààwe yaà e tɔ̀ɔ̀nyaàaŋ. Miŋ fè tòaà sùà, mìŋ yààìŋ wòò sùà e tɔ̀ɔ̀nyaàaŋ.

2Time 1:8

Ɓɔ̀ mùŋ nyɛ̀nɛ̀ŋ è sàngè, wèè maŋ gbòà kè mìè seì è nyaàiŋ dè wo Kana wiɔ̀ Jisɛ̀ Kulaì. E kìlà ɓɔ̀ mùŋ nyiniàm è sàngè, esaɓù kɛ̀ mìŋ yaà wo nyùùŋ màŋ keì esàɓù Jisɛ̀ Kulaìɛ sùà. Kɛɛ, ɓèmè e jeum keì nyìngàà wèè Ebò Siaàŋ, màànààŋ wo Dayà naum kìɛ̀ŋ e gààŋ wèè maŋ niŋ nyɛ̀nɛ̀ŋ lɛ.

2Time 2:7

Gòngò wèè e yèɛ mìŋ yaà woo lɛ̀, e fèfoo, wo Kanaà do nàŋ nyɛ̀nɛ̀ŋ maŋ nyìmàŋ e gbiŋ.

Maŋ kèì nyɛɛnɛŋ 5:5

Wo màmàŋkùmɛɔ̀ŋ bà guùŋ naim woò wààŋ, “Ɓɔ̀ mùŋ gòlà. Yɛ̀mɛ̀ kɛ̀ kiìŋ nàŋ yaà kaaiŋ! Wo nyùnɔ̀ɔŋ àŋ nyaaŋ wo Nyàaà wɔ e yìwìà e zìì Juɗàa sùà, wo jɔ̀ɛ̀ɛ̀jɔ̀ɛ̀ɛ̀ Dèèweɔ̀, wò ɓùlà anyuùŋ nyɛ̀nɛ̀ŋ maŋ tùwo naanààŋ nyaŋ, e kìlà wò ɓɛ̀nɛ̀ŋ gɔ̀ɛ̀ɛ̀ e fèè manɛ̀ŋ yìlìà nɔɔnɔŋ le tìyèe màŋ, yèè wo vùlɔ̀ŋ wɔŋ fɛi fùngò fungoɔ̀.”