2Time 2:26 - WƆŊ FƐ̀Ì EBÒ SÌÀŊ DAYÀA

²⁶ E jiikɛ̀ɛ do nyiŋ nàŋ dè aŋ fòlà ke gbàù Dɛwìɔ sùà, wo yèɔ naŋ nyiŋ wa kùwò yèè wò naŋ nyiŋ nyɛ̀nɛ̀ŋ wèè aŋ jɔ̀ɔ̀lɔ̀ e gaàuŋ nɛ̀ dìì nyaŋ.

2Time 2:26 ပူးပေါင်းရင်းမြစ်များ

Luù 11:21

“Sèè wo nyùùŋ gààaŋ wo kɛ̀ɛ̀nɛ̀ŋ manɛ̀ŋ sùmiauŋ màŋ gbiŋ, e kìlà wo tùnìàŋ ko jɔ̀ɔ̀lègbèè ke sààŋ hàwè wuŋ biɛ̀, wo nyùùŋ gbiŋ fè wùà manɛ̀ŋ siwèuŋ màŋ kò saauŋ niìŋ, e kìlà wò do nàŋ nɔ̀ŋ ke jii fàa sùà.

Luù 15:17

Ko diemeì, e jiikɛ̀ɛ nauŋ dè yèè wò naŋ wòò koɓɛ̀ wuŋ biì wààŋ, ‘Wo dèda miɔ̀ŋ kuwa aŋ ɓɔìjɔ̀à tòmo yèè àŋ kuwa e nɛ̀ŋje zimgbe wèè aŋ jè, kpeiŋ mìŋ jaa kià e jìè wààŋ e jìwàim!

Luù 5:10

È naŋ wa ɓɛìŋ fòònò wo Jìiiŋ yaà wo Jɔ̀ɔŋ, aŋ jɔ̀àfèlàà Zɛɓɛdiì nyaŋ. Nyiŋ nàŋ yaà wa anyùùŋ tòmò dàwì Saimɔ̀ŋ nyaŋ. Kɛɛ wo Jisɛ̀ naŋ wòò wo Saimɔ̀ŋ wààŋ, “E jùù ɓɔ̀ è nyɛ̀nɛ̀iŋ, e yìwìà nàaŋ nìŋ do nàŋ hìɛ̀ŋ anyùùŋ koɓɛ̀ Dayài.”

Jɔ̀ɔŋ 13:2

Wèè paŋ aŋ tɔɔtù wa e nɛ̀ŋjè koya nyiŋ nɛ̀ jèe, wo Sɛ̀tanàŋ naŋ gbìɛ̀ŋ e gòngò ke kpèè naanààŋ nyɛ̀nɛŋ wo Juɗà Àkaaliɔ̀ ke jiio sùà, wo jɔ̀àfèlàà Saimɔŋ Àkaaliɔ̀, yèè wò naŋ ɗewè wèè wo maàŋ wo Jisɛ̀.

Jɔ̀ɔŋ 13:27

Wo Juɗà naŋ nɔŋ kùwò ke gbɔ̀uɛ̀ fa, wo Sɛ̀tanàaŋ wò sɛ̀ɛ̀ ke jiiuŋ nɛɛ̀ŋ sùà. Yèè wo Jisɛ̀ nauŋ woò wààŋ, “Nyɛnɛ̀ŋ e yèɛ mùŋ manaŋ maŋ nyɛ̀nɛ̀ŋ lɛ fiò.”

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

Nyɛ̀nɛ̀ŋ 5:3

Wo Pììlɛ nauŋ dawè wààŋ, “Ananayà, wèè kiɛ̀ŋ mùŋ naŋ dàngè wo Sɛ̀tanàŋ naum zuwò e kìlà wo jɔ̀à ke jii mɔɛ̀ŋ sùà, yèè mùŋ naŋ tɔ̀ɔ̀ koɓɛ̀ wo Jìnàŋ Nɛɛmaàŋ, e kìlà mùŋ naŋ bànè e nɛɛnɛɛ̀ŋ bà hàa e yìwìà e yèɛ mùŋ naŋ yɛmɛ̀ lɛ nààŋ mùŋ naŋ mààŋ e diì mɔ̀ɛ̀?

1 Kɔliìŋ 15:34

Ɓèmeìŋ e jiikɛ̀ɛ niŋ gè kùàŋ maŋ jùumùiŋ màŋ sùà. Mìŋ yààìŋ wòo sùà e kèì sàngè tiŋ nàŋ yaà kɛ̀ nyɛ̀iŋ nɛɛ̀ŋ bà nyiŋ niŋ nyimààŋ Dayà.

2 Kɔliìŋ 2:11

e wèè wo Sɛ̀tanàaŋ go nàŋ kùwìè wɔŋ kùàŋ gààŋ ko diɛŋ wi, esaɓù kɛ̀ èiŋ nyìmàŋ maŋ ɗèweuŋ màŋ.

Ɛfesɔ̀ 5:14

E gbolòùŋ nɛ nàŋ tɔɔ̀ e nɛ̀ŋ gbiŋ janjai. E wèètii è yaà e wòò niŋ, “Kɛ̀ɛ̀yɛɛ̀, nyùùŋ maŋ jàwèɔ, e kìlà muŋ fòlà e fàa dìì. Kpeiŋ kɛ̀ wo Jisɛ̀ Kulaì nɔ̀ŋ e gbolòùŋ ko diɛum.”

Kòlo 1:13

Wo Dayà naŋ wi joeyè e yìwìà e gààŋ ke nyìwì Sɛ̀tanàaŋ, yèè wò naŋ wi hìɛ̀ŋ koɓɛ̀ e kànà wo Jɔ̀àfelaa mànauŋ nɔɔ̀ŋ,

1Time 1:20

Anyùùŋ nyɛɛ̀ŋ bà nyiŋ nàŋ yaà wa wo Hèmɛnàè yaà wo Àlèzanàŋ, aŋ yè nyaŋ mìŋ naŋ wa nimilà yèè mìŋ naŋ nyiŋ kìɛ̀ŋ koɓɛ̀ e gààŋ Sɛ̀tanàaŋ nyàŋ, tɛɛ̀ do nyiŋ nàŋ kaà aŋ dàngè maŋ mìè ɓɛ̀ɛ̀pɔ̀ɔ nyiŋ màŋ.

1Time 3:7

Wo nɔ̀ŋ nyùnɔ̀ɔŋ anyùùŋ nyaŋ fè è hààweɛ̀ sùà nyaŋ, àŋ kiɛ̀ŋ e ɓɛ̀ɛ̀jàa, yèè ke mìè seì e nyaàiŋ euŋ dè wɔ, wèè wo go nàŋ sɛ̀ɛ̀ kè gbàù ɓɛ̀ɛ̀pɔ̀ɔ Dɛwìɔ sùà.

Maŋ kèì nyɛɛnɛŋ 12:9

Wo Dayà naŋ wa gbìɛ̀ŋ wo kaì gbeeɔ̀ ko jɔɔlèi e yìwìà ko àìjɛnɛ̀ŋ. Wò naŋ wa gè wo kaì gɔugɔ̀ù wii wo yèɔ àŋ nyaaŋ wo Dɛwìɔ, ɔ̀ɔ̀ Sɛ̀tanàŋ, ko àìjɛnɛ̀ŋ. Wuŋ naŋ zuwò anyùùŋ fuɔŋ nyàŋ gbiŋ e ɗuunyaàŋ. Àŋ nauŋ wa tùɔ̀ŋ e dììɛ diɛŋ yaà aŋ màikàuŋ nyàŋ.