2Time 2:2 - WƆŊ FƐ̀Ì EBÒ SÌÀŊ DAYÀA

² E yèɛ mùŋ naim kumìè mìŋ naŋ kaà ko fɛ̀ɛ̀fèìŋ aŋ seì zimgbe lɛ̀, kàà niŋ anyuùŋ tùlìà jii aŋ yè nyaŋ do nàŋ ɓɛnɛ̀ŋ wèè aŋ kàà anyuùŋ joo lɛ̀.

2Time 2:2 ပူးပေါင်းရင်းမြစ်များ

Maafiù 13:52

Kpeiŋ wo Jisɛ̀ naŋ nyiŋ woò wààŋ, “Tɛɛ̀ naŋ tɔɔ̀ kɛ̀, wo kààmɔ̀ɔ̀ŋ maŋ Sàwà Dayàa bà gbiŋ wo yèɔ kile wo nɔ̀ŋ wo nyùùŋ màŋjɛ̀wɛ̀im wɔ̀ e Kànà àìjɛnɛ̀ɛŋ sùà wò yaà mààŋ wo kɛ̀ɛ̀nɛ̀ŋ ko gboo wo yèɔ fulià manɛ̀ŋ jɛi yèè manɛ̀ŋ gɔu e yìwìà ko saaŋ bàànè manɛ̀ŋ hàauŋ niìŋ.”

Maafiù 24:25

Weètii yɛ̀mɛìŋ nyɛ̀iŋ bi diɛŋ, kàiŋ kpìnìàŋ e keìɛ gbiŋ dììò sùà paŋ ngàà e teenga niŋ nɛ̀ e wa nàwèè haì.

Luù 12:42

Wo Kanaà naŋ fasàì wààŋ, “Ɓòò ngèè nàŋ yaà wo ɓɔ̀ìjɔ̀à tɔ̀ɔ̀nyaàaŋ wo yèɔ kuwa e jiikɛ̀ɛ wɔ̀? Wuŋ nàŋ yaà wo yèɔ wo kààmɔɔŋ nyiŋ nɔɔ̀ŋ do nàŋ sèèlè aŋ ɓɔìjɔ̀à gbànaŋ nyàŋ feìŋ wèè wo kiɛ̀ŋ e nɛ̀ŋje nyiŋ nɛ̀ e teengaà diɛŋ.

1 Kɔliìŋ 4:2

E kèì guùŋ nɔŋ àŋ dawà aŋ ɓɔìjɔ̀à wèè aŋ nyɛ̀nɛ̀ŋ tiiŋ nàŋ yàà wèè aŋ nɔ̀ŋ e tɔ̀ɔ̀nyaàŋ sùà koɓɛ̀ wo kana nyiŋ nɔɔ̀ŋ.

2 Kɔliìŋ 2:14

Kɛɛ mìŋ naŋ gè Dayà ke sɛ̀! E nɔ̀ŋ wilɛ̀ aŋ bàwibà Jisɛ̀ Kulaì sùà, e teenga gbiŋ wo Dayà sià wì feìŋ nààŋ è yààìŋ anyùùŋ keì wɔŋ gɛ̀ŋ yɛ̀mɛ̀ Jisɛ̀ Kulaìɔ wò kanaŋ wɔ̀ŋ sùà. Wo Dayà toomàŋ wì wèè eiŋ ɓààyè e jiikɛ̀ɛɛ̀ nyaàiŋ dè wo Jisɛ̀ Kulaì koɓɛ̀ gbiŋ mààŋ e dòmaŋ kuùmàì sìàŋ.

2 Kɔliìŋ 3:5

E nɛ̀ŋ bà gbiŋ fè wì sùà wèè e wi gè nyààŋ diɛŋ eiŋ woò kɛ̀ èiŋ ɓɛ̀nɛ̀ŋ nyɛ̀nɛ̀ŋ tomo lɛɛ̀. E nɛ̀ɛŋ è kuwa wèè eiŋ nyɛ̀nɛ̀ŋ e tòmo lɛɛ̀ lɛ è yewe Dayà sìwè.

Kòlo 1:7

Nìŋ naŋ wa kòmò e kèè e tɛ̀ɛ̀tɛ̀ɛ̀ Dayàa e yìwìà wo Ɛpafilè sìwè, wo ɓɔìjɔ̀à tòmo dàwi siaŋ wiɔ̀. Wò yaà wo ɓɔìjɔ̀à tòmo tùlìà jii dàwì wi wo Jisɛ̀ Kulaì sùà.

1Time 1:12

Mìŋ naŋ gèe wo Kana wiɔ̀ Jisɛ̀ Kulaì ke sɛ̀, wo yèɔ naim kìɛ̀ŋ e gààŋ wèè ka nyɛ̀nɛ̀ŋ e tòmo mɛ̀ wɔ. Mìŋ nauŋ gè ke sɛ̀ wèè wò naìm jàà kùàŋ dìì wèè ka nɔ̀ŋ wo nyuùŋ hààwe, yèè wò naìm tàeɗùù wèè ka tomo e weèuŋ,

1Time 1:18

Jɔ̀à miɔ̀ŋ Timetè, mìŋ yààùm tùlia sùà ke jii wèè e gààŋ lɛɛ̀, e nyaàiŋ dè maŋ mìè gbòa màŋ wo wɛ̀ijìɔ naŋ wa gbòò e teengà gɔu sùà e nyaàiŋ eum dè lɛ. Tòòmo maŋ mìè gbòa mɛɛ̀ŋ mààŋ manɛ̀ŋ sùmìàŋ e ɗùà wèè muŋ sòmàŋ tɛ̀ɛ̀,

1Time 4:14

Ɓɔ̀ mùŋ giiyà è kìɛ̀ŋ Jìnàŋ Nɛɛmaàŋ yààùm sùà lɛ è kɛ̀ɛ, wo yèɔ wo Dayà naùŋ wa kiɛ̀ŋ e teengaà aŋ wɛ̀ijì nyàŋ naŋ wa gbòò yèè ke gbòò aŋ màmàŋkùmɛŋ nyàŋ naùm wa gbùwò maŋ kùàŋ diɛŋ àŋ naùm zoolò lɛ.

1Time 4:6

Sèè maŋ kàà maŋ keì wòo mɛɛ̀ŋ koɓɛ̀ anyuùŋ hààwe nyàŋ, mùŋ do nàŋ nɔ̀ŋ wo ɓɔìjɔ̀à tòmo siaŋ wèè wo Jisɛ̀ Kulaì, mùŋ do naŋ dììyè muàŋ bi e nɛɛmaŋ e yìwìà ke mìè hààweɛ̀ yèè e kàà tɔ̀ɔ̀nyaàaŋ e yèɛ mùŋ naŋ dè maŋjɛ̀wɛ lɛ̀.

1Time 5:22

Ɓɔ̀ mùŋ jèlà ke jii wèè maŋ gbùwà wɔ̀ŋ kùàŋ è zòòlo wò nyùùŋ diɛŋ, wèè wo nɔ̀ŋ e tòmò kanaà Jisɛ̀ Kulaì lɛ sùà. Ɓɔ̀ mùŋ nɔ̀ŋ wò bàumbà wèè màŋ jùùmù nyuùŋ joo, nyɛnɛ̀ŋ muàŋ bi muŋ nɔ̀ŋ sengei.

1Time 6:12

Nyììneè sùà muŋ dùàŋ e dùàŋ hààweɛ̀ sùà, wèè muŋ kɛɛnɛ̀ŋ wɔŋ nyiiŋ gèe gò jùàa, wɔŋ yèɔ wo Dayà naum wa nyààŋ wèè woum kiɛ̀ŋ nààŋ mùŋ naŋ wa fè ke mìè seì sìàŋ ko fɛ̀ɛ̀fèìŋ aŋ seì zimgbe e nyaàiŋ dè hààwe mɔ̀ɛ̀ lɛ.

2Time 3:10

Mùŋ naŋ dè e kàa mɛ̀, ke kpèè miɛ̀ŋ, yèè esàɓù wɔŋ nyiiŋ gèe miɔ̀ŋ maŋjɛ̀wɛ, màŋ tùàŋ e hààwe mɛ̀, ke jii tɔumtɔ̀ùm miɛ̀ŋ, e mànàŋ mɛ̀, yèè ke jii nyìngè miɛ̀ŋ wèè e keì nyìnga kuwa mɛ̀ gbiŋ maŋ nɔnɔŋ.

2Time 3:14

E weèum, jèèe e tɔ̀ɔ̀nyaàaŋ àŋ naum wa kaà lɛ sùà, yèè muŋ sìà niŋ e hààwè tɔ̀ɔ̀nyaàŋ sùà. Màŋ nyìmàŋ ɓòò nyiŋ nàŋ yaà wa aŋ kààmɔɔiŋ nyàŋ,

Hiɓu 2:17

Tɛɛ̀ naŋ tɔɔ̀ kɛ̀ wò kuwa wa wo nɔ̀ŋ mààŋ aŋ wùìyauŋ nyàŋ e ɗèwè kìì guùŋ nɛ àŋ yaà lɛ, wèè wo nɔ̀ŋ wo nyuùŋ tùlìà jii nyiŋ nɔɔ̀ŋ yèè wo Kànà Sìèfèìŋ Zòòlo Gbee kɛ̀ɛ̀nɛ̀ŋ ke nyowo e tòmò Dayàa sùà, wèè wo Dayà juuyà maŋ jùùmù nyiŋ màŋ hakɛ̀.