2Time 2:19 - WƆŊ FƐ̀Ì EBÒ SÌÀŊ DAYÀA

¹⁹ Kɛɛ e kpèe nyìngàà sùàa wo Dayà naŋ heè lɛ, e fè ɓɛ̀nɛ̀ŋ mɛ̀ɛ̀mɛɛŋ, yèè e kpèe bi diɛŋ wò naŋ sìngìè maŋ fee mɛɛ̀ŋ, “Wo Kanaà Jisɛ̀ Kulaì nyìmàŋ anyùùŋ nyaŋ wò kanaŋ nyàŋ” yèè “Anyùùŋ nyaŋ woà nyààŋ àŋ yaà wèè wo Kanaà Jisɛ̀ Kulaì nyaŋ, sɔ̀ɔ̀ aŋ kɛ̀ɛ̀ maŋ kpèè naanààŋ nyɛ̀nɛŋ màŋjɛ̀wɛ.”

2Time 2:19 ပူးပေါင်းရင်းမြစ်များ

Maafiù 24:24

Esaɓù aŋ wɛ̀ijì tòa yèè aŋ kulaì tòa do nàŋ hnè nyààŋ nyiŋ nàŋ yaà wo Kulaìɔ yèè aŋ kèèlà Dayà nyaŋ. Àŋ do nàŋ hnè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì wèè kàìsa aŋ zuwò aŋ nyùùŋ nyaŋ wo Dayà naŋ tàeɗùù nyaŋ, sèè àŋ ɓɛnɛ̀ŋ.

Maafiù 28:19

Weètii, kɔ̀àaìŋ koɓɛ̀ anyùùŋ nyaŋ gbiŋ e ɗuunyaàŋ niŋ nyɛ̀nɛ̀ŋ nyiŋ aŋ nɔ̀ŋ anyùùŋ màŋjɛ̀wɛ̀im. Gùaìŋ nyiŋ e dèè Dèdaà diɛŋ, wo Jɔ̀àfelaaà, yèè wo Jìnàŋ Nɛɛmaàŋ,

Maafiù 7:23

Kɛɛ mìŋ do nyiŋ nàŋ woò mìàŋ, ‘Miŋ nyimààìŋ yèè niŋ fè wa ànyunùim! Yèwa nìim feìŋ, nyɛ̀iŋ nààŋ nyuùŋ nyɛ̀nɛ̀ŋ keì naanààŋ nyɛɛ̀ŋ.’

Maafiù 7:25

Maŋ gɔ̀àà maŋ naŋ sɔ̀ɔ̀, maŋ wùìyè maŋ jòwà, wɔŋ dùfòì gbee naŋ mààŋ wɔŋ ɓùlà ke saaàŋ. Kɛɛ ke gò wa sɔ̀àà esaɓù kɛ̀ wò naŋ wa tɔ̀ɔ̀tù ke saauŋ nɛɛ̀ŋ nyɛ̀lɛ wɔŋ duò tàà diɛŋ.

Luù 13:27

Kɛɛ wò doiŋ ɓɛìŋ naŋ woò wààŋ, ‘Miŋ nyimààŋ kɛ̀ kòò nìŋ yewe, yèwa nìim feìŋ, nyɛ̀iŋ nààŋ nyùùŋ kpèè naanààŋ nyɛɛ̀ŋ!’

Luù 6:48

Wò yaà mààŋ wo felaaà wo yèɔ naŋ tòmò e dììɛ tɛ̀ɛ̀ wèè wo ɓɛnɛ̀ŋ tɔ̀ɔ̀tù nyɛ̀lɛ̀ e kpèè ke saauŋ nɛɛ̀ŋ wɔŋ duò tàà diɛŋ. Maŋ gɔ̀àà maŋ naŋ sɔ̀ɔ̀, e wùìyèɛ jòwà e kìlìà ke saaàŋ, kɛɛ ke gò wa mɛɛmɛ̀ɛ̀ŋ, esaɓù kɛ̀ wò naŋ nyiŋ wa nyɛ̀lɛ̀ tɛ̀ɛ̀ wɔŋ duò tàà diɛŋ.

Jɔ̀ɔŋ 10:14

Miàŋ nàŋ yaà wo nyuùŋ tùnìàŋ aŋ ɓaawaa siaàŋ. Kà nyìmàŋ aŋ ɓaawaaim nyàŋ, yèè àim nyìmàŋ. Màànààŋ nɔŋ wo Dèdaà naim nyìmè lɛ, miàŋ pɛɛ kà nyìmàŋ wo Dèdaà. Yèè kà nyimèè wèè ka kìɛ̀ŋ wɔŋ nyiiŋ miɔ̀ŋ wèè aŋ ɓaawaaim nyàŋ.

Jɔ̀ɔŋ 13:18

“Miŋ fè gbuuye wèè nyɛ̀iŋ nààŋ gbiŋ. Kà nyìmàŋ aŋ yè nyaŋ mìŋ naŋ tàeɗùù nyaŋ. Kɛɛ e nɛ̀ɛŋ wɔŋ fɛ̀ì Dayàa naŋ woò lɛ kuwa e hɛɛnɛ̀ŋ. Wɔ̀ŋ naŋ woò wààŋ, ‘Wo felaaà wo yèɔ yà wuuŋ tìyèe è yaà jììyè e nɛ̀ŋje koɓɛ̀ guùŋ wɔ wò kìlà wo jooim!’

Jɔ̀ɔŋ 3:33

Kɛɛ wo nyùnɔ̀ɔŋ gbiŋ haawà ke mìè seìuŋ nɛɛ̀ŋ wɔ, wò tɔɔ̀ kɛ̀ wò haawè kɛ̀ e yèɛ wo Dayà naŋ wa woò lɛ è yaà tɔ̀ɔ̀nyaàŋ.

Nyɛ̀nɛ̀ŋ 11:26

Nààŋ wò naŋ wa mɛ̀ɛ̀ŋ wo Sɔɔ̀, wò nauŋ hìɛ̀ŋ ko Aŋtiɔ̀. Kuŋ nyiiŋ tìyèe yaà ke gbòò anyuùŋ hààwe nyàŋ hewa dèènè koɓɛ̀ guùŋ wèè wɔŋ dòà guùŋ kpalauŋ, yèè àŋ naŋ kàà ke gbòò anyuùŋ zimgbe. Kuii ko Aŋtiɔ̀, nàŋ yaà koɓɛ̀ jiɛ̀jiɛ̀i anyùùŋ naŋ wa nyààŋ anyuùŋ hààwe nyàŋ aŋ Kulusɛ̀ɛ̀ìŋ wèè e teenga jiɛ̀jiɛ̀ɛ.

Nyɛ̀nɛ̀ŋ 15:17

Mìŋ do tii nàŋ nyɛ̀nɛ̀ŋ wèè anyuùŋ gbànaŋ nyàŋ gbiŋ e ɗuunyaàŋ aŋ hnàŋ ko nɛ̀ɛ̀ŋ miìŋ, wo Kanaà Dayà, anyùùŋ nyaŋ fè àŋ Juùù nyaŋ aŋ gbiŋ, e kìlà mìŋ naŋ nyiŋ nyààŋ wèè aŋ nɔ̀ŋ anyunùim e deè mɛ̀ diɛŋ nyàŋ.

Nyɛ̀nɛ̀ŋ 9:14

Wò naàŋ hnàŋ ko Dàmakɔ̀ e yìwìà e gààŋ aŋ kànà sìèfèìŋ zòòlo nyàŋ wèè wo nyààŋ e kìlà wo kùwà wo nyùùŋ gbiŋ wo yèɔ do nàŋ zoolò e deè mɔ̀ɛ̀ diɛŋ wɔ̀.”

Luùm 11:2

Wo Dayà gò fè ànyunùuŋ nyàŋ wò naŋ tàeɗùù e yìwìà kò tɔɔtuì nyaŋ jɛwɛ. Nàŋ jàà jii e kpɛ̀nɛɛ̀ŋ wɔŋ fɛ̀ì Dayàa sùà, ko yèe wo wɛ̀ijìɔ Ìlaajà naŋ wa tɔ̀ɔ̀ e zàwè koɓɛ̀ Dayài, e nyaàiŋ dè anyùùŋ Ezɔ̀ɛ̀ nyaŋ lɛ̀?

Luùm 12:9

Manàŋ aŋ dàwium nyàŋ, e tɔ̀ɔ̀nyaàŋ sùà. Wuàŋ e keì naanààŋ nyɛ̀nɛŋ, dìkià muàŋ bi koɓɛ̀ e keì sìàŋ nyɛ̀nɛŋ.

Luùm 15:20

E ɗèwe mɛ̀ nàŋ yaà e teenga gbiŋ, wèè ka wòò Ebò Siaàŋ koɓɛ̀i yèi anyùùŋ kòò àŋ kòmò wa è kèè Jisɛ̀ Kulaì lɛ. Mìŋ yaà mààŋ wo nyuùŋ nyɛ̀lɛ, wo yèɔ manàŋ wèè wo nyɛ̀lɛ̀ è sààŋ mìì nyùùŋ bà diɛŋ.

Luùm 15:9

yèè wèè e nyɛ̀nɛ̀ŋ anyùùŋ nyaŋ fè àŋ Juùù nyaŋ aŋ tɛ̀nɛ̀ŋ wo Dayà, wèè ke nyowoɛ̀ wò naŋ nyiŋ wa tɔɔ̀ lɛ. Wɔŋ fɛ̀ì Dayàa naŋ woò wààŋ, “Mìŋ doum nàŋ tɛnɛ̀ŋ anyùùŋ nyaŋ fè àŋ Juùù nyaŋ e fèemàŋ. Mìŋ do nàŋ tɛ̀nɛ̀ŋ e deè mɔ̀ɛ̀.”

Luùm 8:28

Wo Dayà tomàŋ wèè e tɛ̀ɛ̀tɛ̀ɛ̀ anyùùŋ nyaŋ mànauŋ nyaŋ. Nyiŋ nàŋ yaà anyùùŋ nyaŋ wo Dayà naŋ nyààŋ wèè aŋ nyɛ̀nɛ̀ŋ e yèɛ wò manaŋ lɛ̀.

Luùm 9:11

Kɛɛ wèè paŋ aŋ jɔ̀àfèlàà tìyèe nyàŋ aŋ nɔ̀ŋ wa kòmaŋ nyiŋ, ɔ̀ɔ̀ wèè paŋ aŋ nyɛ̀nɛ̀ŋ wa e keì sìàŋ ɔ̀ɔ̀ e keì naanààŋ gbiŋ, wo Dayà naŋ wòò wo Lòbɛkà wààŋ, “Wo jɔ̀àfelaa jiɛ̀jiɛ̀ mɔɔ̀ŋ do nàŋ tòòmò wo nanàuŋ nɔɔ̀ŋ dìì.” Wo Dayà naŋ wa tɛɛ̀ woò wèè e tɔɔ̀ kɛ̀ wò naŋ wa ɗewè yèè wò manaŋ wa nɔŋ wo tà wo jɔ̀àfèlàà guùŋ ɗùù. Kɛɛ e fè wa wèè è keì ɗewe bà gbiŋ è yèɛ àŋ naŋ wa nyɛ̀nɛ̀ŋ lɛ.

1 Kɔliìŋ 1:2

naŋ yaà sìngìè wɔŋ fɛi wɛɛ̀ŋ koɓɛ̀ ke gbòò anyuùŋ hààwe nyàŋ yaà ko Kɔliìŋ yɛ. Nyɛ̀iŋ nyàŋ gbiŋ wo Dayà naŋ nyààŋ wèè naŋ nɔ̀ŋ anyùùŋ nɛ̀ɛ̀màŋ Dayà nyaŋ, aŋ yè nyaŋ yaà aŋ bà nyiŋ bà Jisɛ̀ɛ Kulaì sùà nyaŋ, e kpùlìà anyuùŋ gbànaŋ nyàŋ koɓɛ̀ gbiŋ àŋ naŋ nɔ̀ŋ, aŋ yè nyaŋ humo wo Kana wiɔ̀ Jisɛ̀ Kulaì nyaŋ, wo Kànà yàwi nààŋ gbiɔ̀ŋ.

1 Kɔliìŋ 8:3

Kɛɛ wo nyùnɔ̀ɔŋ manaŋ Dayà wɔ, wo Dayà wòuŋ nyìmàŋ.

2 Kɔliìŋ 7:1

Nyɛ̀iŋ nààŋ wùìya wi nyàŋ, wo Dayà ɓèmè maŋ ɗààhiì mɛɛ̀ŋ gbiŋ ko nɛ̀ɛ̀ŋ wiì, e wèètii, gùà wiìŋ yàwi bi sengei e gèiŋ maŋ tɔ̀mɛ màŋ gbiŋ yaà maŋ keìŋ wi màŋ sùà yèè aŋ jinàŋ wi nyàŋ sùà lɛ, e nɔ̀iŋ e nɛɛmaŋ sùà kpɛlɛmɛɛŋ esàɓù e jùùɛ yaà wì kɔɔ wèè Dayà lɛ.

Gàla 4:9

Kɛɛ nààŋ nìŋ naŋ naàŋ nyìmàŋ wo Dayà, ɔ̀ɔ̀ miŋ woò mìàŋ, wo Dayà woiŋ nyìmàŋ, diè nìŋ naŋ ɓɛìŋ ɓɛ̀nɛ̀ŋ kɛ̀ɛ̀ maŋjɛ̀wɛ koɓɛ̀ aŋ jìnàŋ e zɔ̀kpɔ̀ yèè e gààŋ nyowo nyiŋ nɛ̀? Wèè kiŋ nìŋ manaŋ ɓɛìŋ naŋ nɔ̀ŋ aŋ ɗo e weè nyiŋ?

Ɛfesɔ̀ 2:20

Nyɛ̀iŋ pɛɛ, nìŋ yaà aŋ bàiŋbà wèè ke saaàŋ, aŋ keela tàeɗùù nyaŋ yaà aŋ wɛ̀ijì nyaŋ naŋ wa tɔ̀ɔ̀tù nyɛ̀lɛ yɛ̀, yèè ke kpɛnɛɛ̀ wèè ke saaàŋ nàŋ yaà wo Jisɛ̀ Kulaì wuŋ bibì.

Ɛfesɔ̀ 3:15

wo yèɔ naŋ jàà maŋ kpoo màŋ gbiŋ maŋ dèè ko àìjɛnɛ̀ŋ yaà e dììɛ diɛŋ wɔ̀.

Ɛfesɔ̀ 4:30

Yèè ɓɔ̀ mùŋ nyɛ̀nɛ̀ŋ wò Jìnàŋ Nɛ̀ɛ̀màŋ Dayàa kè nyowo douŋ nyɛ̀nɛ̀ŋ, esaɓù kɛ̀ wo Jìnàŋ Nɛɛmaŋ nàŋ yaà e feeɛ̀ yààùm kɔɔ sùà, e yèɛ naŋ tɔɔ̀ kɛ̀ wo Dayà nàŋ kànàùm lɛ. Wuŋ nàŋ yaà ke jii tùliaà kɛ̀ ke ɗɔɔ bà do wa nàwèè nàŋ hnè, wo Dayà woum joeyè wèè foo yèè wo fòum kùwìà màŋ jùumùum màŋ bà gbiŋ.

1Time 3:15

Kɛɛ sèè mìŋ go zùmò hnàaŋ, wɔŋ fɛi wɛɛ̀ŋ doiŋ nàŋ nyɛ̀nɛ̀ŋ naŋ nyìmàŋ e ɗeweɛ̀ nìŋ naŋ ɓɛ̀nɛ̀ŋ tòòmò koɓɛ̀ guùŋ ke gbòò Dayàa sùà lɛ. Ke gbòò Dayàa zà nàŋ yaà anyuùŋ hààwe nyaŋ wèè wo Dayà nyiiŋ gèeɔ̀, kiiŋ nàŋ yaà e kpɛnɛɛ̀, yèè e kpùùmaàŋ wèè e tɔ̀ɔ̀nyaàaŋ.

1Time 6:19

Sèè àŋ nyɛnɛŋ maŋ keì sìàŋ mààŋ mɛɛ̀ŋ, àŋ do nàŋ kɛ̀ɛ̀nɛ̀ŋ e sùlò e yèɛ do nàŋ nɔ̀ŋ e kpèe nyìngàà sùà wèè ko dòmàŋfeìŋ nyiŋ niìŋ. E kìlà àŋ do nàŋ ɓɛ̀nɛ̀ŋ yɛ̀mɛ̀ wɔŋ nyiiŋ gèe wɔŋ yèɔ yaà nyììŋ gè tɔ̀ɔ̀nyaàaŋ wɔŋ.

Hiɓu 11:10

Wo Eɓulɔhɛɛ̀ŋ yaà wa fùlìè e jawa gbeeɛ̀ wo Dayà naŋ wa ɗèwè kii niŋ yèè wò naŋ nyɛ̀lɛ̀ lɛ, e jawa kùwìè ko tɔɔtu nyìngàà sùà.

2Pììlɛ 3:14

E wèètii nyɛ̀iŋ nààŋ wùìyaim nyàŋ, nààŋ nìŋ yaà fùlìè ke ɗɔɔ bi, nyɛ̀nɛìŋ e yèɛ gbiŋ nìŋ naŋ ɓɛnɛ̀ŋ lɛ wèè niŋ zɛ̀nɛ̀ŋ, yèè e tɔ̀mɛ ɓɔ̀ è nɔ̀iŋ fɛ̀ɛ̀fèìŋ Dayà, e kìlà naŋ nɔ̀ŋ jii fàa sùà koɓɛ̀ Dayài.

1Jɔ̀ɔŋ 2:19

Anyùùŋ nyɛɛ̀ŋ naŋ fòlò ke gbòò Dayà zòòlo wiɛ̀ sùà, kɛɛ tɔɔɓaa aŋ fè wa àŋ bàwibà. Yèè esaɓùɛ lii àŋ naŋ wi wa kɛ̀ɛ̀ maŋjɛ̀wɛ. Kɛɛ sèè aŋ wa weè nɔ̀ŋ aŋ bàwibà ke gbòò zòòloɛ̀ sùà, àŋ he wi wa weè nàŋ jèè maŋjɛ̀wɛ. Kɛɛ àŋ naŋ wi wa dangè, tii naŋ wa tɔɔ̀ janjai kɛ̀ aŋ fè àŋ bàwibà.

Maŋ kèì nyɛɛnɛŋ 17:8

Wo yilì kùùno wii yaà wa wɔŋ nyiiŋ gèeɔ̀ sùà e tèèngà guùŋ bà, kɛɛ wo fè ɓɛìŋ. È joo tòloò wèè wo fòlà ko golo zutùùiŋ e dììɛ dìì wèè auŋ pɔɔpɔ̀ɔ̀. Anyùùŋ nyaŋ gbiŋ yaà e ɗuunyaàŋ aŋ yè nyaŋ kòò àŋ sìngè maŋ deè nyiŋ màŋ wɔ̀ŋ fɛ̀ì ànyuùŋ gè nyiiŋ nyàŋ sùà paŋgàà wo Dayà naŋ wa bànè e ɗuunyaàŋ nyaŋ, è do nyiŋ nàŋ foonò sèè àŋ yɛmɛ̀ wa nàwèè wo yilì kùùnoɔ̀. Wo yàà wa wɔŋ nyiiŋ gèeɔ̀ sùà e tèèngà guùŋ. Sààmɛ tiŋ, wo fè ɓɛìŋ wɔ̀ŋ nyiiŋ gèeɔ̀ sùà, kɛɛ wò do ɓɛìŋ nàŋ fòlò ke fòolà.”

Maŋ kèì nyɛɛnɛŋ 2:13

Kà nyìmàŋ kɛ̀ koɓɛ̀i mùŋ joà lɛ, kuŋ wo Sɛ̀tanàŋ kuwa ke kpùà kanauŋ nɛɛ̀ŋ. Mùŋ yaà e tɔ̀ɔ̀nyaàŋ sùà ko nɛ̀ɛ̀ŋ miìŋ, e kìlà muŋ gò gììyà è hààwe mɔ̀ɛ̀ màŋhɛɛ e deè mɛ̀ sùà, e yìwìà e teengaà pɛɛ àŋ naŋ wa jìwè wo Aŋtipà, wo sèì tɔ̀ɔ̀nyaàŋ miɔ̀ŋ, koɓɛ̀i wo Sɛ̀tanàŋ joà lɛ.

Maŋ kèì nyɛɛnɛŋ 21:14

Àŋ naŋ wa nyìlìè wɔŋ gɔ̀ɔ̀ŋ jawa gbeeɛ̀ e kpèè le dùò zììyà jɛ̀wɛ̀ tìyèe diɛŋ. Maŋ kpɛnɛ bi diɛŋ àŋ naŋ wa sìngìè maŋ dèè aŋ keela tàeɗùù zììyà jɛ̀wɛ̀ tìyèè Ɓaawaaà.

Maŋ kèì nyɛɛnɛŋ 22:4

Àŋ douŋ nàŋ yɛ̀mɛ̀ wɔŋ dewà, e kìlà e dèè Dayàa do nàŋ nɔ̀ŋ sìnga niŋ maŋ ɗìfeìŋ nyiŋ màŋ.

Maŋ kèì nyɛɛnɛŋ 3:8

Kà nyìmàŋ e nɛ̀ɛŋ gbiŋ nìŋ nyɛnɛŋ lɛ̀. Kà nyìmàŋ kɛ̀ nìŋ kuwa e gaàŋ jɔ̀à. Nàŋ jɔ̀ɔ̀lɔ̀ ke mìè gbòa miɛ̀ŋ dìì e kìlà nìŋ kùwàìm e hààwe sùà. Kà yìlè wɔŋ gbemgbee ko fenìiŋ, wɔŋ yèɔ wo nyùùŋ gbiŋ fè ɓɛ̀nɛ̀ŋ yìla wɔ̀ŋ.