2Time 2:18 - WƆŊ FƐ̀Ì EBÒ SÌÀŊ DAYÀA

¹⁸ Àŋ naŋ yèwè ke dòmàŋ tɔ̀ɔ̀nyaàaŋ diɛŋ, yèè àŋ yaà gɔ̀àà gɔ̀àà sùà maŋ hààwè anyuùŋ hààwe nyàŋ bà miŋ sùà, esaɓù kɛ̀ àŋ yaà wa woo nyààŋ wo Dayà ngèè naàŋ gè anyuùŋ fàa nyàŋ dìì.

2Time 2:18 ပူးပေါင်းရင်းမြစ်များ

Maafiù 15:13

Wo Jisɛ̀ naŋ nyiŋ fasàì yèè wò naŋ woò wààŋ, “Ke kùù gbiŋ ke yèɛ wo Dèda miɔ̀ŋ ko àìjɛnɛ̀ŋ wo gò nyùàŋ yɛ, kè do nàŋ nɔ̀ŋ fìa nyiŋ.

Maafiù 22:29

Wo Jisɛ̀ naŋ nyiŋ fasàì wààŋ, “Diè nìŋ naŋ yɛi ɓà ke dòmàŋ tɔ̀ɔ̀nyaàŋ le! Esaɓùɛ nàŋ yaà kɛ̀ niŋ nyimààŋ è sìngaà wɔŋ fɛ̀ì Dayàa sùà ɔ̀ɔ̀ e gààŋ Dayàa.

Luù 8:13

Manɛ̀ŋ koei màŋ naŋ sɔ̀ɔ̀ e dìì le dùò lɛ sùà maŋ, nàŋ yaà anyùùŋ nyaŋ komo ke mìè gbìàŋ Dayàa, aŋ nyiŋ jàà kùàŋ dìì e zɔlɔ̀ sùà. Kɛɛ ke miè gbìaàŋ fè gè lè gùlò màŋ jii nyiŋ màŋ sùà, yèè àŋ kɛɛnɛ̀ŋ nɔŋ e hààwe wèè e teenga kpuu. Sèè e wàà e keì nyìnga jɔa è hnàŋ nyiìŋ nɔŋ ko feìŋ, àŋ kɛ̀ɛ̀ maŋjɛ̀wɛ.

Nyɛ̀nɛ̀ŋ 5:39

Kɛɛ sèè mààŋ zà wo Dayà naŋ nyiŋ kìɛ̀ŋ è gààaŋ e kìlà wuŋ àŋ naŋ tùlìè jii, niŋ naàŋ nyiìŋ ɓɛ̀nɛ̀ŋ kèèwè kùàŋ feìŋ. Sèè nìŋ nyɛnɛŋ yɛi, nìŋ do nàŋ yɛmɛ̀ kɛ̀ nìŋ yaà sùmiaŋ sùà wo Dayà.” Anyùùŋ gbèègbèè fuɔɔ̀ŋ naŋ jàà e gò Gàmaliàa kùàŋ dìì.

1 Kɔliìŋ 11:19

E keì dììyè nyùùŋ jii gbiŋ fòo, e fèemàŋ gòòno kòò è yààìŋ wɛ̀i naàŋ e tɛɛ, wèè aŋ yɛmɛ̀ aŋ yè nyaŋ yaà e tɔ̀ɔ̀nyaàaŋ sùà àŋ naŋ jàà kùàŋ dìì nyaŋ janjai.

1 Kɔliìŋ 15:12

Nààŋ ke miè gbìaŋ wiɛ̀ naŋ woò kɛ̀ wo Dayà naŋ gè wo Jisɛ̀ Kulaì e fàa dìì, dièsɔa nyɛ̀iŋ nààŋ bà nyiŋ nìŋ woà nààŋ anyuùŋ fàa nyàŋ naàŋ fòlò è fàa dìì?

Kòlo 3:1

Wo Dayà naiŋ wa gè e fàaà dìì nyɛ̀iŋ wo Jisɛ̀ Kulaì koɓɛ̀ guùŋ, weètii jàaìŋ maŋ jiiŋ màŋ koɓɛ̀ manɛ̀ŋ maŋ yaà ko àìjɛnɛ̀ŋ maŋ, ko yèi wo Jisɛ̀ Kulaì jaa ke kpùà kanauŋ nɛɛ̀ŋ diɛŋ wɔŋ kùàŋ jìkà Dayàa lɛ̀.

1Time 1:19

yèè jèèe e hààwe mɔ̀ɛ̀ sùà e kìlà muŋ kɛɛnɛ̀ŋ e gòngò siaŋ. Ànyùùŋ nyaŋ bà nyiŋ kòò àŋ kùmìè e gòngo siaŋ nyiŋ nɛ̀ yèè àŋ nyɛ̀nɛ̀ŋ maŋ hààwe nyiŋ màŋ pɔɔpɔ̀ɔ̀.

1Time 6:10

E gùlòɛ wèè keì naanààŋ gɛ̀wɛɛ̀ zimgbe nàŋ yaà e wùànàŋ nɛɛnɛŋ keekèè. Anyùùŋ nyaŋ bà nyiŋ fɔɔnɔ̀ŋ e wùànàŋ nɛɛnɛŋ aŋ kɛ̀ɛ̀ e hààweɛ̀ maŋjɛ̀wɛ, yèè àŋ fè nyiŋ bi maŋ jii mɔ̀ɔ̀nɛ̀ŋ zimgbe.

1Time 6:21

Anyùùŋ nyaŋ bà nyiŋ woà nyààŋ àŋ kuwa jiikɛ̀ɛ yɛ̀, yèè e jìwààjɛ̀wɛ̀ɛ naŋ nɔ̀ŋ kɛ̀ àŋ naŋ fè e hààwe nyiŋ nɛ̀ jɛwɛ. Tɔ̀ wo Dayà kiɛ̀ŋ nyɛ̀iŋ gbiŋ e tɛ̀ɛ̀tɛ̀ɛ̀.

2Time 2:14

Dè maŋ jìì anyunùum nyàŋ koɓɛ̀ e keì wòo lɛɛ̀, yèè muŋ kiɛ̀ŋ nyiŋ e gòo nyìngàà sùà ko fɛ̀ɛ̀fèìŋ Dayài, wèè ɓɔ̀ àŋ sumiàŋ màŋ mìè gbòa. E nàfa bà gbiŋ fè miìŋ sùà, sɔɔ̀ nɔŋ maŋ pɔ̀ɔ̀pɔ̀ɔ̀ anyùùŋ nyaŋ kumiàŋ miìŋ nyaŋ.

Taitɔ̀ 1:11

Kɛɛ hàà nyiŋ nàà sìwè kɛ̀ ɓɔ̀ àŋ nyɛ̀nɛ̀ŋ niŋ. E nɛɛnɛŋ àŋ yaà maŋjɛ̀wɛ, e nɛ̀ɛŋ àŋ yaà kàa sùà lɛ, e fè tɔ̀ɔ̀nyaàŋ wèè aŋ niŋ kaà. Yèè esàɓù e kàa bi sùà àŋ yaà kìla sùà maŋ jìì maŋ kpoo zimgbe.

Hiɓu 3:10

Wo Dayà naŋ wa tùù anyùùŋ nyiiŋ sìwè yèè wò naŋ woò wààŋ, ‘Anyùùŋ nyɛɛ̀ŋ kòò àŋ tɔ̀ɔ̀ è ɓɛ̀ɛ̀jàa gbiŋ kò nɛ̀ɛ̀ŋ miìŋ màŋ jii nyiŋ màŋ sùà, e kìlà àŋ gè maŋhɛɛ maŋ nyiiŋ gèe nyiŋ màŋ sùà wèè aŋ nyɛ̀nɛ̀ŋ e yèɛ mìŋ manaŋ lɛ̀.’

Jìiiŋ 5:19

Nyɛ̀iŋ nààŋ wùìyaim nyàŋ, sèè wo nyùùŋ gbiŋ naiŋ nɔ̀ŋ e tɛɛ wò naŋ kɛ̀ɛ̀ e tɔ̀ɔ̀nyaàaŋ maŋjɛ̀wɛ yèè wo nyùùŋ bà wouŋ niŋ ɓɛìŋ kɛ̀lɛ̀ɛ̀ sùà,

1Jɔ̀ɔŋ 2:19

Anyùùŋ nyɛɛ̀ŋ naŋ fòlò ke gbòò Dayà zòòlo wiɛ̀ sùà, kɛɛ tɔɔɓaa aŋ fè wa àŋ bàwibà. Yèè esaɓùɛ lii àŋ naŋ wi wa kɛ̀ɛ̀ maŋjɛ̀wɛ. Kɛɛ sèè aŋ wa weè nɔ̀ŋ aŋ bàwibà ke gbòò zòòloɛ̀ sùà, àŋ he wi wa weè nàŋ jèè maŋjɛ̀wɛ. Kɛɛ àŋ naŋ wi wa dangè, tii naŋ wa tɔɔ̀ janjai kɛ̀ aŋ fè àŋ bàwibà.