2Time 2:15 - WƆŊ FƐ̀Ì EBÒ SÌÀŊ DAYÀA

¹⁵ Nyɛnɛ̀ŋ e tɛ̀ɛ̀tɛ̀ɛ̀ɛ gbiŋ mùŋ naŋ ɓɛ̀nɛ̀ŋ nyɛ̀nɛŋ lɛ̀ wèè wo Dayà jààum kùàŋ dìì, mààŋ wo nyuùŋ tòmoɔ̀ e sàngè fè wèè è tòmouŋ nɛ̀ wɔ, wo yèɔ kaà ke mìè gbìàŋ Dayàa e tɔ̀ɔ̀nyaàŋ sùà wɔ̀.

2Time 2:15 ပူးပေါင်းရင်းမြစ်များ

Maafiù 13:52

Kpeiŋ wo Jisɛ̀ naŋ nyiŋ woò wààŋ, “Tɛɛ̀ naŋ tɔɔ̀ kɛ̀, wo kààmɔ̀ɔ̀ŋ maŋ Sàwà Dayàa bà gbiŋ wo yèɔ kile wo nɔ̀ŋ wo nyùùŋ màŋjɛ̀wɛ̀im wɔ̀ e Kànà àìjɛnɛ̀ɛŋ sùà wò yaà mààŋ wo kɛ̀ɛ̀nɛ̀ŋ ko gboo wo yèɔ fulià manɛ̀ŋ jɛi yèè manɛ̀ŋ gɔu e yìwìà ko saaŋ bàànè manɛ̀ŋ hàauŋ niìŋ.”

Luù 12:42

Wo Kanaà naŋ fasàì wààŋ, “Ɓòò ngèè nàŋ yaà wo ɓɔ̀ìjɔ̀à tɔ̀ɔ̀nyaàaŋ wo yèɔ kuwa e jiikɛ̀ɛ wɔ̀? Wuŋ nàŋ yaà wo yèɔ wo kààmɔɔŋ nyiŋ nɔɔ̀ŋ do nàŋ sèèlè aŋ ɓɔìjɔ̀à gbànaŋ nyàŋ feìŋ wèè wo kiɛ̀ŋ e nɛ̀ŋje nyiŋ nɛ̀ e teengaà diɛŋ.

Nyɛ̀nɛ̀ŋ 2:22

Wo Pììlɛ naŋ ɓɛìŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, kùmiaìŋ e yèɛ mìŋ yaà hinie kaiŋ woò lɛ! Wo Jisɛ̀ e yìwìà ko Naazɔ̀ɛ̀ yaà wa wo felaa wo yèɔ wo Dayà naiŋ wa tɔɔ̀ kɛ̀ wuŋ nauŋ tùɔ̀ŋ, e yìwìà maŋ kèè mèè gbeegbèè yaà maŋ tɔ̀ɔ̀màŋsìè maŋ keì maŋ wo Dayà wuŋ bi naŋ wa nyɛ̀nɛ̀ŋ màŋ naŋ kaaìŋ maŋ esàɓù wo Kanaà Jisɛ̀ sùà. Nyɛ̀iŋ bi nàŋ tɛɛ̀ nyìmàŋ, esaɓù kɛ̀ è naiŋ wa kià kàìŋ ko fɛɛ̀fenìiŋ.

Nyɛ̀nɛ̀ŋ 20:27

Kàiŋ wòò e yèɛ gbiŋ wo Dayà manaŋ wèè naŋ nyìmàŋ lɛ.

Luùm 14:18

Sèè mùŋ nɔ̀ŋ wo ɓɔìjɔ̀à wèè wo Jisɛ̀ Kulaì e ɗewe lɛɛ̀ sùà, wo Dayà do nàŋ kɛ̀ɛ̀nɛ̀ŋ ke jii fàa weèum, yèè anyuùŋ zimgbe doum nàŋ jàà kùàŋ dìì.

Luùm 16:10

Mìŋ zuumàŋ wo Àpɛlè, wo yèɔ naŋ jàà kùàŋ dìì janjai kɛ̀ wò kuwa e hààwe wo Jisɛ̀ Kulaì sùà wɔ. Mìŋ zuumàŋ anyùùŋ nyaŋ ke kpòò Àlèsoɓulɔ̀ɛ sùà.

Luùm 6:13

Ɓɔ̀ nìŋ nyimèè wèè màŋ nɛ̀ɛ̀ŋ kɔ̀ɔ̀ màŋ kpùnaiŋ màŋ bà màŋ do nyɛ̀nɛ̀ŋ jùumù. Kɛɛ deìŋ ke dòmàŋ Dayàa diɛŋ, esaɓù kɛ̀ nìŋ yaà wa mààŋ anyùùŋ naŋ fɔ̀, kɛɛ wo Dayà wòiŋ kìɛ̀ŋ wɔŋ nyiiŋ gèe. Kìɛìŋ maŋ kpùnaiŋ màŋ ko nɛ̀ɛ̀uŋ niìŋ wèè wo toomò miŋ e tɔ̀ɔ̀nyaàŋ sùà.

1 Kɔliìŋ 2:6

Yɛi nɔŋ è yaà mìŋ woà ke mìè gbìàŋ jiikɛ̀ɛ koɓɛ̀ anyùùŋ nyaŋ naŋ kamàìŋ wo Jinàaŋ sùà nyaŋ. Kɛɛ e fè è jììkɛ̀ɛ̀ ɗuunyaŋ lɛɛ̀ ɔ̀ɔ̀ anyùùŋ gbèègbèè maŋ gààŋ maŋ yaà e ɗuunyaàŋ lɛɛ̀ diɛŋ lɛ̀, aŋ yè nyaŋ do nàŋ zùmò fàa nyàŋ.

2 Kɔliìŋ 10:18

Wo nyùnɔ̀ɔŋ tɛnɛ̀ŋ wuŋ bi wɔ̀ wuŋ nààŋ wo Kanaà fè jàà kùàŋ dìì, sɔɔ̀ wo yèɔ wuŋ Kanaà tɛnɛ̀ŋ wɔ.

2 Kɔliìŋ 3:6

Wuŋ naŋ nyɛ̀nɛ̀ŋ è naiŋ ɓɛnɛ̀ŋ wèè eiŋ nɔ̀ŋ aŋ ɓɔìjɔ̀à tòmo wèè e mìèsùàguùŋ jɛ̀ìɛ, e yèɛ e fè kè sàwà sìnga, è yaà wèè Jinàaŋ. Ke sàwà sìngaà hiàŋ e fàa, kɛɛ wo Jinàaŋ kiɛ̀ŋ wɔŋ nyiiŋ.

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

2 Kɔliìŋ 5:9

Eɓìèmàŋjɛ̀wɛ̀ nɛ̀ŋ maŋ gbiŋ, è manaŋ wèè eiŋ nyɛ̀nɛ̀ŋ ke jiiuŋ nɛɛ̀ŋ ke fà lɛ. E pɛɛ nɔ̀ŋ maŋ gboo wi màŋ sùà ɔ̀ɔ̀ ko gbooì wò yaà lɛ.

Gàla 1:10

Mùŋ gongà mààŋ mìŋ yaà kààmè e ɗewe wèè ka kìɛ̀ŋ anyùùŋ maŋ jii fàa? Tɔɔɓaa kpele! E yèɛ wo Dayà naŋ mɔ̀nɔ̀ŋ yèè wò naŋ jàà kùàŋ dìì lɛ tiŋ mìŋ manaŋ! Ɓàà mìŋ yaà kààmè e ɗewe wèè anyùùŋ aim nyìmàŋ? Sèè ka weè nɔ̀ŋ kààmè ɗewe wèè ka yɛi nyɛ̀nɛ̀ŋ, miŋ fè weè ɓɛ̀nɛ̀ŋ nɔ̀ŋ wo ɓɔìjɔ̀à wèè wo Jisɛ̀ Kulaì.

Ɛfesɔ̀ 1:13

Nyɛ̀iŋ pɛɛ nìŋ naŋ nɔ̀ŋ anyùùŋ Dayà nààŋ nìŋ naŋ kòmò ke miè gbìàŋ tɔ̀ɔ̀nyaàaŋ, e nyaàiŋ dè Ebò Siaàŋ doiŋ nàŋ joeyè lɛ. Nìŋ naŋ hààwè Jisɛ̀ Kulaì sùà, yèè wo Dayà naiŋ sìè e fee wèè e tɔɔ̀ kɛ̀ wuŋ nàŋ kànàìŋ. E fee bi nàŋ yaà wo Jìnàŋ Nɛɛmaàŋ wò naŋ wa ɓèmè e ɗààhiì wèè wo wi kiɛ̀ŋ wɔ.

1Tɛsè 2:4

Kɛɛ è gboo e ɗeweɛ̀ wo Dayà wuŋ manaŋ wèè eiŋ gbòà lɛ, esaɓù kɛ̀ wò wi tùàŋ maŋ nɔnɔŋ, wò wi haawè wèè Ebò Siaàŋ ɓààye. E fèìŋ fɛ̀ɛ sùà wèè eiŋ nyɛ̀nɛ̀ŋ wo nyuùŋkpùuŋ kè jiiuŋ nɛɛ̀ŋ ke fà, è fɛ̀ɛ̀ìŋ wèè eiŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà, wuŋ nàŋ tùɔ̀ŋ maŋ jii wi màŋ maŋ nɔnɔŋ.

1Tɛsè 5:14

È yààìŋ pɔ̀wɔ sùà, wùìya wi nyàŋ, wèè naŋ fè anyuùŋ gànga wèè tòmo nyàŋ maŋ mìè gòo, niŋ sìà aŋ yè nyaŋ e jùù naŋ bìè nyɛ̀nɛŋ nyàŋ ke di, kpùùmaìŋ anyuùŋ nyaŋ manaŋ e kpùùmaŋ nyàŋ, kùwaìŋ jii wèè nyùùŋ gbiŋ.

1Time 4:6

Sèè maŋ kàà maŋ keì wòo mɛɛ̀ŋ koɓɛ̀ anyuùŋ hààwe nyàŋ, mùŋ do nàŋ nɔ̀ŋ wo ɓɔìjɔ̀à tòmo siaŋ wèè wo Jisɛ̀ Kulaì, mùŋ do naŋ dììyè muàŋ bi e nɛɛmaŋ e yìwìà ke mìè hààweɛ̀ yèè e kàà tɔ̀ɔ̀nyaàaŋ e yèɛ mùŋ naŋ dè maŋjɛ̀wɛ lɛ̀.

Hiɓu 4:11

Weètii nyɛ̀nɛ̀ŋ wiìŋ e tɛ̀ɛ̀tɛ̀ɛ̀ɛ gbiŋ è naiŋ ɓɛ̀nɛ̀ŋ nyɛ̀nɛŋ wèè e yɛmɛ̀iŋ e nyiiŋ gèe lii, wèè kɛ̀ yàwi nààŋ bà guùŋ gbiŋ gòiŋ niŋ nàŋ sòò yɛ̀mɛ, màànààŋ àŋ naŋ wa nyɛ̀nɛ̀ŋ esàɓù e hààwe gò kɛ̀ɛ̀nɛ̀ŋ nyiŋ nɛ̀.

Jìiiŋ 1:12

E zɔlɔ̀ yaà anyùùŋ nyaŋ jeeyà tɔ̀ɔ̀nyaàŋ sùà aŋ kɔ̀ɛ̀ e wàà e keì nyìnga dìì aŋ fè sɔ̀à nyaŋ. Sèè àŋ kɔɛ̀ e wàa bi dìì àŋ maaŋ, wo Dayà do nyiŋ nàŋ jàà kùàŋ dìì aŋ yɛ̀mɛ̀ e pààwà ke ɓɔ̀ɗì wɔŋ nyiiŋ gèe gò jùàa wò naŋ wa ɓèmè e ɗààhiì wèè wo fè anyùùŋ nyaŋ mànaùŋ nyaŋ.

Jìiiŋ 1:18

Wo Dayà wuŋ bi naŋ ɗewè wèè wo wi nyɛ̀nɛ̀ŋ eiŋ nɔ̀ŋ aŋ jɔ̀àuŋ e yìwìà ke mìè gbìàŋ tɔ̀ɔ̀nyaàuŋ nɛɛ̀ŋ sùà. Wò naŋ tɛɛ̀ nyɛ̀nɛ̀ŋ wèè kɛ̀ e nɔ̀iŋ e nɛ̀ŋ kɛnɛ jiɛ̀jiɛ̀ɛ manɛ̀ŋ bàneuŋ màŋ tɛɛ.

2Pììlɛ 1:10

E wèètii nyɛ̀iŋ nààŋ wùìyaim nyàŋ, fɛ̀ɛìŋ niŋ ɓemè e nyàànè Dayàa wò naiŋ nyààŋ yèè wò naiŋ tàeɗùù wèè naŋ nɔ̀ŋ e kèì jiiuŋ nɛ̀, e keì e yèɛ fèiŋ yèwà jii lɛ̀. Sèè nìŋ nɔ̀ŋ yɛi nyinie, niŋ naàŋ duonò wèè naŋ gììyà è hààweiŋ nɛ̀ kɛ̀ɛ.

2Pììlɛ 1:15

Mìŋ do nàŋ nyɛ̀nɛ̀ŋ e yèɛ mìŋ naŋ ɓɛnɛ̀ŋ lɛ, wèè ka nyɛ̀nɛ̀ŋ e ɗewe wèè naŋ jàà maŋ keì mɛɛ̀ŋ jii e teenga gbiŋ sèè mìŋ fà.

2Pììlɛ 3:14

E wèètii nyɛ̀iŋ nààŋ wùìyaim nyàŋ, nààŋ nìŋ yaà fùlìè ke ɗɔɔ bi, nyɛ̀nɛìŋ e yèɛ gbiŋ nìŋ naŋ ɓɛnɛ̀ŋ lɛ wèè niŋ zɛ̀nɛ̀ŋ, yèè e tɔ̀mɛ ɓɔ̀ è nɔ̀iŋ fɛ̀ɛ̀fèìŋ Dayà, e kìlà naŋ nɔ̀ŋ jii fàa sùà koɓɛ̀ Dayài.