2Time 2:14 - WƆŊ FƐ̀Ì EBÒ SÌÀŊ DAYÀA

¹⁴ Dè maŋ jìì anyunùum nyàŋ koɓɛ̀ e keì wòo lɛɛ̀, yèè muŋ kiɛ̀ŋ nyiŋ e gòo nyìngàà sùà ko fɛ̀ɛ̀fèìŋ Dayài, wèè ɓɔ̀ àŋ sumiàŋ màŋ mìè gbòa. E nàfa bà gbiŋ fè miìŋ sùà, sɔɔ̀ nɔŋ maŋ pɔ̀ɔ̀pɔ̀ɔ̀ anyùùŋ nyaŋ kumiàŋ miìŋ nyaŋ.

2Time 2:14 ပူးပေါင်းရင်းမြစ်များ

Maafiù 16:26

Kiìŋ è do nàŋ nàfà wo nyùùŋ sèè wo kɛ̀ɛ̀nɛ̀ŋ e bànè ɗuunyaàŋ gbiŋ, kpeiŋ wo gò wɔŋ nyììŋ jinàuŋ nɔɔ̀ŋ? Muŋ kuwà è nɛ̀ŋ gbiŋ maŋ kiɛ̀ŋ wèè maŋ ɓɛìŋ yɛ̀mɛ̀ wɔ̀ŋ nyiiŋ mɔɔ̀ŋ.

Nyɛ̀nɛ̀ŋ 13:10

yèè wò nauŋ woò wààŋ, “Muàum jɔ̀àfèlàà Dɛwìɔ! Mùŋ yaà wo jooɔ̀ wèè e keì jìlɛŋ gbiŋ. Mùŋ naŋ dìè kàaɓì ɗewe gbiŋ, yèè kòò mùŋ yaà kààmè ɗewe e teenga gbiŋ wèè maŋ kìlà e tɔ̀ɔ̀nyààŋ Kanaà koɓɛ̀ e tòa!

Nyɛ̀nɛ̀ŋ 15:24

È naiŋ kòmò kɛ̀ anyùùŋ bà e yìwìà ke gboò wiɛ̀ sùà naŋ hnè ko nɛ̀ɛ̀iŋ niìŋ yèè àŋ naiŋ wòò e keì bà e yèɛ naiŋ mɔ̀ɔ̀nɛ̀ŋ maŋ jii lɛ̀. Kɛɛ yàwi nààŋ e gò nyiŋ tùàŋ.

Luùm 14:1

Jaà aŋ wùìyaum nyàŋ kùàŋ dìì, aŋ yè nyaŋ e hààwe nyiŋ nɛ̀ gò nyìngàà sùà nyaŋ, kɛɛ nyɛ̀iŋ nyiŋ ɓɔ̀ nìŋ kpaane kpàànè wèè è gòngo joo nyiŋ nɛ̀ àŋ kuwa lɛ̀.

Gàla 1:7

Tɔɔɓaa, ebò siaŋ joo bà gbiŋ fè, kɛɛ mìŋ naŋ tɛɛ woò esaɓù nàŋ yaà kɛ̀ anyùùŋ nyaŋ bà nyiŋ yaà kààmè ɗewe wèè aŋ gɔ̀àgɔ̀à maŋ jiiŋ màŋ sùà yèè aŋ vɔ̀ɔ̀nɔ̀ŋ Ebò Sìàŋ Jisɛ̀ Kulaìɛ.

Ɛfesɔ̀ 4:17

Mìŋ yààìŋ fèe sùà e gòo e dèè Kanaà sùà, wèè naŋ hɔ̀ànè nɔ̀ŋ maŋ nyiiŋ gèeiŋ màŋ sùà mààŋ anyùùŋ nyaŋ fè àŋ Juùù nyaŋ, aŋ yè nyaŋ maŋ gòngo nyiŋ màŋ yaà maŋ foo miŋ lɛ̀.

1Tɛsè 4:1

Nyɛiŋ nààŋ wùìya wi nyàŋ, ko jèè e ɗìi nàŋ yaà kɛ̀ nàŋ wi naàŋ gbèè ko sìwè nàŋ nyìmàŋ kɛ̀ diè nìŋ nɔ̀ŋ wɔŋ nyiiŋ gèeɔ̀ sùà wèè naŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà. Wɔŋ nyiiŋ gèe wiiŋ nɔŋ zà nìŋ yaà sùà. Kɛɛ è yààìŋ pɔ̀wɔ sùà yèè è dawàìŋ e dèè Kanaà Jisɛ̀ɛ diɛŋ wèè naŋ jɔɔlɔ̀ e tii nìàŋ.

2Tɛsè 3:6

Nyɛ̀iŋ nààŋ wùìya wi nyàŋ, è naiŋ naaà e dèè Kana wiɔ̀ Jisɛ̀ Kulaì sùà e wèè ɓɔ̀ nìŋ gbɛ̀ɛ̀ anyuùŋ hààwe nyàŋ gbiŋ àŋ yè nyaŋ yaà wɔ̀ŋ nyiiŋ gèe fà lè kɔɔ sùà, yèè aŋ fè nyɛ̀nɛ̀ŋ mànɛ̀ŋ maŋ è naŋ nyiŋ kiɛ̀ŋ wèè nyɛ̀nɛŋ maŋ.

1Time 1:4

Wòò nyiŋ aŋ hɔanè pɔ̀ɔ̀ e teenga nyiŋ nɛ̀ maŋ kàɓanè gò kùwìè jiikɛ̀ɛ màŋjɛ̀wɛ, e kìlà aŋ dangè maŋ dèè aŋ nèwàènèwe gò kɛ̀ɛ̀nɛ̀ŋ dìa nyiŋ màŋ sìnga, maŋ yè maŋ hiàŋ e nyaàŋ kpàànè kpaane anyùùŋ e fèemàŋ. Maŋ fè tòòmò è ɗèwè Dayàa, è yèɛ nyaàiŋ naŋ dè è hààwe lɛ̀.

1Time 1:6

Anyùùŋ nyaŋ bà nyiŋ àŋ fè maŋ keì kɛnɛ mɛ̀ɛ̀ŋ jɛwɛ, yèè aŋ bà nyiŋ àŋ dè e keì kpàna maŋjɛ̀wɛ wèè foo.

1Time 4:8

Sèè è gɔɔyɛ̀ìŋ maŋ kpùnaŋ màŋ e tòmò nyìnga sùà, è kuwa e kpùùmaŋ bà, kɛɛ sèè eiŋ tomo nyìnga wo Jìnàŋ Nɛɛmaàŋ sùà, è kuwa e kpùùmaŋ maŋ fàà maŋ gbiŋ, esaɓù kɛ̀ è yaà e ɗààhiì wèè wɔŋ nyiiŋ gèe wɛɛ̀ŋ, yèè wɔŋ nyiiŋ gèeɔ̀ ko dòmàŋfeìŋ.

1Time 5:21

Ko fɛ̀ɛ̀fèìŋ Dayài yèè wo Jisɛ̀ Kulaì yaà aŋ màìkà nɛɛmaŋ tàeɗùù nyaŋ, mìŋ yààìŋ dàwe sùà wèè naŋ jɔ̀ɔ̀lɔ̀ maŋ keì wòo mɛɛ̀ŋ dìì e yèɛ fè hìàŋ è nyànge wèè è nɛ̀ɛ̀ŋ mùŋ naŋ nyɛ̀nɛ̀ŋ lɛ.

1Time 6:13

Ko fɛ̀ɛ̀fèìŋ Dayài, wo yèɔ kiɛ̀ŋ wɔŋ nyiiŋ gèe koɓɛ̀ manɛ̀ŋ maŋ gbiŋ wɔ̀, yèè ko fɛ̀ɛ̀fèìŋ Jisɛ̀ Kulaì, wo yeɔ̀ naŋ fè ke mìè seì janjai ko fɛ̀ɛ̀fèìŋ Pɔuŋtiɔ̀ Paalèi e nyààìŋ dè e hààweuŋ nɛ̀ wɔ, mìŋ yààùm wòò sùà

2Time 1:6

Wèè esaɓù lɛɛ̀, mìŋ yaào dè sùà ke jii mɔɛ̀ŋ, wèè maŋ tòòmò e kìɛɛ̀ŋ wo Dayà naum kiɛ̀ŋ nààŋ mìŋ naum wa gbùwò wɔŋ kùàŋ zòòlo miɔ̀ŋ diɛŋ lɛ̀.

2Time 2:16

Gè kùàŋ maŋ mìè gbòà ɓɛ̀ɛ̀pɔ̀ɔ, yèè maŋ dì ɓùlà ɓàaɓàa sùà, maŋ yè maŋ nyɛnɛŋ anyùùŋ fè gbɛ̀ɛ̀ Dayà lɛ.

2Time 2:23

Kɛɛ gè kùàŋ maŋhɛɛ gèe zùwo gò kùwìè jiikɛ̀ɛ maŋ kùàŋ sùà. Màŋ nyìmàŋ kɛ̀ ko jèè ɗì miŋ niìŋ è yaà e nyaàŋ tàaŋ.

2Time 4:1

Ko fɛ̀ɛ̀fèìŋ Dayài yaà wo Jisɛ̀ Kulaì, wo yèɔ do naŋ gbàì anyùùŋ nyaŋ yaà wɔŋ nyiiŋ gèeɔ̀ sùà yèè aŋ yè nyaŋ naŋ fɔ̀ nyaŋ, yèè nààŋ wò yaà hinie e kanauŋ nɛ̀ sùà mààŋ wo Kana lɛ̀, mìŋ yààùm woo,

Taitɔ̀ 3:1

Kùnoò dìkà maŋ jìì anyuùŋ ko Kuliì nyaŋ koɓɛ̀ maŋ keì mɛɛ̀ŋ, aŋ kòmàŋ anyuùŋ gbeegbèè nyiŋ nyàŋ mìè yèè aŋ jɔɔlɔ̀ nyiŋ dìì, yèè aŋ nɔ̀ŋ e bànèbane nyiŋ wèè aŋ nyɛ̀nɛ̀ŋ tɛ̀ɛ̀ dòmaŋ nyaaŋ ɗewe gbiŋ sùà.

Hiɓu 13:9

Ɓɔ̀ nìŋ nyimèè wèè ànyuùŋ joo àŋ doiŋ kàà màŋ keì joo, maŋ yè maŋ yà è gbà èɓìèmàŋjɛ̀wɛ̀ Èbò Siaàŋ. È yaà tɛ̀ɛ̀ wèè wo Dayà woiŋ kìɛ̀ŋ e gààŋ maŋ jiiŋ màŋ sùà e yìwìà e tɛ̀ɛ̀tɛ̀ɛ̀uŋ nɛ̀ sùà, kɛɛ e fè wèè naŋ nɔ̀ŋ kùwìè maŋ gbàŋ manɛ̀ŋ je. Yèè ngèè, manɛ̀ŋ je mɛɛ̀ŋ fè kai kpùùmàŋ ànyùùŋ nyaŋ jè mìŋ nyaŋ.

2Pììlɛ 1:13

Kà gongò kɛ̀ è yaà nɔŋ e tɔ̀ɔ̀nyaàŋ wèè ka nɔ̀ŋ dììka sùà maŋ keì mɛɛ̀ŋ maŋ jiiiŋ màŋ diɛŋ e teengaà mìŋ yaà nɔŋ ke kpùnaàŋ sùà lɛ.