2Time 2:1 - WƆŊ FƐ̀Ì EBÒ SÌÀŊ DAYÀA

¹ Muàŋ, jɔ̀àfelaa miɔ̀ŋ Timetè, nyìngà sùà e yìwìà e tɛ̀ɛ̀tɛ̀ɛ̀ è kànàìŋ nààŋ è yààìŋ aŋ bàwibà wo Jisɛ̀ Kulaì sùà lɛ.

2Time 2:1 ပူးပေါင်းရင်းမြစ်များ

1 Kɔliìŋ 16:13

Ɓɔ̀ nìŋ nɔ̀ŋ màŋjàwè, sìeìŋ gbàùŋ gbàùŋ e hààweɛ̀ sùà, kùwieìŋ jii nyingè, niŋ nyìngà sùà.

Ɛfesɔ̀ 6:10

E gbio sùà, tòòyaìŋ e kɔɔ nyingèiŋ nɛ̀ nààŋ nìŋ yaà aŋ bàiŋbà Kanaà Jisɛ̀ Kulaì sùà esàɓù e gààŋ zùlù gbeeuŋ nɛ̀ sùà lɛ.

Fèle 4:13

Kà ɓɛnɛ̀ŋ wèè ka kɔ̀ɛ̀ e keì ɗewe gbiŋ sùà, esaɓù kɛ̀ wo Jisɛ̀ Kulaì nyɛnɛŋ kà kɛ̀ɛ̀nɛ̀ŋ e gààaŋ wèè ka tii nyɛ̀nɛ̀ŋ.

1Time 1:18

Jɔ̀à miɔ̀ŋ Timetè, mìŋ yààùm tùlia sùà ke jii wèè e gààŋ lɛɛ̀, e nyaàiŋ dè maŋ mìè gbòa màŋ wo wɛ̀ijìɔ naŋ wa gbòò e teengà gɔu sùà e nyaàiŋ eum dè lɛ. Tòòmo maŋ mìè gbòa mɛɛ̀ŋ mààŋ manɛ̀ŋ sùmìàŋ e ɗùà wèè muŋ sòmàŋ tɛ̀ɛ̀,

1Time 1:2

Mìàŋ nàŋ yaà sìngìè wɔŋ fɛi wɛɛ̀ŋ koɓɛ̀ muàŋ Timetèi, wo jɔ̀àfelaa kɛnɛ miɔ̀ŋ, e hààweɛ̀ sùà. Tɔ̀ wo Dayà wo Dèda wiɔ̀ yaà Kanaà Jisɛ̀ Kulaì wo Kana wiɔ̀, kiɛ̀iŋ e tɛ̀ɛ̀tɛ̀ɛ̀, ke nyowo, yèè ke jii fàa.

2Time 1:1

E yìwìà miàim Pɔɔ̀ sìwè, mìŋ yaà wo keela tàeɗùù wèè Jisɛ̀ Kulaì e yìwìà e gààŋ Dayàa sùà, àŋ naim tùɔ̀ŋ wèè ka wòò e kèè ɗààhiìɛ wo Dayà naŋ wa ɓemè wèè wɔŋ nyiiŋ gèeɔ̀ è kùwaìŋ nààŋ è yààìŋ aŋ bàwibà wo Jisɛ̀ Kulaì sùà lɛ.

2Time 1:2

Miàŋ nàŋ yaà sìngìè wɔŋ fɛi wɛɛ̀ŋ koɓɛ̀ muàum Timetèi, wo jɔ̀à mànaŋ miɔ̀ŋ. Tɔ̀ wo Dayà wo Dèda wiɔ̀ yaà wo Kanaà Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀, ke nyowo, yèè ke jii fàa.

2Time 1:7

Wo Jinàaŋ wo Dayà naŋ wi kiɛ̀ŋ wɔ, wo fè wi sìà è jùù, kɛɛ, wo Jinàaŋ kiɛ̀ŋ wì e gààŋ, e mànaŋ, yèè wo wi nyɛ̀nɛ̀ŋ eiŋ yɛ̀mɛ̀ yàwi bi diɛŋ.

2Time 2:10

weètii mìŋ kɔ̀à maŋ keì nyìnga mɛɛ̀ŋ dìì, wèè esàɓù anyùùŋ Dayà nyaŋ wò naŋ tàeɗùù nyaŋ, wèè kɛ̀ nyiiŋ pɛɛ aŋ yɛmɛ̀ e jòèyeɛ̀ naŋ hnè esàɓù Jisɛ̀ Kulaì sùà lɛ, yèè e hìàŋ e jòòwo gò jùà.

2Time 4:17

Kɛɛ wo Kanaà naim wa nɔ̀ŋ maŋjɛ̀wɛ yèè wò naim kìɛ̀ŋ e gààŋ, weètii mìŋ naŋ wa ɓɛnɛ̀ŋ wèè ka wòò ke miè gbìaàŋ gbiŋ koɓɛ̀ anyùùŋ nyaŋ gbiŋ fè àŋ Juùù nyaŋ wèè aŋ nyiŋ kòmàŋ, yèè mìŋ naŋ wa yɛ̀mɛ̀ e jòèye, aŋ gòim wa gè nyààŋ diɛŋ wèè àŋ nyàa nyaŋ aim jìwà.

2Pììlɛ 3:18

Kɛɛ kùnoìŋ nɔŋ dɛ̀ɛ e tɛ̀ɛ̀tɛ̀ɛ̀ sùà yaà e jììkɛ̀ɛ̀ Kanaà, yèè wo Nyuùŋ Jòèyeɔ̀ Jisɛ̀ Kulaì sùà. E jòòwo nɔ̀ŋ ko nɛ̀ɛ̀uŋ niìŋ nàaŋ yèè julɔfɔ. Àmiinàŋ.