2Time 1:7 - WƆŊ FƐ̀Ì EBÒ SÌÀŊ DAYÀA

⁷ Wo Jinàaŋ wo Dayà naŋ wi kiɛ̀ŋ wɔ, wo fè wi sìà è jùù, kɛɛ, wo Jinàaŋ kiɛ̀ŋ wì e gààŋ, e mànaŋ, yèè wo wi nyɛ̀nɛ̀ŋ eiŋ yɛ̀mɛ̀ yàwi bi diɛŋ.

2Time 1:7 ပူးပေါင်းရင်းမြစ်များ

Luù 10:19

Kùmiaŋ nìim! Kàiŋ kìɛ̀ŋ gààŋ, wèè naŋ kààìŋ aŋ kàì yèè aŋ lèèmàngbìlà diɛŋ e kìlà wèè naŋ gbùwò e gààŋ wo joo wiɔ̀ Sɛ̀tanàŋ diɛŋ, wo kànà anyùùŋ kàaɓì nyaŋ. E nɛ̀ŋ gbiŋ e naàìŋ nyɛɛmùŋ.

Luù 15:17

Ko diemeì, e jiikɛ̀ɛ nauŋ dè yèè wò naŋ wòò koɓɛ̀ wuŋ biì wààŋ, ‘Wo dèda miɔ̀ŋ kuwa aŋ ɓɔìjɔ̀à tòmo yèè àŋ kuwa e nɛ̀ŋje zimgbe wèè aŋ jè, kpeiŋ mìŋ jaa kià e jìè wààŋ e jìwàim!

Luù 24:49

Mìŋ manaŋ naŋ nyìmàŋ kɛ̀ miàŋ bi nàŋ doiŋ nàŋ tùɔ̀ŋ e nɛ̀ŋ kìɛɛ̀ŋ wo Dèda miɔ̀ŋ naŋ wa jɔ̀ɔ̀ e ɗààhiì wèè wo kiɛ̀ŋ lɛ. Kɛɛ ɓɔ̀ nìŋ yèwà kò Jùlusɛ̀làm e jèèsùà e gààaŋ eiŋ dèyà diɛŋ e yìwìà ko àìjɛnɛ̀ŋ.”

Luù 8:35

Anyùùŋ nyaŋ naŋ wa kɔ̀ wèè aŋ yɛmɛ̀ e nɛ̀ɛŋ naŋ kaaìŋ lɛ. Nààŋ àŋ naŋ wa hnè koɓɛ̀ Jisɛ̀i, àŋ naŋ wa yɛ̀mɛ̀ wo felaaà aŋ jinàŋ naanààŋ nyaŋ naŋ wa naàŋ fòlò ko sùà wɔ, wò jaa wo Jisɛ̀ gòlòò dìì. Wò naŋ wa gɔ̀àì maŋ dèè e kìlà e jiikɛ̀ɛuŋ nɛ̀ gbiŋ naŋ kpɛɛlɛ̀, kɛɛ e jùù naŋ wa nyɛ̀nɛ̀ŋ anyùùŋ nyaŋ gbiŋ.

Jɔ̀ɔŋ 14:27

“Mìŋ yààìŋ jùùya sùà ke jìì fà e gbolòùŋ. Ke jìì fà e gbolòùŋ nɛ ke jii miɛ̀ŋ sùà kiiŋ mìŋ yààìŋ jùùya sùà. E fè kè jii fàaà anyùùŋ nyaŋ è ɗuunyaŋ lɛɛ̀ àŋ kiɛ̀ŋ lɛ. Weètii maŋ jiiŋ màŋ ɓɔ̀ mɔɔnɛ̀ŋ ɔ̀ɔ̀ e jùù ɓɔ̀ è nyɛ̀nɛ̀iŋ wèè è yèɛ do nàŋ kaaìŋ lɛ.

Nyɛ̀nɛ̀ŋ 1:8

Kɛɛ e teengaà wo Jìnàŋ Nɛɛmaàŋ doiŋ nàŋ kìɛ̀ŋ gààŋ lɛ̀, e gààŋ doiŋ nàŋ sɛ̀ɛ̀ sùà, nìŋ do nàŋ nɔ̀ŋ aŋ sèì e kìlà naŋ wòò anyùùŋ kɛ̀ kiìŋ nìŋ naŋ nyìmè e nyaàiŋ eim dè ko Jùlusɛ̀làm, wɔŋ fùɔ̀ŋ Jùdiàa, wɔŋ fùɔ̀ŋ Sàmiliàa yaà maŋ fuɔŋ joo màŋ gbiŋ sùà e ɗuunyaàŋ.”

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

Nyɛ̀nɛ̀ŋ 20:24

Kɛɛ miŋ gò kpɛɛ̀ŋ kɛ̀ kiìŋ nàŋ do nàŋ kaaìŋ wɔ̀ŋ nyiiŋ miɔ̀ŋ, sèè nɔŋ mìŋ kpɛɛyɛ̀ e tòmoɛ̀ wo Kanaà Jisɛ̀ naim kiɛ̀ŋ wèè ka nyɛ̀nɛ̀ŋ lɛ. Yèè e tòmo lɛɛ̀ nàŋ yaà wèè ka wòò Ebò Siaàŋ e nyaàiŋ dè e tɛ̀ɛ̀tɛ̀ɛ̀ Dayàa.

Nyɛ̀nɛ̀ŋ 21:13

Kɛɛ wo Pɔɔ̀ naŋ nyiŋ fasàì wààŋ, “Wèè kiìŋ nìŋ yaà gulie e kìlà nìŋ yaà pɔ̀ɔ̀pɔɔ sùà ke jii miɛ̀ŋ? Miŋ gò nɔŋ nyimèè wèè aim gbìàŋ kò sààŋ nyìwì wèè èsàɓù e dèè wò Kanaà Jisɛ̀, kɛɛ mìŋ naŋ ngèè pɛɛ nyimèè wèè ka fà e weèuŋ ko Jùlusɛ̀làm!”

Nyɛ̀nɛ̀ŋ 26:11

Mìŋ he nyiŋ wa kìɛ̀ŋ keì nyìnga e teenga zimgbe maŋ sààŋ zòòlò aŋ Juùù wi nyàŋ dìì, yèè mìŋ kamàŋ wa e ɗewe wèè ka nyiŋ nyɛ̀nɛ̀ŋ aŋ woò maŋ mìè ɓɛ̀ɛ̀pɔ̀ɔ koɓɛ̀ Dayài. Yèè ngèè, mìŋ naŋ nyiŋ wa tùù sìwè zimgbe, e nɔ̀ŋ esaɓù sɔɔ̀ ka wa kà ko kaame nyiŋ maŋ jawa gbeegbèè maŋ fuɔ̀ŋ joo màŋ sùà.”

Nyɛ̀nɛ̀ŋ 26:25

Kɛɛ wo Pɔɔ̀ naŋ fasàì wààŋ, “Kanaà Fɛtɔ̀, miŋ gò sààŋ kè gbòà. E yèɛ mìŋ yaà woo lɛ̀ è yaà e tɔ̀ɔ̀nyaàŋ, yèè e jiikɛ̀ɛ yà nìŋ ko sùà.

Nyɛ̀nɛ̀ŋ 6:8

Wo Dayà naŋ wa kìɛ̀ŋ wo Siiwììŋ e kpùùmaŋ gbee yaà e gààŋ. Wo Siiwììŋ naŋ wa nyɛ̀nɛ̀ŋ maŋ kèè mèè gbeegbèè yèè maŋ tɔ̀ɔ̀màŋsèì keì anyùùŋ nyaŋ tɛɛ.

Nyɛ̀nɛ̀ŋ 9:22

Wo Sɔɔ̀ naŋ wa gbùùyè e gaàŋ gbee sùà ko Dàmakɔ̀, nààŋ wò naŋ wa tɔɔ̀ janyai kɛ̀ wo Jisɛ̀ nàŋ yaà wo yèɔ wo Dayà naŋ tàeɗùù wèè wo jòèyè anyùùŋ nyaŋ gbiŋ e ɗùùnyaàŋ wɔ, yèè aŋ Juùù nyaŋ ko Dàmakɔ̀ gò niŋ wa ɓɛ̀nɛ̀ŋ gììyà màŋhɛɛ.

Luùm 5:5

Ke jii tùlia yɛɛ̀ fè wi zuwò, esaɓù kɛ̀ wo Dayà gbìàŋ e mànauŋ nɛ̀ maŋ jii wi màŋ sùà, esàɓù wo Jìnàŋ Nɛɛmaàŋ wo yèɔ wò naŋ wi kiɛ̀ŋ wɔ.

Luùm 8:15

Wo Jinàaŋ wo Dayà naŋ wi kiɛ̀ŋ wɔ, wo fè wi mììnè àŋ ɗo, yèè wo fè wi sìà jùù. Kɛɛ wò nyɛ̀nɛ̀ŋ wì eiŋ nɔ̀ŋ aŋ jɔ̀àuŋ yèè euŋ nyààŋ wo Dèda wiɔ̀.

1 Kɔliìŋ 2:4

yèè e kàà kiim mɛ̀ yaà ke miè gbìaàŋ, miŋ gò niŋ wòò mìè gbòà è gbèe zimgbe è yìwìà è jììkɛ̀ɛ̀ nyuùŋkpùuŋ sùà, sɔɔ̀ maŋ mìè gbòa kpàà nyùùŋ ɗì maŋ tɔɔ̀ e gààŋ Jìnàŋ Dayàa lɛ̀.

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Kòlo 1:8

Wuŋ naŋ wi ɓɛìŋ wòò e kèè e mànaàŋ wo Jìnàŋ Nɛɛmaàŋ naiŋ kiɛ̀ŋ lɛ.

Hiɓu 2:15

Wo Jisɛ̀ naŋ wa tii nyɛ̀nɛ̀ŋ wèè wo bilɛ̀ŋ anyùùŋ nyaŋ gbiŋ yaà mààŋ aŋ ɗo maŋ nyiiŋ gèe nyiŋ màŋ gbiŋ sùà nyaŋ, esaɓù kɛ̀ àŋ yaà e jùù wèè aŋ go nàŋ fɔ̀.

1Pììlɛ 1:22

Nààŋ nìŋ yaà naàŋ jɔ̀ɔ̀lɔ sùà e tɔ̀ɔ̀nyaàŋ dìì, e tɔ̀mɛ jùumù fè ɓɛìŋ màŋ nyiiiŋ màŋ, nàŋ naàŋ zɛ̀nɛ̀ŋ. Yèè nàŋ kùwìè e mànaŋ kɛnɛ wèè anyùùŋ hààwè dawiiŋ nyàŋ. Kùwieìŋ e mànaŋ e fèemàŋ e yìwìà maŋ jiiiŋ màŋ diɛŋ.

1Jɔ̀ɔŋ 4:18

E mànaŋ kɛnɛ kùwie wèè aŋ dàwi wi nyàŋ do wi nàŋ ɓàà e jùùɛ kɔɔ. E gòngò ngàìnɓu kùwa nàŋ sìè wì jùù kɔɔ. È tɔɔ̀ kɛ̀ tɔɔɓaa kòò è gbèèìŋ è ɗèwè è mànaŋ kùwie.