2Time 1:18 - WƆŊ FƐ̀Ì EBÒ SÌÀŊ DAYÀA

¹⁸ Tɔ̀ wo Kanaà wo yɛmɛ̀uŋ wa nàwèè ke nyowo ke ɗɔɔ dìàmaàŋ diɛŋ! Màŋ nyìmàŋ kɛ̀ kiìŋ è kpùùmaŋ wò naŋ nyɛ̀nɛ̀ŋ weèim ko Ɛfesɔ̀.

2Time 1:18 ပူးပေါင်းရင်းမြစ်များ

Luù 1:72

Wo Dayà wààŋ wò do nàŋ tɔ̀ɔ̀ ke nyowo koɓɛ̀ anyuùŋ wi nyàŋ, e kìlà wo jàà e ɗààhìì e mìèsùàgùùŋ nɛɛmauŋ nɛ̀ jii.

Luù 1:78

E mànàŋ Dayàa yèè e tɛ̀ɛ̀tɛ̀ɛ̀uŋ nɛ̀, do wi nàŋ mɛ̀ɛ̀ŋ diɛŋ mààŋ e gɔɛɛ̀ e yèɛ folo ke nyiliɛ̀ lɛ.

Luù 8:3

Aŋ jɔùŋ bi bà nàŋ yaà wa ɓɛìŋ wo Jòanàŋ, wo yèɔ wo fanuuŋ nɔɔ̀ŋ Kuzà hewa tòòmò ko gbòòkùàŋ Kanaà Hɛɛlɔ̀ wɔ, wo Sùzanàŋ, yèè aŋ jɔùŋ zimgbe bà, aŋ yè nyaŋ naŋ wa kpùùmò Jisɛ̀ yàà anyùùŋ màŋjɛ̀wɛ̀uŋ nyàŋ e yìwìà manɛ̀ŋ kɛ̀ɛ̀nɛ̀ŋ nyiŋ bi màŋ sùà.

Nyɛ̀nɛ̀ŋ 18:19

Nyiŋ taai àŋ naŋ hàì ko Ɛfesɔ̀, kuŋ wo Pɔɔ̀ naŋ wa jòò wo Pɛ̀silià yèè wo Àkuilà. Kpeiŋ wò naŋ kɔ̀ ko sààŋ zòòlò aŋ Juùù nyaŋ wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 18:21

Wèè paŋ wo jòà nyiŋ wa wo ka, wò naŋ nyiŋ woò wààŋ, “Sèè wo Dayà nyimààŋ, mìŋ do nàŋ kɛ̀ɛ̀ ko nɛ̀ɛ̀iŋ niìŋ.” Yèè wò naŋ sɛ̀ɛ̀ wɔŋ meeèɔ sùà wò naŋ yèwè ko Ɛfesɔ̀ yèè wò naŋ kɔ̀ ko Sesèlià.

Nyɛ̀nɛ̀ŋ 19:1

E teengaà wo Àpolò yaà wa ko Kɔliìŋ lɛ, wo Pɔɔ̀ naŋ kɔ̀ɛ̀ maŋ kpàlàùŋ kpàlàùŋ Eesìà maŋ sùà yèè wò naŋ hnè ko Ɛfesɔ̀. Kuŋ wò naŋ wa mɛ̀ɛ̀ŋ anyùùŋ màŋjɛ̀wɛ̀ Jisɛ̀ nyaŋ bà.

1 Kɔliìŋ 1:8

E kìlà wò doiŋ nàŋ yɛ̀mɛ̀ diɛŋ wo nyɛ̀nɛ̀ŋ naŋ nyìngà sùà e jèèsùà naŋ hàì ko dìaì, e wèè e tɔ̀mɛ goiŋ nàŋ nɔ̀ŋ kè ɗɔ̀ɔ̀ è hnàŋ Kanaà Jisɛ̀ Kulaìɛ diɛŋ.

1 Kɔliìŋ 16:8

Mìŋ nɔ̀ŋ kià ko Ɛfesɔ̀ e jèèsùà ke ɗɔ̀ɔ̀ e zòòlò aŋ Juùù nyaŋ àŋ nyaaŋ Pɛnɛŋkɔ̀ɛ lɛ̀ ke haì.

1 Kɔliìŋ 3:13

Yèè àŋ do nàŋ tùɔ̀ŋ e tòmò nyùùŋ gbiŋ maŋ nɔnɔŋ e teengaà ke Ɗɔ̀ɔ̀ Jisɛ̀ Kulaìɛ do niŋ nàŋ tɔɔ̀ lɛ. Ke ɗɔɔ yii e hmɔ̀ɔ̀ŋ nàŋ do nàŋ gɔ̀ì e tòmò nyùùŋ gbiŋ sùà, e hmɔ̀ɔ̀ɛŋ do nàŋ wɔ̀ɔ̀ e tòmò nyùùŋ gbiŋ yèè e tɔ̀ɔ̀ e nɔ̀ŋ kii kɛnɛ niŋ nɛ̀.

2 Kɔliìŋ 9:1

Esaɓù kɛnɛ ɓà gbiŋ fè wèè kaiŋ sìngà wɔ̀ŋ fɛi nyaàiŋ dè è tòmò kpùùmaàŋ nìŋ naŋ ɗewè wèè naŋ tùàŋ koɓɛ̀ anyùùŋ nɛɛmaŋ nyàŋ ko Jùdià lɛ.

Ɛfesɔ̀ 2:4

E ɗewe gbio sùà, wo Dayà naŋ banè ke nyowo sùà, yèè e mànaàŋ wò kuwa weè wilɛ̀ è naŋ dɛɛ̀.

1Tɛsè 2:19

E gbiŋ sùà, sèè wo Kanaà Jisɛ̀ Kulaì hnàŋ wa nàwèè nyɛ̀iŋ nɔŋ nàŋ do wi nàŋ kìɛ̀ŋ ke jii tùlia yèè è do nàŋ nɔ̀ŋ ke ɓɔ̀ɗì e jòòwo ko nɛ̀ɛ̀ŋ wiì.

1Time 1:3

Mìŋ manaŋ wèè maŋ jèè ko Ɛfesɔ̀, màànààŋ nɔŋ mìŋ naum wa dawè e teengaà mìŋ yaà wa kɔ̀ɔ̀yɛ̀ ko Mɛ̀sèdonià lɛ. Anyùùŋ kòò àŋ yaào aŋ fè kàa sùà ànyùùŋ nyaŋ è hààwe kɛnɛ, nàaà nyiŋ wèè aŋ hɔanè niŋ nyɛ̀nɛŋ.

2Time 1:12

Wèè esaɓù lɛɛ̀ mìŋ kuwo maŋ keì nyìnga mɛɛ̀ŋ, kɛɛ e sàngè fèìm, e fèfoo kà nyìmàŋ wo yèɔ mìŋ naŋ tùlìè jii wɔ̀, yèè kà haawè kɛ̀ wòim ɓɛ̀nɛ̀ŋ jòèye e jèèsùà, ke ɗɔɔ dìàmaàŋ ke haì.

2Time 1:16

Tɔ̀ wo Kanaà tɔ̀ɔ̀ ke nyowo koɓɛ̀ ke kpòò Ɔ̀nesifelɔ̀ɛ, esaɓù nàŋ yaà, wò kiɛ̀ìm ke jii fàa e teenga zimgbe sùà. E sàngè gòuŋ nyɛ̀nɛ̀ŋ wèè màŋ jɔ̀ɔ̀ɔ màŋ àŋ naim wa sìè kò sààŋ nyìwìi lɛ.

2Time 1:17

E teengaà wò naŋ wa hàì ko Luùm lɛ, wò naìm wa tɔ̀ɔ̀tù kàme e jèèsùà woim yɛmɛ̀.

2Time 4:12

Mìŋ naŋ tùɔ̀ŋ wo Tachikɔ̀ ko Ɛfesɔ̀.

2Time 4:8

Eɓìèmàŋjɛ̀wɛ̀ tɛɛ̀ ke ɓɔ̀ɗì kana kòò kè yaà naàŋ bànè hàa nyiŋ e weèim esaɓù kɛ̀ wo Dayà weèim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, ke yèɛ wo Kanaà, wo nyuùŋ gbàì tɔ̀ɔ̀nyaàŋ, wò doim nàŋ kiɛ̀ŋ ke ɗɔɔ yii diɛŋ yɛ̀, yèè e naàŋ nɔŋ nɔ̀ŋ miàŋ guùŋ, kɛɛ è do naŋ nɔ̀ŋ wèè aŋ yè nyaŋ gbiŋ naŋ kùwò maŋ jii e manaŋ sùà wèè e hnàuŋ nɛ̀ lɛ.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.

1Pììlɛ 1:10

È yaà wa wèè e jòèye lɛɛ̀, aŋ wɛ̀ijì nyaŋ naŋ wa gɔ̀àà e kɔɔ dìì, yèè àŋ naŋ niŋ tùɔ̀ŋ maŋ nɔnɔŋ tɛ̀ɛ̀. Àŋ naŋ woò e kèè e tɛ̀ɛ̀tɛ̀ɛ̀ lɛɛ̀ wo Dayà doiŋ nàŋ kiɛ̀ŋ lɛ.

Maŋ kèì nyɛɛnɛŋ 2:1

Wo Jisɛ̀ naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Ɛfesɔ̀. “Ke miè gbìaàŋ yɛɛ̀ e yìwìà wo yèɔ kuwa maŋ ɗù nɔɔnɔŋ le tìyèe màŋ wɔŋ kùàŋ jìkauŋ nɔɔ̀ŋ, yèè wò kaaìŋ maŋ gòoò kùù sɛ̀ɛ̀ laumpò, màŋ nɔɔnɔŋ le tìyèe e fèemàŋ wɔ.