2Time 1:16 - WƆŊ FƐ̀Ì EBÒ SÌÀŊ DAYÀA

¹⁶ Tɔ̀ wo Kanaà tɔ̀ɔ̀ ke nyowo koɓɛ̀ ke kpòò Ɔ̀nesifelɔ̀ɛ, esaɓù nàŋ yaà, wò kiɛ̀ìm ke jii fàa e teenga zimgbe sùà. E sàngè gòuŋ nyɛ̀nɛ̀ŋ wèè màŋ jɔ̀ɔ̀ɔ màŋ àŋ naim wa sìè kò sààŋ nyìwìi lɛ.

2Time 1:16 ပူးပေါင်းရင်းမြစ်များ

Maafiù 25:17

Wo ɓɔìjɔ̀àa naŋ wa yɛ̀mɛ̀ e tààsùùŋ tìyèeɛ̀ wɔ naŋ nyɛ̀nɛ̀ŋ e kèì guùŋ nɛ, yèè wò naŋ yɛ̀mɛ̀ e tààsùùŋ tìyèe e nɛɛnɛuŋ nɛ̀ diɛŋ.

Maafiù 5:7

“E zɔlɔ̀ yaà anyùùŋ nyaŋ kuwa ke nyowo wèè aŋ dàwi nyiŋ nyàŋ. Wo Dayà do nyiŋ nàŋ tɔ̀ɔ̀ ke nyowo nyiŋ pɛɛ!

Nyɛ̀nɛ̀ŋ 21:33

Kpeiŋ wo kànà aŋ kààlòòɗùàa naŋ hnè yèè wò naŋ kùwò wo Pɔɔ̀ yèè àŋ nauŋ sìè maŋ jɔ̀ɔ̀ tìyèe. Kpeiŋ wò naŋ dawè wààŋ, “Ɓòò nàŋ yaà wo felaa wɛɛ̀ yèè kiìŋ wò naŋ nyɛ̀nɛ̀ŋ?”

Nyɛ̀nɛ̀ŋ 28:20

Wèè esaɓù lɛɛ̀ mìŋ naŋ dawè wèè kaum yɛmɛ̀ e kìlà wèè kaum gbòà kɔɔ, nààŋ è yaà esàɓù wo nyùnɔ̀ɔŋ wo yèɔ anyùùŋ Ezɔ̀ɛ̀ nyaŋ kuwa ke jii tùlia sùà wɔ àŋ naim sìè maŋ jɔ̀ɔɔ mɛɛ̀ŋ.”

1 Kɔliìŋ 16:18

yèè wɔŋ nyììŋ jinàŋ miɔ̀ŋ naŋ hawe bɔ̀tɔ̀ùŋ mààŋ maŋ jeiŋ màŋ. Anyùùŋ mààŋ nyɛɛ̀ŋ nìŋ jàà nyiìŋ jii.

Ɛfesɔ̀ 6:20

Wo Dayà naim tùɔ̀ŋ wèè ka nyɛ̀nɛ̀ŋ e tòmo lɛɛ̀, yèè e wèè esaɓù lɛɛ̀, àŋ naim sìè maŋ jɔ̀ɔ̀ɔ ko sààŋ nyìwìi. E wèètii zòòloìŋ wèè miŋ kuwìè ke jii miŋ gbòà màànààŋ è kanaŋ lɛ̀.

2Time 1:12

Wèè esaɓù lɛɛ̀ mìŋ kuwo maŋ keì nyìnga mɛɛ̀ŋ, kɛɛ e sàngè fèìm, e fèfoo kà nyìmàŋ wo yèɔ mìŋ naŋ tùlìè jii wɔ̀, yèè kà haawè kɛ̀ wòim ɓɛ̀nɛ̀ŋ jòèye e jèèsùà, ke ɗɔɔ dìàmaàŋ ke haì.

2Time 1:17

E teengaà wò naŋ wa hàì ko Luùm lɛ, wò naìm wa tɔ̀ɔ̀tù kàme e jèèsùà woim yɛmɛ̀.

2Time 1:18

Tɔ̀ wo Kanaà wo yɛmɛ̀uŋ wa nàwèè ke nyowo ke ɗɔɔ dìàmaàŋ diɛŋ! Màŋ nyìmàŋ kɛ̀ kiìŋ è kpùùmaŋ wò naŋ nyɛ̀nɛ̀ŋ weèim ko Ɛfesɔ̀.

2Time 1:8

Ɓɔ̀ mùŋ nyɛ̀nɛ̀ŋ è sàngè, wèè maŋ gbòà kè mìè seì è nyaàiŋ dè wo Kana wiɔ̀ Jisɛ̀ Kulaì. E kìlà ɓɔ̀ mùŋ nyiniàm è sàngè, esaɓù kɛ̀ mìŋ yaà wo nyùùŋ màŋ keì esàɓù Jisɛ̀ Kulaìɛ sùà. Kɛɛ, ɓèmè e jeum keì nyìngàà wèè Ebò Siaàŋ, màànààŋ wo Dayà naum kìɛ̀ŋ e gààŋ wèè maŋ niŋ nyɛ̀nɛ̀ŋ lɛ.

2Time 4:19

Mìŋ naŋ tùɔ̀ŋ maŋ zùùmo koɓɛ̀ wo Pikà yaà wo Àkuilà yèè koɓɛ̀ ke kpòò Ɔ̀nesifelɔ̀ɛ.

Felemɔ̀ŋ - PHM 1:20

Weètii wùìya miɔ̀ŋ, kɔ̀nɛɛ̀ŋ nyɛnɛ̀ŋ e kpùùmaŋ lɛɛ̀ e weèim esàɓù wo Kanaà sùà. Nààŋ mùŋ yaà wo wùìya nyuùŋ wo Jisɛ̀ Kulaì sùà lɛ, nyɛnɛŋ e mànaŋ mɔ̀ɛ̀ e sìàìm e zɔlɔ̀ ke jii miɛ̀ŋ sùà.

Felemɔ̀ŋ - PHM 1:7

Wùìya miɔ̀ŋ, esàɓù e mànaŋ mɔ̀ɛ̀, mìŋ kuwa e zɔlɔ̀ gbee, yèè è naim kìɛ̀ŋ ke jii nyingè. È naŋ ɓɛìŋ dììyè e zɔlɔ̀ maŋ jìì anyùùŋ nyaŋ kuwa e mànaŋ wèè anyùùŋ nɛɛmaŋ nyàŋ koɓɛ̀ Dayài.

Hiɓu 10:34

Nìŋ kuwa wa ke nyowo, yèè nìŋ naŋ tuwò tɛ̀ɛ̀ koɓɛ̀ anyùùŋ nyaŋ yaà wa ko sààŋ nyìwì nyaŋ. Yèè àŋ naŋ wa nyimèè wèè anyùùŋ aŋ ɓèmè manɛ̀ŋ siwè nyiŋ màŋ gbiŋ esaɓù, nàŋ nyìmàŋ kɛ̀ nìŋ kuwa e nɛ̀ŋ kɛnɛ, e nɛ̀ŋ kɛnɛ e yèɛ do nàŋ nɔ̀ŋ wèè julɔfɔ lɛ̀.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.