2Time 1:12 - WƆŊ FƐ̀Ì EBÒ SÌÀŊ DAYÀA

¹² Wèè esaɓù lɛɛ̀ mìŋ kuwo maŋ keì nyìnga mɛɛ̀ŋ, kɛɛ e sàngè fèìm, e fèfoo kà nyìmàŋ wo yèɔ mìŋ naŋ tùlìè jii wɔ̀, yèè kà haawè kɛ̀ wòim ɓɛ̀nɛ̀ŋ jòèye e jèèsùà, ke ɗɔɔ dìàmaàŋ ke haì.

2Time 1:12 ပူးပေါင်းရင်းမြစ်များ

Maafiù 12:21

yèè anyùùŋ nyaŋ fè àŋ Juùù nyaŋ, aŋ gbiŋ douŋ nàŋ sìè maŋ jii tùlia nyiŋ màŋ sùà.”

Maafiù 24:36

Wo Jisɛ̀ naŋ wa ɓɛìŋ woò wààŋ, “Wo nyùùŋ gbiŋ nyimààŋ kè ɗɔɔɛ̀ ɔ̀ɔ̀ è teengaà màŋ keì mɛɛ̀ŋ do nàŋ kaaìŋ lɛ, miŋ dò nàŋ sɔ̀ aŋ màikà nyaŋ ko àìjɛnɛ̀ŋ ɔ̀ɔ̀ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ. Wo Dèdaà wuŋ guùŋ nɔŋ naŋ niŋ nyìmè.

Maafiù 7:22

Sèè ke ɗɔɔɛ̀ haì wa nàwèè wèè wo Dayà wo gbàì anyùùŋ nyaŋ gbiŋ, aŋ zimgbe nyiŋ doim nàŋ woò nyààŋ, ‘Kanaà, Kanaà! Àŋ do nàŋ woò nyààŋ è naiŋ wa gbòò ke mìè Dayàa e deè mɔ̀ɛ̀ diɛŋ, e kìlà è naiŋ gè aŋ jinàŋ naanààŋ anyùùŋ maŋjɛ̀wɛ, yèè è naiŋ nyɛ̀nɛ̀ŋ maŋ kèè mèè zimgbe.’

Luù 10:12

Miŋ woòiŋ e tɔɔɓaaà kɛ̀, wo Dayà do wa nàwèè nàŋ tɔ̀ɔ̀ ke nyowo koɓɛ̀ anyùùŋ nyaŋ ko Sɔdɔ̀ùŋ ke ɗɔɔɛ̀ wò do wa nàwèè nàŋ gbàì anyùùŋ nyaŋ gbiŋ lɛ̀ e nìàŋ anyùùŋ nyaŋ e dìì lii diɛŋ!”

Luù 23:46

Wo Jisɛ̀ naŋ kpààŋ sɛiŋ, yèè wò naŋ woò wààŋ, “Dèda, muàŋ mìŋ naŋ hèè wɔŋ nyììŋ jinàŋ miɔ̀ŋ sìwè.” Wò naŋ tɛɛ̀ woò yèè wò naŋ mìè nyiiŋ.

Jɔ̀ɔŋ 17:15

Dèda, miŋ gòum dawè wèè maŋ gè anyùùŋ màŋjɛ̀wɛ̀im nyàŋ è ɗuunyaŋ lɛɛ̀ sùà, kɛɛ muŋ yɛmɛ̀ nyiŋ diɛŋ e yìwìà wo Sɛ̀tanàaŋ sìwè.

Jɔ̀ɔŋ 6:44

Wo nyùùŋ gbiŋ fè ɓɛ̀nɛ̀ŋ hnàŋ kò nɛ̀ɛ̀ŋ miìŋ sɔɔ̀ wo Dèdaà naim tùɔ̀ŋ wɔ wo nyiŋ gè nyààŋ diɛŋ wèè aŋ hnàŋ ko nɛ̀ɛ̀ŋ miìŋ. Kɛɛ sèè àŋ hnàŋ, mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.

Nyɛ̀nɛ̀ŋ 13:46

Kɛɛ wo Pɔɔ̀ yaà wo Bànaŋɓà naŋ ngèè ɓɛìŋ gbòò maŋ jii nyingè sùà nyààŋ, “È yaà weè tɛ̀ɛ̀ wèè eiŋ gbòà ke mìè Dayàa ko nɛ̀ɛ̀iŋ niìŋ jiɛ̀. Kɛɛ nààŋ niŋ gò nyiŋ jàà kùàŋ dìì yèè niŋ gò ɓèmè nyɛ̀iŋ bi wèè naŋ nɔ̀ŋ anyuùŋ kɛnɛ wèè wɔŋ nyiiŋ gèe gò jùà lɛ̀, è yààìŋ jòà sùà eiŋ kìlà koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 13:50

Kɛɛ anyùùŋ gbèègbèè aŋ Juùù nyaŋ naŋ kɔ̀ koɓɛ̀ aŋ kpàkòò ɓììɓìì nyaŋ bà ko jawaì yèè aŋ jɔùŋ kɛ̀ɛ̀nɛ̀ŋ ɓɛ̀ɛ̀jàa nyàŋ bà aŋ yè nyaŋ fè àŋ Juùù nyaŋ kɛɛ àŋ zoolà Dayà nyaŋ, yèè àŋ naŋ nyiŋ nyɛ̀nɛ̀ŋ aŋ kɛ̀ɛ̀nɛ̀ŋ maŋ jii fiìì wèè wo Pɔɔ̀ yèè wo Bànaŋɓà, yèè aŋ naŋ nyiŋ nimilà, e nɔ̀ŋ esaɓù aŋ nyiŋ nyìmàŋ aŋ nyiŋ gè maŋ tàta miiŋ wɔŋ fuɔɔ̀ŋ sùà.

Nyɛ̀nɛ̀ŋ 21:13

Kɛɛ wo Pɔɔ̀ naŋ nyiŋ fasàì wààŋ, “Wèè kiìŋ nìŋ yaà gulie e kìlà nìŋ yaà pɔ̀ɔ̀pɔɔ sùà ke jii miɛ̀ŋ? Miŋ gò nɔŋ nyimèè wèè aim gbìàŋ kò sààŋ nyìwì wèè èsàɓù e dèè wò Kanaà Jisɛ̀, kɛɛ mìŋ naŋ ngèè pɛɛ nyimèè wèè ka fà e weèuŋ ko Jùlusɛ̀làm!”

Nyɛ̀nɛ̀ŋ 7:59

Nààŋ àŋ yaà wa hɔ̀wà sùà wo Siiwììŋ, yɛi nɔŋ wò yaà wa nyààŋ sùà e dèè Kanaà wààŋ, “Kanaà Jisɛ̀, jaà wo jinàŋ miɔ̀ŋ kùàŋ dìì.”

Nyɛ̀nɛ̀ŋ 9:16

Kɛɛ miàŋ bi douŋ nàŋ tɔ̀ɔ kɛ̀ kiìŋ è keì nyìnga wò do nàŋ kɔ̀ɛ̀ sùà wèè esàɓù e deè mɛ̀.”

Luùm 1:16

Mìŋ kuwa ke jii tùlia Ebò Siaàŋ sùà. Tiŋ nàŋ yaà e gààŋ Dayàa wèè wo jòèyè anyùùŋ nyaŋ gbiŋ kuwa hààwe nyàŋ, aŋ Juùù nyaŋ jiɛ̀ yèèngàà anyùùŋ nyaŋ fè àŋ Juùù nyaŋ.

Luùm 9:33

Màànààŋ nɔŋ wo Dayà naŋ woò wɔŋ fɛ̀ì Dayàa sùà lɛ wààŋ, “Yɛ̀mɛìŋ, mìŋ yaà hàa sùà ke dùò ko Zanyɔ̀ŋ, ke dùòɛ ke yèɛ do nàŋ nyɛ̀nɛ̀ŋ anyùùŋ aŋ duonò, ke dùòɛ ke yèɛ do nyiŋ nàŋ nyɛ̀nɛ̀ŋ aŋ sɔ̀à dìì fukpù. Kɛɛ wo nyùnɔ̀ɔŋ gbiŋ haawà Dayà wɔ e sàngè naàuŋ kùwò.”

1 Kɔliìŋ 1:8

E kìlà wò doiŋ nàŋ yɛ̀mɛ̀ diɛŋ wo nyɛ̀nɛ̀ŋ naŋ nyìngà sùà e jèèsùà naŋ hàì ko dìaì, e wèè e tɔ̀mɛ goiŋ nàŋ nɔ̀ŋ kè ɗɔ̀ɔ̀ è hnàŋ Kanaà Jisɛ̀ Kulaìɛ diɛŋ.

1 Kɔliìŋ 3:13

Yèè àŋ do nàŋ tùɔ̀ŋ e tòmò nyùùŋ gbiŋ maŋ nɔnɔŋ e teengaà ke Ɗɔ̀ɔ̀ Jisɛ̀ Kulaìɛ do niŋ nàŋ tɔɔ̀ lɛ. Ke ɗɔɔ yii e hmɔ̀ɔ̀ŋ nàŋ do nàŋ gɔ̀ì e tòmò nyùùŋ gbiŋ sùà, e hmɔ̀ɔ̀ɛŋ do nàŋ wɔ̀ɔ̀ e tòmò nyùùŋ gbiŋ yèè e tɔ̀ɔ̀ e nɔ̀ŋ kii kɛnɛ niŋ nɛ̀.

Fèle 1:20

E yèɛ mìŋ yaà yɛ̀ɛ̀mɛ̀ dòmaŋ, yèè ke jii tùliaà mìŋ kuwa lɛ̀ nàŋ yaà kɛ̀ miŋ naàŋ wa nàwèè nyɛ̀nɛ̀ŋ è keì gbiŋ wèè eim nyìnìàŋ sàngè. Kɛɛ wèè e teenga gbiŋ, yèè sààmɛ pɛɛ, mìŋ do nàŋ kɛ̀ɛ̀nɛ̀ŋ ke jii nyingè, wèè ke kpùnaŋ miɛ̀ŋ gbiŋ ke hìàŋ e ɓɛ̀ɛ̀jàa koɓɛ̀ Jisɛ̀ Kulaìi, sèè pɛɛ ka nɔ̀ŋ wɔŋ nyiiŋ gèe sùà ɔ̀ɔ̀ ka fà.

Fèle 3:10

E yèɛ gbiŋ mìŋ manaŋ lɛ̀ nàŋ yaà, wèè ka nyìmàŋ wo Jisɛ̀ Kulaì, yèè e gààaŋ nauŋ gè e fàaà dìì wɔŋ nyiiŋ gèe sùà lɛ. Mìŋ manaŋ ka nɔ̀ŋ wo bàimbà wèè e keì nyìngaà wò naŋ kùwò, yèè e fàa wò naŋ kɔ̀ dìì lɛ,

Fèle 3:21

Wò do nàŋ kìlè maŋ kpùnàŋ zɔ̀kpɔ̀ wi màŋ, wo miŋ nyɛ̀nɛ̀ŋ maŋ nɔ̀ŋ mààŋ e ɗeweɛ̀ ke kpùnàŋ e jòòwò gaàŋ gbeeuŋ nɛɛ̀ŋ yaà lɛ. Wò do nàŋ tòòmò e gààaŋ wò kuwa lɛ̀ wo hìàŋ manɛ̀ŋ maŋ gbiŋ e kanauŋ nɛ̀ dìì.

Fèle 3:8

E fè nɔŋ mànɛ̀ŋ miiŋ. Mìŋ naŋ ɓèmè manɛ̀ŋ maŋ gbiŋ maŋ nɔ̀ŋ manɛ̀ŋ foo wèè esàɓù e yèɛ kuwa e sɛmɛmaŋ gbee lɛ̀, e jiikɛ̀ɛɛ̀ e nyaàiŋ dè wo Kana miɔ̀ŋ Jisɛ̀ Kulaì. Wèè e saɓùuŋ nɛ̀ mìŋ gò manɛ̀ŋ maŋ gbiŋ. Mìŋ naŋ miŋ ɓemè wèè maŋ nɔ̀ŋ maŋ dɛɛ, wèè kɛ̀ mìŋ naŋ ɓɛ̀nɛ̀ŋ kɛ̀ɛ̀nɛ̀ŋ wo Jisɛ̀ Kulaì wo nɔ̀ŋ e sɛmɛmaŋ mɛ̀,

1Tɛsè 2:16

Àŋ naŋ ngèè pɛɛ fɛ̀ɛ̀ wèè aŋ wi kìlìà kùàŋ feìŋ wèè e goiŋ nàŋ wòò ke miè gbìaàŋ kòɓɛ̀ ànyùùŋ nyaŋ fè àŋ Juùù nyaŋ, wèè aŋ yɛ̀mɛ̀ è jòèye. E ɗewe lɛɛ̀ sùà, àŋ hàì ko dìà maŋ jùumù nyiŋ màŋ gbiŋ àŋ naŋ wa dè nyɛ̀nɛŋ màŋ. Wèètii e nìmìlà Dayàa è nyiŋ dèyà diɛŋ.

1Tɛsè 5:4

Kɛɛ nyɛ̀iŋ wùìyaim nyàŋ, niŋ fè kè nyìwìi sùà e kìlà ke ɗɔɔɛ̀ wo Jisɛ̀ do nàŋ hnè lɛ ɓɔ̀ è foonòiŋ màànààŋ wò anyuùŋ wùaà foonàŋ nyùùŋ nɛ.

1Time 6:20

Timetè, yɛ̀mɛ̀ e yèɛ gbiŋ wo Dayà naum tùlìè jii yèè wò naŋ muiŋ kiɛ̀ŋ lɛ diɛŋ. Gè kùàŋ maŋ mìè gbòà ɓɛ̀ɛ̀pɔ̀ɔ sùà, yaà maŋ nyaàŋ tàaŋ zùwo, maŋ yè maŋ anyuùŋ zimgbe e tòaà sùà àŋ nyààŋ “ke jiikɛ̀ɛ lɛ̀.”

2Time 1:14

E yìwìà e gààŋ Jìnàŋ Nɛɛmaàŋ wo yèɔ yaà wì sùà wɔ, bànè manɛ̀ŋ siaŋ sìàŋ maŋ àŋ naum tùlìè jii weè miŋ màŋ ko hàa.

2Time 1:16

Tɔ̀ wo Kanaà tɔ̀ɔ̀ ke nyowo koɓɛ̀ ke kpòò Ɔ̀nesifelɔ̀ɛ, esaɓù nàŋ yaà, wò kiɛ̀ìm ke jii fàa e teenga zimgbe sùà. E sàngè gòuŋ nyɛ̀nɛ̀ŋ wèè màŋ jɔ̀ɔ̀ɔ màŋ àŋ naim wa sìè kò sààŋ nyìwìi lɛ.

2Time 1:18

Tɔ̀ wo Kanaà wo yɛmɛ̀uŋ wa nàwèè ke nyowo ke ɗɔɔ dìàmaàŋ diɛŋ! Màŋ nyìmàŋ kɛ̀ kiìŋ è kpùùmaŋ wò naŋ nyɛ̀nɛ̀ŋ weèim ko Ɛfesɔ̀.

2Time 1:8

Ɓɔ̀ mùŋ nyɛ̀nɛ̀ŋ è sàngè, wèè maŋ gbòà kè mìè seì è nyaàiŋ dè wo Kana wiɔ̀ Jisɛ̀ Kulaì. E kìlà ɓɔ̀ mùŋ nyiniàm è sàngè, esaɓù kɛ̀ mìŋ yaà wo nyùùŋ màŋ keì esàɓù Jisɛ̀ Kulaìɛ sùà. Kɛɛ, ɓèmè e jeum keì nyìngàà wèè Ebò Siaàŋ, màànààŋ wo Dayà naum kìɛ̀ŋ e gààŋ wèè maŋ niŋ nyɛ̀nɛ̀ŋ lɛ.

2Time 2:9

Esàɓù Ebò Siaàŋ mìŋ woà lɛ, mìŋ kuwo e keì nyìnga yèè aim sìà maŋ jɔ̀ɔ̀ɔ mààŋ wo nyuùŋ nyɛ̀nɛ̀ŋ e keì naanààŋ. Kɛɛ ke mìè Dayà ke fè màŋ jɔ̀ɔ̀ɔ sùà,

2Time 4:8

Eɓìèmàŋjɛ̀wɛ̀ tɛɛ̀ ke ɓɔ̀ɗì kana kòò kè yaà naàŋ bànè hàa nyiŋ e weèim esaɓù kɛ̀ wo Dayà weèim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, ke yèɛ wo Kanaà, wo nyuùŋ gbàì tɔ̀ɔ̀nyaàŋ, wò doim nàŋ kiɛ̀ŋ ke ɗɔɔ yii diɛŋ yɛ̀, yèè e naàŋ nɔŋ nɔ̀ŋ miàŋ guùŋ, kɛɛ è do naŋ nɔ̀ŋ wèè aŋ yè nyaŋ gbiŋ naŋ kùwò maŋ jii e manaŋ sùà wèè e hnàuŋ nɛ̀ lɛ.

Taitɔ̀ 3:8

E keì wòo lɛɛ̀ è yaà e tɔɔɓaa. Maŋ kàa mɛɛ̀ŋ, màŋ tomàŋ yèè màŋ kuwa e kpùùmaŋ wèè nyùùŋ gbiŋ. Mìŋ manaŋ wèè maŋ nɔ̀ŋ wòò maŋ keì mɛɛ̀ŋ mìŋ naŋ yaà wòò e kii miŋ màŋ nyìnga, yèè maŋ yɛmɛ̀ kɛ̀ anyùùŋ nyaŋ àŋ miŋ dè maŋjɛ̀wɛ, e wèè anyùùŋ nyaŋ naŋ hààwè Dayà nyaŋ aiŋ nyɛ̀nɛ̀ŋ e kpàŋ è kɔɔ nyiŋ, wèè aŋ nyɛ̀nɛ̀ŋ maŋ keì sìàŋ.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.

Hiɓu 2:18

Wò Jisɛ̀ naàŋ ɓɛ̀nɛ̀ŋ kpùùmàŋ anyùùŋ nyaŋ naŋ wa kɔ̀ e wàa dìì nyaŋ, esaɓù kɛ̀ wuŋ bi naŋ wa kɔ̀ e keì nyìnga yaà e wàa dìì.

Hiɓu 7:25

Wò ɓɛnɛ̀ŋ sààmɛ, yèè e teenga gbiŋ, wèè wo jòèyè anyùùŋ nyaŋ gbiŋ hnàŋ koɓɛ̀ Dayài nyàŋ e saɓùuŋ nɛ̀ sùà, esaɓù kɛ̀ wò yaà wɔŋ nyiiŋ gèeɔ̀ sùà wèè julɔfɔ, wèè wo pɔwɔ̀ wo Dayà weè nyiŋ.

1Pììlɛ 1:5

Nyɛ̀iŋ nàŋ kànà miìŋ maŋ yè maŋ esàɓù hààwe sùà wo Dayà do miŋ nàŋ yɛ̀mɛ̀ diɛŋ e gaàuŋ nɛ̀ sùà wèè e jòèyeɛ̀ e yèɛ yaà bànèbane niŋ wèè wo dàànè ebò niŋ ke ɗɔɔ dìàmaàŋ diɛŋ lɛ̀.

1Pììlɛ 4:16

E ɗewe gbiŋ sùà, sèè nìŋ nɔ̀ŋ kɔ̀ɔ̀yɛ̀ keì nyìnga dìì esaɓù kɛ̀ nìŋ yaà anyuùŋ hààwe, e sàngè tii ɓɔ̀ è nyɛ̀nɛ̀iŋ. Kɛɛ fèeìŋ Dayà ɓɛ̀ɛ̀jàa wèè e dèè Jisɛ̀ Kulaìɛ jààìŋ nɛ.

1Pììlɛ 4:19

Weètii, anyuùŋ hààwe nyàŋ kɔ̀à e keì nyìnga dìì esaɓù kɛ̀ tii wo Dayà manaŋ weè nyiŋ, aŋ nyɛ̀nɛ̀ŋ e tòmo siaŋ yèè aŋ kiɛ̀ŋ ke jii nyiŋ nɛɛ̀ŋ wo nyuùŋ bàne nyiŋ nɔɔ̀ŋ wo yèɔ nyɛnɛŋ e yèɛ wò naŋ ɓèmè e ɗààhiì wèè wo nyɛ̀nɛ̀ŋ lɛ.

Juù 1:24

Wo Dayà wuŋ guùŋ nɔŋ naum ɓɛ̀nɛ̀ŋ yɛ̀mɛ̀ diɛŋ wèè muŋ go nàŋ sɔ̀ɔ̀, e kìla woum nyɛ̀nɛ̀ŋ maŋ nɔ̀ŋ zɛ̀nɛum yèè e zɔlɔ̀ sùà e jòòwouŋ nɛ̀ fɛɛ̀feìŋ.