2Tɛsè 3:2 - WƆŊ FƐ̀Ì EBÒ SÌÀŊ DAYÀA

² Zòòloìŋ wèè wo Dayà joeyè wi e yìwìà anyuùŋ naanààŋ nyaŋ sìwè, esaɓù kɛ̀ anyùùŋ nyaŋ gbiŋ nààŋ gò hààwè kè miè gbìàŋ Dayàa.

2Tɛsè 3:2 ပူးပေါင်းရင်းမြစ်များ

Maafiù 17:17

Wo Jisɛ̀ naŋ nyiŋ woò wààŋ, “Kuoo nyɛ̀iŋ nààŋ nyuùŋ gò kùwìè hààwe yèè kpèè naanààŋ nyɛɛ̀ŋ! Kiìŋ è teenga mùnlaŋ mìŋ doiŋ naŋ nɔ̀ŋ e kɔɔ? Kiìŋ è teenga mùŋlaŋ mìŋ do nàŋ kùwò ke jii maŋjɛ̀wɛiŋ? Hìaìŋ kià wo felaajɔaà ko nɛ̀ɛ̀ŋ miìŋ.”

Maafiù 23:23

“E keì nyìnga do nàŋ nɔ̀ŋ ko nɛ̀ɛ̀iŋ niìŋ, nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ yèè nyɛ̀iŋ nààŋ Fɛlosiì nyaŋ! Nìŋ yaà anyùùŋ fɛ̀ɛ̀ ɗòònààkeì. Nìŋ kiɛ̀ŋ wo Dayà manɛ̀ŋ jeiŋ bà àŋ nyaaŋ nyààŋ mɛìŋ, diì, yèè kumìŋ e ɗì guùŋ e yìwìà e ɗì zììyà sùà, maŋ yè maŋ nìŋ gè maŋ kpòkpòiŋ màŋ sùà lɛ. Kɛɛ niŋ fè jɔ̀ɔ̀lɔ̀ màŋ Sàwà Dayà maŋ dìì, tèènè mààŋ e tɔ̀ɔ̀nyaàaŋ, ke nyowo yèè e hààwe. Mɛɛ̀ŋ nìŋ kuwa naŋ gbeè, e yèɛ niŋ fè nììngè màŋ gbànaŋ màŋ fɛ̀ɛ̀ lɛ.

Luù 18:8

Miŋ woòiŋ, wò do nàŋ gbaì weè nyiŋ e tɔ̀ɔ̀nyaàŋ sùà yèè wò do niŋ nàŋ nyɛ̀nɛ̀ŋ fiò. Kɛɛ sèè miàim wo Jɔ̀àfèlàà Nyuùŋ Kpùnɔɔ̀ŋ hnàŋ wa nàwèè e ɗuunyaàŋ lɛɛ̀, mìŋ doo nàŋ mɛ̀ɛ̀ŋ wo nyuùŋ kɛ̀ɛ̀nɛ̀ŋ hààwe gbiŋ?”

Nyɛ̀nɛ̀ŋ 13:45

Kɛɛ nààŋ anyùùŋ gbèègbèè aŋ Juùù nyaŋ naŋ wa yɛ̀mɛ̀ e faaŋ lɛɛ̀, e kooɛ̀ naŋ nyiŋ diè. Kpeiŋ àŋ naŋ wa gììyè e yèɛ wo Pɔɔ̀ yaà wa woo lɛ̀ maŋhɛɛ, yèè àŋ nauŋ fè maŋ mìè ɓɛ̀ɛ̀pɔ̀ɔ.

Nyɛ̀nɛ̀ŋ 13:50

Kɛɛ anyùùŋ gbèègbèè aŋ Juùù nyaŋ naŋ kɔ̀ koɓɛ̀ aŋ kpàkòò ɓììɓìì nyaŋ bà ko jawaì yèè aŋ jɔùŋ kɛ̀ɛ̀nɛ̀ŋ ɓɛ̀ɛ̀jàa nyàŋ bà aŋ yè nyaŋ fè àŋ Juùù nyaŋ kɛɛ àŋ zoolà Dayà nyaŋ, yèè àŋ naŋ nyiŋ nyɛ̀nɛ̀ŋ aŋ kɛ̀ɛ̀nɛ̀ŋ maŋ jii fiìì wèè wo Pɔɔ̀ yèè wo Bànaŋɓà, yèè aŋ naŋ nyiŋ nimilà, e nɔ̀ŋ esaɓù aŋ nyiŋ nyìmàŋ aŋ nyiŋ gè maŋ tàta miiŋ wɔŋ fuɔɔ̀ŋ sùà.

Nyɛ̀nɛ̀ŋ 14:2

Kɛɛ aŋ Juùù nyaŋ yè nyaŋ kuwà wa e hààwe wò Kanaà Jisɛ̀ sùà nyaŋ naŋ wa nyɛ̀ŋɛ̀ŋ anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ maŋ jii fiiì wèè anyuùŋ hààwe nyàŋ.

Nyɛ̀nɛ̀ŋ 17:5

Kɛɛ aŋ Juùù nyaŋ bà nyiŋ yaà wa gììyè le koo wèè e keì lɛɛ̀, yèè àŋ naŋ gbònò anyùùŋ maŋ tùwo naanààŋ e yìwìà maŋ dòmaŋ màŋ diɛŋ wèè aŋ dàà e gbɔ̀ɔɔ yèè ke gbòà ko jawa gbeeì. Anyùùŋ nyɛɛ̀ŋ manaŋ wa aŋ hìàŋ wo Pɔɔ̀ yèè wo Silà koɓɛ̀ e faaàŋ, yèè àŋ naŋ dùɔ̀ŋ aŋ kà ko gbòò wo felaa bà àŋ nyaaŋ Jasììŋ ko kààmè wo Pɔɔ̀ yèè wo Silà, wèè aŋ fulià nyiŋ koɓɛ̀ e faaàŋ.

Nyɛ̀nɛ̀ŋ 25:27

Esaɓù kɛ̀, e jiikɛ̀ɛ gbiŋ naàŋ nɔ̀ŋ wèè ka tùàŋ wò pèesìnàŋ koɓɛ̀ wò Kànà Gbèè wɔ̀ŋ fùɔ̀ŋ anyùùŋ Luùm nyaŋ e yèɛ miŋ gòuŋ tɔɔ̀ kɛ̀ kiìŋ màŋ keì àŋ nauŋ gbùwò e ɗì.”

Nyɛ̀nɛ̀ŋ 28:24

Aŋ bà nyiŋ naŋ wa hààwè e yèɛ wo Pɔɔ̀ naŋ wa woò lɛ, e kìlà aŋ bà nyiŋ gò wa haawè kɛ̀ è tɔɔɓaa le.

Luùm 10:16

Yɛi nɔŋ è yaà koɓɛ̀ anyùùŋ nyaŋ gbiŋ nààŋ kòò àŋ hààwè kè mìè gbìàŋ Èbò Siaàŋ nyaŋ. Tɛɛ̀ naŋ wa kaaìŋ wèè e nyɛ̀nɛ̀ŋ e yèɛ wo wɛ̀ijìɔ Àzaayà naŋ wa woò lɛ e hɛɛnɛ̀ŋ. Wò naŋ woò wààŋ, “Kanaà, ɓòò naŋ wa hààwè maŋ miè gbìaŋ wi màŋ?”

Luùm 15:31

Zòòloìŋ Dayà wèè wo joeyèim e yìwìà anyuùŋ gò kɛ̀ɛ̀nɛ̀ŋ hààwe nyàŋ e fèemàŋ ko Jùdià, wèè anyùùŋ nɛɛmaŋ nyàŋ ko Jùlusɛ̀làm aŋ jàà e tòmoɛ̀ mìŋ yaà nyinie lɛ̀ kùàŋ dìì.

1 Kɔliìŋ 15:32

Kiìŋ nàŋ yaà e jìwà jɛ̀wɛ̀ mɛ̀ wèè anyìlì ɓie sùmiaŋ ko Ɛfesɔ̀? Kɛ sèè wo Dayà gò wa weè gè ànyuùŋ fàa nyàŋ è fàa dìì, kɛ̀ màànààŋ nɔŋ àŋ woà lɛ, “Tɔ̀ e jèiŋ nɛ̀ŋ, yèè e tìàiŋ nɛ̀ŋ saɓù kɛ̀ nàwèè è doiŋ nàŋ fɔ̀.”

1Tɛsè 2:18

È manaŋ wa wèè eiŋ kɛ̀ɛ̀ ko nɛ̀ɛ̀iŋ niìŋ. Miàim Pɔɔ̀, mìŋ naŋ fɛ̀ɛ̀ wèè ka hnàŋ ko nɛ̀ɛ̀iŋ niìŋ è nìàŋ sùà guùŋ pɛɛ, kɛɛ wo Sɛ̀tanàŋ gò nyimèè.

2Time 4:17

Kɛɛ wo Kanaà naim wa nɔ̀ŋ maŋjɛ̀wɛ yèè wò naim kìɛ̀ŋ e gààŋ, weètii mìŋ naŋ wa ɓɛnɛ̀ŋ wèè ka wòò ke miè gbìaàŋ gbiŋ koɓɛ̀ anyùùŋ nyaŋ gbiŋ fè àŋ Juùù nyaŋ wèè aŋ nyiŋ kòmàŋ, yèè mìŋ naŋ wa yɛ̀mɛ̀ e jòèye, aŋ gòim wa gè nyààŋ diɛŋ wèè àŋ nyàa nyaŋ aim jìwà.