2Tɛsè 3:15 - WƆŊ FƐ̀Ì EBÒ SÌÀŊ DAYÀA

¹⁵ Kɛɛ ɓɔ̀ nìŋ kùwà nyiŋ è kùwà è joo, kìɛìŋ nyiŋ e gòo mààŋ aŋ wùìya.

2Tɛsè 3:15 ပူးပေါင်းရင်းမြစ်များ

Maafiù 18:15

“Sèè wo wùìya mɔɔ̀ŋ wò jààùm e nànàŋ, kɔ̀à ko nɛ̀ɛ̀uŋ niìŋ muŋ woòuŋ niŋ. Kɛɛ nyɛnɛ̀ŋ niŋ ke gbùnuo sùà nyɛiŋ tìyèe fèemàŋ. Sèè wò kumiàŋ e yèɛ mùŋ naŋ woò lɛ, kɛ̀ wò kìlà ko nɛ̀ɛ̀ŋ muìŋ.

1 Kɔliìŋ 4:14

Miŋ fè sìnga sùà wèè kaiŋ sìà sàngè, mìŋ manaŋ wèè kaiŋ kpuumàŋ nyɛ̀iŋ nààŋ jɔ̀àim nyàŋ màànààŋ anyuùŋ kòmaŋ kpuumàŋ aŋ jɔ̀à nyiiŋ bi nyàŋ lɛ.

1 Kɔliìŋ 5:5

nìŋ kuwa naŋ gè wo felaaà wɛɛ̀ kùàŋ nauŋ fè wo Sɛ̀tanàaŋ. Wèè maŋ kèìŋ felaa wɛɛ̀ maŋ nɔ̀ŋ pɔ̀ɔ̀pɔɔ miŋ, kɛ̀ wɔŋ nyiiuŋ nɔɔ̀ŋ yɛ̀mɛ̀ e jòèye ke ɗɔɔɛ̀ wo Kanaà hnàŋ lɛ.

2 Kɔliìŋ 10:8

Sèè weè pɛɛ eiŋ kɛ̀ɛ̀ maŋ nyòngà e mààŋ nyààŋ tòloò e nyaàiŋ dè e gààaŋ wo Kanaà naŋ wi kiɛ̀ŋ wèè eiŋ nyɛ̀nɛ̀ŋ naŋ nyìngà sùà lɛ, e yèɛ e fè wèè eiŋ pɔɔpɔ̀ɔ̀ gbiŋ lɛ̀, e sàngè fèiŋ nyɛ̀nɛ̀ŋ.

2 Kɔliìŋ 13:10

Esaɓùɛ lii miŋ gòiŋ gbɛ̀ɛ̀ kɛɛ mìŋ naiŋ sìngè wɔŋ fɛi wɛɛ̀ŋ, wɔ̀ŋ yaà wèè sèè mìŋ hnàŋ miŋ go nàŋ tòòmò è gààaŋ wo Kanaà naim kiɛ̀ŋ lɛ kaiŋ fè è keì nyìnga, wò naim niŋ kiɛ̀ŋ wèè kaiŋ nyɛ̀nɛ̀ŋ naŋ nyìngà sùà kɛɛ e fè wèè kaiŋ pɔ̀ɔ̀ jɛ̀i.

Gàla 6:1

Wùìyaim nyàŋ, sèè wo nyùùŋ gbiŋ naŋ sɛ̀ɛ̀ ke gbàù maŋ kei naanààŋ sùà, nyɛ̀iŋ nyàŋ wo Jìnàŋ Nɛɛmaàŋ yaà sùà nyaŋ kɛ̀lɛɛìŋ wo nyùùŋ bi maŋjɛ̀wɛ e ɓɛ̀ɛ̀jàa sùà ke dòmàŋ tɔ̀ɔ̀nyaàaŋ diɛŋ. Kɛɛ yɛ̀mɛìŋ nyɛiŋ bi diɛŋ wèè niŋ go nàŋ sɛ̀ɛ̀ e wàà keì jùumù sùà.

1Tɛsè 5:14

È yààìŋ pɔ̀wɔ sùà, wùìya wi nyàŋ, wèè naŋ fè anyuùŋ gànga wèè tòmo nyàŋ maŋ mìè gòo, niŋ sìà aŋ yè nyaŋ e jùù naŋ bìè nyɛ̀nɛŋ nyàŋ ke di, kpùùmaìŋ anyuùŋ nyaŋ manaŋ e kpùùmaŋ nyàŋ, kùwaìŋ jii wèè nyùùŋ gbiŋ.

2Tɛsè 3:13

Kɛɛ nyɛ̀iŋ nààŋ wùìya wi nyàŋ, ɓɔ̀ nìŋ yɔkpɔ̀ wèè è keì sìàŋ nyɛ̀nɛŋ.

2Tɛsè 3:6

Nyɛ̀iŋ nààŋ wùìya wi nyàŋ, è naiŋ naaà e dèè Kana wiɔ̀ Jisɛ̀ Kulaì sùà e wèè ɓɔ̀ nìŋ gbɛ̀ɛ̀ anyuùŋ hààwe nyàŋ gbiŋ àŋ yè nyaŋ yaà wɔ̀ŋ nyiiŋ gèe fà lè kɔɔ sùà, yèè aŋ fè nyɛ̀nɛ̀ŋ mànɛ̀ŋ maŋ è naŋ nyiŋ kiɛ̀ŋ wèè nyɛ̀nɛŋ maŋ.

Taitɔ̀ 3:10

Anyuùŋ kàmè nyaàtàaŋ nyàŋ, mùŋ kiɛ̀ŋ nyiìŋ e gòo e sɔ̀ngɔ̀ sùà tìyèe maŋ gè kùàŋ e kii nyiŋ sùà.